ⵜⴻⵙⵙⴻⴱⴳⴻⵏ-ⴷ ⵜⵏⴻⵖⵍⴰⴼⵜ ⵏ ⵜⵏⴻⵣⵣⵓⵜ ⵜⴰⴱⴻⵕⵕⴰⵏⵉⵜ ⴷ ⵓⵙⴻⴱⵖⴻⵙ ⵏ ⵓⵙⵉⴼⴻⴹ, ⵙ ⵓⵎⵜⴰⵡⵉ ⴰⴽⴽⴻⴷ ⵍⵡⵉⵍⴰⵢⴰ ⵏ ⵜⵉⵣⵉ ⵡⴻⵣⵣⵓ, ⵖⴻⴼ ⵓⵙⵓⴷⴷⴻⵙ ⵏ ⵡⵓⵙⴽⴰⵏ ⴰⵖⴻⵍⵏⴰⵡ ⵏ ⵡⴻⵊⴱⴰⵏ ⴷ ⵢⵉⵙⵓⴼⴰⵔ ⵏ ⵓⵢⴻⴼⴽⵉ ⴷⴷⴰⵡ ⵏ ⵢⵉⵏⵣⴰⵔⴻⵏ "ⵙⴻⴳ ⵜⵖⴰⵔⴰ ⵜⴰⴷⵉⴳⴰⵏⵜ ⵖⴻⵔ ⵢⵉⵙⵡⵉⵔⴻⵏ ⵏ ⵓⵙⵉⴼⴻⴹ", ⴷⴻⴳ ⵜⴰⵍⵍⵉⵜ ⵢⴻⴱⴷⴰⵏ ⵙⴻⴳ 11 ⴰⵔ 15 ⵢⴻⴱⵔⵉⵔ 2026, ⵙ ⵜⵜⴻⴽⴽⵉ ⵏ ⵡⴰⵟⴰⵙ ⵏ ⵢⵉⵎⴼⴰⵔⵉⵙⴻⵏ, ⵉⵎⴻⴳⴳⴰⵏⴻⵏ ⴷ ⵢⵉⵎⴷⴰⵏⴻⵏ ⵉⵇⴻⴷⴷⵛⴻⵏ ⴷⴻⴳ ⵓⵃⵔⵉⵛ ⵏ ⵓⵢⴻⴼⴽⵉ ⴷ ⵡⴰⵢⴻⵏ ⵉ ⴷ-ⵉⵜⴻⴼⴼⵖⴻⵏ ⵙⴻⴳ-ⵙ ⴷⴻⴳ ⵍⵡⵉⵍⴰⵢⴰⵜ ⵏ ⵜⵎⵓⵔⵜ ⵢⴻⵎⵅⴰⵍⵍⴰⴼⴻⵏ, ⵙ ⵡⴰⴽⴽⴻⵏ ⵉ ⴷ-ⵢⴻⵏⵏⴰ ⵡⵓⵍⵖⵓ ⵏ ⵜⵖⴻⵍⴼⵜ ⴰⵙⵙ-ⴰ ⵏ ⵍⴻⵜⵏⴰⵢⴻⵏ.
ⵉⵙⵡⵉ ⵏ ⵡⵓⵙⴽⴰⵏ-ⴰ, ⵖⴻⴼ ⵍⴻⵃⵙⴰⴱ ⵏ ⵡⵓⵍⵖⵓ, "ⴷ ⴰⵙⴰⵣⴰⵍ ⵏ ⵜⵖⴰⵔⴰ ⵜⴰⴷⵉⴳⴰⵏⵜ ⵏ ⵢⵉⵙⵓⴼⴰⵔ ⵏ ⵡⴻⵊⴱⴰⵏ ⴷ ⵓⵢⴻⴼⴽⵉ ⵏ ⵍⴻⵣⵣⴰⵢⴻⵔ, ⴷ ⵡⴻⵍⴷⴰⵢ ⵏ ⵜⵡⵡⵓⵔⴰ ⵜⵉⵎⴰⵢⵏⵓⵜⵉⵏ ⵉ ⵓⵙⵉⴼⴻⴹ-ⵏⵙⴻⵏ ⵖⴻⵔ ⵢⵉⵙⵡⴰⵇⴻⵏ ⵏ ⴱⴻⵕⵕⴰ, ⵙ ⵓⵙⴻⴱⴳⴻⵏ ⵏ ⵜⵣⴻⵎⵎⴰⵔ ⵏ ⵓⴼⴰⵔⴻⵙ ⴰⵖⴻⵍⵏⴰⵡ, ⴰⵙⴻⴱⵖⴻⵙ ⵏ ⵓⵙⵏⵓⵍⴼⵓ ⴷⴻⴳ ⵓⵃⵔⵉⵛ ⵏ ⵓⵙⴻⴽⴼⴻⵍ ⵏ ⵓⵢⴻⴼⴽⵉ, ⴰⴽⴽⴻⴷ ⵓⴱⴻⴷⴷⵉ ⵖⴻⵔ ⵜⴰⵎⴰ ⵏ ⵢⵉⵎⴼⴰⵔⵉⵙⴻⵏ ⵉ ⵡⴰⴽⴽⴻⵏ ⴰⴷ ⴽⴻⵛⵎⴻⵏ ⴷⴻⴳ ⵢⵉⴱⴻⵔⴷⴰⵏ ⵏ ⵓⵙⵉⴼⴻⴹ ⴷ ⵓⵙⴻⴵⵀⴻⴷ ⵏ ⵓⵎⵏⵉⵣⵡⴻⵔ ⵏ ⵢⵉⵙⵓⴼⴰⵔ ⵉⵣⵣⴰⵢⵔⵉⵢⴻⵏ".
ⵜⴻⵜⵜⵉⵍⵉ-ⴷ ⵜⴰⴷⵢⴰⵏⵜ-ⴰ ⵜⴰⴷⴰⵎⵙⴰⵏⵜ, ⵖⴻⴼ ⵍⴻⵃⵙⴰⴱ ⵏ ⵡⵓⵍⵖⵓ, "ⴷ ⴰⵙⴰⵢⴻⵙ ⵏ ⵡⴻⵏⴱⴰⴷⴰⵍ ⴷ ⵜⴻⵢⵡⴰⵍⵜ ⴳⴰⵔ ⵢⵉⵎⵙⴻⴹⵔⵓⵢⴻⵏ ⵉⴷⴰⵎⵙⴰⵏⴻⵏ, ⵉⵎⵓⵣⴰⵢⴻⵏ ⴷ ⵢⵉⵎⵓⵙⵙⵏⴰⵡⴻⵏ ⴷⴻⴳ ⵓⵃⵔⵉⵛ ⵏ ⵓⵢⴻⴼⴽⵉ, ⵔⵏⵓ ⵖⴻⵔ-ⵙ ⴰⵙⵉⵙⵙⴻⵏ ⵏ ⵢⵉⵙⵓⴼⴰⵔ ⵉⵎⵅⴰⵍⵍⴰⴼⴻⵏ, ⵉⵏⴻⵙⵍⵉⵢⴻⵏ ⴷ ⵢⵉⵜⵔⴰⵔⴰⵢⴻⵏ ⵉ ⵜⴻⵙⵄⴰ ⵍⴻⵣⵣⴰⵢⴻⵔ ⵙ ⵡⴰⵟⴰⵙ ⴷⴻⴳ ⵡⴰⵏⵏⴰⵔ-ⴰ".
ⴰⴷ ⵢⴻⵜⵜⵡⴰⵙⵙⴻⵏ ⵡⵓⵙⴽⴰⵏ-ⴰ, ⵉ ⴷ-ⵢⴻⵔⵏⴰ ⵡⵓⵍⵖⵓ, "ⵙ ⵓⵙⵓⴷⴷⴻⵙ ⵏ ⵜⴻⵎⵙⵉⵣⵡⴻⵍⵜ ⵜⴰⵖⴻⵍⵏⴰⵡⵜ ⵉ ⵡⴻⵊⴱⴰⵏ ⴰⵏⵙⴰⵢⴻⵏ ⵢⵓⴼⵔⴰⵔⴻⵏ, ⵉⵙⵡⵉ-ⵙ ⴷ ⴰⵙⴻⴱⵖⴻⵙ ⵏ ⵢⵉⵃⴻⵔⴼⵉⵢⴻⵏ ⴷ ⵢⵉⵎⴼⴰⵔⵉⵙⴻⵏ ⵖⴻⴼ ⵓⵙⵏⴻⵔⵏⵉ ⵏ ⵜⵖⴰⵔⴰ ⵏ ⵢⵉⵙⵓⴼⴰⵔ-ⵏⵙⴻⵏ ⴷ ⵓⵃⴰⴷⴻⵔ ⵖⴻⴼ ⵜⴳⴻⵎⵎⵉ ⵏ ⵜⵓⵞⵞⵉⵜ ⵜⴰⵖⴻⵍⵏⴰⵡⵜ, ⴰⴽⴽⴻⴷ ⵓⵙⴻⴱⴳⴻⵙ ⵏ ⵜⵎⵓⵖⵍⵉⵡⵉⵏ ⵢⴻⵙⵙⴻⴵⵀⴰⴷⴻⵏ ⴰⵣⴰⵍ ⵢⴻⵔⵏⴰⵏ ⵏ ⵢⵉⵙⵓⴼⴰⵔ ⵉⴷⵉⴳⴰⵏⴻⵏ".
ⴷⴻⴳ ⵜⴰⴳⴰⵔⴰ, ⵜⴻⵖⵔⴰ-ⴷ ⵜⵏⴻⵖⵍⴰⴼⵜ ⵏ ⵜⵏⴻⵣⵣⵓⵜ ⵜⴰⴱⴻⵕⵕⴰⵏⵉⵜ ⴷ ⵓⵙⴻⴱⵖⴻⵙ ⵏ ⵓⵙⵉⴼⴻⴹ, ⵉ ⴷ-ⵢⴻⴽⴼⴰ ⵡⵓⵍⵖⵓ, ⵡⵉⴷ ⵢⴻⴱⵖⴰⵏ ⴰⴷ ⵜⵜⴻⴽⴽⵉⵏ ⴷⴻⴳ ⵜⴰⴷⵢⴰⵏⵜ-ⴰ ⵜⴰⵖⴻⵍⵏⴰⵡⵜ ⵉ ⵡⴰⴽⴽⴻⵏ ⴰⴷ ⵊⴻⵔⴷⴻⵏ ⵉⵎⴰⵏ-ⵏⵙⴻⵏ ⴷⴻⴳ ⵜⴻⵙⵖⵓⵏⵜ-ⴰ: https://www.mcepe.gov.dz/.../national-exhibition-of...
ⴰⵔⵏⵓ ⵖⴻⵔ
