6 ⵏ ⵎⴻⴷⴷⴻⵏ ⵎⵎⵓⵜⴻⵏ, 166 ⵏⵏⵉⴹⴻⵏ ⵜⵜⵡⴰⴳⴻⵔⵃⴻⵏ ⵙ ⵙⵙⴻⴱⴱⴰ ⵏ ⵜⴰⵡⴰⵖⵉⵢⵉⵏ ⵏ ⵓⴱⵔⵉⴷ ⵉ ⴷ-ⵢⴻⴹⵔⴰⵏ ⴷⴻⴳ ⵡⴰⵟⴰⵙ ⵏ ⵜⵡⵉⵍⴰⵢⵉⵏ ⵏ ⵜⵎⵓⵔⵜ ⴷⴻⴳ 24 ⵏ ⵙⵙⵡⴰⵢⴻⵄ ⵉⵏⴻⴳⴳⵓⵔⴰ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵙⴻⵏⵖⵓ ⵏ ⵓⵃⵔⴰⵣ ⴰⵎⴰⵜⵓ (Protection Civile) ⴰⵙⵙ-ⴰ ⵏ ⵍⵃⴻⴷ.
ⴰⵖⴱⴻⵍ ⴰⵎⴻⵇⵇⵔⴰⵏ ⵢⴻⵍⵍⴰ-ⴷ ⴷⵉ ⵜⵡⵉⵍⴰⵢⴻⵜ ⵏ ⴱⴻⵛⵛⴰⵔ, ⴰⵏⴷⴰ ⵎⵎⵓⵜⴻⵏ ⵙⵉⵏ ⵏ ⵎⴻⴷⴷⴻⵏ ⵎⵉ ⵜⵏⴻⵇⵍⴰⴱ ⵜⴽⴻⵕⵕⵓⵙⵜ-ⵏⵙⴻⵏ ⴷⴻⴳ ⵓⴱⵔⵉⴷ ⴰⵏⴰⵎⵓⵔ ⵡⵉⵙ 6 ⴷⴻⴳ ⵜⵖⵉⵡⴰⵏⵜ ⵏ ⵜⴰⵖⵉⵜ.
ⴷⴻⴳ ⵡⴰⵢⴻⵏ ⵢⴻⵄⵏⴰⵏ ⵍⴳⴰⵥ ⵓⴼⴼⵉⵔ ⵉ ⴷ-ⵢⴻⵜⵜⴻⴼⴼⵖⴻⵏ ⵙⴳ ⵢⵉⵙⴻⵅⵅⴰⵏⴻⵏ ⵏ ⵡⴰⵎⴰⵏ ⴷ ⵍⴽⴰⵏⵓⵏ, ⵉⵄⴳⴰⵍⴻⵏ ⵏ ⵓⵃⵔⴰⵣ ⴰⵎⴰⵜⵓ ⵙⵙⴻⵍⴽⴻⵏ 7 ⵏ ⵎⴻⴷⴷⴻⵏ ⴷⵉ ⵜⵡⵉⵍⴰⵢⵉⵏ ⵏ ⵜⵉⵒⴰⵣⴰ, ⵇⵙⴻⵏⵟⵉⵏⴰ ⴷ ⵄⴻⵏⵏⴰⴱⴰ.
ⴷⴻⴳ ⵢⵉⵡⴻⵏ ⵡⴰⴽⵓⴷ, ⵉⵄⴳⴰⵍⴻⵏ ⵏ ⵓⵃⵔⴰⵣ ⴰⵎⴰⵜⵓ ⵏ ⵜⵡⵉⵍⴰⵢⴻⵜ ⵏ ⵉⵏ ⴳⴻⵣⵣⴰⵎ ⵙⵙⴻⴼⵙⵉⵏ ⵢⵉⵡⴻⵜ ⵏ ⵜⵎⴻⵙ ⵉ ⴷ-ⵢⴻⴽⴽⵔⴻⵏ ⴷⴻⴳ ⵢⵉⵡⴻⵏ ⵏ ⵍⵎⴻⵟⵄⴻⵎ, ⴰⵢⴻⵏ ⵢⴻⴳⵍⴰⵏ ⵙ 3 ⵏ ⵎⴻⴷⴷⴻⵏ ⵉ ⵜⵜⵡⴰⴳⴻⵔⵃⴻⵏ. ⵎⴰ ⴷ ⴷⵉ ⵍⵣⵣⴰⵢⵔ ⵜⴰⵎⴰⵏⴻⵖⵜ, ⵢⴻⴹⵔⴰ-ⴷ ⵓⴱⵓⵎⴱⴻⵇ ⵏ ⵜⵇⴻⵔⵄⴻⵜ ⵏ ⵍⴳⴰⵥ ⴷⴻⴳ ⵢⵉⵡⴻⵜ ⵏ ⵜⵏⴻⵣⴷⵓⵖⵜ ⴷⴻⴳ ⵜⵖⵉⵡⴰⵏⵜ ⵏ ⵃⵓⵙⵉⵏ ⴷⴰⵢ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵍⵖⵓ.
ⴰⵔⵏⵓ ⵖⴻⵔ
