ⵜⵙⴻⵍⵍⴻⵎ-ⴷ ⵜⵏⴻⵖⵍⴰⴼⵜ ⵏ ⵓⵙⵉⵍⴻⵖ ⴷ ⵓⵙⴻⵍⵎⴻⴷ ⵉⵎⴻⵣⵣⵓⵍⴰⵏⴻⵏ, ⵎⴰⵙⵙⴰ ⵏⴰⵙⵙⵉⵎⴰ ⴰⵔⵀⴰⴱ, ⴷⴻⴳ ⵓⴱⵉⵕⵓ ⵏ ⵜⵏⴻⵖⵍⴰⴼⵜ, ⵉ ⵓⵎⴰⵙⵓⵏ ⵏ ⵜⵎⵓⵔⵜ ⵏ ⵇⴰⵟⴰⵔ ⴷⴻⴳ ⵍⴻⵣⵣⴰⵢⴻⵔ, ⵎⴰⵙⵙ ⴰⴱⴷⵓⵍⴰⵣⵉⵣ ⴰⵍⵉ ⴰⵍ-ⵏⴰⴰⵎⴰ. ⵜⵉⵎⵍⵉⵍⵉⵜ-ⴰⴳⵉ ⵜⵓⵙⴰ-ⴷ ⴷⴻⴳ ⵓⴱⵔⵉⴷ ⵏ ⵓⵙⴻⴶⵀⴻⴷ ⵏ ⵡⴰⵙⵙⴰⵖⴻⵏ ⵏ ⵓⵎⵢⴻⵛⵛⴻⵔ ⴳⴰⵔ ⵙⵏⴰⵜ ⵏ ⵜⵎⵓⵔⴰ ⵜⵉⵙⵏⵉⵡⵉⵏ, ⵍⴰⴷⵖⴰ ⴷⴻⴳ ⵓⵏⵏⴰⵔ ⵏ ⵓⵙⵉⵍⴻⵖ ⴷ ⵓⵙⴻⵍⵎⴻⴷ ⵉⵎⴻⵣⵣⵓⵍⴰⵏⴻⵏ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ.
ⴰⵙⵉⵡⴹ ⵢⴻⵔⵏⴰ-ⴷ ⴱⴻⵍⵍⵉ ⵜⵉⵎⵍⵉⵍⵉⵜ-ⴰⴳⵉ ⵜⴻⵍⵍⴰ ⴷ ⵜⴰⴳⵏⵉⵜ ⵉ ⵓⵇⴻⵔⴷⴻⵛ ⵏ ⵜⴰⵔⵔⴰⵢⵉⵏ ⵏ ⵓⵙⵏⴻⴼⵍⵉ ⵏ ⵜⴷⵓⴽⵍⵉ ⴷ ⵓⵙⵙⴻⵎⵖⴻⵔ ⵏ ⵜⵎⵓⵖⵍⵉⵡⵉⵏ-ⵉⵙ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵄⵏⴰⵏ ⴰⵙⵉⵍⴻⵖ ⵏ ⵢⵉⵏⴻⵍⵎⴰⴷⴻⵏ, ⵙ ⵓⵎⵓⴱⴱⴰⴷⴷⴻⵍ ⵏ ⵜⵎⵓⵖⵍⵉⵡⵉⵏ ⴷ ⵢⵉⵔⵎⵉⵜⴻⵏ ⵉⴼⴰⵣⴻⵏ, ⴷ ⵓⵙⴻⵎⵔⴻⵙ ⵏ ⵜⴰⵔⵔⴰⵢⵉⵏ ⵜⵉⵎⴰⵢⵏⵓⵜⴻⵏ ⵉ ⵉⵜⴻⴷⴷⵓⵏ ⴷ ⵡⴰⵢⴻⵏ ⵉⵙⵓⵜⵜⵓⵔ ⵓⴳⴻⴷⴻⵣ (ⵙⵙⵓⵇ) ⵏ ⵓⵎⴰⵀⵉⵍ.
ⵉⵙⵙⴻⴼⵀⴻⵎ-ⴷ ⵓⵙⵉⵡⴹ ⴷⴰⵖⴻⵏ ⴱⴻⵍⵍⵉ ⵎⵎⴻⵙⵍⴰⵢⴻⵏ ⵖⴻⴼ ⵓⵀⴻⴳⴳⵉ ⵉ ⵓⵙⵜⴻⵏⵢⵉ ⵏ ⵢⵉⵎⵜⴰⵡⴰⵏ ⵉⵎⴻⵣⴷⴰⵢⴻⵏ ⵢⴻⵄⵏⴰⵏ ⴰⵙⵉⵍⴻⵖ ⵏ ⵢⵉⵏⴻⵍⵎⴰⴷⴻⵏ ⵙ ⵡⴰⵀⵉⵍⴻⵏ ⵓⴼⵔⵉⵏⴻⵏ, ⴰⵎⴰ ⴷⴻⴳ ⵓⵙⵡⵉⵔ ⴰⵖⴻⵍⵏⴰⵡ ⵏⴻⵖ ⴷⴻⴳ ⵓⵣⴻⵏⵣⵉⵖ ⵏ ⵓⵎⵢⴻⵛⵛⴻⵔ ⴰⴳⵔⴻⵖⵍⴰⵏ.
ⴷⴻⴳ ⵓⵏⵏⴰⵔ-ⴰⴳⵉ, ⵙⵉⵏ ⵏ ⵢⵉⴽⵓⴱⴰⵔ ⵙⵏⴻⴽⴷⴻⵏ ⵉⵙⴻⵏⴼⴰⵔⴻⵏ ⵉⵕⴻⵙⵙⴰⵏⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⵇⴰⵟⴰⵔ, ⴷ ⵜⵉⵣⴻⵎⵎⴰⵔ ⵉ ⴷ-ⵉⵟⵟⴰⴽ ⵓⵏⵏⴰⵔ ⵏ ⵓⵙⵉⵍⴻⵖ ⴷ ⵓⵙⴻⵍⵎⴻⴷ ⵉⵎⴻⵣⵣⵓⵍⴰⵏⴻⵏ ⴷⴻⴳ ⵓⵏⵉⴳ ⵏ ⵜⵉⵜⵉⴽⵏⵓⵍⵓⵊⵉⵢⵉⵏ, ⴰⵙⵏⴻⴼⵍⵉ ⵏ ⵡⴰⵀⵉⵍⴻⵏ, ⴷ ⵓⵀⴻⴳⴳⵉ ⵏ ⵜⴰⵡⵏⵏⴰⴹⵜ ⵏ ⵓⵙⵉⵍⴻⵖ ⴰⵎⴰⵢⵏⵓⵜ ⵉ ⵉⵇⴰⴷⵔⴻⵏ ⵢⵉⵍⵓⴳⴰⵏ ⵉⴳⵔⴰⵖⵍⴰⵏⴻⵏ.
ⴷⴻⴳ ⵜⴰⴳⴳⴰⵔⴰ, ⵙⵏⴰⵜ ⵏ ⵜⴰⵎⵉⵡⵉⵏ ⵙⵏⴻⴽⴷⴻⵏⵜ ⵍⴻⴱⵖⵉ-ⵏⵙⴻⵏⵜ ⵉ ⵓⵙⴰⵍⵉ ⵏ ⵓⵙⵡⵉⵔ ⵏ ⵓⵎⵢⴻⵛⵛⴻⵔ ⵉ ⵏⴼⴰⵄ ⵏ ⵙⵏⴰⵜ ⵏ ⵜⵎⵓⵔⴰ ⴷ ⵓⴷⴻⴳⴳⴻⵔ ⵏ ⵓⵙⵉⵍⴻⵖ ⵓⴼⵔⵉⵏ ⵉ ⵢⵉⵍⴻⵎⵣⵢⴻⵏ, ⵉⵎⵉ ⴷ ⵍⵍⵙⴰⵙ ⵉⵕⴻⵙⵙⴰⵏ ⵉ ⵓⵡⴻⵣⵣⵉ ⵏ ⵓⵙⵏⴻⴼⵍⵉ ⵉ ⵉⵜⴻⴷⴷⵓⵏ (ⴷⵓⵔⴰⴱⵍⴻ).
ⴰⵔⵏⵓ ⵖⴻⵔ
