ⵖⵓⵔ ⵓⴳⴻⵣⴷⵓ ⵏ ⵜⵏⴻⵣⵣⵓⵜ ⵜⴰⴳⴻⵏⵙⴰⵏⵜ ⴷ ⵓⵙⴻⴳⴳⴻⵎ ⵏ ⵙⵙⵓⵇ ⴰⵖⴻⵍⵏⴰⵡ, ⵍⴰⵎⴰⵏ ⴷ ⵜⵖⴻⵍⵍⵉⵙⵜ ⵏ ⵢⵉⴼⴰⵔⵉⵙⴻⵏ ⵢⴻⵜⵜⵓⵏⴻⴼⴽⴻⵏ ⵉ ⵡⴻⵎⵙⴻⴷⵔⴻⵡ ⴰⵏⴻⴳⴳⴰⵔⵓ ⵙⵄⴰⵏ ⴰⵣⴰⵍ ⴰⵎⴻⵇⵇⵔⴰⵏ, ⵢⴻⵔⵏⴰ ⴷ ⵏⵓⵜⵏⵉ ⵉ ⴷ ⵓⵍ ⵏ ⵜⵙⴻⵔⵜⵉⵜ ⵏ ⵜⵖⴻⵍⴻⴼⵜ, ⵙ ⵡⴰⴽⴽⴻⵏ ⵉ ⴷ-ⵜⴱⴻⵔⵔⴻⵣ ⵜⵎⴰⵙⴰⵢⵜ ⵜⴰⵎⴻⵣⵡⴰⵔⵓⵜ ⵖⴻⴼ ⵓⴳⴻⵣⴷⵓ-ⴰ, ⴰⵎⴰⵍ ⵄⴻⴱⴷⴻⵍⵍⴰⵟⵉⴼ.
ⴷⴻⴳ ⵡⴰⵡⴰⵍ ⵉ ⴷ-ⵢⴻⵖⵔⴰ ⴷⴻⴳ ⵡⴻⵎⴽⴰⵏ-ⵉⵙ ⵓⵏⴻⵎⵀⴰⵍ ⴰⵍⴻⵎⵎⴰⵙ ⵏ ⵜⵖⴻⵍⴻⴼⵜ ⵏⵓⵔⴷⴷⵉⵏ ⵃⴰⵔⵉⴷⵉ, ⴷⴻⴳ ⵜⴻⵎⵍⵉⵍⵉⵜ ⵉ ⴷ-ⵢⴻⵍⵍⴰⵏ ⵉⴹⴻⵍⵍⵉ ⵉⴹ ⵏ ⵍⵃⴻⴷⴷ ⵖⴻⴼ ⵙⵙⴻⴱⴱⴰ ⵏ ⵓⵙⵎⴻⴽⵜⵉ ⵏ ⵡⴰⵙⵙ ⴰⴳⵔⴰⵖⵍⴰⵏ ⵏ ⵢⵉⵣⴻⵔⴼⴰⵏ ⵏ ⵓⵎⵙⴻⴷⵔⴻⵡ, ⵉ ⴷ-ⵜⵙⵓⴷⴷⴻⵙ ⵜⵓⴷⴷⵙⴰ ⵜⴰⵣⵣⴰⵢⵔⵉⵜ ⵏ ⵓⵃⵓⴷⴷⵓ ⴷ ⵡⴻⵙⵙⴻⴽⵛⴻⵎ ⵏ ⵓⵎⵙⴻⴷⵔⴻⵡ ⴷ ⵜⵡⴻⵏⵏⴰⴹⵜ-ⵉⵙ, ⵜⴻⵙⵙⴻⴱⴳⴻⵏ-ⴷ ⵜⵏⴻⵖⵍⴰⴼⵜ ⴱⴻⵍⵍⵉ ⴰⴳⴻⵣⴷⵓ-ⴰ ⵢⴻⵟⵟⴻⴼ ⴷⵉ ⵍⵡⴰⵄⴷ-ⵉⵙ ⵉ ⵓⵙⵓⴷⴷⴻⵙ ⵏ ⵙⵙⵓⵇ ⴰⵖⴻⵍⵏⴰⵡ ⴷ ⵓⴹⵎⴰⵏ ⵏ ⵓⵙⴻⵎⵙⴰⵙⴰ ⵏ ⵢⵉⴼⴰⵔⵉⵙⴻⵏ ⵏ ⵍⵇⵓⵜ ⴷ ⵡⵉⴷ ⵏⵏⵉⴹⴻⵏ ⴰⴽⴽⴻⴷ ⵢⵉⵙⴻⴽⴽⵉⵍⴻⵏ ⵢⴻⵜⵜⵡⴰⵙⵇⴻⴷⵛⴻⵏ, ⵉⵎⵉ ⴷ "ⵍⵡⴰⵊⴻⴱ ⵉ ⵖⴻⴼ ⵇⴻⴷⴷⵛⴻⵏⵜ ⵜⵏⴻⵎⵀⴰⵍⵉⵏ ⵏ ⵜⵖⴻⵍⴻⴼⵜ ⵉ ⵡⴰⴽⴽⴻⵏ ⴰⴷ ⵜ-ⵙⴱⴻⴷⴷⴻⵏⵜ".
ⵜⴻⵙⵙⴻⴼⵀⴻⵎ-ⴷ ⴱⴻⵍⵍⵉ ⵜⴰⵏⴻⵖⵍⴰⴼⵜ ⵜⴻⵜⵜⴽⴻⵍ ⴷⴻⴳ ⵓⵙⴻⴵⵀⴻⴷ ⵏ ⵍⴰⵎⴰⵏ ⵏ ⵢⵉⴼⴰⵔⵉⵙⴻⵏ ⵖⴻⴼ ⵓⵏⴰⴳⵔⴰⵡ ⵢⴻⴽⵎⴰⵍⴻⵏ ⵢⴻⴱⵏⴰⵏ ⵖⴻⴼ ⵢⵉⵙⵓⴹⴰⴼ ⵉⵙⴻⵔⵙⴰⵏ ⵖⴻⴼ ⵍⵍⵙⴰⵙ ⵓⵙⵏⴰⵏ ⴷ ⵢⵉⵙⴻⴽⴽⵉⵍⴻⵏ ⵉⴳⵔⴰⵖⵍⴰⵏⴻⵏ, ⴰⴽⴽⴻⴷ ⵓⵣⴻⵟⵟⴰ ⵏ ⵢⵉⵏⴰⵔⴰⵢⴻⵏ (ⵉⵎⵓⴽⴰⵏ ⵏ ⵓⵏⴰⴷⵉ) ⵢⴻⵏⵏⴻⴼⵍⴰⵢⴻⵏ, ⵉ ⴷ-ⵢⴻⵜⵜⵡⴰⵔⵏⴰ ⵖⵓⵔ-ⵙ ⵎⴻⵍⵎⵉ ⴽⴰⵏ ⵙ 3 ⵏ ⵢⵉⵏⴰⵔⴰⵢⴻⵏ ⵉⵎⵙⴻⴱⵔⵉⴷⴻⵏ ⵉ ⴷ-ⵢⴻⵜⵜⴰⵊⵊⴰⵏ ⴰⴼⴻⵞⵞⴻⵛ ⵙ ⵜⵖⴰⵡⵍⴰ ⵖⴻⴼ ⵡⴰⵏⴰⵡⴻⵏ ⵎⴻⵕⵕⴰ ⵏ ⵍⴻⵅⴷⴻⵄ ⴷ ⵡⴻⵎⵅⴰⴹ (ⵎⵓⴷⴰⵔⴰⴱⴰ), ⵔⵏⵓ ⵖⴻⵔ-ⵙ ⴰⴼⴻⵔⴷⵉⵙ ⴰⵍⵙⴰⵏ ⵉ ⵉⵇⴻⴷⴷⵛⴻⵏ ⴷⴻⴳ ⵡⴻⵏⵏⴰⵔ ⵉ ⵓⴹⵎⴰⵏ ⵏ ⵜⴻⴼⵔⴰⵔⵜ ⴷ ⵜⴻⵣⴷⴻⴳ ⵏ ⵜⵉⴳⴰⵡⵉⵏ ⵜⵉⵏⴻⵣⵣⴰⵏⵉⵏ.
ⵙⴻⴳ ⵜⴰⵎⴰ-ⵙ, ⵢⴻⴽⴽⴻⵙ-ⴷ ⵛⵛⴻⴽⴽ ⵓⵙⴻⵍⵡⴰⵢ ⵏ ⵜⵓⴷⴷⵙⴰ ⵜⴰⵣⵣⴰⵢⵔⵉⵜ ⵏ ⵓⵃⵓⴷⴷⵓ ⴷ ⵡⴻⵙⵙⴻⴽⵛⴻⵎ ⵏ ⵓⵎⵙⴻⴷⵔⴻⵡ ⴷ ⵜⵡⴻⵏⵏⴰⴹⵜ-ⵉⵙ, ⵎⵓⵚⵟⴰⴼⴰ ⵣⴻⴱⴷⵉ, ⴱⴻⵍⵍⵉ ⴰⵃⵓⴷⴷⵓ ⵏ ⵓⵎⵙⴻⴷⵔⴻⵡ ⴷ ⴰⵅⴻⴷⴷⵉⵎ ⵏ ⵓⵙⴻⵎⵙⴰⵙⴰ ⴳⴰⵔ ⵢⵉⴳⴻⵣⴷⴰⵏ, ⵢⴻⵔⵏⴰ ⵢⴻⵙⵎⴻⴽⵜⴰ-ⴷ ⴱⴻⵍⵍⵉ ⵜⵓⴷⴷⵙⴰ ⵜⵅⴻⴷⴷⴻⵎ ⵜⵓⵔⴰ ⴰⴽⴽⴻⴷ 17 ⵏ ⵢⵉⵃⵔⵉⵛⴻⵏ ⵉⵖⵍⵉⴼⴰⵏⴻⵏ, ⴳⴰⵔ-ⴰⵙⴻⵏ ⵜⴰⵖⴷⴻⵎⵜ, ⵜⴰⵣⵎⴻⵔⵜ, ⵜⴰⵡⴻⵏⵏⴰⴹⵜ ⴰⴽⴽⴻⴷ ⵜⴻⵎⴳⵓⵔⵉ.
ⵢⴻⵎⵎⴻⵙⵍⴰⵢ-ⴷ ⴷⴰⵖⴻⵏ ⵣⴻⴱⴷⵉ ⵙ ⵍⵅⵉⵕ ⵖⴻⴼ ⵜⵣⴻⵎⵎⴰⵔ ⵏ ⵡⴻⵏⵏⴰⵔ ⵏ ⵢⵉⵎⴻⵥⵍⴰ ⵏ ⵜⴻⵄⴻⵙⵙⴰⵙⵜ ⴷ ⵍⴰⵎⴰⵏ, ⵢⴻⴱⴷⴻⵔ-ⴷ ⵙ ⵜⵏⴻⵎⵎⵉⵔⵜ ⴰⵎⴽⴰⵏ ⵉ ⵢⴻⵟⵟⴻⴼ ⵓⵊⴰⴷⴰⵔⵎⵉ ⴰⵖⴻⵍⵏⴰⵡ ⴷⴻⴳ ⵓⵃⴱⴰⵙ ⵏ ⵡⴻⵎⵅⴰⴹ ⴷ ⵜⵓⵟⵟⴼⴰ ⵏ ⵙⵙⴻⵍⵄⴰⵜ ⵓⵔ ⵏⴻⵎⵚⴰⴷⴰ ⴰⵔⴰ, ⴰⵢⴻⵏ ⵉ ⴷ-ⵢⴻⵡⵡⵉⵏ "ⴰⵏⴻⴳⴳⵉⵣ ⴰⵎⴻⵇⵇⵔⴰⵏ" ⴷⴻⴳ ⵡⴻⵃⵔⵉⵛ ⵏ ⵓⴹⵎⴰⵏ ⵏ ⵍⴰⵎⴰⵏ ⵏ ⵢⵉⴼⴰⵔⵉⵙⴻⵏ ⴷⴻⴳ ⵢⵉⴳⴳⵓⵔⴻⵏ ⵉⵏⴻⴳⴳⵓⵔⴰ.
ⵢⴻⴽⴼⴰ-ⴷ ⵡⴻⵎⵎⴻⵙⵍⴰⵢ ⴰⵡⴰⵍ-ⵉⵙ ⵙ ⵜⵉⵎⵎⴰⴷ ⴱⴻⵍⵍⵉ ⴰⵙⵙ ⴰⴳⵔⴰⵖⵍⴰⵏ ⵏ ⵢⵉⵣⴻⵔⴼⴰⵏ ⵏ ⵓⵎⵙⴻⴷⵔⴻⵡ ⴷ ⵢⵉⵡⴻⵜ ⵏ ⵜⴻⵡⵡⵓⵔⵜ ⵜⴰⵎⴻⵇⵇⵔⴰⵏⵜ ⵉ ⵓⵙⴻⴵⵀⴻⴷ ⵏ ⵜⴷⵓⴽⵍⵉ ⴳⴰⵔ ⵜⴷⴻⴱⴻⵍⵜ, ⵜⵉⵡⵓⴷⴰⴼ ⵜⵓⵏⵚⵉⴱⵉⵏ, ⴰⴽⴽⴻⴷ ⵜⴷⵓⴽⴽⵍⵉⵡⵉⵏ, ⵉⵎⵉ ⵢⴻⵃⵙⴻⴱ ⵉⵎⵙⴻⴹⵔⵓⵢⴻⵏ ⵉⴷⴰⵎⵙⴰⵏⴻⵏ ⴷ "ⵉⵎⵙⵉⵙⴰⵏⴻⵏ ⴷⴻⴳ ⵍⴻⴱⵏⵉ ⵏ ⵍⵍⵙⴰⵙ ⵉⴵⴻⵀⴷⴻⵏ ⵉ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ ⵢⴻⵜⵜⵡⴰⵃⵓⴷⴷⴻⵏ, ⵢⴻⵙⵙⵔⵓⵙⵓⵏ ⵍⴰⵎⴰⵏ ⵏ ⵓⵎⵙⴻⴷⵔⴻⵡ ⴰⵣⵣⴰⵢⵔⵉ ⵏⵏⵉⴳ ⵏ ⵢⴰⵍ ⵍⵃⴰⵊⴰ, ⴷ ⵉⵙⵡⵉ ⴰⵙⴻⵜⵔⴰⵜⵉⵊⵉ ⴰⵎⴻⵣⵖⵉ".
ⴰⵔⵏⵓ ⵖⴻⵔ
