ⵎⵎⵓⵜⴻⵏ 49 ⵏ ⵎⴻⴷⴷⴻⵏ ⵓ ⴶⴻⵔⵃⴻⵏ 2214 ⵏⵏⵉⴹⴻⵏ ⴷⴻⴳ 1772 ⵏ ⵢⵉⵙⵓⵢⵎⵉⵙ ⵏ ⵡⴻⴱⵔⵉⴷ ⵉ ⴷ-ⵢⴻⵍⵍⴰⵏ ⴷⴻⴳ ⵡⴰⵟⴰⵙ ⵏ ⵜⵡⵉⵍⴰⵢⵉⵏ ⵏ ⵜⵎⵓⵔⵜ, ⴷⴻⴳ ⵜⴰⵍⵍⵉⵜ ⴳⴰⵔ 24 ⴷ 30 ⵏ ⵎⴰⵢⵓ ⵉⵄⴻⴷⴷⴰⵏ, ⴰⴽⴽⴻⵏ ⵉ ⴷ-ⵜⴻⴽⴰ ⵜⵉⵣⵉ ⵏ ⵜⵃⵓⴷⴷⵓⵡⵜ ⵏ ⵓⵖⵔⵉⵎ (ⵒⵔⵓⵜⴻⵛⵜⵉⵓⵏ ⵛⵉⵠⵉⵍⴻ) ⴰⵙⵙ-ⴰ ⵏ ⵜⵜⵍⴰⵜⴰ.
ⵉⵙⵙⴻⴼⵀⴻⵎ-ⴷ ⵓⵖⴱⴰⵍⵓ-ⵏⵏⵉ ⴱⴻⵍⵍⵉ ⴰⵣⴰⵎⵓⵍ ⵉⵥⴰⵢⴻⵏ ⵢⴻⵍⵍⴰ-ⴷ ⴷⴻⴳ ⵜⵡⵉⵍⴰⵢⵜ ⵏ ⵙⵉⴷⵉ ⴱⴻⵍⵄⴻⴱⴱⴰⵙ, ⴰⵏⵉⴷⴰ ⵎⵎⵓⵜⴻⵏ 4 ⵏ ⵎⴻⴷⴷⴻⵏ ⵓ ⴶⴻⵔⵃⴻⵏ 22 ⵏⵏⵉⴹⴻⵏ ⴷⴻⴳ 22 ⵏ ⵢⵉⵙⵓⵢⵎⵉⵙ ⵏ ⵡⴻⴱⵔⵉⴷ.
ⵙⴻⴳ ⵜⴰⵎⴰ ⵏ ⵏⵏⵉⴹⴻⵏ, ⵜⴰⵙⴻⴷⴷⴰⵔⵉⵏ ⵏ ⵜⵃⵓⴷⴷⵓⵡⵜ ⵏ ⵓⵖⵔⵉⵎ ⵅⴻⴷⵎⴻⵏⵜ 1588 ⵏ ⵜⵉⴳⴳⴰⵜⵉⵏ ⵉⵡⴰⴽⴽⴻⵏ ⴰⴷ ⵙⵙⴻⵅⵙⵉⵏⵜ ⵍⵃⴰⵔⵉⵇⴰⵜ ⵏ ⵢⵉⵅⵅⴰⵎⵎⴻⵏ, ⵏ ⵜⴻⵎⴳⵓⵔⵉ ⴷ ⵜⵉⵢⴰⴹ, ⵍⴰⴷⵖⴰ ⴷⴻⴳ ⵜⵡⵉⵍⴰⵢⵉⵏ ⵏ ⵍⴻⵣⵣⴰⵢⴻⵔ (91 ⵏ ⵍⵃⴰⵔⵉⵇ), ⵙⵟⵉⴼ (89) ⴷ ⵄⴻⵏⵏⴰⴱⴰ (73).
ⴷⴻⴳ ⵢⵉⵡⴻⵜ ⵏ ⵜⴰⵍⵍⵉⵜ, ⵉⵎⴻⵣⵍⴰ ⵏ ⵜⵃⵓⴷⴷⵓⵡⵜ ⵏ ⵓⵖⵔⵉⵎ ⵅⴻⴷⵎⴻⵏ 5261 ⵏ ⵜⵉⴳⴳⴰⵜⵉⵏ ⵢⴻⵎⴳⴰⵔⴰⴷⴻⵏ ⵉⵡⴰⴽⴽⴻⵏ ⴰⴷ ⵙⴻⵍⵍⴽⴻⵏ 459 ⵏ ⵢⵉⵎⴷⴰⵏⴻⵏ ⵉ ⵢⴻⵍⵍⴰⵏ ⴷⴻⴳ ⵓⵎⵉⵀⵉ, ⵓ ⴷⴷⴰⵏ-ⴷ ⴷⴻⴳ 4345 ⵏ ⵜⵎⵓⵀⴰⵍ ⵏ ⵜⴰⵍⵍⴰⵍⵜ ⵜⴰⵎⴻⵏⵣⵓⵜ.
ⵉⵙⵙⴻⴽⵜⵉ-ⴷ ⵓⵖⴱⴰⵍⵓ-ⵏⵏⵉ ⴱⴻⵍⵍⵉ ⴰⵏⴰⴳⵔⴰⵡ ⵏ ⵓⵣⴻⵟⵟⴻⴹ ⵏ ⵜⴻⴼⵜⵉⵙⵉⵏ ⴷ ⵓⵏⴻⵍⵀⵓ ⵢⴻⴱⴷⴰ ⴰⵎⴰⵀⵉⵍ-ⵉⵙ ⵙⴻⴳ ⵓⵎⴻⵣⵡⴰⵔ ⵏ ⵢⵓⵏⵢⵓ. ⵅⴻⴷⵎⴻⵏ 12 ⵏ ⵜⵉⴳⴳⴰⵜⵉⵏ ⵉ ⴷⴻⴳ ⵙⴻⵍⵍⴽⴻⵏ 3 ⵏ ⵢⵉⵎⴷⴰⵏⴻⵏ ⵙⴻⴳ ⵓⵖⴻⵍⵍⵓ ⴷⴻⴳ ⵡⴰⵎⴰⵏ, ⴼⴽⴰⵏ ⵜⴰⵍⵍⴰⵍⵜ ⵜⴰⵎⴻⵏⵣⵓⵜ ⵉ 4 ⵏⵏⵉⴹⴻⵏ ⵓ ⵓⵡⵢⴻⵏ 5 ⵖⴻⵔ ⵙⴱⵉⵜⴰⵔ. ⴰⵔ ⵜⵓⵔⴰ ⵓⵔ ⵢⴻⵍⵍⵉ ⴰⵔⴰ ⵡⵉⵏ ⵉ ⵢⴻⵏⴶⴰⴼⴻⵏ ⵙ ⵓⵖⴻⵍⵍⵓ ⴷⴻⴳ ⵢⵉⵍⵍⴻⵍ.
ⴷⴻⴳ ⵜⴰⴳⴳⴰⵔⴰ, ⴰⵙⵉⵡⴹ ⵉⵙⵙⴻⴽⵏⴻⴷ ⴱⴻⵍⵍⵉ ⴰⵏⴰⴳⵔⴰⵡ ⵏ ⵓⵎⴻⵏⵏⵓⵖ ⵎⴳⴰⵍ ⵍⵃⴰⵔⵉⵇⴰⵜ ⵏ ⵜⴻⵥⴳⵉⵡⵉⵏ ⴷ ⵜⴼⴻⵔⴽⵉⵡⵜ ⵢⴻⵅⴷⴻⵎ 38 ⵏ ⵜⵉⴳⴳⴰⵜⵉⵏ ⴷⴻⴳ ⵡⴰⵟⴰⵙ ⵏ ⵜⵡⵉⵍⴰⵢⵉⵏ ⵏ ⵜⵎⵓⵔⵜ.
ⴰⵔⵏⵓ ⵖⴻⵔ
