ⵙⵙⴻⴽⵏⴻⵏ-ⴷ ⵢⵉⵎⵊⴰⵀⴷⴻⵏ ⵉ ⴷ-ⵢⵓⵙⴰⵏ, ⴰⵙⵙ-ⴰ ⵏ ⵍⴻⵜⵏⴰⵢⴻⵏ, ⵖⴻⵔ ⵡⴰⵎⵎⴰⵙ ⵏ ⵜⵡⵉⵍⴰⵢⵜ ⵏ ⴱⴰⵜⵏⴰ ⵉ ⵓⵎⴹⴰⵍ ⵏ ⵓⵙⴻⵍⵡⴰⵢ ⴰⵇⴷⵉⵎ ⴰⵎⵊⴰⵀⵉⴷ ⵍⵢⴰⵎⵉⵏ ⵣⴻⵔⵡⴰⵍ, ⵍⴻⵃⵣⴻⵏ-ⵏⵙⴻⵏ ⵖⴻⴼ ⵓⵏⴻⴳⵎⴻⵍⵍⵉ ⵏ ⵓⵣⴰⵎⵓⵍ-ⴰⴳⵉ ⵏ ⵜⵓⵏⵏⵉⵢⴰ ⴷ ⵓⵎⴻⵏⵏⵓⵖ ⵉⵍⵎⴻⵏⴷ ⵏ ⵍⵛⴰⵏ ⴷ ⵍⵃⴻⵔⵎⴰ ⵏ ⵍⴻⵣⵣⴰⵢⴻⵔ.
ⴷⴻⴳ ⵓⵙⴰⵜⴰⵍ-ⴰⴳⵉ, ⵜⴰⵎⵊⴰⵀⵉⴷⵜ ⵙⴰⵙⵢⴰ ⵃⵍⵉⵙ, ⵢⵉⵡⴻⵜ ⵙⴻⴳ ⵜⵉⴷ ⵢⴻⵙⵙⴻⴷⴷⴰⵏ ⵜⴰⴼⴻⵔⴽⴰ ⵜⵓⴼⵔⵉⵔⵜ ⴷⴻⴳ ⵜⴳⵔⴰⵡⵍⴰ ⵏ ⵓⵙⵍⴻⵍﻠⵉ ⴰⵖⴻⵍⵏⴰⵡ ⴷⵉ ⴱⴰⵜⵏⴰ, ⵜⴻⵙⵙⴻⴽⵏ-ⴷ ⵍⴻⵃⵣⴻⵏ-ⵉⵙ ⵖⴻⴼ ⵓⵎⵊⴰⵀⵉⴷ ⵍⵢⴰⵎⵉⵏ ⵣⴻⵔⵡⴰⵍ ⵉ ⵢⴻⵍⵍⴰⵏ ⴷ "ⵢⵉⵡⴻⵏ ⵙⴻⴳ ⵢⵉⵄⴳⴰⵍⴻⵏ ⵉⵎⴻⵇⵔⴰⵏⴻⵏ ⵏ ⵓⵎⴻⵏⵏⵓⵖ ⴷⴻⴳ ⵜⴳⵔⴰⵡⵍⴰ ⵏ ⵓⵙⵍⴻⵍⵍⵉ, ⵢⴻⵔⵏⴰ ⵢⴻⵇⵇⵉⵎ ⴷ ⴰⵎⵉⴷⴰⵡ ⵏ ⵓⵙⴻⵍⵍⵉ ⵏ ⵍⴻⵣⵣⴰⵢⴻⵔ ⴰⵎ ⵓⵄⴻⵙⴽⵔⵉ ⴷ ⵓⵙⴻⵔⵜⴰⵏ ⵉ ⵢⴻⵃⴰⴷⵔⴻⵏ ⵖⴻⴼ ⴷⴷⵓⵍⴰ ⴷⴻⴳ ⵜⴻⴳⵏⵉⵜⵉⵏ ⵡⴰⵄⵔⴻⵏ."
ⵙ ⵜⴰⵎⴰ-ⵏⵏⵉⴹⴻⵏ, ⴰⵎⵊⴰⵀⵉⴷ ⵍⵄⴰⴱⴻⴷ ⵔⴰⵃⵎⴰⵏⵉ, ⴰⵎⴰⵔⴰ ⴰⵡⵉⵍⴰⵢ ⴰⵇⴷⵉⵎ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⵏ ⵢⵉⵎⵊⴰⵀⴷⴻⵏ ⴷⵉ ⴱⴰⵜⵏⴰ, ⵢⴻⵏⵏⴰ-ⴷ ⵡⴰⴽⴽⴻⵏ ⵍⵢⴰⵎⵉⵏ ⵣⴻⵔⵡⴰⵍ ⴷ ⴰⵣⴰⵎⵓⵍ ⴰⵖⴻⵍⵏⴰⵡ ⵉ ⵢⴻⴷⵔⴰⵏ ⴷⴻⴳ ⵓⵎⴻⵏⵏⵓⵖ ⴰⵎⴻⵙⵍⴰⵃ ⴷⴻⴳ ⵜⴳⵔⴰⵡⵍⴰ ⵜⴰⵖⴻⵍⵏⴰⵡⵜ, ⴰⵎ ⴰⴽⴽⴻⵏ ⵉ ⵢⴻⵙⵄⴰ ⴰⵣⴰⵍ ⴷⴻⴳ ⵓⵃⴰⴷⴻⵔ ⵖⴻⴼ ⵜⵉⵎⵉⴷⵉ ⵏ ⵜⵎⵓⵔⵜ ⴷⴻⴳ ⵡⴰⴽⵓⴷ ⵢⴻⵛⵛⴻⵔⵏ.
ⴷⴻⴳ ⵜⴻⴳⵏⵉⵜ-ⴰⴳⵉ ⴷⴰⵖⴻⵏ, ⴰⵎⵊⴰⵀⵉⴷ ⵉⵙⵎⴰⵄⵉⵍ ⵃⴰⵎⵉⵛ ⵢⴻⵙⵙⴻⴽⵜⴰⵢ-ⴷ ⵜⵉⴳⴳⴰⵙ ⵏ ⵍⵎⴻⵔⵃⵓⵎ ⵍⵢⴰⵎⵉⵏ ⵣⴻⵔⵡⴰⵍ ⵉ ⵢⴻⵙⵄⴰⵏ ⵚⵚⴱⴻⵕ ⴷ ⵡⴰⴷⵓ ⵏ ⵓⵎⴻⵏⵏⵓⵖ ⵓⵇⴱⴻⵍ ⴷ ⵙⴻⴳ ⴷⴻⴼⴼⵉⵔ ⵓⵣⴰⵔⵓⴳ. ⵢⴻⵔⵏⴰ ⵢⴻⵙⵙⴻⴽⵜⴰⵢ-ⴷ ⵢⵉⴱⴻⴷⴷⵉⵢⴻⵏ-ⵉⵙ ⵉⵊⴻⵀⴷⴻⵏ ⴷ ⵜⵎⵓⵖⵍⵉ-ⵉⵙ ⵜⵓⴼⵔⵉⵔⵜ ⴷⴻⴳ ⵓⵙⴻⴼⵔⴻⴷ ⵏ ⵢⴰⵜ ⵙⴻⴳ ⵜⵉⵎⴰⴽⵉⵏ ⵜⵉⵎⴻⵇⵔⴰⵏⵉⵏ ⵏ ⵜⵎⵓⵔⵜ ⴷⴻⴳ ⵢⵉⵙⴻⴳⴳⴰⵙⴻⵏ ⵏ ⵜⵎⴻⵔⵡⵉⵏ ⵜⵉⵙ-ⵜⵄⴰⵜ.
ⴰⵎⵊⴰⵀⵉⴷ ⵄⵎⴰⵢⵔⵉ ⵢⴻⵙⵙⴻⴽⵏ-ⴷ ⵍⴻⵃⵣⴻⵏ-ⵉⵙ ⵖⴻⴼ ⵜⵎⴻⵜⵜⴰⵏⵜ ⵏ ⵓⵙⴻⵍⵡⴰⵢ ⴰⵇⴷⵉⵎ, ⵢⴻⵙⵙⴻⴽⵏ-ⴷ "ⵜⵉⴳⴳⴰⵙ-ⵉⵙ ⴷ ⵡⴰⴽⴽⴰⴼⴻⴹ-ⵉⵙ ⴷⴻⴳ ⵓⵇⴻⴷⴷⵉⵛ ⵏ ⵜⵎⵓⵔⵜ ⴷ ⵓⴷⵔⴰⵡ-ⵉⵙ ⴷⴻⴳ ⵓⵙⴻⵍⵍⵉ ⵏ ⵜⴻⵇⴷⵓⴷⴰ ⵎⴳⴰⵍ ⵓⵀⵓⴷⴷⵓ ⴷⴻⴳ ⵜⴻⴳⵏⵉⵜ ⵡⴰⵄⵔⴻⵏ ⵉ ⵜⴻⴷⴷⴻⵔ ⵍⴻⵣⵣⴰⵢⴻⵔ ⴷⴻⴳ ⵢⵉⵙⴻⴳⴳⴰⵙⴻⵏ ⵏ ⵜⵎⴻⵔⵡⵉⵏ ⵜⵉⵙ-ⵜⵄⴰⵜ."
ⴰⵔⵏⵓ ⵖⴻⵔ
