ⵢⴻⴼⴽⴰ ⵓⵏⴻⵖⵍⴰⴼ ⵏ ⵢⵉⵎⴰⵀⵉⵍⴻⵏ ⵉⴳⴷⵓⴷⴰⵏⴻⵏ ⴷ ⵜⵙⴻⴽⵉⵡⵉⵏ ⵏ ⵍⵍⵙⴰⵙ, ⵎⴰⵙⵙ ⴰⴱⴷⴻⵍⴽⴰⴷⴻⵔ ⴷⵊⴻⵍⵍⴰⵓⵓⵉ, ⴰⵙⵙ-ⴰ ⵏ ⵍⵀⴻⴷ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⵜⵓⵔⴰⴹ ⵉⵡⴰⴽⴽⴻⵏ ⴰⴷ ⵜⵉⴼⵙⵓⵙ ⵜⵉⴷⴷⵢ ⵏ ⵓⵙⴱⴻⴷⴷⵉ ⵏ ⵡⴰⵟⴰⵙ ⵏ ⵢⵉⵙⴻⵏⴼⴰⵔⴻⵏ ⵏ ⵙⵙⴻⴽⴽⴰ ⵏ ⵓⵣⵣⴰⵍ ⵉⵙⵔⴰⵜⵉⴷⵊⵉⵢⴻⵏ. ⵉⵙⵙⴻⵃⵔⴻⵙ ⴷⴰⵖⴻⵏ ⵖⴻⴼ ⵓⵙⴻⴶⵀⴻⴷ ⵏ ⵓⵎⵙⴰⵙⴻⵢ ⴳⴰⵔ ⵢⵉⵎⵉⴳⴰⵡⴻⵏ ⵎⴻⵕⵕⴰ, ⵓⵇⴰⴷⴻⵔ ⵏ ⵡⴰⴽⵓⴷⴻⵏ ⵏ ⵓⵎⵜⴰⵡⴰ ⴷ ⵢⵉⵍⵓⴳⴰⵏ ⵏ ⵜⵖⴰⵔⴰ, ⴰⵢⴰⴳⵉ ⵢⴻⵍⵍⴰ-ⴷ ⴷⴻⴳ ⵢⵉⵡⴻⵜ ⵏ ⵜⵉⵎⵍⵉⵍⵉⵜ ⵏ ⵓⵎⵙⴰⵙⴻⵢ ⵉ ⵓⵙⴼⵓⵍⴻⵍ ⵏ ⵢⵉⵎⴰⵀⵉⵍⴻⵏ ⴷ ⵜⴻⵣⵔⴰⵡⵉⵏ ⵢⴻⵄⵏⴰⵏ ⵉⵙⴻⵏⴼⴰⵔⴻⵏ-ⴰⴳⵉ.
ⴰⵙⵉⵡⴹ ⵏ ⵜⵏⴻⵖⵍⴰⴼⵜ ⵉⵙⵙⴻⴼⵀⴻⵎ-ⴷ ⴱⴻⵍⵍⵉ ⵜⵉⵎⵍⵉⵍⵉⵜ ⵜⴻⵡⵡⵉ-ⴷ ⵖⴻⴼ ⵓⵙⴼⵓⵍⴻⵍ ⵏ ⵜⵉⴷⴷⵢ ⵏ ⵓⵙⴻⵏⴼⴰⵔ ⵏ ⵓⵣⴰⴳ ⵏ ⵓⵖⵍⴰⴷ ⵏ ⵓⴳⵎⵓⴹ ⵉ ⵢⴻⵙⴷⵓⴽⴽⵍⴻⵏ ⵄⴻⵏⵏⴰⴱⴰ, ⵙⵓⵇ ⴰⵀⵔⴰⵙ, ⵜⴱⴻⵙⵙⴰ, ⴶⴱⴻⵍ ⵄⵓⵏⵇ ⴷ ⴱⵍⴰⴷ ⴻⵍ ⵀⴰⴷⴱⴰ, ⵉ ⵉⵡⴻⵣⵏⴻⵏ 422 ⴽⵎ. ⴷⵉⵏⵏⴰ ⵉⵡⴰⵍⴰⵏⵜ ⵜⵉⴷⴷⵢ ⵏ ⵢⵉⵎⴰⵀⵉⵍⴻⵏ ⴷⴻⴳ ⵢⴰⴽⴽ ⵢⵉⵃⵔⵉⵛⴻⵏ ⵏ ⵓⴱⵔⵉⴷ-ⴰⴳⵉ ⵓ ⵙⴰⵜⵉⴳⴻⵏ ⵓⵇⴰⴷⴻⵔ ⵏ ⵡⴰⵀⵉⵍ ⵏ ⵓⵙⴻⵍⴽⴻⵎ.
ⵜⵉⵎⵍⵉⵍⵉⵜ ⵜⴻⵍⵍⴰ-ⴷ ⵙ ⵜⵉⵍⵉⵜ ⵏ ⵢⵉⵎⴹⴻⴱⴱⵔⴻⵏ ⵏ ⵜⵏⴻⵖⵍⴰⴼⵜ, ⴷ ⵓⵎⴹⴻⴱⴱⴻⵔ ⴰⵎⴰⵜⵓ ⵏ ⵜⵙⵏⵓⵔⴻⴼⵜ ⵜⴰⵖⴻⵍⵏⴰⵡⵜ ⵏ ⵜⴻⵣⵔⴰⵡⵉ ⴷ ⵓⵙⴼⵓⵍⴻⵍ ⵏ ⵓⵙⵙⴻⵜⵎⴻⵔ ⴷⴻⴳ ⵙⵙⴻⴽⴽⴰ ⵏ ⵓⵣⵣⴰⵍ ⵙ ⵜⴰⵎⴰ ⵏ ⵢⵉⵙⴻⵍⵡⴰⵢⴻⵏ ⵉⵎⴹⴻⴱⴱⵔⴻⵏ ⵉⵎⴰⵜⴰⵏⴻⵏ ⵏ ⵡⴰⵟⴰⵙ ⵏ ⵜⵎⵓⵙⵏⵉⵡⵉⵏ ⵜⵉⴳⴷⵓⴷⴰⵏⵉⵏ ⵉⵅⴻⴷⴷⵎⴻⵏ ⴷⴻⴳ ⵓⵙⴱⴻⴷⴷⵉ ⵏ ⵜⵉⵙⴻⴽⵉⵡⵉⵏ ⵏ ⵍⵍⵙⴰⵙ ⵏ ⵙⵙⴻⴽⴽⴰ ⵏ ⵓⵣⵣⴰⵍ.
ⴷⴻⴳ ⵜⴰⵍⵍⵉⵜ-ⴰⴳⵉ, ⴰⵏⴻⵖⵍⴰⴼ ⵢⴻⴼⴽⴰ ⵜⵓⵔⴰⴹ ⵉⵡⴰⴽⴽⴻⵏ ⴰⴷ ⵜⵜⵓⵙⴱⴻⴷⴷⴻⵏ ⵡⴰⵍⵍⴰⵍⴻⵏ ⵏ ⵜⴰⵍⵙⴰ ⴷ ⵡⵉⴷ ⵏ ⵍⵍⵙⴰⵙ ⵏⵏⵉⴹⴻⵏ, ⴷ ⵓⵙⴻⴶⵀⴻⴷ ⵏ ⵓⵎⵙⴰⵙⴻⵢ ⵉ ⵓⴼⵙⵉⵙ ⵏ ⵜⵉⴷⴷⵢ ⵏ ⵢⵉⵎⴰⵀⵉⵍⴻⵏ. ⴷⴰⵖⴻⵏ, ⵉⵀⴻⵢⵢⴰ-ⴷ ⵢⵉⵡⴻⵜ ⵏ ⵜⵉⵔⵣⵉ ⵏ ⵡⴰⵏⵏⴰⵔ ⵖⴻⵔ ⵓⵙⴻⵏⴼⴰⵔ ⴷⴻⴳ ⵡⵓⵙⵙⴰⵏ ⵉ ⴷ-ⵉⵜⵜⴻⴷⴷⵓⵏ ⵉⵡⴰⴽⴽⴻⵏ ⴰⴷ ⵉⵥⴻⵔ ⵙ ⵜⵎⵓⵖⵍⵉ-ⵉⵙ ⵍⵇⴻⴷⴷ ⵏ ⵓⴳⴻⵎⵎⵓ.
ⴰⵏⴻⵖⵍⴰⴼ ⵉⴹⴼⴻⵔ ⴷⴰⵖⴻⵏ ⴰⵙⴻⵏⴽⴻⴷ ⵖⴻⴼ ⵓⵙⴻⵏⴼⴰⵔ ⵏ ⵜⵓⵇⵇⵏⴰ ⵏ ⵜⵙⴻⴷⴷⴰⵔⵜ ⵏ ⵜⵓⵎⵢⴰⵜ ⴷ ⵓⴱⵔⵉⴷ ⵏ ⵙⵙⴻⴽⴽⴰ ⵏ ⵓⵣⵣⴰⵍ ⵉ ⵢⴻⵙⴷⵓⴽⴽⵍⴻⵏ ⴱⴻⵛⵛⴰⵔ, ⵜⵉⵏⴷⵓⵓⴼ ⴷ ⵖⴰⵔⴰ ⴶⴱⵉⵍⴻⵜ. ⵉⵙⵔⴻⵚ ⴱⴻⵍⵍⵉ ⴰⵙⴻⵏⴼⴰⵔ-ⴰⴳⵉ ⵢⴻⵙⵄⴰ ⴰⵣⴰⵍ ⴰⵎⴻⵇⵇⵔⴰⵏ ⵉ ⵓⴷⴻⴳⴳⴻⵔ ⵏ ⵓⵎⴰⵀⵉⵍ ⵏ ⵓⵖⵍⴰⴷ ⴷ ⵓⵍⵓⵊⵉⵢⵙⵜⵉⴽ.
ⵎⵎⴻⵙⵍⴰⵢⴻⵏ ⴷⴰⵖⴻⵏ ⵖⴻⴼ ⵜⴻⵣⵔⴰⵡⵉⵏ ⵏ ⵓⵙⴻⵏⴼⴰⵔ ⵏ ⵓⴱⵔⵉⴷ ⵍⴻⵣⵣⴰⵢⴻⵔ-ⵜⴰⵎⴻⵏⵖⴰⵙⵜ, ⵍⴰⴷⵖⴰ ⴰⵃⵔⵉⵛ ⵏ ⵡⴰⵔⴳⵍⴰ-ⴻⵍ ⵎⴻⵏⵉⴰ, ⴷ ⵓⵀⴻⴳⴳⵉ ⵉ ⵓⵙⵓⴼⴼⴻⵖ ⵏ ⵢⵉⵙⴻⵏⴼⴰⵔⴻⵏ ⵍⴻⵖⵡⴰⵟ-ⵖⴰⵔⴷⴰⵢⴰ-ⴻⵍ ⵎⴻⵏⵉⴰ ⴷ ⴻⵍ ⵎⴻⵏⵉⴰ-ⵄⵉⵏ ⵚⴰⵍⴰⵃ-ⵜⴰⵎⴻⵏⵖⴰⵙⵜ. ⴷⴻⴳ ⵓⵏⵏⴰⵔ-ⴰⴳⵉ, ⴰⵏⴻⵖⵍⴰⴼ ⵉⵙⵙⴻⵃⵔⴻⵙ ⵖⴻⴼ ⵡⴰⵣⴰⵍ ⵏ ⵓⵖⵉⵡⴻⵍ ⴷⴻⴳ ⵓⵙⵎⴻⴷ ⵏ ⵜⴻⵣⵔⴰⵡⵉⵏ ⵜⴰⵜⵉⴽⵏⵉⴽⵉⵏ ⵉ ⵓⵙⴰⵍⵉ ⵏ ⵓⵣⴻⵟⵟⴰ ⴰⵖⴻⵍⵏⴰⵡ ⵏ ⵙⵙⴻⴽⴽⴰ ⵏ ⵓⵣⵣⴰⵍ ⴷ ⵓⵙⴻⴶⵀⴻⴷ ⵏ ⵜⵓⵇⵇⵏⴰ ⴳⴰⵔ ⵜⴻⵎⵏⴰⴹⵉⵏ ⵏ ⵜⵎⵓⵔⵜ.
ⴰⵔⵏⵓ ⵖⴻⵔ
