ⵢⴻⴼⴼⴻⵖ-ⴷ ⵔⵔⵓⵃ ⵉⴹⴻⵍⵍⵉ ⵏ ⵙⵙⴻⴱⵜ ⴷⴻⴳ ⵜⵡⵉⵍⴰⵢⵜ ⵏ ⵜⵉⵣⵉ ⵡⴻⵣⵣⵓ, ⵛⵛⵉⵅ ⵙⵉ ⵍⵃⴰⴶ ⵎⵓⵃⴻⵎⵎⴻⴷ ⵟⵟⴰⵢⴻⴱ ⵏ ⵄⴰⵍⵉ, ⴷ ⵍⵎⵓⴶⴰⵀⵉⴷ ⴷ ⵓⵄⴻⵍⵍⴰⵎⴰ ⵎⴻⵇⵇⵔⴻⵏ, ⵢⴻⵍⵍⴰⵏ ⴷ ⴰⵎⴻⵏⵣⵓ ⵉ ⴷ-ⵉⵙⵓⴼⴼⵖⴻⵏ ⵍⵎⴻⵄⵏⴰ ⵏ ⵍⵇⵓⵔ'ⴰⵏ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ. ⵢⴻⵙⵄⴰ 92 ⵏ ⵢⵉⵙⴻⴳⴳⴰⵙⴻⵏ ⴷⴻⴳ ⵓⵎⴻⵔ-ⵉⵙ, ⴰⴽⴽⴻⵏ ⵉ ⴷ-ⵜⴻⵏⵏⴰ ⴰⵙⵙ-ⴰ ⵏ ⵍⵃⴻⴷⴷ ⵜⵎⴻⵀⵍⴰ ⵏ ⵜⵖⴰⵡⵙⵉⵡⵉⵏ ⵏ ⴷⴷⵉⵏ ⵏ ⵜⵡⵉⵍⴰⵢⵜ.
ⵍⵎⴻⵔⵃⵓⵎ ⵢⴻⵍⵍⴰ ⴷ ⵜⴰⵙⴻⴷⴷⴰ ⵏ ⵜⵎⵓⵙⵏⵉ ⴷ ⵓⵎⴻⵣⵔⵓⵢ ⵏ ⵜⵎⵓⵔⵜ. ⵢⴻⴼⴽⴰ ⵜⵓⴷⴻⵔⵜ-ⵉⵙ ⵉ ⵓⵇⴻⴷⴷⴻⵛ ⵏ ⴷⴷⵉⵏ-ⵉⵙ, ⵜⴰⵎⵓⵔⵜ-ⵉⵙ ⴷ ⵜⵓⵜⵍⴰⵢⵜ-ⵉⵙ. ⵢⴻⴶⴶⴰ-ⴷ ⵍⴻⵜⴻⵔ ⴰⵎⴻⵇⵇⵔⴰⵏ ⴷⴻⴳ ⵢⵉⵙⴻⵇⴰⵎⵓⵢⴻⵏ ⵏ ⴷⴷⵉⵏ ⵢⴻⵔⵏⴰ ⵢⴻⵃⴰⴷⴻⵔ ⵖⴻⴼ ⵍⵇⵉⵎⴰ ⵏ ⵍⵉⵙⵍⴰⵎ ⵏ ⵜⵓⵍⵎⵉⵙⵜ ⴷ ⵓⵇⴰⴷⴻⵔ.
ⵣⴷⴰⵜ ⵏ ⵓⴳⴳⵓⵢ-ⴰⴳⵉ ⴰⵎⴻⵇⵇⵔⴰⵏ, ⴰⵎⴰⵡⴰⵙ ⵏ ⵢⵉⵎⵓⴶⴰⵀⵉⴷⴻⵏ, ⵄⴰⴱⴷⴻⵍⵎⴰⵍⴻⴽ ⵜⴰⵛⵔⵉⴼⴻⵜ, ⵢⴻⴼⴽⴰ ⵜⴰⵊⵎⵉⵍⵜ ⴷ ⵚⵚⴱⴻⵔ ⵉ ⵜⵡⴰⵛⵓⵍⵜ ⵏ ⵍⵎⴻⵔⵃⵓⵎ. ⵢⴻⵙⵙⵓⵜⴻⵔ ⴷⴻⴳ ⵔⴻⴱⴱⵉ ⴰⴷ ⵜ-ⵢⴻⵔⵃⴻⵎ ⵢⴻⵔⵏⴰ ⴰⴷ ⴰⵙ-ⵢⴻⴼⴽ ⴰⵎⴽⴰⵏ ⴷⴻⴳ ⵍⴶⴻⵏⵏⴻⵜ.
ⵙ ⵢⵉⴷⵉⵙ-ⵉⵙ, ⵓⵇⴻⵔⵔⵓ ⵏ ⵍⴶⴰⵎⴻⵄ ⴰⵎⴻⵇⵇⵔⴰⵏ ⵏ ⵍⴻⵣⵣⴰⵢⴻⵔ, ⵛⵛⵉⵅ ⵎⵓⵃⴻⵎⵎⴻⴷ ⵍⵎⴰⵎⵓⵏ ⵍⵇⴰⵙⵉⵎⵉ ⵍⵃⵓⵙⴰⵢⵏⵉ, ⵢⴻⴼⴽⴰ ⵜⴰⵊⵎⵉⵍⵜ ⵉ ⵍⵎⴻⵔⵃⵓⵎ ⵖⴻⴼ ⵡⴰⵢⴻⵏ ⵢⴻⵅⴷⴻⵎ ⵉ ⴷⴷⵉⵏ ⴷ ⵜⵎⵓⵙⵏⵉ ⴷ ⵓⵙⴻⵍⵎⴻⴷ ⵏ ⵜⵙⵓⵜⵉⵡⵉⵏ. ⵢⴻⵏⵏⴰ-ⴷ ⴱⴻⵍⵍⵉ ⵍⴻⵣⵣⴰⵢⴻⵔ ⵜⵔⵓⵃ-ⴰⵙ ⵜⴰⵙⴻⴷⴷⴰ ⵜⴰⵎⴻⵇⵇⵔⴰⵏⵜ ⵏ ⵓⵙⴻⴼⵔⵓ ⴷ ⵓⴷⴷⵢⴰⵍⵉ.
ⴰⴷ ⵢⴻⵜⵜⵓⵎⴹⴻⵍ ⵍⵎⴻⵔⵃⵓⵎ ⴰⵙⵙ-ⴰ ⵜⴰⵎⴻⴷⴷⵉⵜ ⴷⴻⴳ ⵜⵎⴻⵇⴱⴻⵔⵜ ⵏ ⵎⴰⴷⵓⵃⴰ ⴷⵉ ⵜⵡⵉⵍⴰⵢⵜ ⵏ ⵜⵉⵣⵉ ⵡⴻⵣⵣⵓ.
ⴰⵔⵏⵓ ⵖⴻⵔ
