ⴰⴷ ⴷ-ⵢⵉⵍⵉ "ⴷⴻⴳ ⵡⴰⴽⵓⴷ ⴰⵎⵉⵣⵢⴰⵏ" ⵓⵙⵉⵡⴻⵍ ⵉ ⵓⴼⵔⴰⵏ ⵏ ⵢⵉⵙⴻⵏⴼⴰⵔⴻⵏ (ⵎⵓⵏⴰⵇⴰⵚⴰ) ⵉ ⵓⵙⵙⴻⴽⵛⴻⵎ ⵏ 3 ⵏ ⵢⵉⵎⴻⵍⵢⴰⵢⴻⵏ ⴷ 500 ⵏ ⵡⴰⴳⵉⵎⴰⵏ ⵏ ⵜⵎⴰⵒⵍⴰⵙⵉⵏ ⵏ ⵍⴽⴰⵓⵜⵛⵓ ⵉ ⵜⵎⴻⴽⵍⵉⵡⵉⵏ, ⴰⴽⴽⴻⵏ ⵉ ⴷ-ⵢⴻⵄⵍⴻⵏ ⴰⵙⵙ-ⴰ ⵏ ⵍⵀⴻⴷ ⴷⴻⴳ ⵏⴰⵄⴰⵎⴰ, ⴰⵙⴻⵍⵡⴰⵢ ⴰⵎⴹⴻⴱⴱⴻⵔ ⴰⵎⴰⵜⵓ ⵏ ⵜⵙⵏⵓⵔⴻⴼⵜ ⵜⴰⵖⴻⵍⵏⴰⵡⵜ ⵏ ⵓⵣⴻⵏⵣⵉ ⴷ ⵓⴼⵔⴰⵇ ⵏ ⵢⵉⴼⴰⵔⴰⵙⴻⵏ ⵏ ⵍⵒⴻⵜⵔⵓⵍ "ⵏⴰⴼⵜⴰⵍ", ⵎⴰⵙⵙ ⴷⵊⴰⵎⴻⵍ ⵛⵀⴻⵔⴷⵓⵓⴷ.
ⵉⵙⵙⴻⴼⵀⴻⵎ-ⴷ ⵓⵎⴹⴻⴱⴱⴻⵔ-ⵏⵏⵉ, ⴷⴻⴳ ⵢⵉⵡⴻⵜ ⵏ ⵜⵎⴻⵙⵍⴰⵢⵜ ⵉ ⵜⵏⴻⵖⵎⴰⵙⵜ ⴷⴻⴳ ⵔⵔⵉⴼ ⵏ ⵓⵣⴻⵟⵟⴻⴹ ⵏ ⵜⵓⴷⴷⵙⵉⵡⵉⵏ ⵏ ⵓⵃⵔⴰⵣ ⴷ ⵓⵡⴻⵣⵣⵉ ⵏ ⵢⵉⵙⴰⴼⴰⵔⴻⵏ ⵏ ⵜⵎⴻⵔⵔⵉ ⵏ ⵏⴰⴼⵜⴰⵍ ⴷⴻⴳ ⵜⵡⵉⵍⴰⵢⵜ, ⴱⴻⵍⵍⵉ ⴰⵙⴻⵍⴽⴻⵎ ⵏ ⵡⴰⵀⵉⵍ ⵏ ⵜⵙⵏⵓⵔⴻⴼⵜ ⵉ ⵓⵡⴻⵣⵣⵉ ⵏ ⵜⵓⴽⴽⵉⵙⵉⵡⵉⵏ ⵏ ⵓⴳⴻⴷⴻⵣ ⴰⵖⴻⵍⵏⴰⵡ ⵙⴻⴳ ⵜⵎⴰⵒⵍⴰⵙⵉⵏ ⴰⴷ ⵢⴻⴶⴶ, ⴰⵔⵎⵉ ⴷ ⵡⴰⴳⴳⵓⵔ ⵏ ⵛⵜⴻⵎⴱⴻⵔ ⵉ ⴷ-ⵉⵜⵜⴻⴷⴷⵓⵏ, ⴰⴷ ⴷ-ⵢⵉⵍⵉ "ⵓⴽⴼⴰⵏ ⴰⵎⴰⵜⵓ" ⴷ ⵓⵟⵎⴰⵏ ⵏ ⵍⵇⴻⴷⴷ ⵉⵕⴻⵙⵙⴰⵏ ⵏ ⵜⵎⴰⵒⵍⴰⵙⵉⵏ ⵉⴼⴰⵣⴻⵏ ⵙ ⵙⵙⵓⵎⴰⵜ ⵉⵡⴻⵣⵏⴻⵏ ⵉ ⵓⵎⵣⵉⵣⵡⴻⵔ.
ⵉⵙⵎⴻⴽⵜⵉ-ⴷ ⴱⴻⵍⵍⵉ ⴰⵀⵉⵍ-ⴰⴳⵉ ⵢⴻⴶⴶⴰ-ⵜⴻⵏ ⴷⴻⴳ ⵅⴻⵎⵙⴰ ⵏ ⵡⴰⵢⵢⵓⵔⴻⵏ ⵉⵏⴻⴳⴳⵓⵔⴰ ⴰⴷ ⴷ-ⵙⵙⵉⴽⵛⵎⴻⵏ 700 ⵏ ⵡⴰⴳⵉⵎⴰⵏ ⵏ ⵜⵎⴰⵒⵍⴰⵙⵉⵏ ⵉ ⵜⴽⴰⵔⵔⵓⵚⵉⵡⵉⵏ ⵏ ⵓⵏⴻⵍⵀⵓ, 500 ⵏ ⵡⴰⴳⵉⵎⴰⵏ ⵙⴻⴳ-ⵙⴻⵏⵜ ⵜⵜⵓⵣⴻⵏⵣⴻⵏⵜ ⴷⴻⴳ ⵓⵣⴻⵟⵟⴰ-ⵏⵙⴻⵏ ⵏ ⵓⴼⵔⴰⵇ ⵉ ⴷⴻⴳ ⵍⵍⴰⵏⵜ ⵓⴳⴰⵔ ⵏ 2000 ⵏ ⵜⵎⴻⵥⵍⴰ ⵏ ⵓⵣⴻⵏⵣⵉ ⴷⴻⴳ ⵜⵎⵓⵔⵜ ⵎⴻⵕⵕⴰ.
ⵉⵙⵙⴻⴽⵏⴻⴷ ⴷⴰⵖⴻⵏ ⴱⴻⵍⵍⵉ ⵏⴰⴼⵜⴰⵍ ⵜⴻⵜⵜⴽⴻⵎⵎⵉⵍ ⴷⴻⴳ ⵓⵊⴻⵔⵔⴻⴷ ⵏ ⵢⵉⵙⵓⵜⵔⴻⵏ ⵏ ⵜⵎⴰⵒⵍⴰⵙⵉⵏ ⵙ ⵓⴱⵔⵉⴷ ⵏ ⵜⴻⵙⴰⵍⵜ ⵜⴰⵇⵎⵉⵜ ⵉ ⴷ-ⵜⵜⵓⵙⴱⴻⴷⴷⴻⵏ ⵉ ⵜⴽⴰⵔⵔⵓⵚⵉⵡⵉⵏ ⵜⵉⴼⵙⵓⵙⴰⵏ ⵏ ⵜⵎⴰⵜⴰⵔⵜ ⵉ ⵓⵟⵎⴰⵏ ⵏ ⵢⵉⵎⴻⵥⵍⴰ ⵉⵎⴰⵢⵏⵓⵜⴻⵏ ⴷⴻⴳ ⵜⴻⴳⵏⴰⵜⵉⵏ ⵢⴻⵍⵀⴰⵏ.
ⴷⴻⴳ ⵜⴰⵎⴰ ⵏⵏⵉⴹⴻⵏ, ⵛⵀⴻⵔⴷⵓⵓⴷ ⵉⵙⵙⴻⴽⵏⴻⴷ ⴱⴻⵍⵍⵉ ⵏⴰⴼⵜⴰⵍ ⵜⴻⵜⵜⵏⴰⴷⵉ ⴰⴷ ⵜⴻⵙⵙⴻⴶⵀⴻⴷ ⵜⵉⵣⴻⵎⵎⴰⵔ-ⵉⵙ ⵏ ⵜⵍⵓⵊⵉⵢⵙⵜⵉⴽⵜ ⵙ ⵓⵙⴱⴻⴷⴷⵉ ⵏ ⵢⵉⵙⴻⵏⴼⴰⵔⴻⵏ ⵉⵎⴰⵢⵏⵓⵜ ⴷ ⵓⵙⵙⴻⵎⵖⴻⵔ ⵏ ⵜⵓⴷⴷⵙⵉⵡⵉⵏ ⵏ ⵜⵓⵔⴰ ⴷ ⵓⵟⵎⴰⵏ ⵏ ⵢⵉⵎⵓⴽⴰⵏ ⵏ ⵓⵎⴰⵀⵉⵍ ⴷⴻⴳ ⵜⵡⵉⵍⴰⵢⵜ ⵏ ⵏⴰⵄⴰⵎⴰ, ⵉⵡⴰⴽⴽⴻⵏ ⴰⴷ ⴷ-ⵜⴰⵡⴻⴹ ⵉ ⵜⵓⴽⴽⵉⵙⵉⵡⵉⵏ ⵏ ⵓⵙⵏⴻⴼⵍⵉ ⴰⴷⵉⴳⴰⵏ.
ⴰⵔⵏⵓ ⵖⴻⵔ
