ⵜⴻⵙⵙⴻⴷⵀⴻⵔ-ⴷ ⵜⵓⴷⴷⵓⵙⵜ ⵏ ⵜⵎⵓⵔⴰ ⵜⵉⵄⵔⴰⴱⵉⵏ ⵉⵣⴻⵏⵣⵉⵢⴻⵏ ⵍⴱⴻⵜⵔⵓⵍ "OAPEC", ⴷⴻⴳ ⵓⵙⵉⵡⴹ-ⵉⵙ ⴰⵏⴻⴳⴳⴰⵔⵓ ⵉ ⴷ-ⵢⴻⴼⴼⵖⴻⵏ ⴰⵙⵙ-ⴰ ⵏ ⵍⴻⵜⵏⴰⵢⴻⵏ, ⵍⵎⴻⵇⴰⴷⵔⵉⵏ ⵉ ⵜⴻⵅⴷⴻⵎ ⵍⴻⵣⵣⴰⵢⴻⵔ ⵉⵡⴰⴽⴽⴻⵏ ⴰⴷ ⵜⴻⵙⵏⴻⵔⵏⵉ ⵍⵀⵉⴷⵔⵓⴶⵉⵏ ⴰⵣⴻⴳⵣⴰⵡ. ⴰⵢⴰ ⴰⴷ ⵢⴻⵙⵙⴻⴶⵀⴻⴷ ⵜⴰⵎⵍⵉⵍⵜ-ⵉⵙ ⴰⵎ ⵓⵎⴻⴽⴽⴰⵙ ⴰⴷⴻⵙⵍⴰⵏ ⵏ ⵜⴰⵥⵓⵔⴳⴻⵏⵜ ⵉ ⵜⵓⵔⵓⴼⵜ .
ⵜⴻⵛⴽⴻⵔ ⵜⵓⴷⴷⵓⵙⵜ ⴷⴻⴳ ⵓⵙⵉⵡⴹ-ⵉⵙ ⵉ ⵡⵓⵎⵉ ⵙⴻⵎⵎⴰⵏ "ⵜⵉⴼⵔⴰⵜⵉⵏ ⵏ ⵜⵥⵓⵔⴳⵉⵏ ⵜⵉⵎⴰⵢⵏⵓⵜⵉⵏ...", ⴰⵢⴻⵏ ⵉ ⴷ-ⵢⴻⵍⵍⴰⵏ ⴷ ⵜⴰⵏⴻⴼⵍⵉⵜ ⵜⴰⵎⵓⵇⵔⴰⵏⵜ ⴷⴻⴳ ⵜⵎⵓⵔⴰ ⵜⵉⵄⵔⴰⴱⵉⵏ, ⵍⴰⴷⵖⴰ ⵍⴻⵣⵣⴰⵢⴻⵔ, ⴷⴻⴳ ⵓⵃⵔⵉⵛ ⵏ ⵍⵀⵉⴷⵔⵓⴶⵉⵏ ⴰⵣⴻⴳⵣⴰⵡ ⵉ ⵢⴻⵍⵍⴰⵏ ⴷ ⵜⵉⴼⵔⴰⵜ ⵏ ⵜⵙⵜⵔⴰⵜⵉⵜ ⵉ ⵓⵙⴻⵏⵇⴻⵙ ⵏ ⵍⴽⴰⵔⴱⵓⵏ.
ⴷⴻⴳ ⵓⵃⵔⵉⵛ-ⴰ, ⵢⴻⵛⴽⴻⵔ ⵓⵙⵉⵡⴹ ⵍⵎⴻⵇⴰⴷⵔⵉⵏ ⵏ ⵍⴻⵣⵣⴰⵢⴻⵔ ⵉⴷⴻⴳ ⵍⵍⴰⵏ ⵜⵜⴻⵀⴻⴳⴳⵉⵏ ⵢⵉⵡⴻⵜ ⵏ ⵜⵎⵉⵃⴹⴰⵔⵜ ⴷⴻⴳ ⵡⴰⵔⵣⵉⵡ (Oran) ⵏ 50 ⵎⴻⴳⴰⵡⴰⵟ, ⵢⴻⵔⵏⴰ ⴰⵜⴰⵏ ⵜⵜⴽⴻⵎⵎⵉⵍⴻⵏ ⵍⵇⴰⵏⵓⵏ ⴷ ⵜⵓⴷⴷⵙⴰ ⵏ ⵓⵃⵔⵉⵛ-ⴰ ⵉⵡⴰⴽⴽⴻⵏ ⴰⴷ ⴷ-ⵙⵙⴻⴽⵛⴻⵎ ⵓⴳⴳⴰⵔ ⵏ ⵢⵉⵙⵙⴰⵔⵓⵜⴻⵏ (investissements).
ⵢⴻⵏⵏⴰ-ⴷ ⵓⵙⵉⵡⴹ ⴱⴻⵍⵍⵉ ⵍⴻⵣⵣⴰⵢⴻⵔ ⵜⴻⵙⵄⴰ ⴰⴽⴽ ⴰⵢⴻⵏ ⵢⴻⵙⵔⴰ ⵍⵃⴰⵍ (ⴰⵟⴰⵙ ⵏ ⵢⵉⵟⵉⵊ, ⴰⴹⵓ, ⴷ ⵜⵉⵣⵉⵎⵔⵉⵏ ⵏ ⵣⵣⵎⴰⵏ) ⵉⵡⴰⴽⴽⴻⵏ ⴰⴷ ⵜⵓⵖⴰⵍ ⴷ ⵜⴰⵎⴻⵣⵡⴰⵔⵓⵜ ⴷⴻⴳ ⵓⵣⴻⵏⵣⵉ ⵏ ⵜⴰⵥⵓⵔⴳⴻⵏⵜ ⵜⴰⵣⴻⴷⴳⴰⵏⵜ.
ⵢⴻⴱⴷⴻⵔ-ⴷ ⴷⴰⵖⴻⵏ ⴰⵙⴻⵏⴼⴰⵔ "ⵙⴰⵡⵜ ⴻⵜⵛ 2" (SoutH2 Corridor) ⵉ ⵢⴻⴱⵖⴰⵏ ⴰⴷ ⵢⴰⵣⴻⵏ 4 ⵍⵎⴻⵍⵢⵓⵏ ⵏ ⵟⵟⵓⵏ ⵏ ⵍⵀⵉⴷⵔⵓⴶⵉⵏ ⴰⵣⴻⴳⵣⴰⵡ ⵙⴻⴳ ⵍⴻⵣⵣⴰⵢⴻⵔ ⵖⴻⵔ ⵜⵓⵔⵓⴼⵜ ⵢⴰⵍ ⴰⵙⴻⴳﮕⴰⵙ. ⴰⵢⴰ ⵢⴻⵄⵏⴰ 10% ⵏ ⵡⴰⵢⴻⵏ ⵜⴻⵙⵔⴰ ⵜⵓⵔⵓⴼⵜ ⴷⴻⴳ ⵓⵙⴻⴳⴳⴰⵙ ⵏ 2040.
ⴷⴻⴳ ⵜⴰⴳⴳⴰⵔⴰ, ⵜⵓⴷⴷⵓⵙⵜ ⵜⴻⵏⵏⴰ-ⴷ ⴱⴻⵍⵍⵉ ⴰⵟⴰⵙ ⵏ ⵜⵎⵓⵔⴰ ⵜⵉⵄⵔⴰⴱⵉⵏ ⴰⵎ ⵙⵙⴰⵄⵓⴷⵉⵢⴰ, ⵍⴽⵓⵡⴰⵢⵜ ⴷ ⵎⴰⵚⵔ ⴷⴷⴰⵏⵜ ⴷⴻⴳ ⵓⴱⵔⵉⴷ-ⴰ, ⵢⴻⵔⵏⴰ ⵍⴻⵣⵣⴰⵢⴻⵔ ⵜⴻⴱⴷⴰ ⵜⴻⵜⵜⴰⵡⵉ-ⴷ ⵓⵃⵔⵉⵛ ⴰⵎⴻⵣⵡⴰⵔⵓ ⵏ ⵓⵙⴻⵏⴼⴰⵔ-ⵉⵙ ⵏ 3200 ⵎⴻⴳⴰⵡⴰⵟ ⵏ ⵜⴰⵥⵓⵔⴳⴻⵏⵜ ⵏ ⵢⵉⵟⵉⵊ.
ⴰⵔⵏⵓ ⵖⴻⵔ
