ⵢⴻⵙⵙⴻⵍⵡⵉ ⵓⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵏ ⵓⵖⵍⴰⵏ, ⵎⴰⵙⵙ ⴰⵣⵣⵓⵣ ⵏⴰⵙⵔⵉ, ⴷⴻⴳ ⵡⴰⵙⵙ ⵏ ⵓⵙⴰⵎⴰⵙ, ⵜⵉⵎⵍⵉⵍⵉⵜ ⵏ ⵜⵏⴰⵔⵉⵜ ⵏ ⵓⵙⴻⵇⵇⴰⵎⵓ ⵢⴻⴳⴳⴻⵄⵎⵔⴻⵏ, ⵏ ⵢⵉⵙⴻⵍⵡⴰⵢⴻⵏ ⵏ ⵢⵉⴳⵔⴰⵡⴻⵏ ⵉⵡⴰⵎⵏⵉⵢⴻⵏ ⴷ ⵓⵔⴰⵇⴻⴱ ⴰⵡⴰⵎⵏⵉ, ⵖⴻⴼ ⵓⵙⴻⴽⵢⴻⴷ ⵏ ⵜⴻⵙⵡⴰⵙⵜ ⵏ ⵓⵎⴰⵀⵉⵍ ⵏ ⵓⵙⴻⵇⵇⴰⵎⵓ ⵏ ⵓⵖⵍⴰⵏ ⴷⴻⴳ ⵜⴰⵍⵍⵉⵜ ⵊⴰⵔ 13 ⴷ 22 ⵢⴻⵏⵏⴰⵔ 2026, ⴰⵎⵎⴻⴽ ⵉ ⴷ-ⵢⴻⵏⵏⴰ ⵓⵍⵖⵓ ⵏ ⵜⴻⵅⵅⴰⵎⵜ ⵜⵓⵏⵏⵉⴳⵜ ⵏ ⵓⵎⵏⵉ.
ⵢⴻⵙⵙⴻⴳⵣⵉ-ⴷ ⵓⵖⴱⴰⵍⵓ ⴱⴻⵍⵍⵉ ⵜⴰⵙⵡⴰⵙⵜ ⵏ ⵓⵎⴰⵀⵉⵍ ⵏ ⵓⵙⴻⵇⵇⴰⵎⵓ ⵏ ⵓⵖⵍⴰⵏ ⴷⴻⴳ ⵜⴰⵍⵍⵉⵜ ⵢⴻⵜⵜⵡⴰⵏⵏⴰⵏ, ⴰⴷ ⵜⴻⵙⵄⴰ ⵜⴰⵣⵔⴰⵡⵜ ⴷ ⵓⵙⴽⴰⵙⵉ ⵖⴻⴼ ⵢⵉⴹⵔⵉⵙⴻⵏ ⵏ ⵢⵉⵙⵓⴹⴰⴼ ⴷ ⵜⴰⴳⵏⵉⵜ ⵏ ⵢⵉⵙⴻⵇⵙⵉⵢⴻⵏ ⵉⵎⴰⵡⵉⵢⴻⵏ ⴷ ⵢⴻⵜⵜⵡⴰⵔⵓⵏ ⵢⴻⵍⵍⴰⵏ ⵖⴻⵔ ⵜⵏⴰⵔⵉⵜ, ⴰⴽⴽⴻⴷ ⴰⴱⴻⵢⵢⴻⵏ ⵏ ⵜⵉⵎⵎⴻⵙⵍⴻⴹⵜ ⵏ ⵓⵎⴰⵙⵍⴰⴹ ⴰⵎⴰⵢⵏⵓ ⴷⴻⴳ ⵓⵙⴻⵇⵇⴰⵎⵓ ⵏ ⵓⵖⵍⴰⵏ ⵙ ⵓⵣⵡⴻⵍ ⵏ ⵜⴼⴻⴽⵔⴰⴹⵜ ⵜⴰⵙⴻⵍⵡⴰⵢⴰⵏⵜ.
ⴷⴻⴳ ⵜⵉⵎⵍⵉⵍⵉⵜ-ⴰⵢⴰ, ⵢⴻⵜⵜⵡⴰⵖⵜⴻⵙ ⴰⴷ ⵙⵙⵄⴻⴷⴷⴰⵏ ⵙⴻⵏ ⵏ ⵢⵉⴹⵔⵉⵙⴻⵏ ⵓⵙⴹⵉⴼⴻⵏ ⵖⴻⵔ ⵜⵙⴻⵇⵇⵉⵎⵜ ⵏ ⵢⵉⵡⴻⵥⵍⴰ ⵉⵣⴻⵔⴼⴰⵏⴻⵏ ⴷ ⵢⵉⴷⴻⴱⵍⴰⵏⴻⵏ ⴷ ⵢⵉⵣⴻⵔⴼⴻⵏ ⵏ ⵓⵎⴷⴰⵏ ⴷ ⵓⵙⵓⴷⴷⴻⵙ ⴰⴷⵉⴳⴰⵏ ⴷ ⵓⵙⴻⵇⵄⴻⴷ ⵏ ⵓⴳⴻⵍⵍⵓⵢ, ⵜⴰⵎⵙⴰⵍⵜ-ⴰⵢⴰ ⵜⴻⵄⵏⴰ ⴰⴹⵔⵉⵙ ⵏ ⵓⵙⴰⴹⵓⴼ ⴰⴳⴰⵎⴰⵏ ⵢⴻⵄⵏⴰⵏ ⴰⵙⴰⴹⵓⴼ ⴰⴳⴻⵊⴷⴰⵏ ⵏ ⵜⴻⵖⴷⴻⵎⵜ, ⴷ ⵓⴹⵔⵉⵙ ⵏ ⵓⵙⴰⴰⴹⵓⴼ ⵢⴻⵄⵏⴰⵏ ⵙ ⵜⴰⵏⵏⴰⴹⵜ 86 – 70 ⵏ 15 ⵊⴻⵎⴱⴻⵔ 1970, ⵢⴻⵙⵄⴰⵏ ⴰⵙⴰⴹⵓⴼ ⵏ ⵜⴻⵖⵍⴻⵏⵜ ⵜⴰⴷⵣⴰⵢⵔⵉⵜ, ⵜⴳⴰⵔⴰ ⵏ ⵓⵙⵓⵎⴻⵔ ⵓⴹⵔⵉⵙ ⵏ ⵓⵙⴰⴹⵓⴼ ⵢⴻⵄⵏⴰⵏ ⴰⵙⵉⵊⵔⴻⵎ ⵏ ⵓⵙⴻⵀⵔⴻⵙ ⴰⴼⵕⴰⵏⵙⵉ ⵖⴻⴼ ⴷⵣⴰⵢⴻⵔ ⵖⴻⴼ ⵜⵙⴻⵇⵇⵉⵎⵜ ⵏ ⵓⵎⵣⴰⵖ ⴰⵖⴻⵍⵏⴰⵡ.
ⵢⴻⵔⵉ ⵢⴻⵜⵜⵡⴰⵖⵜⴻⵙ ⵓⵙⵓⵎⴻⵔ ⵏ ⵢⵉⴹⵔⵉⵙⴻⵏ ⵓⵙⴹⵉⴼⴻⵏ ⵖⴻⴼ ⵜⵙⴻⵇⵇⵉⵎⵜ ⵏ ⵓⵙⴳⴰⵍⴻⴼ ⴷ ⵓⵙⵏⴻⴳⵎⵓ ⴰⴷⵉⴳⴰⵏ, ⵜⴰⵎⵙⴰⵍⵜ-ⴰⵢⴰ ⵜⴻⵄⵏⴰ ⴰⵙⴰⴹⵓⴼ ⵏ ⵓⴱⵔⵉⴷ ⴷ ⵢⵉⵎⴻⵥⵍⴰ ⵏ ⵜⴻⴼⵍⴻⵙⵜ ⴷⴻⴳ ⵜⵎⵓⵙⴰⵍⵜ ⵜⵉⵍⵉⴽⵜⵔⵓⵏⵉⵏ ⴷ ⵓⵙⵉⵙⵙⴻⵏ ⴰⵍⵉⴽⵜⵔⵓⵏⴰⵏ, ⵙ ⵢⵉⵙⵡⵉ ⵏ ⵓⵙⵎⵓⵜⴻⴳ ⵏ ⵢⵉⵎⵍⴰ ⵖⴻⴼ ⵓⵙⴻⵏⵜⴻⵍ-ⴰⵢⴰ.
ⵎⴰ ⵖⴻⴼ ⵜⴰⵙⵡⴰⵙⵜ ⵏ ⵓⵎⴰⵀⵉⵍ ⵏ ⵓⵙⴻⵇⵇⴰⵎⵓ ⵏ ⵓⵖⵍⴰⵏ ⴷⴻⴳ ⵜⴰⵍⵍⵉⵜ ⵉ ⴷ-ⵢⵓⵙⵉⵏ, ⵜⵉⵖⵉⵎⵉⵢⵉⵏ ⵜⵉⵞⵞⵓⵕⴰⵏⵉⵏ ⴰⴷ ⴽⴻⵎⵎⵍⴻⵏ ⵙⴻⴳ ⵜⵏⴻⵣⵣⴰⵢⵜ ⵏ ⵡⴰⵙⵙ ⵏ ⵓⵙⵉⵏⴰⵙ 13 ⵢⴻⵏⵏⴰⵔ 2026, ⵎⴰ ⴷ ⵢⵉⴹⵔⵉⵙⴻⵏ ⵏ ⵢⵉⵙⵓⴹⴰⴼ ⵢⴻⵜⵜⵡⴰⴱⴻⴷⵔⴻⵏ ⴰⴷ ⵙⴻⵏ-ⴳⴻⵏ ⵜⴰⴼⵔⴰⵏⵜ ⴷⴻⴳ ⵡⴰⵙⵙ ⵏ ⵓⴽⵡⴰⵙ ⴷⴻⴳ ⵜⵖⵉⵎⵉⵜ ⵜⴰⵞⵞⵓⵕⴰⵏⵜ ⴰⴷ ⵢⵉⵍⵉⵏ ⴷⴻⴳ ⵡⴰⵙⵙ ⵏ ⵓⴽⵔⴰⵙ 21 ⵢⴻⵏⵏⴰⵔ 2026, ⴰⵎⵎⴻⴽ ⵉ ⴷ-ⵢⴻⵏⵏⴰ ⵓⵖⴱⴰⵍⵓ.
ⵎⴰ ⴷⴻⴳ ⵎⴰⵜⵜⴰ ⵢⴻⵄⴰⵏⴰⵏ ⴰⴱⴻⵢⵢⴻⵏ ⵏ ⵜⵉⵎⵎⴻⵙⵍⴻⴹⵜ ⵏ ⵎⴰⵙⵙ ⴰⴱⴷⴻⵏⵏⴰⵙⴻⵔ ⵎⴰⵀⵎⵓⴷ, ⴰⵎⴰⵙⵍⴰⴹ ⴰⵎⴰⵢⵏⵓ ⵢⴻⵜⵜⵓⵙⴷⴰⴱⵓⵏ ⵙ ⵖⴻⵔ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴷⴻⴳ ⵓⵙⴻⵇⵇⴰⵎⵓ ⵏ ⵓⵖⵍⴰⵏ, ⴰⴽⴰⵔⴰⵎ-ⵏⵏⴻⵙ ⴰⴷ ⵉⵄⴻⴷⴷⴰ ⵖⴻⵔ ⵜⵙⴻⵇⵇⵉⵎⵜ ⵏ ⵢⵉⵡⴻⵥⵍⴰ ⵓⵙⴹⵉⴼⴻⵏ ⴷ ⵢⵉⴷⴻⴱⵍⴰⵏⴻⵏ ⴷ ⵢⵉⵣⴻⵔⴼⴻⵏ ⵏ ⵓⵎⴷⴰⵏ ⴷ ⵓⵙⵓⴷⴷⴻⵙ ⴰⴷⴻⵉⴳⴰⵏ ⴷ ⵓⵙⴻⵇⵄⴻⴷ ⵏ ⵓⴳⴻⵍⵍⵓⵢ ⵖⴻⴼ ⵓⵙⵓⴷⴷⴻⵙ ⵏ ⵓⵎⵍⵓ ⵏ ⵓⴱⴻⵢⵢⴻⵏ ⵏ ⵜⵉⵎⵎⴻⵙⵍⴻⴹⵜ, ⴱⴰⵛ ⴰⴷ ⵢⴻⵍⵉⵍ ⵓⵙⵖⴻⵡⵥⴻⵏ ⴼⴻⵍⵍⴰ-ⵙ ⴷⴻⴳ ⵜⴰⵖⵉⵎⵉⵜ ⵜⴰⵎⴰⵜⵓⵜ ⵉ ⴷ-ⵢⵓⵙⵉⵏ.
ⴰⵔⵏⵓ ⵖⴻⵔ
