ⴰⵙⴻⵍⵡⴰⵢ ⵏ ⵜⴳⴷⵓⴷⴰ, ⵎⴰⵙ ⵄⴰⴱⴷⴻⵍⵎⴰⵊⵉⴷ ⵜⴻⴱⴱⵓⵏ, ⵢⴻⵏⵏⴰ-ⴷ ⴱⴻⵍⵍⵉ ⴰⴱⵔⵉⴷ ⵏ ⵍⵎⴰⵄⴷⴻⵏ ⵏ ⵓⵜⴰⵔⴰⵎ (ⴳⴰⵔⴰ ⵊⴱⵉⵍⴰⵜ - ⵜⴻⵏⴷⵓⴼ - ⴱⴻⵛⵛⴰⵔ), ⴷ ⴰⵙⴻⵏⴼⴰⵔ ⴰⵏⴰⵎⵓⵔ ⴰⵎⴻⵇⵇⵔⴰⵏ ⵉ ⵢⴻⵜⵜⵏⴰⴷⵉⵏ ⴰⴷ ⵢⴻⵙⴼⴰⵢⴻⴷ ⵙⴳ ⵍⵅⵉⵔⴰⵜ ⵏ ⵍⵎⴰⵄⴷⴻⵏ ⵉ ⵜⴻⵙⵄⴰ ⵜⵎⵓⵔⵜ.
ⴷⴻⴳ ⵓⵎⵙⴰⵡⴰⵍ-ⵉⵙ ⴰⵎⴰⴳⵏⵓ ⴰⴽⴽⴻⴷ ⵜⵓⵖⵎⵉⵙⵉⵏ ⵜⵉⵏⴰⵎⵓⵔⵉⵏ, ⴰⵙⴻⵍⵡⴰⵢ ⵢⴻⵙⵙⴻⴼⵔⴰ-ⴷ ⴱⴻⵍⵍⵉ ⴰⴱⵔⵉⴷ-ⴰ ⵏ ⵓⴼⵓⵙ ⵏ ⵓⵣⵣⴰⵍ ⴳⴰⵔ ⴳⴰⵔⴰ ⵊⴱⵉⵍⴰⵜ, ⵜⴻⵏⴷⵓⴼ ⴷ ⴱⴻⵛⵛⴰⵔ "ⴷ ⵜⴰⵣⵡⴰⵔⴰ ⴽⴰⵏ ⵏ ⵢⵉⵡⴻⵏ ⵓⵙⴻⵏⴼⴰⵔ ⴰⵏⴰⵎⵓⵔ ⴰⵎⴻⵇⵇⵔⴰⵏ ⵉ ⵓⵙⴼⴰⵢⴻⴷ ⵙⴳ ⵍⵅⵉⵔⴰⵜ ⵏ ⵜⵎⵓⵔⵜ", ⵢⴻⵔⵏⴰ ⴷ "ⵜⴰⴳⴰⵡⵜ ⵜⴰⵎⴻⵣⵡⵓⵔⵓⵜ ⵉⵡⴰⴽⴽⴻⵏ ⵜⴰⵎⵓⵔⵜ ⴰⴷ ⵜⵓⵖⴰⵍ ⴷ ⵜⴰⴷⵡⵉⵍⵜ ⵜⴰⵏⴻⴼⵍⴰⵢⵜ.
ⴰⵙⴻⵍⵡⴰⵢ ⵏ ⵜⴳⴷⵓⴷⴰ ⵢⴻⵏⵏⴰ-ⴷ ⴱⴻⵍⵍⵉ ⵢⴻⴼⵔⴻⵃ ⴰⵟⴰⵙ ⵉⵎⵉ ⴰⴱⵔⵉⴷ-ⴰ ⵢⴻⵜⵜⵡⴰⴳⴰ ⵙ ⵜⵣⵎⴻⵔⵜ ⵏ ⵡⴰⵣⵣⴰⵢⵔⵉⵢⴻⵏ ⴷⴻⴳ ⵡⴰⴽⵓⴷ ⴰⵡⴻⵣⵍⴰⵏ ⵉⴼⴰⵣⴻⵏ, ⴰⵢⴰ ⵢⴻⵙⵙⴻⴽⵏ-ⵉⴷ ⴷⴻⴳ ⵓⴼⴻⵔⵙ ⴱⴻⵍⵍⵉ ⵍⵣⵣⴰⵢⵔ "ⴷ ⵜⴰⵎⵓⵔⵜ ⵏ ⵍⵎⵓⵄⵊⵉⵣⴰⵜ".
ⵢⴻⵏⵏⴰ-ⴷ ⴰⵢⴰ ⵖⴰⵙ ⵓⵍⴰ ⵎⴰ ⵍⵍⴰⵏ ⵡⵉⴷ ⵢⴻⵜⵜⵏⴰⴷⵉⵏ ⴰⴷ ⵙⴽⵓⴽⵔⴻⵏ ⴷⵉ ⵜⵉⴽⵍⵉ ⵏ ⵍⴱⴻⵏⵢⴰⵏ ⴰⵏⴰⵎⵓⵔ. ⵢⴻⵔⵏⴰ-ⴷ ⵎⴰⵙ ⴰⵙⴻⵍⵡⴰⵢ ⴱⴻⵍⵍⵉ ⴰⵙⴻⵏⴼⴰⵔ-ⴰ ⵢⴻⵙⵙⴻⴽⵏ-ⵉⴷ ⴱⴻⵍⵍⵉ "ⵉⵔⴳⴰⵣⴻⵏ ⵏ ⵍⵣⵣⴰⵢⵔ ⴰⵇⵍ-ⵉⵜⴻⵏ ⴱⴻⴷⴷⴻⵏ ⵖⴰⵙ ⵓⵍⴰ ⵎⴰ ⵍⵍⴰⵏ ⵡⵉⵢⴰⴹ ⵉ ⵢⴻⵖⵍⵉⵏ".
ⴰⵔⵏⵓ ⵖⴻⵔ
