ⴰⴷ ⴷ-ⵢⴻⵍⴷⵉ ⴰⵣⴻⴽⴽⴰ ⵏ ⵍⴻⵜⵏⵉⵢⴻⵏ ⵢⵉⵎⴰⵀⵉⵍⴻⵏ ⵏ ⵓⵙⴰⵢⴻⵙ ⴰⴳⵔⴰⵖⵍⴰⵏ ⵏ ⵍⴻⵣⵣⴰⵢⴻⵔ (FIA) ⵡⵉⵙ 57 ⴷⴻⴳ ⵓⴼⵔⴰⴳ ⵏ ⵢⵉⵙⴰⵢⴻⵙⴻⵏ (ⵉⵣⵓⵎⴱⵉ ⵏ ⵢⵉⵍⵍⴻⵍ) ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ. ⴰⵙⴰⵢⴻⵙ-ⴰⴳⵉ ⵢⴻⵍⵍⴰ-ⴷ ⵙ ⴷⴷⴰⵡ ⵏ ⵜⵎⵓⵖⵍⵉ ⵜⵓⵏⵉⴳⴻⵏ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⵙ ⵓⵜⴻⴽⴽⵉ ⴰⵖⴻⵍⵏⴰⵡ ⴷ ⵓⴳⵔⴰⵖⵍⴰⵏ ⵉⴶⴻⵀⴷⴻⵏ, ⴰⵏⵉⴷⴰ ⵙⴱⴻⵏⵢⵓⵍ ⴰⴷ ⵜⵉⵍⵉ ⴷ ⵉⵏⴻⴱⴳⵉ ⵏ ⵍⵃⴻⵔⵎⴰ (invité d'honneur) ⵏ ⵜⵙⴻⵎⵎⵓⵏⵜ-ⴰⴳⵉ ⴰⵔⴰ ⵢⵉⵍⵉⵏ ⴷ ⴰⵎⵔⴰⵃ ⵉ ⵓⵙⴻⴶⵀⴻⴷ ⵏ ⵡⴰⵙⵙⴰⵖⴻⵏ ⵏ ⵜⴷⵓⴽⵍⵉ ⴷ ⵓⵙⵙⴻⵜⵎⴻⵔ ⴷⴻⴳ ⵢⴰⴽⴽ ⵢⵉⵏⵏⴰⵔⴻⵏ.
ⵉⵎⵉ ⵢⴻⵍⵍⴰ ⴷ ⵢⵉⵡⴻⵜ ⵏ ⵜⴻⴳⵏⵉⵜ ⵉⵕⴻⵙⵙⴰⵏⴻⵏ ⴷⴻⴳ ⵓⵏⵏⴰⵔ ⴰⴷⴰⵎⵙⴰⵏ ⴷ ⵓⵎⴻⵣⵎⵓⵔⴰⵏ ⵏ ⵜⵎⵓⵔⵜ, ⴰⵙⴰⵢⴻⵙ ⴰⴳⵔⴰⵖⵍⴰⵏ ⵏ ⵍⴻⵣⵣⴰⵢⴻⵔ (ⵙⴻⴳ 22 ⴰⵔⵎⵉ ⴷ 27 ⵢⵓⵏⵢⵓ), ⴰⵔⴰ ⴷ-ⵢⵉⵍⵉⵏ ⵙ ⵓⵣⴻⵏⵣⵉⵖ "ⵜⴰⴼⵍⴻⵙⵜ ⴷ ⵡⵓⵔⴰⴽⵓ ⵉ ⵓⵙⵏⴻⴼⵍⵉ ⵉ ⵉⵜⴻⴷⴷⵓⵏ", ⵉⵙⵙⴻⴽⵏⴰⵢ-ⴷ ⵜⵉⵣⴻⵎⵎⴰⵔ ⵏ ⵓⴼⴰⵔⵉⵙ ⵏ ⵜⵎⵓⵔⵜ ⵢⴻⵔⵏⴰ ⵢⴻⵙⵏⴻⵔⵏⴰⵢ ⵜⴻⴳⵏⴰⵜⵉⵏ ⵏ ⵓⵎⴰⵀⵉⵍ, ⵜⴷⵓⴽⵍⵉ ⴷ ⵓⵙⵙⴻⵜⵎⴻⵔ ⵙ ⵓⵟⵎⴰⵏ ⵏ ⵢⵉⵡⴻⵏ ⵏ ⵡⴻⵎⴽⴰⵏ ⵉⵕⴻⵙⵙⴰⵏ ⵉ ⵜⴻⵢⵡⴰⵍⵜ ⴳⴰⵔ ⵢⵉⵎⵉⴳⴰⵡⴻⵏ ⵉⴷⴰⵎⵙⴰⵏⴻⵏ ⵏ ⴷⴰⵟⴻⵍ ⴷ ⵡⵉⴷ ⵏ ⴱⴻⵕⵕⴰ.
ⴳⴰⵔ ⵢⵉⵏⵏⴰⵔⴻⵏ ⵉⵕⴻⵙⵙⴰⵏⴻⵏ ⵏ ⵓⵎⴰⵀⵉⵍ ⵢⴻⵜⵜⴻⴽⴽⵉⵢⴻⵏ ⴷⴻⴳ ⵓⵙⴰⵢⴻⵙ-ⴰⴳⵉ ⵉ ⵜⴻⵙⵙⴻⵍⵡⴰⵢ ⵜⵏⴻⵀⵍⴰⴼⵜ ⵏ ⵜⵏⴻⵣⵣⵓⵜ ⵏ ⴷⴰⵟⴻⵍ ⴷ ⵓⵣⴻⵟⵟⴻⴹ ⵏ ⵓⴳⴻⴷⴻⵣ ⴰⵖⴻⵍⵏⴰⵡ: ⵜⵉⵎⵓⵀⴻⵍ ⵏ ⵡⵓⵞⵞⵉ, ⵜⵉⵎⴳⵓⵔⵉⵡⵉⵏ ⵏ ⵜⵔⵉⵙⵉⵜⵉ ⴷ ⵡⴰⵍⵍⴰⵍⴻⵏ ⵏ ⵓⵅⵅⴰⵎ, ⵜⵉⵎⴳⵓⵔⵉ ⵏ ⵜⴻⵎⴻⴽⴰⵏⵉⴽⵜ ⴷ ⵡⵓⵣⵣⴰⵍ ⴷ ⵓⵚⴻⵍⴱⵉ, ⵜⴰⵎⴳⵓⵔⵉ ⵏ ⵓⴱⴻⴷⴷⴻⵍ (transformation), ⵉⵎⴰⵀⵉⵍⴻⵏ ⵉⴳⴷⵓⴷⴰⵏⴻⵏ ⴷ ⵓⵙⴱⴻⴷⴷⵉ, ⵔⵏⵉ-ⴷ ⴼⴻⵍⵍ-ⴰⵙⴻⵏ ⴰⵏⵏⴰⵔ ⵏ ⵢⵉⵎⴻⵥⵍⴰ.
ⵜⴰⵙⴻⵎⵎⵓⵏⵜ ⵏ ⵓⵙⴻⴳⴳⴰⵙ 2026 ⵜⴻⵙⵙⴻⵏⴽⴰⴷ-ⴷ ⵓⵜⴻⴽⴽⵉ ⵏ ⵙⴱⴻⵏⵢⵓⵍ ⴰⵎ ⵉⵏⴻⴱⴳⵉ ⵏ ⵍⵃⴻⵔⵎⴰ ⴷⴻⴳ ⵢⵉⵡⴻⵏ ⵏ ⵓⵙⵓⵔⵉⴼ ⵉ ⴷ-ⵢⴻⵎⵎⴰⵍⴻⵏ ⵜⵉⴷⴷⵢ ⵢⴻⵍⵀⴰⵏ ⵉ ⵥⵔⴰⵏ ⵡⴰⵙⵙⴰⵖⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⵙⴱⴻⵏⵢⵓⵍ ⴷⴻⴳ ⵜⴰⵍⵍⵉⵜ-ⴰⴳⵉ ⵜⴰⵏⴻⴳⴳⴰⵔⵓⵜ, ⵢⴻⵔⵏⴰ ⴷ ⵜⴰⴳⵏⵉⵜ ⵉ ⵓⵙⴻⴶⵀⴻⴷ ⵏ ⵓⵎⵢⴻⵛⵛⴻⵔ ⵏ ⵙⵉⵏ ⴷ ⵓⵏⴰⴷⵉ ⵏ ⵢⵉⵙⵏⵉⵢⴰⵍⴻⵏ ⵉⵎⴰⵢⵏⵓⵜⴻⵏ ⵉ ⵜⴷⵓⴽⵍⵉ ⴳⴰⵔ ⵜⵎⵓⵙⵏⵉⵡⵉⵏ ⵏ ⵍⴻⵣⵣⴰⵢⴻⵔ ⴷ ⵜⵉⴷ ⵏ ⵙⴱⴻⵏⵢⵓⵍ ⴷⴻⴳ ⵡⴰⵟⴰⵙ ⵏ ⵢⵉⵏⵏⴰⵔⴻⵏ ⵉⵙⵔⴰⵜⵉⴷⵊⵉⵢⴻⵏ, ⴰⴽⴽⴻⵏ ⵉ ⴷ-ⵜⴻⵙⵙⴻⴽⵏⴻⴷ ⵜⵙⵏⵓⵔⴻⴼⵜ ⵏ "ⵙⴰⴼⴻⵅ".
ⵜⴰⵙⴻⵎⵎⵓⵏⵜ ⵏ ⵓⵙⴻⴳⴳⴰⵙ-ⴰⴳⵉ ⵜⴻⵎⴳⴰⵔⴰⴷ ⵙ ⵢⵉⵡⴻⵏ ⵏ ⵡⴰⵀⵉⵍ ⵏ ⵓⵙⴻⴷⴷⴻⵔ ⴷ ⴰⵎⴻⵔⴽⴰⵏⵜⵉ, ⴰⵏⵉⴷⴰ "ⵔⵔⴰⵡⴰⵇ ⵏ ⴼⴰⵍⴻⵙⵟⵉⵏ" ⴰⵎⴰⵢⵏⵓⵜ ⴰⴷ ⴷ-ⵢⴰⵡⵉ ⵢⵉⵡⴻⵜ ⵏ ⵜⵙⴻⵎⵎⵓⵏⵜ ⵏ ⵢⵉⵎⵣⴰⵔⴰⴳⴻⵏ ⴷ ⵜⵖⵉⵎⵉⵢⵉⵏ ⵏ ⵓⴷⵉⵡⴻⵏⵏⵉ ⵓⴼⵔⵉⵏⴻⵏ ⵙⴻⴳ 23 ⴰⵔⵎⵉ ⴷ 25 ⵢⵓⵏⵢⵓ, ⵙ ⵓⵜⴻⴽⴽⵉ ⵏ ⵢⵉⵎⵓⵣⵣⴰⴳⴻⵏ, ⵉⵎⴹⴻⴱⴱⵔⴻⵏ ⴷ ⵢⵉⵎⵉⴳⴰⵡⴻⵏ ⵉⴷⴰⵎⵙⴰⵏⴻⵏ.
ⴰⴷ ⴷ-ⵎⵎⴻⵙⵍⴰⵢⴻⵏ ⵖⴻⴼ ⵢⵉⵙⵓⴽⴰ ⵢⴻⵎⴳⴰⵔⴰⴷⴻⵏ ⴰⵎ ⵓⵎⵢⴻⵛⵛⴻⵔ ⴰⴼⵔⵉⴽⴰⵏ ⴷ ⵓⵙⵉⴷⵔⴻⵡ ⴰⴷⴰⵎⵙⴰⵏ ⵙ ⵓⵇⴻⵔⴷⴻⵛ ⵏ ⵢⵉⵙⵏⵉⵢⴰⵍⴻⵏ ⵏ ⵓⵎⵢⴻⵛⵛⴻⵔ ⵓⵏⵥⵓⵍ-ⵓⵏⵥⵓⵍ (ⵙⵓⴷ-ⵙⵓⴷ), ⴷ ⵜⴻⵎⵏⴰⵟ ⵏ ⵜⵏⴻⵣⵣⵓⵜ ⵜⵉⵍⴻⵍⵍⵉⵜ ⵏ ⵜⴻⴼⵔⵉⵇⵜ (ⵥⵍⴻⵛⴰⴼ), ⵔⵏⵉ-ⴷ ⴼⴻⵍⵍ-ⴰⵙⴻⵏⵜ ⴰⵎⴽⴰⵏ ⵏ ⵍⴻⵣⵣⴰⵢⴻⵔ ⴷⴻⴳ ⵢⵉⴱⴻⴷⴷⵉⵍⴻⵏ ⵉⵊⵉⵓⵒⵓⵍⵉⵜⵉⴽⵉⵢⴻⵏ ⵏ ⵓⵎⴰⴹⴰⵍ.
ⵎⴰ ⴷ ⴰⵙⵙ ⵡⵉⵙ ⵙⵉⵏ ⵏ ⵢⵉⵎⵣⴰⵔⴰⴳⴻⵏ, ⴰⴷ ⵉⵕⴻⵙ ⵖⴻⴼ ⵓⵙⵙⴻⵜⵎⴻⵔ, ⴰⵙⵔⵉⵎ ⴷ ⵓⵎⵢⴻⵛⵛⴻⵔ ⴰⵣⵣⴰⵢⵔⵉ-ⴰⵙⴱⴻⵏⵢⵓⵍⵉ, ⵙ ⵓⵙⴻⴽⵏⴻⴷ ⵏ ⵜⴻⴳⵏⵉⵜ ⵏ ⵢⵉⵎⴰⵀⵉⵍⴻⵏ ⴷⴻⴳ ⵍⴻⵣⵣⴰⵢⴻⵔ ⴷ ⵡⴰⵍⵍⴰⵍⴻⵏ ⵏ ⵓⵙⴼⵓⵍⴻⵍ ⵏ ⵢⵉⵎⵙⴻⵜⵎⴰⵔⴻⵏ ⵏ ⴱⴻⵕⵕⴰ.
ⴰⵣⴻⴽⴽⴰ ⵏ ⵡⴰⵙⵙ ⵡⵉⵙ ⴽⵔⴰⴷ, ⴰⵀⵉⵍ ⴰⴷ ⵉⴼⵓⴽⴽ ⵙ ⵓⵇⴻⵔⴷⴻⵛ ⵏ ⵓⵙⴻⵏⵜⴻⵍ ⵏ ⵢⵉⴳⴻⵔⵔⵔⵓⵊⴻⵏ ⵏ ⵢⵉⵖⴰⵍⴰⴷⴻⵏ (ⵎⵉⵏⴻⵙ) ⴷ ⵓⵙⵏⵓⵍⴼⵓ ⴰⵜⵉⴽⵏⵓⵍⵓⵊⵉ, ⴰⵏⵉⴷⴰ ⴰⴷ ⴷ-ⵎⵎⴻⵙⵍⴰⵢⴻⵏ ⵖⴻⴼ ⵜⵣⴻⵎⵎⴰⵔ ⵏ ⵍⴻⵣⵣⴰⵢⴻⵔ ⴷⴻⴳ ⵓⵏⵏⴰⵔ-ⴰⴳⵉ, ⴷ ⵓⵎⴰⵀⵉⵍ ⵏ ⵓⵙⵏⵓⵍⴼⵓ ⴷ ⵜⵎⵓⵙⵏⵉ ⵜⴰⵡⵓⵔⵎⴰⵏⵜ (ⵉⴰ) ⵉ ⵓⴷⴻⴳⴳⴻⵔ ⵏ ⵓⴱⴻⴷⴷⴻⵍ ⴰⴷⴰⵎⵙⴰⵏ ⴷ ⵓⵏⵉⴳ ⵏ ⵜⵉⵜⵉⴽⵏⵓⵍⵓⴶⵉⵢⵉⵏ.
ⵉⵍⴰⵇ ⴰⴷ ⵏⵣⴻⵔ ⴱⴻⵍⵍⵉ ⵜⴰⵙⴻⵎⵎⵓⵏⵜ ⵡⵉⵙ 56 ⵏ ⵓⵙⴻⴳⴳⴰⵙ ⵢⴻⵣⵔⵉⵏ ⵜⵣⴻⵔ ⵓⵜⴻⴽⴽⵉ ⵏ 684 ⵏ ⵜⵎⵓⵙⵏⵉⵡⵉⵏ, ⴷⴻⴳ-ⵙⴻⵏⵜ 539 ⵏ ⵍⴻⵣⵣⴰⵢⴻⵔ ⴷ 145 ⵏ ⴱⴻⵕⵕⴰ ⵙⴻⴳ 31 ⵏ ⵜⵎⵓⵔⴰ, ⴳⴰⵔ-ⴰⵙⴻⵏⵜ ⵜⴰⵙⴻⵍⵟⴰⵏⵜ ⵏ ⵄⵓⵎⴰⵏ ⵉ ⵢⴻⵍⵍⴰⵏ ⴷ ⵉⵏⴻⴱⴳⵉ ⵏ ⵍⵃⴻⵔⵎⴰ.
ⴰⵔⵏⵓ ⵖⴻⵔ
