ⵜⴻⵡⵡⵉ ⵜⵏⴻⴼⵡⴰⵢⵜ (ⴱⵓⵅⴻⵓⵙⴻ) ⵜⴰⵣⵣⴰⵢⵔⵉⵜ ⵎⴰⵏⵙⵓⵓⵔⵉ ⴼⴰⵜⵉⵀⴰ (-51 ⴽⴳ) ⵜⴰⵎⵉⴷⴰⵍⵜ ⵏ ⴷⴷⵀⴻⴱ ⴷⴻⴳ ⵜⴻⵎⵍⵉⵍⵉⵜ ⵜⴰⴳⵔⴰⵖⵍⴰⵏⵜ "ⴰⴱⵔⵉⴷ ⵏ ⵍⴻⵃⵔⵉⵔ" (ⵙⵉⵍⴽ ⵔⵓⴰⴷ) ⵉ ⴷ-ⵢⴻⵍⵍⴰⵏ ⴷⴻⴳ ⴱⴰⴽⵓ, ⵜⴰⵎⴰⵏⴰⵖⵜ ⵏ ⴰⵣⴻⵔⴱⴰⵉⵊⴰⵏ. ⴰⵢⴰⴳⵉ ⵙⴻⵍⴷ ⵎⵉ ⵜⴻⵔⵏⴰ ⴷⴻⴳ ⵜⴰⴳⴳⴰⵔⴰ ⵜⴰⴽⴰⵣⴰⵅⵉⵜ ⵔⴰⴽⵀⵉⵎⴱⴻⵔⴷⵉ ⵊⵀⴰⵏⵙⴰⵢⴰ ⵙ ⵓⵙⵙⴻⴳⴻⵎ ⵏ (3-2), ⴰⴽⴽⴻⵏ ⵉ ⴷ-ⵜⴻⵄⵍⴻⵏ ⴰⵙⵙ-ⴰ ⵏ ⵍⴻⵜⵏⵉⵢⴻⵏ ⵜⴰⴷⵓⴽⵍⴰ ⵜⴰⵣⵣⴰⵢⵔⵉⵜ ⵏ ⵓⴱⵓⴽⴽⵉⵙ.
ⴰⵔⵔⴰⵣ-ⴰⴳⵉ ⵢⵓⵙⴰ-ⴷ ⵉⵡⴰⴽⴽⴻⵏ ⴰⴷ ⵢⴻⵙⴼⴻⴳⴳⴻⵔ ⵓⵜⴻⴽⴽⵉ ⵏ ⵜⴻⵔⴱⴰⵄⵜ ⵜⴰⵖⴻⵍⵏⴰⵡⵜ ⵜⴰⵣⵣⴰⵢⵔⵉⵜ ⴷⴻⴳ ⵓⵎⵣⵉⵣⵡⴻⵔ-ⴰⴳⵉ ⴰⴳⵔⴻⵖⵍⴰⵏ, ⵉ ⵉⵜⴻⴷⴷⵓⵏ ⵙⴻⴳ 2 ⵖⴻⵔ 8 ⵢⴻⴱⵔⵉⵔ, ⵙⴻⵍⴷ ⵢⵉⵡⴻⵏ ⵏ ⵓⵎⵣⴰⵔⴰⴳ (ⵙⵜⴰⴳⴻ) ⵏ ⵓⵀⴻⴳⴳⵉ ⴰⵎⴻⵣⴷⴰⵢ ⴷ ⵜⴻⵔⴱⴰⵄⵜ ⵏ ⴷⵉⵏⵏⴰ. ⵜⴰⵔⴱⴰⵄⵜ ⵏ ⵍⴻⵣⵣⴰⵢⴻⵔ (ⵉⵔⴳⴰⵣⴻⵏ ⴷ ⵜⵍⴰⵡⵉⵏ) ⵜⵕⵓⵃ ⵖⴻⵔ ⴱⴰⴽⵓ ⴷⴻⴳ ⵜⴰⴳⴳⴰⵔⴰ ⵏ ⵎⴻⵖⵔⴻⵙ ⵉⵡⴰⴽⴽⴻⵏ ⴰⴷ ⵜⴻⵅⴷⴻⵎ ⴰⵎⵣⴰⵔⴰⴳ ⵙⴻⴳ 26 ⵎⴻⵖⵔⴻⵙ ⵖⴻⵔ 1 ⵢⴻⴱⵔⵉⵔ, ⴷⴻⴳ ⵓⴱⵔⵉⴷ ⵏ ⵓⵀⴻⴳⴳⵉ ⵉ ⴷ-ⵜⴻⵙⵙⴻⵔⵔⴻⵙ ⵜⴰⴷⵓⴽⵍⴰ ⵜⴰⵣⵣⴰⵢ ⵏ ⵓⴱⵓⴽⴽⵉⵙ.
ⴰⵎⵣⴰⵔⴰⴳ-ⴰⴳⵉ ⵢⴻⵍⵍⴰ-ⴷ ⵙ ⵜⵎⵓⵖⵍⵉⵡⵉⵏ ⵏ ⵓⵙⵉⵍⴻⵖ ⴰⵎⴻⵣⴷⴰⵢ ⵉ ⵢⵉⵙⵏⴻⴼⵍⵉ ⵏ ⵜⵣⴻⵎⵎⴰⵔ ⵜⴰⵜⵉⴽⵏⵉⴽⵉⵏ ⴷ ⵜⵉⴷ ⵏ ⵍⴶⴻⵜ ⵏ ⵢⵉⵎⴱⵓⴽⴽⵉⵙⴻⵏ ⵉ ⵢⵉⴽⴰⵢⴰⴷⴻⵏ ⵉⴳⵔⴰⵖⵍⴰⵏⴻⵏ ⵉ ⴷ-ⵉⵜⵜⴻⴷⴷⵓⵏ. ⵓⵜⴻⴽⴽⵉ ⵏ ⵜⴻⵔⴱⴰⵄⵜ ⵜⴰⵖⴻⵍⵏⴰⵡⵜ ⴷⴻⴳ ⵜⴻⵎⵍⵉⵍⵉⵜ-ⴰⴳⵉ ⴷ ⵜⴰⵍⵍⵉⵜ ⵉⵕⴻⵙⵙⴰⵏ ⵉ ⵓⵙⴰⵜⵉⴳ ⵏ ⵓⵙⵡⵉⵔ ⵏ ⵢⵉⵎⴱⵓⴽⴽⵉⵙⴻⵏ ⵍⴻⵣⵣⴰⵢⵔⵉⵢⴻⵏ ⵣⴷⴰⵜ ⵏ ⵢⵉⵎⵣⵉⵣⵡⴻⵔ ⵉⴶⴻⵀⴷⴻⵏ, ⵓ ⵉ ⵓⵙⴻⴶⵀⴻⴷ ⵏ ⵜⵎⵓⵖⵍⵉ-ⵏⵙⴻⵏ ⴷⴻⴳ ⵓⵏⵏⴰⵔ ⴰⴳⵔⴻⵖⵍⴰⵏ.
ⵜⴰⵎⵉⴷⴰⵍⵜ ⵏ ⴷⴷⵀⴻⴱ ⵉ ⵜⴻⵡⵡⵉ ⵎⴰⵏⵙⵓⵓⵔⵉ ⴼⴰⵜⵉⵀⴰ ⵜⴻⵙⵙⴻⴽⵏⴰⴷ ⴰⵙⵏⴻⴼⵍⵉ ⵉ ⴷ-ⵢⵓⵔⴰⵏ ⴷⴻⴳ ⵜⴱⵓⴽⴽⵉⵜ ⵏ ⵜⵍⴰⵡⵉⵏ ⴷⴻⴳ ⵍⴻⵣⵣⴰⵢⴻⵔ, ⴰⵎ ⴰⴽⴽⴻⵏ ⵉ ⴷ-ⵢⴻⵎⵎⴰⵍ ⵍⵎⴻⴶⵀⵓⴷⴰⵜ ⵏ ⵜⵓⴷⴷⵙⴰ ⵜⴰⵖⴻⵍⵏⴰⵡⵜ ⵉ ⵓⵟⵎⴰⵏ ⵏ ⵜⴻⴳⵏⴰⵜⵉⵏ ⵢⴻⵍⵀⴰⵏ ⵉ ⵓⵀⴻⴳⴳⵉ ⵏ ⵢⵉⵎⵓⵔⴰⵔ (ⴰⵜⵀⵍèⵜⴻⵙ).
ⵜⴰⵔⴱⴰⵄⵜ ⵏ ⵍⴻⵣⵣⴰⵢⴻⵔ ⴷⴻⴳ-ⵙ ⵜⴰⵎ (8) ⵏ ⵢⵉⵎⴱⵓⴽⴽⵉⵙⴻⵏ ⴷ ⴽⵓⵣ (4) ⵏ ⵜⵏⴻⴼⵡⴰⵢⵉⵏ, ⵙ ⴷⴷⴰⵡ ⵏ ⵜⵎⵓⵖⵍⵉ ⵏ ⵓⵙⵉⵍⴻⵖ ⵏ ⵓⵇⴻⵔⵔⵓ ⵅⴰⵍⴻⴷ ⵀⴰⵔⵉⵎⴰ ⴷ ⵓⵎⵄⵉⵡⴻⵏ-ⵉⵙ ⵀⴰⵎⵣⴰ ⴰⵔⴰⴱ ⵉ ⵢⵉⵔⴳⴰⵣⴻن, ⵎⴰ ⴷ ⵜⵉⵙⴻⴷⵏⴰⵏ ⵢⴻⵙⵙⴻⵍⵡⴰⵢ-ⵜⴻⵏⵜ ⵎⵓⵀⴰⵎⴻⴷ ⴰⵎⵉⵏⴻ ⵡⴰⴷⴰⵀⵉ ⴷ ⵓⵎⵄⵉⵡⴻⵏ-ⵉⵙ ⵉⵎⴰⴷ ⴱⴻⵍⵢⴰⵜⵓⵓ.
ⴰⵔⵏⵓ ⵖⴻⵔ
