ⴰⵙⵙ ⵡⵉⵙ ⴽⵓⵣ ⵏ ⵡⴻⴳⵔⴰⵡ ⴰⵖⴻⵍⵏⴰⵡ ⴰⵎⴻⵣⵡⴰⵔⵓ ⵏ ⵡⴰⵀⵉⵍ ⵏ ⵓⵙⵉⵙⵀⴻⵍ ⵏ ⵢⵉⵎⴹⴻⴱⴱⵔⴻⵏ ⵢⵉⵍⴻⵎⵣⵢⴻⵏ ⴷⴻⴳ ⵡⴰⵀⵔⴰⵏ, ⵉ ⵉⴼⵓⴽⴽⴻⵏ ⴰⵙⵙ-ⴰ ⵏ ⵍⵃⴻⴷ, ⵢⴻⵣⵔⴰ ⵜⵓⵙⵓⴷⴷⵙⴰ ⵏ ⵢⵉⵡⴻⵜ ⵏ ⵜⴻⴳⵔⵓⵎⵎⴰ ⵏ ⵜⵉⴳⴳⴰⵜⵉⵏ ⵏ ⵜⵎⴻⵜⵜⵉ ⵉ ⵢⴻⵙⵄⴰⵏ ⵉⵙⵡⵉ ⵏ ⵓⵙⴻⴶⵀⴻⴷ ⵏ ⵍⵃⵉⵙ ⵏ ⵓⵖⵔⵉⵎ ⴷ ⵓⵎⴰⵀⵉⵍ ⵏ ⵓⴱⵓⴷⴷⵓ (ⵠⵓⵍⵓⵏⵜⴰⵔⵉⴰⵜ) ⴳⴰⵔ ⵢⵉⵍⴻⵎⵣⵢⴻⵏ. ⴰⵢⴰⴳⵉ ⵢⴻⵍⵍⴰ-ⴷ ⵙ ⵢⵉⵎⴰⵀⵉⵍⴻⵏ ⵏ ⵡⴰⵏⵏⴰⵔ ⵉ ⴷ-ⵢⴻⵡⵡⵉⵏ ⵖⴻⴼ ⵜⴰⵡⵏⵏⴰⴹⵜ, ⵜⴰⵣⵣⵉⵜ ⴷ ⵢⵉⴷⵍⴻⵙ.
ⵜⵉⴳⴳⴰⵜⵉⵏ-ⴰⴳⵉ ⴷⴻⴳ-ⵙⴻⵏⵜ ⵢⵉⵡⴻⵜ ⵏ ⵜⵉⴳⴳⴰⵡⵜ ⵏ ⵜⵓⴽⵛⵉ ⵏ ⵢⵉⴷⴰⵎⵎⴻⵏ ⴷⴻⴳ ⵜⴰⴷⴷⴰⵔⵜ ⵏ ⵢⵉⵍⵍⴻⵍ ⴰⴳⵔⴰⴽⴰⵍ ⴷⴻⴳ ⴱⴻⵍⵇⴰⵢⴻⴷ, ⵙ ⵓⵜⴻⴽⴽⵉ ⵏ 50 ⵏ ⵢⵉⵍⴻⵎⵣⵢⴻⵏ, ⴰⵏⵉⴷⴰ ⵉ ⵜⵜⵓⵙⴱⴻⴷⴷⴻⵏⵜ ⵙⵏⴰⵜ ⵏ ⵜⵃⴰⴼⵉⵍⵉⵏ ⵉ ⵡⴰⵏⵏⴻⵛⵜ-ⴰ ⵙ ⵓⵎⵙⴰⵙⴻⵢ ⴷ ⵡⴰⵎⵎⴰⵙ ⵏ ⵙⴱⵉⵜⴰⵔ ⵏ ⵜⴻⵙⴷⴰⵡⵉⵜ ⵏ ⵡⴰⵀⵔⴰⵏ.
ⴷⴰⵖⴻⵏ, ⵡⵉⴷ ⵉ ⴷ-ⵢⴻⵙⵙⵓⴷⴷⵙⴻⵏ ⴰⵀⵉⵍ-ⴰⴳⵉ ⵅⴻⴷⵎⴻⵏ ⵜⵉⴳⴳⴰⵡⵜ ⵏ ⵓⵙⵉⵣⴷⴻⴳ ⴷⴻⴳ ⵜⴻⴼⵜⵉⵙⵜ ⵏ ⵄⵉⵏ ⴼⵔⴰⵏⵉⵏ, ⵙ ⵓⵜⴻⴽⴽⵉ ⵏ 150 ⵏ ⵢⵉⵍⴻⵎⵣⵢⴻⵏ ⵉ ⵢⴻⴱⴹⴰⵏ ⴷ ⵜⴰⵔⴱⴰⵄⵉⵏ, ⴰⵢⴰⴳⵉ ⵙ ⵓⵎⵙⴰⵙⴻⵢ ⴷ ⵢⵉⵎⴻⵥⵍⴰ ⵏ ⵜⵖⵉⵡⴰⵏⵜ ⵏ ⵡⴰⵀⵔⴰⵏ, ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵃⵔⴰⵣ ⵏ ⵙⵙⵢⵉⴼⴰ ⵏ ⵢⵉⵔⵉ ⵏ ⵢⵉⵍⵍⴻⵍ ⴷ ⵓⵙⴰⵍⵉ ⵏ ⵍⵃⵉⵙ ⵏ ⵜⴰⵡⵏⵏⴰⴹⵜ. ⵔⵏⵉ-ⴷ ⵖⴻⵔ ⵡⴰⵏⵏⴻⵛⵜ-ⴰ ⵢⵉⵡⴻⵜ ⵏ ⵜⵉⴳⴳⴰⵡⵜ ⵏ ⵓⵥⵓ ⵏ ⵜⴻⵙⴻⵟⵡⴰ (ⵔⴻⴼⵓⵔⴻⵙⵜⴰⵜⵉⵓⵏ) ⴷⴻⴳ ⵜⴻⵥⴳⵉ ⵏ ⵙⵉⴷⵉ ⵍⴱⴻⵛⵉⵔ, ⵙ ⵓⵜⴻⴽⴽⵉ ⵏ 200 ⵏ ⵢⵉⵍⴻⵎⵣⵢⴻⵏ, ⵙ ⵓⵎⵙⴰⵙⴻⵢ ⴷ ⵜⵎⵓⵀⴰⵡⵜ ⵏ ⵜⴻⵥⴳⵉⵡⵉⵏ ⵏ ⵜⵡⵉⵍⴰⵢⵜ ⵏ ⵡⴰⵀⵔⴰⵏ.
ⵓⵔⵜⵉ ⵏ "ⵜⵉⵍⴻⵍⵍⵉ" ⵢⴻⵔⴽⴻⴱ ⵢⵉⵡⴻⵜ ⵏ ⵜⵉⴳⴳⴰⵡⵜ ⵜⴰⴷⴻⵍⵙⴰⵏⵜ ⵉ ⴷⴻⴳ ⵍⵍⴰⵏ ⵢⵉⴹⴻⴱⵙⵉⵢⴻⵏ ⵏ ⵜⵀⵓⵔⵉ ⵜⴰⵎⴻⵣⴷⴰⵢⵜ ⵙ ⵓⵜⴻⴽⴽⵉ ⵏ 50 ⵏ ⵢⵉⵍⴻⵎⵣⵢⴻⵏ, ⴰⵏⵉⴷⴰ ⵉ ⴷ-ⵉⵀⴻⵢⵢⴰⵏ ⵢⵉⵡⴻⵜ ⵏ ⵜⴻⵎⴽⴰⵔⴹⵉⵜ ⵏ ⵓⴱⵔⵉⴷ ⵉ ⴷⴻⴳ ⵍⵍⴰⵏ ⵡⴰⵟⴰⵙ ⵏ ⵢⵉⴷ ⵍⵉⵙⴻⵏ, ⵙ ⵓⵇⴻⵔⴷⴻⵛ ⵏ ⵜⴻⵎⵙⴰⵍ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵙⴷⴻⴳⴳⴻⵔ ⵏ ⵜⵖⵓⵔⵉ ⴷ ⵓⵎⵓⴱⴱⴰⴷⴷⴻⵍ ⵏ ⵜⵎⵓⵙⵏⵉⵡⵉⵏ.
ⴷⴻⴳ ⵢⵉⵡⴻⵜ ⵏ ⵍⵡⴻⵇⵜ, ⵜⴻⵍⵍⴰ-ⴷ ⵢⵉⵡⴻⵜ ⵏ ⵜⵉⴳⴳⴰⵡⵜ ⵏ ⵓⵙⵙⴻⵜⴼⴻⵀⵎ ⴷⴻⴳ ⵓⵏⵔⴰⵔ ⵏ ⵜⴻⵎⴽⴰⵔⴹⵉⵜ ⵏ ⵜⵎⴻⵏⵏⴰⵟ ⵖⴻⴼ ⵢⵉⵎⵉⵀⵉⵢⴻⵏ ⵏ ⵙⵙⴻⵎ (ⴷⵔⵓⴳⵙ) ⵙ ⵓⵜⴻⴽⴽⵉ ⵏ 50 ⵏ ⵢⵉⵍⴻⵎⵣⵢⴻⵏ.
ⵜⵉⴳⴳⴰⵜⵉⵏ-ⴰⴳⵉ ⵃⴻⵎⵎⵍⴻⵏ-ⵜⴻⵏⵜ ⵢⵉⵎⵜⴻⴽⴽⵉⵢⴻⵏ, ⵉ ⴷ-ⵢⴻⵏⵏⴰⵏ ⴱⴻⵍⵍⵉ ⵉⵎⴰⵀⵉⵍⴻⵏ-ⴰⴳⵉ ⵎⵍⴻⵏ-ⴷ ⵍⵃⵉⵙ ⵏ ⵢⵉⵍⴻⵎⵣⵢⴻⵏ ⵙ ⵓⵎⴰⵀⵉⵍ-ⵏⵙⴻⵏ ⵉ ⵏⴼⴰⵄ ⵏ ⵜⵎⴻⵜⵜⵉ, ⵓ ⴱⴻⴳⴳⵏⴻⵏ-ⴷ ⵜⴰⵣⵎⴻⵔⵜ-ⵏⵙⴻⵏ ⵉⵡⴰⴽⴽⴻⵏ ⴰⴷ ⴷ-ⵜⴻⴽⴽⵉⵏ ⵙ ⵍⴶⴻⵀⴷ ⴷⴻⴳ ⵓⵙⵏⴻⴼⵍⵉ ⵏ ⵜⵎⵓⵔⵜ.
ⵜⵓⵙⵓⴷⴷⵙⴰ ⵏ ⵜⵉⴳⴳⴰⵜⵉⵏ-ⴰⴳⵉ ⵜⵓⵙⴰ-ⴷ ⴷⴻⴳ ⵓⴱⵔⵉⴷ ⵏ ⵓⵙⴻⵍⴽⴻⵎ ⵏ ⵢⵉⵙⵡⵉⵢⴻⵏ ⵏ ⵡⴰⵀⵉⵍ ⵏ ⵓⵙⵉⵙⵀⴻⵍ ⵏ ⵢⵉⵎⴹⴻⴱⴱⵔⴻⵏ ⵢⵉⵍⴻⵎⵣⵢⴻⵏ, ⵉ ⵢⴻⴱⵖⴰⵏ ⴰⴷ ⵄⵉⵡⵏⴻⵏ ⵡⵉⴷ ⵙⴻⵄⴰⵏ ⵉⵙⴻⵏⴼⴰⵔⴻⵏ ⵓ ⴰⴷ ⵙⴻⴶⵀⴷⴻⵏ ⵜⵣⴻⵎⵎⴰⵔ-ⵏⵙⴻⵏ ⵉⵡⴰⴽⴽⴻⵏ ⴰⴷ ⴷ-ⵜⴻⴼⴼⴻⵢ ⵜⵙⵓⵜⴰ ⵉⵃⴻⵔⵔⵛⴻⵏ ⵉ ⵏⴼⴰⵄ ⵏ ⵜⵎⵓⵔⵜ.
ⴰⵔⵏⵓ ⵖⴻⵔ
