ⵉⵙⴻⵍⵍⴻⵎ ⵓⵏⴻⵖⵍⴰⴼ ⵏ ⵜⵏⴻⵣⵣⵓⵜ ⵏ ⴱⴻⵕⵕⴰ ⴷ ⵓⵙⵏⴻⵔⵏⵉ ⵏ ⵢⵉⵎⵓⴼⴼⴻⵖⴻⵏ, ⵎⴰⵙⵙ ⴽⴰⵎⴰⵍ ⵔⴻⵣⵉⴳ, ⴰⵙⵙ-ⴰ ⵏ ⵍⵃⴻⴷ, ⵉ ⵢⵉⵡⴻⵜ ⵏ ⵜⴰⵔⴱⴰⵄⵜ ⵙⴻⴳ ⵜⵙⵏⵓⵔⴻⴼⵜ ⵜⴰⵎⴰⴹⵍⴰⵏⵜ ⵏ ⵎⴰⵔⵉⴽⴰⵏ "ⵙⴽⴻⵜⵛⵀⴻⵔⵙ", ⵉⵡⴰⴽⴽⴻⵏ ⴰⴷ ⵉⵇⴻⵔⴷⴻⵛ ⵢⵉⴷ-ⵙⴻⵏ ⵜⵉⵣⴻⵎⵎⴰⵔ ⵏ ⵓⵙⵙⴻⵜⵎⴻⵔ ⴷⴻⴳ ⵍⴻⵣⵣⴰⵢⴻⵔ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵀⵍⴰⴼⵜ.
ⵜⴰⵔⴱⴰⵄⵜ-ⴰⴳⵉ ⵏ ⵜⵙⵏⵓⵔⴻⴼⵜ ⴷⴻⴳ-ⵙ ⴰⵙⴻⵍⵡⴰⵢ ⵡⵉⵙ ⵙⵉⵏ ⵏ "ⵙⴽⴻⵜⵛⵀⴻⵔⵙ" ⵢⴻⵄⵏⴰⵏ ⵜⴰⵎⵙⴰⵍ ⵏ ⵜⴻⴷⵔⵉⵎⵜ, ⵎⴰⵙⵙ ⴷⵓⵓⴳⵍⴰⵙ ⵒⴰⵔⴽⴻⵔ, ⴷ ⵓⵙⴻⵍⵡⴰⵢ ⵡⵉⵙ ⵙⵉⵏ ⵢⴻⵄⵏⴰⵏ ⴰⵣⵏⵓⵣ ⴰⴳⵔⴻⵖⵍⴰⵏ, ⵎⴰⵙⵙ ⴷⴰⵏⵉⴻⵍ ⵍⴻⵠⵢ, ⵙ ⵜⵉⵍⵉⵜ ⵏ ⵢⵉⵎⴹⴻⴱⴱⵔⴻⵏ ⵏ ⵜⵎⵓⵙⵏⵉ ⵏ ⵜⴷⵓⴽⵍⵉ ⴷⴻⴳ ⵍⴻⵣⵣⴰⵢⴻⵔ "ⵜⵔⴰⴷⵉⴼⵓⵓⵜ".
ⴷⴻⴳ ⵜⴰⵍⵍⵉⵜ-ⴰⴳⵉ, ⵇⴻⵔⴷⵛⴻⵏ ⵢⵉⵙⵏⵉⵢⴰⵍⴻⵏ ⵏ ⵓⵙⴱⴻⴷⴷⵉ ⵏ ⵓⵎⴻⵣⵡⴰⵔ ⵏ ⵍⵍⵙⴰⵙ ⴰⵎⴳⵓⵔⵉⵢⴰⵏ ⴷⴻⴳ ⵜⴻⴼⵔⵉⵇⵜ ⵉ ⵓⴼⴰⵔⵉⵙ ⵏ ⵢⵉⵙⴰⵔⴽⴰⵙⴻⵏ ⵏ ⵜⵎⴰⵜⴰⵔⵜ ⵜⴰⵎⴰⴹⵍⴰⵏⵜ "ⵙⴽⴻⵜⵛⵀⴻⵔⵙ" ⴷⴻⴳ ⵍⴻⵣⵣⴰⵢⴻⵔ.
ⴷⴻⴳ ⵓⵏⵏⴰⵔ-ⴰⴳⵉ, ⴰⵏⴻⵖⵍⴰⴼ ⵉⵙⵔⴻⵚ ⴱⴻⵍⵍⵉ "ⴰⵙⴻⵏⴼⴰⵔ-ⴰⴳⵉ ⴷ ⴰⵙⴻⵍⴽⴻⵎ ⵏ ⵜⵎⵓⵖⵍⵉ ⵜⴰⵙⵔⴰⵜⵉⴷⵊⵉⵜ ⵏ ⵓⵡⴰⵏⴰⴽ ⵉ ⵢⴻⴱⵖⴰⵏ ⴰⴷ ⴷ-ⵢⴻⵔⵔ ⵓⴼⴰⵔⵉⵙ ⵏ ⵜⵎⵓⵔⵜ ⴷⴻⴳ ⵡⴻⵎⴽⴰⵏ ⵏ ⵢⵉⵙⴻⴽⵛⵉⵎⴻⵏ ⵏ ⴱⴻⵕⵕⴰ (importations), ⵙ ⵓⴱⵔⵉⴷ ⵏ ⵓⵙⵉⵀⵔⴻⵡ ⵏ ⵢⵉⵙⵙⴻⵜⵎⴰⵔⴻⵏ ⵏ ⴱⴻⵕⵕⴰ ⴷ ⵓⵙⴻⴶⵀⴻⴷ ⵏ ⵜⴷⵓⴽⵍⵉ ⴷ ⵜⵎⴰⵜⴰⵔⵉⵏ ⵉⵎⴻⵇⵇⵔⴰⵏⴻⵏ ⵏ ⵓⵎⴰⴹⴰⵍ".
ⵔⴻⵣⵉⴳ ⵉⵙⵙⴻⴽⵏⴻⴷ ⴱⴻⵍⵍⵉ "ⵓⴼⵔⴰⵏ ⵏ ⵜⵎⴰⵜⴰⵔⵜ-ⴰⴳⵉ ⵉⵡⴰⴽⴽⴻⵏ ⴰⴷ ⴷ-ⵜⴻⵙⴱⴻⴷⴷ ⵜⴰⴼⴰⴱⵔⵉⴽⵜ-ⵉⵙ ⵜⴰⵎⴻⵏⵣⵡⵓⵜ ⴷⴻⴳ ⵜⴻⴼⵔⵉⵇⵜ ⴷⴻⴳ ⵍⴻⵣⵣⴰⵢⴻⵔ, ⵢⴻⵎⵎⴰⵍ-ⴷ ⵜⴻⴼⵍⴻⵙⵜ ⵉ ⵉⵜⴻⴷⴷⵓⵏ ⴷⴻⴳ ⵜⴻⴳⵏⵉⵜ ⵏ ⵓⵙⵙⴻⵜⵎⴻⵔ ⴷⴻⴳ ⵜⵎⵓⵔⵜ, ⵓ ⴷ ⵜⵉⵏ ⵉ ⴷ-ⵉⵙⵙⴻⴽⵏⴰⵢⴻⵏ ⵔⵔⴻⴱⴻⵃ ⵏ ⵢⵉⵙⵏⵉⵢⴰⵍⴻⵏ ⵉⴷⴰⵎⵙⴰⵏⴻⵏ ⵉ ⴷ-ⵢⴻⵡⵡⵉ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⵉ ⵢⴻⴱⵖⴰⵏ ⴰⵙⴻⵎⵎⵓⵣⵣⴻⴳ ⵏ ⵜⴷⴰⵎⵙⴰ ⴷ ⵓⴷⴻⴳⴳⴻⵔ ⵏ ⵓⴼⴰⵔⵉⵙ ⴰⴷⵉⴳⴰⵏ", ⴰⴽⴽⴻⵏ ⵉ ⴷ-ⵢⴻⵔⵏⴰ ⵓⵙⵉⵡⴹ.
ⴰⵔⵏⵓ ⵖⴻⵔ
