ⴰⵙⵉⵔⴻⵎ ⵏ ⵜⴻⵙⵏⵉⴳⵏⴻⵡⵜ ⵏ ⵓⵡⴰⵏⴰⴽ (ONM) ⵉⵄⴻⴳⴳⴻⵏ-ⴷ ⴷⴻⴳ ⵢⵉⵡⴻⵏ ⵏ ⵓⵙⵉⵡⴹ, ⴰⵙⵙ-ⴰ ⵏ ⵍⴰⵔⴻⴱⴻⵄ, ⵖⴻⴼ ⵓⴳⴻⴼⴼⵓⵔ ⴷ ⵔⵔⴻⵄⴷ ⵉⵊⴻⵀⴷⴻⵏ ⴷ ⵡⴰⴹⵓ ⵇⴻⵙⵙⵉⵃⴻⵏ ⴰⵔⴰ ⴷ-ⵢⵉⵍⵉⵏ ⴷⴻⴳ ⵡⴰⵟⴰⵙ ⵏ ⵜⵡⵉⵍⴰⵢⵉⵏ ⵏ ⵜⵎⵓⵔⵜ.
ⴰⵙⵉⵡⴹ-ⴰⴳⵉ ⵉ ⴷ-ⵢⵓⵙⴰⵏ ⵙ ⵙⵙⵢⵉⴼⴰ ⵏ "ⵓⵎⵉⵣⵡⴻⵔ ⴰⵎⴻⵍⵍⴰⵍ" (ⴰⵙⵡⵉⵔ ⵡⵉⵙ ⵙⵉⵏ), ⵢⴻⵏⵏⴰ-ⴷ ⴱⴻⵍⵍⵉ ⵍⵇⴻⴷⴷ ⵏ ⵓⴳⴻⴼⴼⵓⵔ ⴰⴷ ⵢⴰⵡⴻⴹ ⴳⴰⵔ 20 ⴷ 40 ⵏ ⵎⵎⵍ, ⵢⴻⵣⵎⴻⵔ ⴰⴷ ⵢⴰⵡⴻⴹ ⴰⵔⵎⵉ ⴷ 50 ⵏ ⵎⵎⵍ. ⴰⵢⴰⴳⵉ ⴰⴷ ⵢⴻⴱⴷⵓ ⵙⴻⴳ ⵜⵉⵣⴻⴽⵏⵉⵏ (ⵜⴰⵍⴻⵎⵎⴰⵙⵜ ⵏ ⵡⴰⵙⵙ) ⵏ ⵡⴰⵙⵙ-ⴰ ⵏ ⵍⴰⵔⴻⴱⴻⵄ ⴰⵔⵎⵉ ⴷ ⵜⵉⵣⴻⴽⵏⵉⵏ ⵏ ⵡⴰⵙⵙ ⵏ ⵍⴻⵅⵎⵉⵙ, ⴷⴻⴳ ⵙⵏⴰⵜ ⵏ ⵜⵡⵉⵍⴰⵢⵉⵏ-ⴰⴳⵉ: ⴱⵏⵉ ⵄⴻⴱⴱⴰⵙ ⴷ ⵜⵉⵏⴷⵓⴼ.
ⴰⵙⵉⵡⴹ-ⵏⵏⵉⴹⴻⵏ ⵏ ⵜⴻⵙⵏⵉⴳⵏⴻⵡⵜ ⵉⵀⴻⴷⴷⴻⵔ-ⴷ ⴷⴰⵖⴻⵏ ⵖⴻⴼ ⵓⴳⴻⴼⴼⵓⵔ ⴷ ⵔⵔⴻⵄⴷ ⴰⵔⴰ ⴷ-ⵢⴻⵖⵍⵉⵏ ⵙ ⵍⵇⴻⴷⴷ ⴳⴰⵔ 20 ⴷ 30 ⵏ ⵎⵎⵍ, ⵢⴻⵣⵎⴻⵔ ⴰⴷ ⵢⴰⵡⴻⴹ ⴰⵔⵎⵉ ⴷ 40 ⵏ ⵎⵎⵍ, ⴷⴻⴳ ⵜⵡⵉⵍⴰⵢⵉⵏ ⵏ: ⴰⴷⵔⴰⵔ, ⴱⴻⵛⵛⴰⵔ, ⴷ ⴱⵓⵔⴶ ⴱⴰⴶⵉ ⵎⵓⵅⵜⴰⵔ. ⴰⵢⴰⴳⵉ ⴰⴷ ⵉⴷⵓⵎ ⴰⵔⵎⵉ ⴷ ⵙⵙⴻⵜⵜⴰ ⵏ ⵜⵎⴻⴷⴷⵉⵜ (18ⵀ00).
ⵙⴻⴳ ⵜⴰⵎⴰ ⵏⵏⵉⴹⴻⵏ, ⴰⵙⵉⵔⴻⵎ ⵏ ⵜⴻⵙⵏⵉⴳⵏⴻⵡⵜ ⵉⵄⴻⴳⴳⴻⵏ-ⴷ ⵖⴻⴼ ⵡⴰⴹⵓ ⵉⵊⴻⵀⴷⴻⵏ ⴷ ⵓⵖⴻⴱⴱⴰⵔ ⵏ ⵔⵔⵎⴻⵍ ⵙⴻⴳ ⵜⵉⵣⴻⴽⵏⵉⵏ ⵏ ⵡⴰⵙⵙ-ⴰ ⴰⵔⵎⵉ ⴷ ⵜⵜⵏⴰⵚⴼⴰ ⵏ ⵍⵍⵉⴹ, ⴷⴻⴳ ⵜⵡⵉⵍⴰⵢⵉⵏ-ⴰⴳⵉ: ⵜⴰⵎⴻⵏⵖⴰⵙⵜ, ⴱⵓⵔⴶ ⴱⴰⴶⵉ ⵎⵓⵅⵜⴰⵔ ⴷ ⵉⵏ ⴳⴻⵣⵣⴰⵎ.
ⴰⵔⵏⵓ ⵖⴻⵔ
