ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⴳⴳⴰ ⵓⵎⵛⵉⵡⴰⵔ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵢⴻⵔⵣⴰⵏ ⴰⵙⴻⴳⴳⴻⵎ, ⴰⵙⵍⵎⴻⴷ ⵓⵏⵏⵉⴳ, ⴰⵙⵉⵍⴻⵯ ⴷ ⵜⵢⴻⵙⵙⴰ, ⵎⴰⵙⵙ ⵏⴰⵚⵔⴻⴷⴷⵉⵏ ⴱⴻⵏ ⵟⵟⴰⵢⴼⵓⵔ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ ⴷⴻⴳ ⵡⴰⵙⵉⵔⴰ ⵏ ⵜⵙⵏⴻⴱⴹⴰⵢⵜ ⵜⴰⵎⴻⵏⵜⴻⵇⵜ, ⵢⵉⵡⴻⵏ ⵓⵙⴰⵔⴰⴳ ⵖⴻⴼ ⵓⵙⴻⵏⵜⴻⵍ "ⴰⴱⵔⵉⴷ ⵏ ⵍⵇⴰⵏⵓⵏ ⵉ ⵓⴱⴻⴷⴷⴻⵍ ⵏ ⵍⵎⴻⵏⵜⴻⵇ ⴷⴻⴳ ⵍⵣⵣⴰⵢⴻⵔ". ⴰⵢⴰ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵜⵙⵏⴻⴱⴹⴰⵢⵜ.
ⴷⴻⴳ ⵜⵉⵎⵍⵉⵍⵉⵜ-ⴰⴳⵉ ⵉ ⴷ-ⵢⴻⵍⵍⴰⵏ ⵙ ⵓⵃⴰⴷⴰⵔ ⵏ ⵜⵎⵙⴻⵍⵡⴰⵢⵜ ⵏ ⵜⵙⵏⴻⴱⴹⴰⵢⵜ, ⵎⴰⵙⵙⴰ ⵍⴰⵢⵍⴰ ⵄⴻⵙⵍⴰⵡⵉ, ⵎⴰⵙⵙ ⴱⴻⵏ ⵟⵟⴰⵢⴼⵓⵔ ⵢⴻⵙⵙⵉⵡⴻⵍ ⵖⴻⴼ ⵎⴰⵕⵕⴰ ⵢⵉⵃⵔⵉⵛⴻⵏ ⵏ ⵍⵇⴰⵏⵓⵏ ⴷ ⵍⵎⴻⵏⵜⴻⵇ ⵢⴻⵔⵣⴰⵏ ⵉⵙⵓⵔⴰ ⵏ ⵓⴱⴻⴷⴷⴻⵍ ⵏ ⵍⵇⴰⵏⵓⵏ ⴰⵎⴻⵇⵇⵔⴰⵏ ⴷⴻⴳ ⵜⵎⵓⵔⵜ. ⵢⴻⵙⴼⴻⵔⵔⴻⵯ-ⴷ ⵉⵙⵓⵔⴰ ⵢⴻⵍⵍⴰⵏ ⴷⴻⴳ ⵢⵉⴹⵔⵉⵙⴻⵏ ⵏ ⵍⵣⵣⴰⵢⴻⵔ ⴷ ⵓⵃⴰⴷⴰⵔ ⵏ ⵜⵉⵔⵉⵛⵉⵏ ⵜⵉⵖⴻⵍⵏⴰⵡⵜ ⴷ ⵢⵉⵍⵓⴳⴰⵏ ⵉⵙⴰⵙⵉⵢⴻⵏ ⵉ ⵓⵔ ⵏⴻⵣⵎⵉⵔ ⴰⴷ ⵏⴱⴻⴷⴷⴻⵍ.
ⴷⴻⴳ ⵓⵙⴰⵔⴰⴳ-ⴰⴳⵉ, ⵃⴻⴹⵔⴻⵏ ⵢⵉⵙⴻⵍⵎⴰⴷⴻⵏ ⵏ ⵍⵇⴰⵏⵓⵏ ⴰⵎⴻⵏⵜⴻⵇ ⴷ ⵢⵉⵏⴻⵍⵎⴰⴷⴻⵏ ⵏ ⵜⵏⴻⵎⵎⴻⵍ ⵜⵓⵏⵏⵉⴳⵜ ⵏ ⵍⵃⴻⵇⵇ, ⵜⴰⵙⴻⴷⴷⴰⵡⵉⵜ ⵏ ⵍⵇⴰⵏⵓⵏ, ⵜⴰⵏⴻⵎⵎⴻⵍ ⵜⴰⵖⴻⵍⵏⴰⵡⵜ ⵏ ⵜⵏⴻⴱⴷⴰⴷⵜ ⴷ ⵜⵏⴻⵎⵎⴻⵍ ⵜⵓⵏⵏⵉⴳⵜ ⵏ ⵜⵓⵙⵏⵉⵡⵉⵏ ⵏ ⵙⵙⵢⴰⵙⴰ.
ⵡⴰⵍⵖⵓ ⵏ ⵜⵙⵏⴻⴱⴹⴰⵢⵜ ⵢⴻⵏⵏⴰ-ⴷ ⴱⴻⵍⵍⵉ ⴰⵃⴰⴷⴰⵔ ⵏ ⵢⵉⵏⴻⵍⵎⴰⴷⴻⵏ-ⴰⴳⵉ ⵢⴻⴼⴽⴰ ⵢⵉⵡⴻⵜ ⵏ ⵜⵎⵓⵖⵍⵉ ⵓⵙⵙⵏⴰⵏⵜ ⵉ ⵜⵎⵍⵉⵍⵉⵜ. ⴰⵢⴰ ⵢⴻⵙⴽⴰⵏⴰⵢ-ⴷ ⴱⴻⵍⵍⵉ ⵜⴰⵙⵏⴻⴱⴹⴰⵢⵜ ⵜⴰⵎⴻⵏⵜⴻⵇⵜ ⵜⴻⴱⵯⴰ ⴰⴷ ⵜⴻⵍⴷⵉ ⵜⵉⴱⴱⵓⵔⴰ-ⵉⵙ ⵉ ⵜⵎⴻⵔⵙⴻⵍⵉⵏ ⵏ ⵓⵍⵎⵎⵓⴷ ⴷ ⵓⵙⵉⵍⴻⵯ, ⵉ ⵡⴰⴽⴽⴻⵏ ⴰⴷ ⴼⴽⴻⵏ ⵜⴰⴳⵏⵉⵜ ⵉ ⵢⵉⵍⵎⴻⵣⵢⴻⵏ ⴰⴷ ⵡⵉⵙⴻⵏ ⵉⵙⵓⵔⴰ ⵏ ⵍⵇⴰⵏⵓⵏ ⴷ ⵡⴰⵎⴻⴽ ⵢⴻⵜⵜⵓⵙⴻⴳⴳⴻⵎ ⵍⵎⴻⵏⵜⴻⵇ ⴷⴻⴳ ⵍⵣⵣⴰⵢⴻⵔ.
ⵜⴰⴳⴳⴰⵔⴰ, ⵜⵉⵎⵍⵉⵍⵉⵜ-ⴰⴳⵉ ⵜⴻⵣⵔⴰ ⵢⵉⵡⴻⵏ ⵓⵎⵛⵉⵡⴰⵔ ⵉⵊⴻⵀⴷⴻⵏ ⵉ ⵢⴻⵊⵊⴰⵏ ⵢⵉⵎⴻⵙⴽⴰⵔⴻⵏ ⴰⴷ ⵙⵙⴻⴳⴳⵎⴻⵏ ⵜⵉⵎⵓⵙⵏⵉⵡⵉⵏ-ⵏⵙⴻⵏ ⵢⴻⵔⵏⴰ ⴰⴷ ⵙⵊⴻⵀⴷⴻⵏ ⵜⴰⵢⴻⵙⵙⴰ ⵏ ⵍⵇⴰⵏⵓⵏ ⴷ ⵓⵇⴰⴷⴻⵔ ⵏ ⵍⵎⴻⵏⵜⴻⵇ ⴷⴻⴳ ⵜⵎⵓⵔⵜ.
ⴰⵔⵏⵓ ⵖⴻⵔ
