ⵜⵕⵓⵃ ⵜⴻⵔⴱⴰⵄⵜ ⵜⴰⵖⴻⵍⵏⴰⵡⵜ ⵜⴰⵣⵣⴰⵢⵔⵉⵜ ⵏ ⵜⴽⵓⵔⵜ ⵏ ⵓⴹⴰⵔ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ, ⵖⴻⵔ ⵜⵎⵓⵔⵜ ⵏ ⵀⵓⵍⴰⵏⴷⴰ ⵉⵡⴰⴽⴽⴻⵏ ⴰⴷ ⵜⴻⵎⵎⴰⴳⴻⵔ ⵜⴰⵔⴱⴰⵄⵜ ⵏ ⵀⵓⵍⴰⵏⴷⴰ ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵏ ⵜⴷⵓⴽⵍⵉ ⴰⵔⴰ ⴷ-ⵢⵉⵍⵉⵏ ⴰⵙⵙ ⵏ ⵍⴰⵔⴻⴱⴻⵄ ⴷⴻⴳ ⵓⵏⵏⴰⵔ "ⴷⴻ ⴽⵓⵉⵒ" ⴷⴻⴳ ⵜⴻⵎⴷⵉⵏⵜ ⵏ ⵔⵓⵜⵜⴻⵔⴷⴰⵎ (19:45 ⵙ ⵍⵡⴻⵇⵜ ⵏ ⵍⴻⵣⵣⴰⵢⴻⵔ). ⴰⵢⴰⴳⵉ ⵉⵜⴻⴷⴷⵓ ⴷⴻⴳ ⵓⴱⵔⵉⴷ ⵏ ⵓⵀⴻⴳⴳⵉ ⵉ ⵡⴰⴽⴽⴰⵢⴰⴷ ⵏ ⵓⵎⴰⴹⴰⵍ-2026 ⴰⵔⴰ ⴷ-ⵢⵉⵍⵉ ⴷⴻⴳ ⵉⵡⵓⵏⴰⴽ ⵢⴻⴷⴷⵓⴽⴽⵍⴻⵏ ⵏ ⵎⴰⵔⵉⴽⴰⵏ, ⴽⴰⵏⴷⴰ ⴷ ⵎⵉⴽⵙⵉⴽ ⵙⴻⴳ 11 ⵢⵓⵏⵢⵓ ⵖⴻⵔ 19 ⵢⵓⵍⵢⵓ.
ⵓⵇⴱⴻⵍ ⴰⴷ ⵔⵣⵓⵏ ⵖⴻⵔ ⵀⵓⵍⴰⵏⴷⴰ, ⵉⵎⵓⵔⴰⵔ ⵍⴻⵣⵣⴰⵢⵔⵉⵢⴻⵏ ⵅⴻⴷⵎⴻⵏ ⵜⵉⵖⵉⵎⵉⵜ ⵏ ⵓⵙⵉⵍⴻⵖ ⵏ ⵚⵚⴱⴻⵃ ⴷⴻⴳ ⵡⴰⵎⵎⴰⵙ ⴰⵜⵉⴽⵏⵉⴽ ⴰⵖⴻⵍⵏⴰⵡ ⵏ ⵙⵉⴷⵉ ⵎⵓⵙⴰ (ⵍⴻⵣⵣⴰⵢⴻⵔ), ⵙⴻⵍⴷ ⵜⵉⵖⵉⵎⵉⵜ ⵏ ⵡⴰⵙⵙ ⵏ ⵍⵃⴻⴷ ⵉ ⴷ-ⵢⵉⵍⵍⴰⵏ ⴷⴻⴳ ⵓⵏⵏⴰⵔ ⴰⵎⴻⵇⵇⵔⴰⵏ ⵏ ⵏⴻⵍⵙⵓⵏ ⵎⴰⵏⴷⴻⵍⴰ ⴷⴻⴳ ⴱⴰⵔⴰⴽⵉ, ⵉ ⴷ-ⵢⵉⵍⵍⴰⵏ ⴷ ⵜⵉⵏ ⵢⴻⵍⴷⵉⵏ ⵉ ⵍⵖⴰⵛⵉ.
ⵙⴻⵍⴷ ⵉⵎⴰⵍⴰⵙ ⵏ ⵓⵎⴰⵀⵉⵍ ⴷ ⵓⵀⴻⴳⴳⵉ ⴷⴻⴳ ⵙⵉⴷⵉ ⵎⵓⵙⴰ, "ⵉⵣⵉⵏⵣⴰⵡⴻⵏ" ⵜⵜⵀⴻⴳⴳⵉⵏ ⵉⵡⴰⴽⴽⴻⵏ ⴰⴷ ⴷ-ⵓⵔⴰⵔⴻⵏ ⴰⵎⵣⵉⵣⵡⴻⵔ ⵉⴶⴻⵀⴷⴻⵏ ⵣⴷⴰⵜ ⵏ ⵢⵉⵡⴻⵜ ⵏ ⵜⴻⵔⴱⴰⵄⵜ ⵜⴰⵎⴻⵇⵇⵔⴰⵏⵜ ⵏ ⵜⵓⵔⵓⴼⵜ, ⵉ ⵢⴻⵟⵟⴰⴼⴻⵏ ⴰⵎⴽⴰⵏ ⵡⵉⵙ ⵙⴰ (7) ⴷⴻⴳ ⵓⵕⴰⵜⵜⵉ ⴰⵏⴻⴳⴳⴰⵔⵓ ⵏ ⴼⵉⴼⴰ. ⵜⵉⵎⵍⵉⵍⵉⵜ-ⴰⴳⵉ ⴷ ⵜⴰⵍⵍⵉⵜ ⵉⵕⴻⵙⵙⴰⵏ ⵉ ⵜⴻⵔⴱⴰⵄⵜ ⵜⴰⵖⴻⵍⵏⴰⵡⵜ ⵉⵡⴰⴽⴽⴻⵏ ⴰⴷ ⵜⵣⴻⵔ ⵜⵉⵣⴻⵎⵎⴰⵔ-ⵉⵙ ⵜⴰⵜⵉⴽⵏⵉⴽⵉⵏ ⴷ ⵜⵜⴰⴽⵜⵉⵇ ⵓⵇⴱⴻⵍ ⴰⵏⴻⴽⵛⵓⵎ ⵖⴻⵔ ⵜⴻⵎⵍⵉⵍⵉⵜ ⵏ ⵓⵎⴰⴹⴰⵍ.
ⵜⵉⵏⵉⴳ ⵏ ⵜⴰⵔⴱⴰⵄⵜ ⵜⴰⵣⵣⴰⵢⵔⵉⵜ ⵖⴻⵔ ⵀⵓⵍⴰⵏⴷⴰ ⵢⵓⵙⴰ-ⴷ ⵢⵉⵡⴻⵏ ⵏ ⵡⴰⵙⵙ ⵙⴻⵍⴷ ⵜⵉⵄⵍⴻⵏⵜ ⵏ ⵡⵓⵎⵓⵖ ⴰⵏⴻⴳⴳⴰⵔⵓ ⵉ ⴷⴻⴳ ⵍⵍⴰⵏ 26 ⵏ ⵢⵉⵎⵓⵔⴰⵔ ⴷ ⵢⵉⵡⴻⵏ ⵏ ⵓⵎⵓⵔⴰⵔ ⵏ ⵜⵄⴻⵙⵙⴰⵙⵜ, ⴷⴻⴳ ⵜⴰⵍⵍⵉⵜ ⵏ ⵜⵏⴻⵖⵎⴰⵙⵜ ⵉ ⵢⴻⵙⵙⴻⵍⵡⴰⵢ ⵓⵏⴰⵅⴰﺏ ⴰⵖⴻⵍⵏⴰⵡ ⵠⵍⴰⴷⵉⵎⵉⵔ ⵒⴻⵜⴽⵓⵠⵉⵛ ⴷⴻⴳ ⵡⴻⵅⵅⴰⵎ ⵏ ⵜⵎⵓⵖⵍⵉⵡⵉⵏ "ⵎⵓⵀⴰⵎⴻⴷ ⵚⴰⵍⴰⵃ" ⴷⴻⴳ ⵓⵏⵏⴰⵔ ⵏ ⵏⴻⵍⵙⵓⵏ ⵎⴰⵏⴷⴻⵍⴰ.
ⵉⵜⵜⵡⴰⵕⴶⴰ ⴰⴷ ⴷ-ⵜⵓⵖⴰⵍ ⵜⴻⵔⴱⴰⵄⵜ ⵜⴰⵖⴻⵍⵏⴰⵡⵜ ⵖⴻⵔ ⵜⵎⵓⵔⵜ ⴰⵙⵙ ⵏ ⵍⴻⵅⵎⵉⵙ 4 ⵢⵓⵏⵢⵓ ⵉⵡⴰⴽⴽⴻⵏ ⴰⴷ ⵜⴽⴻⵎⵎⴻⵍ ⴰⵀⴻⴳⴳⵉ-ⵙ ⴷⴻⴳ ⵙⵉⴷⵉ ⵎⵓⵙⴰ, ⵓⵇⴱⴻⵍ ⴰⴷ ⵔⵣⵓⵏ ⵖⴻⵔ ⵉⵡⵓⵏⴰⴽ ⵢⴻⴷⴷⵓⴽⴽⵍⴻⵏ ⵏ ⵎⴰⵔⵉⴽⴰⵏ ⴰⵙⵙ ⵏ ⵍⵀⴻⴷ 7 ⵢⵓⵏⵢⵓ ⵙ ⵓⴱⵔⵉⴷ ⵏ ⵓⵙⴰⴼⴰⴳ ⵓⴼⵔⵉⵏ ⵏ ⵜⵙⵏⵓⵔⴻⴼⵜ ⵏ "ⴰⵉⵔ ⴰⵍⴳéⵔⵉⴻ".
ⵉⵎⵓⵔⴰⵔ ⵙ ⵜⴰⵎⴰ ⵏ ⵓⵎⴰⵀⵔⴰⵣ ⵏ ⵜⴻⵡⵡⵓⵔⵜ ⵓⵙⵙⴰⵎⴰ ⴱⴻⵏⴱⵓⵟ ⴰⴷ ⵓⵔⴰⵔⴻⵏ ⵜⵉⵎⵍⵉⵍⵉⵜ ⵜⵉⵙ ⵙⵏⴰⵜ ⵏ ⵜⴷⵓⴽⵍⵉ ⴰⵙⵙ ⵏ ⵍⴰⵔⴻⴱⴻⵄ 10 ⵢⵓⵏⵢⵓ ⵣⴷⴰⵜ ⵏ ⵜⴻⵔⴱⴰⵄⵜ ⵏ ⴱⵓⵍⵉⵠⵢⴰ ⴷⴻⴳ ⵜⴻⵎⴷⵉⵏⵜ ⵏ ⴽⴰⵏⵙⴰⵙ ⵛⵉⵜⵢ, ⵉ ⴷⴻⴳ ⴰⵔⴰ ⵜⵉⵣⵎⴻⵏⴻⵖ ⵜⴻⵔⴱⴰⵄⵜ ⵜⴰⵖⴻⵍⵏⴰⵡⵜ ⴷⴻⴳ ⵜⴰⵍⵍⵉⵜ ⵏ ⵓⵎⵣⵉⵣⵡⴻⵔ. ⵙⴻⵍⴷ ⴰⵙⴰⵍⵉ-ⵙ ⵖⴻⵔ ⵓⵏⵏⴰⵔ ⴰⵎⴰⴹⵍⴰⵏ ⵙⴻⵍⴷ ⵎⵉ ⵉⵖⴰⴱ ⴷⴻⴳ ⵙⵏⴰⵜ ⵏ ⵜⵙⴻⵎⵎⵓⵢⵉⵏ ⵜⵉⵏⵏⴻⴳⴳⵓⵔⴰ, ⵍⴻⵣⵣⴰⵢⴻⵔ ⴰⴷ ⵜⵓⵔⴰⵔ ⴷⴻⴳ ⵜⴻⴳⵔⵓⵎⵎⴰ ⵡⵉⵙ ⵎⵔⴰⵡ (Group J) ⵙ ⵜⴰⵎⴰ ⵏ ⴰⵔⴶⴰⵏⵜⵉⵏ (ⵜⴰⴱⵓⵖⴰⵍⵜ ⵏ ⵓⵎⴰⴹⴰⵍ), ⵜⵓⵜⵔⵉⵛⵜ, ⴷ ⵍⵓⵔⴷⵓⵏ.
"ⵉⵣⵉⵏⵣⴰⵡⴻⵏ" ⴰⴷ ⴱⴷⵓⵏ ⴰⴱⵔⵉⴷ-ⵏⵙⴻⵏ ⴷⴻⴳ ⵍⵎⵓⵏⴷⵉⵢⴰⵍ ⴰⵙⵙ ⵏ ⵍⴰⵔⴻⴱⴻⵄ 17 ⵢⵓⵏⵢⵓ ⵣⴷⴰⵜ ⵏ ⵜⴻⵔⴱⴰⵄⵜ ⵏ ⴰⵔⴶⴰⵏⵜⵉⵏ, ⴷⴻⴳ ⵓⵏⵏⴰⵔ ⵏ "ⴰⵔⵔⵓⵡⵀⴻⴰⴷ" ⴷⴻⴳ ⵜⴻⵎⴷⵉⵏⵜ ⵏ ⴽⴰⵏⵙⴰⵙ ⵛⵉⵜⵢ, ⵙⴻⴳ ⵜⵙⴻⵜⵜⴰ ⵏ ⵢⵉⴹ (02:00) ⵙ ⵍⵡⴻⵇⵜ ⵏ ⵍⴻⵣⵣⴰⵢⴻⵔ.
ⴰⵔⵏⵓ ⵖⴻⵔ
