ⵜⴻⵙⵙⴻⵔⵙ ⵜⵎⴻⵀⵍⴰ ⵏ ⵜⵎⴻⵙⵍⴻⵎⵜ ⵜⴰⵖⴻⵍⵏⴰⵡⴻⵜⵢⵉⵡⴻⵏ ⵏ ⵓⵀⴻⵢⵢⵉ ⵏ ⵍⴰⵎⴰⵏ ⴷ ⵓⵃⴰⴷⴻⵔ ⵉ ⵓⵙⴻⴳⴳⴰⵙ ⴰⵎⴰⵢⵏⵓⵜ 2026 ⵉ ⴷ-ⵢⵓⵙⴰⵏ ⴷⴷⴻⵇⵙ ⵏ ⵜⴳⵓⵏⵉⵢⵉⵏ ⵏ ⵓⵖⴻⵔⴱⴰⵣ. ⴰⵀⴻⵢⵢⵉ-ⴰⴳⵉ ⵢⴻⵙⵄⴰ ⴰⵙⴻⵇⴷⴻⵛ ⵏ ⵎⴰⵔⵔⴰ ⵡⴰⵍⵍⴰⵍⴻⵏ ⵏ ⵢⵉⵎⴷⴰⵏⴻⵏ ⴷ ⵜⵛⴰⵔⵉⴽⵜ ⵉⵡⴰⴽⴽⴻⵏ ⴰⴷ ⴹⴻⵎⵏⴻⵏ ⵍⴰⵎⴰⵏ ⵏ ⵍⵖⴰⵛⵉ, ⴰⵢⵍⴰ-ⵏⵙⴻⵏ ⴷ ⵢⵉⴱⴻⵔⴷⴰⵏ ⵏ ⵓⵎⵢⴰⵡⴰⴹ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵙⵉⵡⴻⵍ ⵏ ⵡⴰⵙⵙ-ⴰ ⵏ ⵍⵃⴻⴷ.
ⵉⵙⵙⴻⴼⵀⴻⵎ-ⴷ ⵓⵖⴱⴰⵍⵓ-ⵏⵏⵉ ⴱⴻⵍⵍⵉ ⴰⵀⴻⵢⵢⵉ-ⴰⴳⵉ ⵏ ⵍⴰⵎⴰⵏ ⴷ ⵓⵃⴰⴷⴻⵔ "ⵢⵓⵙⴰ-ⴷ ⴷⴻⴳ ⵓⵏⵏⴰⵔ ⵏ ⵜⵓⴷⴷⵙⴰ ⴷ ⵍⴻⵇⵢⵓⴷ ⵉ ⴷ-ⵜⴻⴷⴷⴻⵎ ⵜⵎⴻⵀⵍⴰ ⵏ ⵜⵎⴻⵙⵍⴻⵎⵜ ⵜⴰⵖⴻⵍⵏⴰⵡⴻⵜ, ⵉ ⵢⴻⴹⵎⴻⵏⵏ ⵜⵉⵍⵉⵏ ⴷⴻⴳ ⵓⵏⵏⴰⵔ ⵉⵡⴰⴽⴽⴻⵏ ⴰⴷ ⵃⴻⵔⵣⴻⵏ ⵍⴰⵎⴰⵏ ⵏ ⵓⵎⴷⴰⵏ ⴷ ⵜⵖⴻⵍⵍⵉⵙⵜ ⵏ ⵡⵉⴷ ⵉⵜⵜⴻⴷⴷⵓⵏ ⴷⴻⴳ ⵢⵉⴱⴻⵔⴷⴰⵏ".
ⴰⵀⴻⵢⵢⵉ-ⴰⴳⵉ ⵢⵓⵙⴰ-ⴷ ⴷⴻⴳ ⵍⵡⴻⵇⵜ ⵉ ⴷⴻⴳ ⵍⵍⴰⵏ "ⵡⴰⵟⴰⵙ ⵏ ⵍⵖⴰⵛⵉ ⴷ ⵜⴽⴰⵔⵓⵙⴰⵜ ⴷⴻⴳ ⵢⵉⴱⴻⵔⴷⴰⵏ ⴷ ⵓⵏⴻⵔⵏⵉ ⵏ ⵢⵉⵎⴻⵔⵔⴰⵢⴻⵏ ⴷ ⵢⵉⵙⵓⵏⵣⵉⵢⴻⵏ ⵉⴱⴻⵔⵔⴰⵏⵉⵢⴻⵏ ⵖⴻⵔ ⵜⴻⵎⵏⴰⴹⵉⵏ ⵏ ⵓⵎⴻⵔⵔⴰⵢ, ⵉⵅⵅⴰⵎⴻⵏ ⵏ ⵓⵙⴳⵓⵏⴼⵓ ⴷ ⵜⵎⴻⵃⵡⴰⵙⵉⵏ ⵏ ⵓⵣⴻⵏⵣⵉ ⴷⴻⴳ ⵜⵎⵓⵔⵜ ⵎⴰⵔⵔⴰ, ⵍⴰⴷⵖⴰ ⴷⴻⴳ ⵓⵏⴻⵣⵔⵓⴼ ⴰⵎⴻⵇⵇⵔⴰⵏ".
ⵢⴻⵏⵏⴰ-ⴷ ⵓⵙⵉⵡⴻⵍ-ⵏⵏⵉ ⴱⴻⵍⵍⵉ ⵜⵔⴻⴱⴱⴰⵄ ⵏ ⵜⵎⴻⵙⵍⴻⵎⵜ ⵜⴰⵖⴻⵍⵏⴰⵡⴻⵜ ⴰⴷ ⵅⴻⴷⵎⴻⵏⵜ ⵉⵡⴰⴽⴽⴻⵏ ⴰⴷ ⴹⴻⵎⵏⴻⵏⵜ ⵍⴰⵎⴰⵏ ⴷⴻⴳ ⵢⵉⵎⵓⴽⴰⵏ ⵏ ⵓⵏⴻⵊⵎⵓⵄ ⴷ ⵡⴻⵣⵀⴰ, ⵜⵉⵎⵏⴰⴷⵉⵏ ⵏ ⵓⵎⴻⵔⵔⴰⵢ, ⵜⵉⵙⴰⵇⵉⵏ ⵏ ⵜⵎⴰⵛⵉⵏⵉⵏ ⴷ ⵍⴽⵉⵔⴰⵏ, ⵔⵏⵓ ⵖⴻⵔ-ⵙ ⴰⵙⴻⴳⴷⴻⵙ ⵏ ⵓⵍⵃⵓ ⵏ ⵜⴽⴰⵔⵓⵙⴰⵜ ⴷ ⵓⵙⴻⵏⵇⴻⴷ ⵏ ⵢⵉⴱⴻⵔⴷⴰⵏ ⴷⴻⴳ ⵜⴱⴱⵓⵔⵜ ⵏ ⵜⴻⵎⴷⵉⵏⵉⵏ.
ⴰⵀⴻⵢⵢⵉ-ⴰⴳⵉ ⵍⵍⴰⵏ ⴷⴻⴳ-ⵙ ⴷⵉⵖⴻⵏ ⵍⴻⵇⴷⵉⵛⴰⵜ ⵏ ⵓⵃⴰⴷⴻⵔ ⵉⵡⴰⴽⴽⴻⵏ ⴰⴷ ⵙⵙⴻⴼⵀⵎⴻⵏ ⵡⵉⴷ ⵢⴻⵙⵙⴻⵇⴷⴰⵛⴻⵏ ⴰⴱⵔⵉⴷ ⵖⴻⴼ ⵓⵇⴰⴷⴻⵔ ⵏ ⵍⵇⴰⵡⴰⵏⵉⵏ ⵏ ⵓⵙⵏⴻⴼⴷⴻⴳ (ⵏⵀⵉⵔ), ⵍⴰⴷⵖⴰ ⴷⴻⴳ ⵍⵡⴻⵇⵜ ⵏ ⵓⵏⴻⴼⴷⵓ ⴷ ⵓⴳⵔⵉⵙ ⵏ ⵜⴻⴳⵔⴻⵙⵜ.
ⵉⵡⴰⴽⴽⴻⵏ ⴰⴷ ⵉⵍⵉⵏ ⴷⴰⵢⴻⵎ ⴷ ⵉⵇⵔⵉⴱⴻⵏ ⵖⴻⵔ ⵓⵎⴷⴰⵏ, ⵜⵎⴻⵀⵍⴰ ⵏ ⵜⵎⴻⵙⵍⴻⵎⵜ ⵜⴻⵙⵙⴻⴷⴽⴻⵔ-ⴷ ⴱⴻⵍⵍⵉ ⵍⵖⴰⵛⵉ ⵣⴻⵎⵔⴻⵏ ⴰⴷ ⵙⴰⵡⵍⴻⵏ ⴷⴻⴳ ⵡⵓⵟⵟⵓⵏ ⴰⵣⴻⴳⵣⴰⵡ 1055 ⵉⵡⴰⴽⴽⴻⵏ ⴰⴷ ⵙⵙⵓⵜⵔⴻⵏ ⵜⴰⵍⵍⴻⵍⵜ ⵏⴻⵖ ⴰⴷ ⵅⴻⴱⵔⴻⵏ ⵖⴻⴼ ⴽⵔⴰ ⵏ ⵓⵏⴳⵓⵣ, ⴷ ⵓⵙⴻⴱⵜⴰⵔ "ⵜⴰⵔⵉⴽⵉ" (Tariki) ⴷⴻⴳ ⴼⴰⵢⵙⴱⵓⴽ, ⴷ ⵓⵙⵉⵜ ⵏ ⵢⵉⵏⵜⴻⵔⵏⴻⵜ (www.ppgn.mdn.dz).
ⴷⴻⴳ ⵜⴰⴳⴰⵔⴰ, ⵜⵎⴻⵀⵍⴰ ⵏ ⵜⵎⴻⵙⵍⴻⵎⵜ ⵜⴰⵖⴻⵍⵏⴰⵡⴻⵜ ⵜⴼⴻⴽ-ⴷ ⴰⵣⵓⵍ ⴷ ⵜⴻⴳⴷⵓⴷⵉⵏ ⵏ ⵍⴼⴻⵔⵃ ⵉ ⵎⴰⵔⵔⴰ ⵉⵣⵣⴰⵢⵔⵉⵢⴻⵏ ⵖⴻⴼ ⴷ-ⵜⴻⵡⵡⴻⴹ ⵏ ⵓⵙⴻⴳⴳⴰⵙ ⴰⵎⴰⵢⵏⵓⵜ.
ⴰⵔⵏⵓ ⵖⴻⵔ
