ⵜⴻⵙⵙⴻⴽⵏⴻⴷ ⵜⵏⴻⵖⵍⴰⴼⵜ ⵏ ⵜⵏⴻⵣⵣⵓⵜ ⵏ ⴷⴰⵟⴻⵍ ⴷ ⵓⵙⴻⴳⴳⴻⵎ ⵏ ⵓⴳⴻⴷⴻⵣ ⴰⵖⴻⵍⵏⴰⵡ, ⵎⴰⵙⵙⴰ ⴰⵎⴰⵍ ⴰⴱⴷⴻⵍⵍⴰⵜⵉⴼ, ⵣⴷⴰⵜ ⵏ ⵢⵉⵎⴰⵙⵍⴰⴷⴻⵏ ⵏ ⵓⵙⵇⴰⵎⵓ ⴰⵖⴻⵍⵏⴰⵡ ⵏ ⵓⵖⵔⴻⴼ (ⴰⵒⵏ), ⴱⴻⵍⵍⵉ ⴰⵙⴻⵏⴼⴰⵔ ⵏ ⵓⵙⴰⴷⵓⴼ ⵉ ⵢⴻⴱⴻⴷⴷⵍⴻⵏ ⵓ ⵉⵓⵙⴻⵎⴷⴻⵏ ⴰⵙⴰⴷⵓⴼ ⵡⵓⵟⵟⵓⵏ 04-08 ⵢⴻⵄⵏⴰⵏ ⵜⵉⵡⵜⵉⵍⵉⵏ ⵏ ⵜⵎⵓⵀⴰⵍ ⵏ ⵜⵉⴳⴳⴰⵜⵉⵏ ⵏ ⵜⵏⴻⵣⵣⵓⵜ, ⴰⴷ ⵢⵉⵍⵉ ⴷ "ⵜⵎⴻⵔⵏⴰ ⵓⴼⵔⵉⵏⴻⵏ" (ajout qualitatif) ⴷⴻⴳ ⵓⴱⵔⵉⴷ ⵏ ⵓⵙⵎⴰⵢⵏⵓⵜ ⵏ ⵓⵏⴰⴳⵔⴰⵡ ⴰⵙⴰⴷⵓⴼⴰⵏ ⵏ ⵓⵏⵏⴰⵔ-ⴰⴳⵉ.
ⵜⴻⵙⵙⴻⴼⵀⴻⵎ-ⴷ ⵎⴰⵙⵙⴰ ⴰⴱⴷⴻⵍⵍⴰⵜⵉⴼ, ⴷⴻⴳ ⵜⵔⵉⵔ-ⵉⵙ ⵖⴻⴼ ⵢⵉⵙⵜⴻⵇⵙⵉⵢⴻⵏ ⵏ ⵢⵉⵎⴰⵙⵍⴰⴷⴻⵏ ⴷⴻⴳ ⵢⵉⵡⴻⵜ ⵏ ⵜⵉⵖⵉⵎⵉⵜ ⵜⴰⵎⴰⵜⵓⵜ ⵜⴰⵎⴻⴷⴷⵉⵜ ⵏ ⵡⴰⵙⵙ ⵏ ⵍⴻⵜⵏⵉⵢⴻⵏ, ⵉ ⵢⴻⵙⵙⴻⵍⵡⴰⵢ ⵎⴰⵙⵙ ⵎⵓⵀⴰⵎⴻⴷ ⵏⵉⵏⵉ, ⴱⴻⵍⵍⵉ ⴰⴹⵔⵉⵙ-ⴰⴳⵉ ⴰⴷ ⵢⴻⴶⴶ "ⴰⵙⴻⴶⵀⴻⴷ ⵏ ⵜⴼⴻⴼⴻⴼⴼⵉⵜ, ⴷ ⵓⵕⵓⵚⵓ ⵏ ⵏⴼⴰⵄ ⵏ ⵡⴰⵍⵍⴰⵍⴻⵏ ⵏ ⵓⵙⴻⴳⴳⴻⵎ ⵏ ⵓⴳⴻⴷⴻⵣ ⴰⵖⴻⵍⵏⴰⵡ, ⵉⵡⴰⴽⴽⴻⵏ ⴰⴷ ⴷ-ⵢⴰⵡⴻⴹ ⵉ ⵢⵉⴱⴻⴷⴷⵉⵍⴻⵏ ⵉⴷⴰⵎⵙⴰⵏⴻⵏ ⴷ ⵓⵙⴻⴶⵀⴻⴷ ⵏ ⵓⵎⴰⵀⵉⵍ ⴰⴷⴰⵎⵙⴰⵏ ⴰⵖⴻⵍⵏⴰⵡ".
ⵜⴻⵙⵙⴻⴽⵏⴻⴷ-ⴷ ⴷⴻⴳ ⵓⵏⵏⴰⵔ-ⴰⴳⵉ ⴰⵣⴰⵍ "ⵉⵕⴻⵙⵙⴰⵏ" ⵉ ⵜⵜⴻⵅⴷⴰⵎ ⵜⵏⴻⵖⵍⴰⴼⵜ-ⵉⵙ ⴷⴻⴳ ⵓⵙⴻⴳⴳⴻⵎ ⵏ ⵓⴳⴻⴷⴻⵣ ⴰⵖⴻⵍⵏⴰⵡ, "ⵙ ⵜⵎⵓⵖⵍⵉ ⵜⴰⵎⴰⵢⵏⵓⵜ ⵉⵕⴻⵙⵙⴰⵏ ⵖⴻⴼ ⵓⵏⵉⴳ ⵙⴻⴳ ⵜⴰⵔⵔⴰⵢⵉⵏ ⵜⵉⵎⴻⵏⵙⴰⵢⵉⵏ ⵖⴻⵔ ⵢⵉⵡⴻⵜ ⵏ ⵜⴰⵔⵔⴰⵢⵜ ⵜⵉⵃⴻⵔⵛⵉⵜ ⵉⵕⴻⵙⵙⴰⵏ ⵖⴻⴼ ⵢⵉⵙⴰⵍⴰⵏ . ⵜⴻⵙⵔⴻⵚ ⴱⴻⵍⵍⵉ "ⴰⵙⴻⴳⴳⴻⵎ ⵏ ⵓⴳⴻⴷⴻⵣ ⵓⵔ ⵢⴻⵇⵇⵉⵎ ⴰⵔⴰ ⴷ ⵜⵉⴳⴳⴰⵡⵜ ⵏ ⵜⴻⴳⵏⵉⵜ ⴽⴰⵏ, ⵍⴰⵎⴻⵄⵏⴰ ⵢⵓⵖⴰⵍ ⴷ ⴰⴱⵔⵉⴷ ⴰⵙⵔⴰⵜⵉⴷⵊⵉ ⵉⵕⴻⵙⵙⴰⵏ ⵖⴻⴼ ⵓⵙⴻⵎⵔⴻⵙ ⵏ ⵢⵉⵙⴰⵍⴰⵏ ⵉⵕⴻⵙⵙⴰⵏⴻⵏ ⴷ ⵡⵉⴷ ⵉⵎⴰⵢⵏⵓⵜⴻⵏ ⵉ ⴷ-ⵉⵜⵜⴻⴼⴼⵖⴻⵏ ⵙⴻⴳ ⵓⵙⴻⵏⴼⴰⵔ-ⴰⴳⵉ ⴰⵙⴰⴷⵓⴼⴰⵏ".
ⵢⴻⵔⵏⴰ-ⴷ ⵜⴻⵏⵏⴰ ⴱⴻⵍⵍⵉ "ⴰⵙⴱⴻⴷⴷⵉ ⵏ ⵢⵉⵡⴻⵏ ⵏ ⵓⴳⴻⴷⴻⵣ ⵢⴻⵜⵜⵓⵙⴻⴳⴳⵎⴻⵏ ⵓ ⵢⴻⵙⵄⴰⵏ ⵜⴼⴻⴼⴻⴼⴼⵉⵜ ⵉⵕⴻⵙ ⵍⴰⴷⵖⴰ ⵖⴻⴼ ⵢⵉⵡⴻⵏ ⵏ ⵓⵏⴰⴳⵔⴰⵡ ⵏ ⵢⵉⵙⴰⵍⴰⵏ ⵢⴻⴷⴷⵓⴽⴽⵍⴻⵏ, ⵉ ⵉⵣⴻⵎⵔⴻⵏ ⴰⴷ ⴷ-ⵢⴻⴼⴽ ⵜⴰⵙⵍⴻⵟ ⵏ ⵜⵎⵓⵖⵍⵉⵡⵉⵏ ⵓ ⴰⴷ ⴷ-ⵉⵃⴰⴷⴻⵔ ⵙⴻⴳ ⵜⵓⵞⵞⴹⴰ, ⴰⵢⴰⴳⵉ ⴷⴻⴳ ⵓⵣⴻⵏⵣⵉⵖ ⵏ ⵓⵎⵙⴰⵙⴻⵢ ⴷ ⵓⵎⵓⴱⴱⴰⴷⴷⴻⵍ ⵏ ⵢⵉⵙⴰⵍⴰⵏ ⴳⴰⵔ ⵢⵉⵢⴻⵙⴽⵉⵔⴻⵏ ⵢⴻⵎⴳⴰⵔⴰⴷⴻⵏ".
ⴰⵢⴰⴳⵉ ⴰⴷ "ⵢⴻⵙⵙⴻⴶⵀⴻⴷ ⵏⴼⴰⵄ ⴰⴷⴰⵎⵙⴰⵏ ⵓ ⴰⴷ ⴷ-ⵢⴻⵔⵔ ⵜⴰⴼⵍⴻⵙⵜ ⴳⴰⵔ ⵢⵉⵎⵉⴳⴰⵡⴻⵏ ⵢⴻⵎⴳⴰⵔⴰⴷⴻⵏ, ⵙ ⵓⵕⵓⵚⵓ ⵏ ⵜⴼⴻⴼⴻⴼⴼⵉⵜ ⴰⵎ ⵡⴰⵍⵍⴰⵍ ⵉⵕⴻⵙⵙⴰⵏ ⵉ ⵓⵙⴻⵏⵏⴻⴷ ⵏ ⵢⵉⵎⵉⴳⴰⵡⴻⵏ ⵉⴷⴰⵎⵙⴰⵏⴻⵏ ⵙ ⵢⵉⵙⴰⵍⴰⵏ ⵉ ⴷ-ⵉⵜⵜⵡⴰⴽⴽⵙⴻⵏ, ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵣⴻⵟⵟⴻⴹ ⵏ ⵓⴳⴻⴷⴻⵣ ⴷ ⵓⵙⵏⴻⵔⵏⵉ ⵏ ⵓⵙⵓⴷⴷⴻⵙ-ⵉⵙ", ⴰⴽⴽⴻⵏ ⵉ ⴷ-ⵜⴻⵏⵏⴰ ⵜⵏⴻⵖⵍⴰⴼⵜ.
ⴰⵔⵏⵓ ⵖⴻⵔ
