ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵙⵙⴻⴽⵏ-ⴷ ⵓⵙⵍⵖⴰⵢ ⴰⵖⴻⵍⵏⴰⵡ, ⵎⴰⵙⵙ ⴼⴰⵔⵉⴷ ⴱⴻⵏ ⵙⵜⵉⵜⵉ, ⵉⵙⵎⴰⵡⴻⵏ ⵏ 28 ⵏ ⵜⵓⵔⴰⵔⵉⵏ ⵉ ⵡⴰⴽⴽⴻⵏ ⴰⴷ ⴳⴻⵏⵜ ⵢⵉⵡⴻⵏ ⵓⵙⵉⵍⴻⵡ (training) ⴷⴻⴳ ⵡⴰⵎⵎⴰⵙ ⴰⵜⴻⴽⵏⵉⴽ ⴰⵖⴻⵍⵏⴰⵡ ⵏ ⵙⵉⴷⵉ ⵎⵓⵙⴰ, ⵙⴻⴳ ⵡⴰⵙⵙ ⵏ 24 ⴼⵓⵔⴰⵔ ⴰⵍⴰⵎⵎⴰ ⴷ 07 ⵎⵖⴻⵔⴻⵙ. ⴰⵢⴰ ⵢⴻⵍⵍⴰ-ⴷ ⵉ ⵡⴰⴽⴽⴻⵏ ⴰⴷ ⵀⴻⴳⴳⵉⵏⵜ ⵉ ⵜⴳⴳⵉⵔⴰ ⵏ ⵜⴽⵓⴱⴰ ⵏ ⵜⴼⵔⵉⵇⵜ ⵏ ⵜⵍⴰⵡⵉⵏ 2026. ⴰⵢⴰ ⵉ ⴷ-ⵜⴻⵏⵏⴰ ⵜⴷⵓⴽⴽⵍⵉ ⵜⴰⵣⵣⴰⵢⵔⵉⵜ ⵏ ⵜⴽⵓⵔⵜ ⵏ ⵓⴹⴰⵔ (FAF) ⴰⵙⵙ-ⴰ ⵏ ⵍⴻⵜⵏⵉⵢⴻⵏ.
ⴷⴻⴳ ⵓⵙⵉⵍⴻⵡ-ⴰⴳⵉ, ⵜⴰⵔⴰⴱⵄⵜ ⵜⴰⵖⴻⵍⵏⴰⵡⵜ ⴰⴷ ⵜⴻⵔⵣⵓ ⵖⴻⵔ ⵍⵇⴰⵀⵉⵔⴰ (ⵎⵉⵚⵔⴰ) ⵙⴻⴳ 26 ⴼⵓⵔⴰⵔ ⴰⵍⴰⵎⵎⴰ ⴷ 04 ⵎⵖⴻⵔⴻⵙ, ⵉⵎⵉ ⴰⵔⴰ ⵓⵔⴰⵔⴻⵏⵜ ⵙⵏⴰⵜ ⵏ ⵜⵓⵔⴰⵔⵉⵏ ⵏ ⵜⵎⴷⵓⴽⴽⵍⵉ ⵎⴳⴰⵍ ⵜⴰⵔⴰⴱⵄⵜ ⵏ ⵎⵉⵚⵔⴰ. ⵜⴰⵔⴰⴱⵄⵜ ⴰⴷ ⵜⵓⵖⴰⵍ ⵖⴻⵔ ⵍⵣⵣⴰⵢⴻⵔ ⴰⵙⵙ ⵏ 04 ⵎⵖⴻⵔⴻⵙ ⵉ ⵡⴰⴽⴽⴻⵏ ⴰⴷ ⴽⴻⵎⵎⵍⴻⵏⵜ ⴰⵃⴻⴳⴳⵉ ⴷⴻⴳ ⵙⵉⴷⵉ ⵎⵓⵙⴰ.
ⵍⵣⵣⴰⵢⴻⵔ ⵜⴻⵍⵍⴰ ⴷⴻⴳ ⵜⵔⴰⴱⵄⵜ ⵜⴰⵎⴻⵣⵡⴰⵔⵓⵜ (Group A) ⵖⴻⵔ ⵜⴰⵎⴰ ⵏ ⵙⵙⵉⵏⵉⴳⴰⵍ, ⴽⵉⵏⵢⴰ ⴷ ⵍⵎⴰⵔⵓⴽ. ⵜⵉⵍⴰⵡⵉⵏ ⵜⵉⵣⵣⴰⵢⵔⵉⵢⵉⵏ ⵡⵡⴹⴻⵏⵜ ⵖⴻⵔ ⵜⴳⴳⵉⵔⴰ ⵏ ⵜⴼⵔⵉⵇⵜ ⵎⴱⴰⵄⴻⴷ ⵎⴰ ⵔⵏⴰⵏⵜ ⵜⴰⵔⴰⴱⵄⵜ ⵏ ⵍⴽⴰⵎⵉⵔⵓⵏ (2-1 ⴷ 1-0) ⴷ ⵜⴰⵔⴰⴱⵄⵜ ⵏ ⵡⵓⵏⵥⵓⵍ ⵏ ⵙⵓⴷⴰⵏ (5-0 ⴷ 3-0).
ⵜⴰⴳⵉ ⴷ ⵜⵉⴽⴻⵍⵜ ⵜⵉⵙ ⵙⴰ (07) ⴷⴻⴳ ⵓⵎⴻⵣⵔⵓⵢ ⵏ ⵍⵣⵣⴰⵢⴻⵔ, ⵢⴻⵔⵏⴰ ⴷ ⵜⵉⴽⴻⵍⵜ ⵜⵉⵙ ⵙⵏⴰⵜ ⵢⴻⵎⵙⴻⴹⴼⴰⵔⴻⵏ ⵎⴱⴰⵄⴻⴷ ⵜⵙⵓⵜⵍⵜ ⵏ 2024, ⵉⵎⵉ ⵡⵡⴹⴻⵏⵜ ⴰⵍⴰⵎⵎⴰ ⴷ ⵔⵔⵓⴱⵓⵄ ⵏ ⵜⴳⴳⵉⵔⴰ. ⵜⴰⴽⵓⴱⴰ ⵏ ⵜⴼⵔⵉⵇⵜ ⴰⴷ ⵜⴻⴹⵔⵓ ⴳⴰⵔ 17 ⵎⵖⴻⵔⴻⵙ ⴷ 03 ⵉⴱⵔⵉⵔ ⵉ ⴷ-ⵢⴻⴷⴷⵓⵏ.
ⵉⵙⵎⴰⵡⴻⵏ ⵏ 28 ⵏ ⵜⵓⵔⴰⵔⵉⵏ ⵜⵉⵣⵣⴰⵢⵔⵉⵢⵉⵏ:
ⵏⵖⴰⵣⵉ (ⵎⴰⵔⵙⵉⵢⴰ / ⴼⵔⴰⵏⵙⴰ), ⴱⴻⵏ ⵄⴻⴱⴷⵓⵍⵍⴰⵀ (ⴰⵇⴱⵓ / ⵍⵣⵣⴰⵢⴻⵔ), ⴱⴻⵏ ⵄⵉⵙⴰ (ⴼⵍⵓⵔⵉ / ⴼⵔⴰⵏⵙⴰ), ⵄⴻⴱⴱⴰⴷⵓ (ⵙⵢⵓⵏ / ⵙⵡⵉⵙⵔⴰ), ⵄⴻⴱⴷⵓⵙⵙⴰⵍⴰⵎ (ⵍⵅⵔⵓⴱ / ⵍⵣⵣⴰⵢⴻⵔ), ⵄⴻⵊⵊⴰⴱⵉ (ⵍⵓⵀⴰⴼⵔ / ⴼⵔⴰⵏⵙⴰ), ⵄⴻⵍⵍⵡⴰⵛ (ⴰⵇⴱⵓ / ⵍⵣⵣⴰⵢⴻⵔ), ⴱⴻⵍⵅⵉⵜⴻⵔ (ⵙⴰⵏⵜ ⵉⵜⵢⴻⵏ / ⴼⵔⴰⵏⵙⴰ), ⴱⴻⵍⵓⵎⵓ (ⵡⴻⵙⵜ ⵀⴰⵎ / ⵍⴻⵏⴳⵍⵉⵣ), ⴱⴻⵏ ⴷⵔⵉⵙ (ⴽⴰⵏ / ⴼⵔⴰⵏⵙⴰ), ⴱⴻⵜⵃⵉ (ⵏⴰⵏⵜ / ⴼⵔⴰⵏⵙⴰ), ⴱⵓⵙⴰⵃⴰ (ⵍⵉⵜⵜⵉⵃⴰⴷ / ⵙⵙⵄⵓⴷⵉⵢⴰ), ⴱⵓⵟⴰⵍⴻⴱ (ⵓⴽⵙⵉⵔ / ⴼⵔⴰⵏⵙⴰ), ⴱⵓⵣⵉⴷ (ⵉⴼⵢⴰⵏ / ⴼⵔⴰⵏⵙⴰ), ⴷⵓⵔⵢⴰ (ⵍⵓⵎⴰⵏ / ⴼⵔⴰⵏⵙⴰ), ⴷⴰⵡⵉ (ⵇⵙⴻⵏⵟⵉⵏⴰ / ⵍⵣⵣⴰⵢⴻⵔ), ⵖⵉⵍⴰⵜⵉ (ⵍⴰⵏⵙ / ⴼⵔⴰⵏⵙⴰ), ⵃⴰⵎⵉⴷⴰⵛ (ⴱⴻⵛⵉⴽⵜⴰⵛ / ⵜⵓⵔⴽⵢⴰ), ⵉⴽⴰⵏⵉ (ⵙⴰⵏ ⵎⴰⵍⵓ / ⴼⵔⴰⵏⵙⴰ), ⵊⴰⴽⵓⴱ ⵣⵡⴰⵡⵉ (ⵎⴰⵜⵣ / ⴼⵔⴰⵏⵙⴰ), ⵅⵉⵣⴰⵎⵉ (ⵎⴰⵔⵙⵉⵢⴰ / ⴼⵔⴰⵏⵙⴰ), ⵅⴰⵢⵔⵉ (ⵉⴼⴻⵔⴷⵓⵏ / ⵙⵡⵉⵙⵔⴰ), ⵏⴰⵢⵍⵉ (ⴽⴰⵏ / ⴼⵔⴰⵏⵙⴰ), ⵡⴻⵍⴷ ⴱⵔⴰⵀⴻⵎ (ⵟⵔⴰⴱⵣⵓⵏ / ⵜⵓⵔⴽⵢⴰ), ⵓⵔⴰⵏⵉ (ⴰⵇⴱⵓ / ⵍⵣⵣⴰⵢⴻⵔ), ⵙⵉⴷⵉ ⵎⵓⵙⴰ (ⴼⵍⵓⵔⵉ / ⴼⵔⴰⵏⵙⴰ), ⵙⵎⴰⵄⵍⵉ (ⵍⴰⵏⵙ / ⴼⵔⴰⵏⵙⴰ), ⵟⴰⵍⴻⴱ ⵎⵓⵍⴰⵔ (ⵙⵢⵓⵏ / ⵙⵡⵉⵙⵔⴰ).
ⴰⵔⵏⵓ ⵖⴻⵔ
