ⵢⴻⵙⵙⴰⵡⴻⵍ ⵡⴰⵎⵎⴰⵙ ⴰⵖⴻⵍⵏⴰⵡ ⵏ ⵢⵉⵏⴰⴳⵔⴰⵡⴻⵏ ⵏ ⵢⵉⵙⴰⴼⴰⴳⴻⵏ ⵎⴱⵍⴰ ⴰⵎⵙⵉⴷⴻⵕ (ⵛⵏ-ⵙⴰⴷ) ⵉ ⵡⵉⴷ ⵢⴻⵙⵄⴰⵏ "ⴷⵔⵓⵏⴻⵙ" ⵢⴻⵔⵏⴰ ⵓⵔ ⴷ-ⵏⵓⴱⴻⵔⵔⴻⵀ ⴰⵔⴰ ⵢⵉⵙ-ⵙⴻⵏ, ⴰⴷ ⵔⵣⵓⵏ ⵖⴻⵔ ⵡⴰⵎⵎⴰⵙ-ⴰⴳⵉ ⵉ ⵡⴰⴽⴽⴻⵏ ⴰⴷ ⴼⵓⴽⴽⴻⵏ ⵜⴰⵔⵔⴰⵢⵉⵏ ⵏ ⵓⴱⴰⵔⵔⴻⵀ ⴷ ⵓⵣⴻⵎⵎⴰⵎ ⵓⵇⴱⴻⵍ 30 ⵢⴻⴱⵔⵉⵔ 2026, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⴷⵢⴰⵏ ⵏ ⵜⵏⴻⵖⵍⴰⴼⵜ ⵏ ⵓⵎⵎⴻⵙⵜⴻⵏ ⴰⵖⴻⵍⵏⴰⵡ ⵡⴰⵙⵙ-ⴰ ⵏ ⵍⴻⵜⵏⵉ.
ⵉⵙⴻⴳⵣⵉ-ⴷ ⵡⵓⵏⴰⴱⴰⵖ-ⴰⴳⵉ ⴱⴻⵍⵍⵉ "ⵉⵍⵎⴻⵏⴷ ⵏ ⵢⵉⵍⵓⴳⴰⵏ ⵏ ⵓⵀⴻⴳⴳⵉ ⵏ ⵓⴱⴰⵔⵔⴻⵀ ⵏ ⵢⵉⵙⴰⴼⴰⴳⴻⵏ-ⴰⴳⵉ, ⵉ ⵓⴹⵎⴰⵏ ⵏ ⵜⴻⴳⵏⵉⵜ ⵏ ⵍⵇⴰⵏⵓⵏ ⵉ ⵡⵉⴷ ⵢⴻⵙⵄⴰⵏ ⴷⵔⵓⵏⴻⵙ-ⴰⴳⵉ ⴷ ⵡⵉⴷ ⵉ ⵜⴻⵏ-ⵉⵙⵙⴻⵎⵔⴰⵙⴻⵏ, ⵉ ⵓⵃⵔⴰⵣ ⵏ ⵢⵉⵎⴷⴰⵏⴻⵏ ⴷ ⵡⴰⵢⵍⴰ ⴷ ⵓⵙⵏⴻⵔⵏⵉ ⵏ ⵜⵖⴻⵍⵍⵉⵙⵜ ⵏ ⴱⴰⵢⵍⴻⴽ, ⴰⵎⵎⴰⵙ ⴰⵖⴻⵍⵏⴰⵡ ⵏ ⵢⵉⵏⴰⴳⵔⴰⵡⴻⵏ ⵏ ⵢⵉⵙⴰⴼⴰⴳⴻⵏ ⵎⴱⵍⴰ ⴰⵎⵙⵉⴷⴻⵕ ⵏ ⵜⵏⴻⵖⵍⴰⴼⵜ ⵏ ⵓⵎⵎⴻⵙⵜⴻⵏ ⴰⵖⴻⵍⵏⴰⵡ ⴰⴷ ⵉⴽⴻⵎⵎⴻⵍ ⴰⵎⵙⴻⵍ ⵏ ⵢⵉⵖⴻⵔⵎⴰⵏⴻⵏ ⴷ ⵜⴽⴻⴱⴱⴰⵏⵉⵢⵉⵏ ⵉ ⵢⴻⵙⵄⴰⵏ ⴷⵔⵓⵏⴻⵙ".
"ⵉⵎⴷⴻⴱⴱⵔⴻⵜ ⵏ ⵡⴰⵎⵎⴰⵙ-ⴰⴳⵉ ⵀⴻⴳⴳⴰⵏ ⴰⴽⴽ ⵜⵉⴳⵏⴰⵜⵉⵏ ⴷ ⵜⴰⵍⵍⴻⵍⵜ ⵉ ⵢⵉⵙⵓⵜⵔⴻⵏ, ⵙⴻⴳ ⵢⵉⵙⴻⴳⵣⵉⵢⴻⵏ ⴷ ⵢⵉⵏⴻⵔⵡⴰⵢⴻⵏ ⵉ ⵓⴹⵎⴰⵏ ⵏ ⵓⵙⴻⵎⵔⴻⵙ ⵢⴻⵍⵀⴰⵏ ⵏ ⵢⵉⵙⴰⴼⴰⴳⴻⵏ-ⴰⴳⵉ ⴷⴻⴳ ⵡⴰⵏⵏⴰⵔ ⵏ ⵍⵇⴰⵏⵓⵏ".
ⴷⴻⴳ ⵡⴰⵏⵏⴰⵔ-ⴰⴳⵉ --ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⴷⵢⴰⵏ-ⵏⵏⵉ-- "ⴰⵎⵎⴰⵙ ⴰⵖⴻⵍⵏⴰⵡ ⵢⴻⵙⵙⴰⵡⴻⵍ ⵉ ⵢⵉⵖⴻⵔⵎⴰⵏⴻⵏ ⴷ ⴰⴽⴽ ⵜⵙⵓⴷⴰ ⴷ ⵜⴽⴻⴱⴱⴰⵏⵉⵢⵉⵏ ⵏ ⴱⴰⵢⵍⴻⴽ ⵏⴻⵖ ⵜⵉⴷ ⵏ ⵓⵃⵔⵉⵛ ⵓⵙⵍⵉⴳ (ⵃⵔⵉⵠé) ⵉ ⵢⴻⵙⵄⴰⵏ ⴷⵔⵓⵏⴻⵙ ⵢⴻⵔⵏⴰ ⵓⵔ ⴷ-ⵏⵓⴱⴻⵔⵔⴻⵀ ⴰⵔⴰ ⵢⵉⵙ-ⵙⴻⵏ, ⴰⴷ ⵔⵣⵓⵏ ⵖⴻⵔ ⵡⴰⵎⵎⴰⵙ ⵓⵇⴱⴻⵍ 30 ⵢⴻⴱⵔⵉⵔ ⵏ ⵓⵙⴻⴳⴳⴰⵙ-ⴰⴳⵉ, ⵉ ⵡⴰⴽⴽⴻⵏ ⴰⴷ ⴼⵓⴽⴽⴻⵏ ⵜⴰⵔⵔⴰⵢⵉⵏ ⵏ ⵓⴱⴰⵔⵔⴻⵀ ⴷ ⵓⵣⴻⵎⵎⴰⵎ, ⵉⵡⴰⴽⴽⴻⵏ ⴰⴷ ⵜⴻⵏ-ⵙⵙⴻⵎⵔⴻⵙⴻⵏ ⵙ ⵓⴱⵔⵉⴷ ⵏ ⵍⵇⴰⵏⵓⵏ ⴷⴻⴳ ⵢⵓⵏⴰⵔⵎⴰⴷⴻⵏ-ⵏⵙⴻⵏ ⵏ ⵓⵅⴻⴷⴷⵉⵎ ⵏⴻⵖ ⵏ ⵓⵣⴻⵍⵀⵓ, ⵢⴻⵔⵏⴰ ⴰⴷ ⴷ-ⴰⵡⵉⵏ ⵉⵙⴻⴼⵔⴰ ⵉ ⴷ-ⵢⴻⵜⵜⴰⴽ ⵡⴰⵎⵎⴰⵙ ⴰⵖⴻⵍⵏⴰⵡ".
ⴰⵔⵏⵓ ⵖⴻⵔ
