ⵉⵙⴻⵍⵍⴻⵎ ⵓⵏⴻⵖⵍⴰⴼ ⵏ ⵓⵡⴰⵏⴰⴽ, ⴰⵏⴻⵖⵍⴰⴼ ⵏ ⵢⵉⵎⴻⵔⵢⴰⵏ, ⵎⴰⵙⵙ ⵎⵓⵀⴰⵎⴻⴷ ⴰⵔⴽⴰⴱ, ⴰⵙⵙ-ⴰ ⵏ ⵍⵀⴻⴷ ⴷⴻⴳ ⵓⴱⵉⵕⵓ ⵏ ⵜⵏⴻⵖⵍⴰⴼⵜ-ⵉⵙ, ⵉ ⵓⵙⴻⵍⵡⴰⵢ ⴰⵎⴹⴻⴱⴱⴻⵔ ⴰⵎⴰⵜⵓ ⵏ ⵜⵙⵏⵓⵔⴻⴼⵜ "Midad Energy North Africa" ⵏ ⵜⵄⵔⴰⴱⵜ ⵜⴰⵙⵄⵓⴷⵉⵜ, ⵛⵛⵉⵅ ⴰⴱⴷⵓⵍⵉⵍⴰⵀ ⴱⵉⵏ ⵎⵓⵀⴰⵎⵎⴻⴷ ⴱⵉⵏ ⴰⴱⴷⵓⵍⵍⴰⵀ ⴰⵍ-ⵄⴰⵉⴱⴰⵏ, ⵙ ⵜⵉⵍⵉⵜ ⵏ ⵢⵉⵎⴹⴻⴱⴱⵔⴻⵏ ⵏ ⵙⵏⴰⵜ ⵏ ⵜⴰⵎⵉⵡⵉⵏ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ ⵏ ⵢⵉⵎⴻⵔⵢⴰⵏ.
ⵙ ⵓⵏⴰⵎⴻⴽ ⵏ ⵓⵖⴱⴰⵍⵓ-ⵏⵏⵉ, ⴷⴻⴳ ⵜⴻⵎⵍⵉⵍⵉⵜ-ⴰⴳⵉ ⵇⴻⵔⴷⵛⴻⵏ ⴰⴷⴷⴰⴷ ⵏ ⵓⵎⵢⴻⵛⵛⴻⵔ ⴳⴰⵔ ⵓⵎⵓⵍⵍⵉ ⵏ ⵙⵓⵏⴰⵜⵔⴰⵛⵀ ⴷ ⵜⵙⵏⵓⵔⴻⴼⵜ ⵏ "ⵎⵉⴷⴰⴷ ⴻⵏⴻⵔⴳⵢ", ⵍⴰⴷⵖⴰ ⵙⴻⵍⴷ ⵓⵙⵜⴻⵏⵢⵉ ⵏ ⵓⵎⵜⴰⵡⴰ ⵏ ⵢⵉⵎⴻⵔⵢⴰⵏ ⵙ ⵜⴰⵔⵔⴰⵢⵜ ⵏ ⵓⴱⴻⵟⵟⵓ ⵏ ⵓⴼⴰⵔⵉⵙ (sharing production) ⵢⴻⵄⵏⴰⵏ ⵜⴰⵎⵏⴰⵟ ⵏ "ⵉⵍⵍⵉⵣⵉ ⵏ ⵓⵏⵥⵓⵍ". ⴰⵙⴻⵏⴼⴰⵔ-ⴰⴳⵉ ⵢⴻⵜⵜⵡⴰⵃⴻⵙⴱ ⴷ ⵢⵉⵡⴻⵏ ⵏ ⵢⵉⵙⴻⵏⴼⴰⵔⴻⵏ ⵉⵙⵔⴰⵜⵉⴷⵊⵉⵢⴻⵏ ⴷⴻⴳ ⵓⵙⵏⵉⵔⴻⵎ ⴷ ⵓⵙⴻⵎⵔⴻⵙ ⵏ ⵢⵉⵎⴻⵔⵢⴰⵏ ⴷⴻⴳ ⵍⴻⵣⵣⴰⵢⴻⵔ, ⵢⴻⵔⵏⴰ ⵢⴻⵎⵎⴰⵍ-ⴷ ⵜⵉⴷⴷⵢ ⵢⴻⵍⵀⴰⵏ ⵏ ⵜⴷⵓⴽⵍⵉ ⴳⴰⵔ ⵙⵏⴰⵜ ⵏ ⵜⴰⵎⵉⵡⵉⵏ.
ⵙⵉⵏ ⵏ ⵢⵉⴽⵓⴱⴰⵔ ⵎⵎⴻⵙⵍⴰⵢⴻⵏ ⵖⴻⴼ ⵜⵉⴷⴷⵢ ⵏ ⵓⵀⴻⴳⴳⵉ ⵉ ⵓⵏⴻⴽⵛⵓⵎ ⵏ ⵓⵎⵜⴰⵡⴰ-ⴰⴳⵉ ⵓⵏⵏⴰⵔ ⵏ ⵓⵙⵏⴻⵙ ⴰⵎⴰ ⴷⴻⴳ ⵡⴰⵢⴻⵏ ⵢⴻⵄⵏⴰⵏ ⵜⴰⵎⴰ ⵜⴰⵜⵉⴽⵏⵉⴽⵜ ⵏⴻⵖ ⵜⵉⵏ ⵏ ⵓⵙⵓⴷⴷⴻⵙ ⵉⵕⴻⵙⵙⴰⵏ ⵙ ⵡⴰⵀⵉⵍ ⵏ ⵢⵉⵎⴰⵀⵉⵍⴻⵏ. ⵙⴻⵃⵔⴻⵙⴻⵏ ⵖⴻⴼ ⵡⴰⵣⴰⵍ ⵏ ⵓⵇⴰⴷⴻⵔ ⵏ ⵡⴰⴽⵓⴷⴻⵏ ⵉ ⴷ-ⵉⵜⵜⵓⵏⴻⵎⵍⴻⵏ ⴷ ⵢⵉⵍⵓⴳⴰⵏ ⵉⵕⴻⵙⵙⴰⵏⴻⵏ ⵉ ⵓⵙⴻⵍⴽⴻⵎ ⵏ ⵢⵉⵙⴻⵏⴼⴰⵔⴻⵏ ⵉⵎⴻⵇⵇⵔⴰⵏⴻⵏ ⴷⴻⴳ ⵓⵏⵏⴰⵔ-ⴰⴳⵉ.
ⵓⵖⴱⴰⵍⵓ-ⵏⵏⵉ ⵢⴻⵔⵏⴰ-ⴷ ⴱⴻⵍⵍⵉ ⵎⵎⴻⵙⵍⴰⵢⴻⵏ ⵖⴻⴼ ⵜⵣⴻⵎⵎⴰⵔ ⵏ ⵓⵙⵏⴻⵔⵏⵉ ⵏ ⵓⵙⵙⴻⵜⵎⴻⵔ ⴷⴻⴳ ⵢⴰⴽⴽ ⵢⵉⵏⵏⴰⵔⴻⵏ ⵏ ⵜⴻⵎⴳⵓⵔⵉ ⵏ ⵍⵒⴻⵜⵔⵓⵍ ⴷ ⵍⴳⴰⵣ, ⵍⴰⴷⵖⴰ ⴷⴻⴳ ⵓⵙⵏⵉⵔⴻⵎ ⴷ ⵓⴼⴰⵔⵉⵙ. ⴰⵢⴰⴳⵉ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⴷⴻⴳⴳⴻⵔ ⵏ ⵜⵣⴻⵎⵎⴰⵔ ⵏ ⵓⴼⴰⵔⵉⵙ ⵜⴰⵖⴻⵍⵏⴰⵡⵉⵏ, ⴰⵙⵏⴻⵔⵏⵉ ⵏ ⵡⴰⵢⴻⵏ ⵢⴻⵍⵍⴰⵏ ⴷ ⴰⴷⵉⴳⴰⵏ (local content), ⴷ ⵓⵙⵏⴻⴼⵍⵉ ⵏ ⵜⵣⴻⵎⵎⴰⵔ ⴷ ⵓⵏⵉⴳ ⵏ ⵜⵉⵜⵉⴽⵏⵓⵍⵓⴶⵉⵢⵉⵏ.
ⵜⵉⵎⵍⵉⵍⵉⵜ ⵜⴻⵍⵍⴰ ⴷ ⵜⴰⴳⵏⵉⵜ ⵉ ⵓⵣⴻⴶⴶⴻⴷ ⵏ ⵍⴻⴱⵖⵉ ⵏ ⵙⵏⴰⵜ ⵏ ⵜⴰⵎⵉⵡⵉⵏ ⵉ ⵓⵙⵙⴻⵎⵖⴻⵔ ⵏ ⵢⵉⵏⵏⴰⵔⴻⵏ ⵏ ⵓⵎⵢⴻⵛⵛⴻⵔ ⴷⴻⴳ ⵢⵉⵎⴰⵍ, ⴷ ⵓⵏⴰⴷⵉ ⵏ ⵜⴰⵔⵔⴰⵢⵉⵏ ⵜⵉⵎⴰⵢⵏⵓⵜⴻⵏ ⵏ ⵜⴷⵓⴽⵍⵉ ⵉ ⵓⵙⴻⴶⵀⴻⴷ ⵏ ⵜⴷⵓⴽⵍⵉ ⵜⴰⵙⵔⴰⵜⵉⴷⵊⵉⵜ ⴳⴰⵔ ⵙⵓⵏⴰⵜⵔⴰⵛⵀ ⴷ ⵎⵉⴷⴰⴷ ⴻⵏⴻⵔⴳⵢ.
ⴰⵏⴻⵖⵍⴰⴼ ⵏ ⵓⵡⴰⵏⴰⴽ ⵉⵙⵙⴻⴽⵏⴻⴷ ⴷⴻⴳ ⵓⵣⴻⵏⵣⵉⵖ-ⴰⴳⵉ ⴱⴻⵍⵍⵉ ⴰⵎⵢⴻⵛⵛⴻⵔ-ⴰⴳⵉ ⵉⵜⴻⴷⴷⵓ ⴷⴻⴳ ⵓⴱⵔⵉⴷ ⵏ ⵍⴻⵣⵣⴰⵢⴻⵔ ⵉ ⵓⵙⴻⴶⵀⴻⴷ ⵏ ⵜⴷⵓⴽⵍⵉⵡⵉⵏ ⵜⵉⴷⴰⵎⵙⴰⵏⵉⵏ ⵉⵡⴻⵣⵏⴻⵏ ⴷ ⵢⵉⵎⵉⴳⴰⵡⴻⵏ ⵉⴳⵔⴰⵖⵍⴰⵏⴻⵏ, ⵉ ⵏⴼⴰⵄ ⵏ ⵓⵙⵏⴻⴼⵍⵉ ⵏ ⵓⵏⵏⴰⵔ ⵏ ⵢⵉⵎⴻⵔⵢⴰⵏ ⴷ ⵢⵉⵙⵡⵉⵢⴻⵏ ⵏ ⵜⴷⴰⵎⵙⴰ.
ⵙⴻⴳ ⵜⴰⵎⴰ-ⵙ, ⵛⵛⵉⵅ ⴰⵍ-ⵄⴰⵉⴱⴰⵏ ⵉⵄⴰⵡⴻⴷ ⵉⵙⵔⴻⵚ ⵍⴻⴱⵖⵉ ⵏ ⵜⵙⵏⵓⵔⴻⴼⵜ-ⵉⵙ ⵉ ⵓⵙⴰⵍⵉ ⵏ ⵢⵉⵙⵙⴻⵜⵎⴰⵔⴻⵏ-ⵉⵙ ⴷⴻⴳ ⵍⴻⵣⵣⴰⵢⴻⵔ, ⵉⵙⵍⴻⵎ-ⴷ ⵙ ⵜⴻⴳⵏⵉⵜ ⵏ ⵓⵙⵙⴻⵜⵎⴻⵔ ⴷ ⵜⵣⴻⵎⵎⴰⵔ ⵉⵎⴻⵇⵇⵔⴰⵏⴻⵏ ⵉ ⴷ-ⵉⵟⵟⴰⴽ ⵓⵏⵏⴰⵔ ⵏ ⵢⵉⵎⴻⵔⵢⴰⵏ, ⵉⵙⵙⴻⴽⵏⴻⴷ ⴱⴻⵍⵍⵉ ⵜⵙⵏⵓⵔⴻⴼⵜ-ⵉⵙ ⵜⴻⵜⵜⴽⴻⵎⵎⵉⵍ ⴷⴻⴳ ⵓⵎⴰⵀⵉⵍ ⴰⵎⴻⵣⴷⴰⵢ ⴷ ⵙⵓⵏⴰⵜⵔⴰⵛⵀ ⵉ ⵏⴼⴰⵄ ⵏ ⵙⵏⴰⵜ ⵏ ⵜⴰⵎⵉⵡⵉⵏ.
ⴰⵔⵏⵓ ⵖⴻⵔ
