ⵜⴰⵇⴱⵉⵍⵜ ⵏ ⵢⵉⵡⴻⵏ ⵏ ⵓⴽⴰⵜⴰⵔ ⴰⵎⴰⵢⵏⵓⵜ ⵏ ⵓⵙⵍⵓⴳⴰⵏ ⵉ ⵓⵙⴽⴰⵙⵉ ⵏ ⵢⵉⵙⴰⵍⵍⴻⵏ ⵏ ⵜⵡⴻⵏⵏⴰⴹⵜ, ⵏ ⵜⵎⴻⵜⵜⵉ, ⴷ ⵜⵎⴻⵏⴹⴰⵡⵜ ⴷⴻⴳ ⵙⵙⵓⵇ ⵏ ⵜⴻⴷⵔⵉⵎⵜ ⴰⵣⵣⴰⵢⵔⵉ.

ⵜⴰⴷⴰⵎⵙⴰ
اعتماد إطار تنظيمي جديد للإفصاح عن المعلومات البيئية والاجتماعية والحوكمة في السوق المالية الجزائرية

ⵜⴰⵙⵎⵉⵍⵜ ⵏ ⵓⵙⵍⵓⴳ ⴷ ⵓⴹⴼⴰⵔ ⵏ ⵜⵖⴰⵡⵙⵉⵡⵉⵏ ⵏ ⵜⵏⴻⵣⵣⵓⵢⵜ (COSOB) ⵜⴻⵙⵙⵓⴼⴼⴻⵖⴷ ⵍⴻⵡⵚⴰⵢⴰⵜ ⵡⵉⵙ 2608, ⵏ 28 ⵜⵓⴱⴻⵔ 2026, ⴰⵢ ⴷⵢⴻⵙⴱⴰⵏⴻⵏ ⴰⴹⵔⵉⵙ ⵏ ⵓⵍⵖⵓ ⵖⴻⴼ ⵢⵉⵙⴰⵍⴰⵏ ⵓⵔ ⵏⴻⵍⵍⵉ ⴷ ⵉⴷⵔⵉⵎⴻⵏ ⴰⵢ ⴷⵢⴻⴹⴹⴼⴻⵏ ⵜⵉⵎⵙⴰⵍ ⵏ ⵜⵡⴻⵏⵏⴰⴹⵜ, ⵜⴰⵏⵎⴻⵜⵜⵉⵜ, ⴷ ⵜⵎⴻⵀⵍⴰ (ESG) ⵏ ⵜⵏⴻⵣⵣⵓⵢⵜ (ESG) ⴰⵢ ⴷⵢⴻⵜⵜⵡⴰⵇⴻⴱⵍⴻⵏ ⵖⴻⴼ ⵢⵉⵃⵔⵉⵛⴻⵏ ⵏ ⵜⵏⴻⵣⵣⵓⵢⵜ,. ⵖⴻⴼ ⵍⴻⵃⵙⴰⴱ ⵏ ⵢⵉⵡⴻⵏ ⵏ ⵓⵍⵖⵓ ⵏ ⵜⵙⴻⵇⵇⴰⵎⵓⵜ ⴰⵙⵙ ⵏ ⵍⴻⵜⵏⵉⵢⴻⵏ, ⴰⴽⴰⵜⴻⵏ-ⴰ ⴷ ⴰⵎⴻⵣⵡⴰⵔ ⴰⵖⴻⵍⵏⴰⵡ ⵢⴻⵔⵏⵓ ⴷ ⴰⵙⵓⵔⵉⴼ ⵙ ⵡⴰⵣⴰⵍⵏⵏⴻⵙ ⴷⴻⴳ ⵓⵙⵙⴻⵜⵔⴻⵔ ⵏ ⵓⴽⴰⵜⴰⵔ ⴰⵙⵍⵓⴳⴻⵏ ⵏ ⵡⵓⵍⵣⵓⵣ ⴰⴷⵣⴰⵢⵔⵉ ⵏ ⵜⴻⴷⵔⵉⵎⵜ. ⵜⴻⵙⵙⴻⵔⵙ ⴷⴰⵖ Lezzayer ⴳⴰⵔ ⵓⵎⴹⴰⵏ ⴰⵎⴻⵥⵢⴰⵏ ⵏ ⵜⵎⵓⵔⴰ ⵜⵉⴼⵔⵉⵇⵉⵢⵉⵏ ⴰⵢ ⴷⵢⴻⵙⴱⴻⴷⴷⴻⵏ ⵉⵃⴻⵣⵣⵉⴱⴻⵏ ⵏ ⵓⵙⵍⵓⴳⴰⵏ ⵉⴳⴻⵊⴷⴰⵏⴻⵏ ⵉ ⵍⵎⴻⵏⴷ ⵏ ⵓⵙⵙⴻⴼⵇⴻⴷ ⵏ ⵢⵉⵙⴰⵍⴰⵏ ⵏ ⵜⵡⴻⵏⵏⴰⴹⵜ, ⵏ ⵜⵎⴻⵜⵜⵉ ⴷ ⵜⵎⴻⵏⴹⴰⵡⵜ ⵙⵖⵓⵔ ⵜⴽⴻⴱⴱⴰⵏⵉⵢⵉⵏ ⴰⵢ ⴷⵢⴻⵜⵜⵡⴰⵙⴱⴻⴷⴷⴻⵏ ⴷⴻⴳ ⵍⵍⵉⵙⵜⴰ. ⴰⵖⴱⴰⵍⵓⴰ ⵢⴻⵔⵏⴰⴷ ⴷⴰⴽⴽⴻⵏ ⵍⴻⵡⵚⴰⵢⴰⵜⴰ ⵜⴻⵙⵙⴻⴹⵔⴰⵢⴷ ⴰⵢⴻⵏ ⴰⵢ ⴷⵢⴻⵇⵇⴰⵔ ⵓⵎⴰⴳⵔⴰⴷ ⵡⵉⵙ 44 ⵏ ⵓⵙⵏⴰⵙ ⵏ ⵜⵙⴻⵇⵇⴰⵎⵓⵜ ⵡⵉⵙ 2504, ⵏ 22 ⵜⵓⴱⴻⵕ 2025, ⵢⴻⵔⵣⴰⵏ ⴰⵙⴻⵏⵇⴻⵙ ⵏ ⵢⵉⵙⴰⵍⴰⵏ ⴰⵢ ⵢⴻⵙⵙⴻⴼⴽ ⴰⴷ ⵜⴻⵏⵜⵉⴷⵙⵙⵓⴼⴼⵖⴻⵏⵜ ⵜⴽⴻⴱⴱⴰⵏⵉⵢⵉⵏ ⴰⵢ ⵢⴻⵙⵄⴰⵏ ⵜⵉⵖⴱⵓⵍⴰⵏⵙⴻⵏⵜ ⴷⴻⴳ ⵜⵏⴻⵣⵣⵓⵜ ⵏ ⵜⵎⴻⵔⵖⴰ. ⵢⴻⵙⴱⴻⴷⴷⴷ ⴰⴽⴰⵜⴰⵔ ⵢⴻⵜⵜⵡⴰⵙⴱⴻⴷⴷⴻⵏ ⵉ ⵓⵙⴽⴰⵙⵉ ⵏ ⵢⵉⵙⴰⵍⵍⴻⵏ ⵓⵔ ⵏⴻⵍⵍⵉ ⴰⵔⴰ ⴷ ⵉⴷⵔⵉⵎⴻⵏ, ⵙ ⵍⵙⴰⵙ ⵏ ⴽⵔⴰⴹ ⵏ ⵢⵉⵃⵔⵉⵛⴻⵏ ⵉⴳⴻⵊⴷⴰⵏⴻⵏ : ⵜⴰⵡⴻⵏⵏⴰⴹⵜ, ⵜⴰⵏⵎⴻⵜⵜⵉⵜ, ⴷ ⵜⵎⴻⵏⴹⴰⵡⵜ. ⴰⵙⴻⵇⵇⴰⵎⵓ ⵏ ⵜⴻⵎⵀⴰⵍ ⴷ ⵓⴹⴼⴰⵔ ⵏ ⵜⵏⴻⵣⵣⵓⵢⵜ ⵢⴻⵙⵙⴻⴼⵀⴻⵎⴷ ⴷⴰⴽⴽⴻⵏ ⴰⴽⴰⵜⴰⵔⴰ ⵢⴻⵍⵍⴰ ⴷⴻⴳⵙ ⵍⴰⴷⵖⴰ ⵜⵉⵎⵙⴰⵍ ⵢⴻⵔⵣⴰⵏ ⴰⴱⴻⴷⴷⴻⵍ ⵏ ⵜⵏⴻⵎⵙⴰⵍ, ⴰⵙⴻⵇⴷⴻⵛ ⵏ ⵢⵉⵖⴱⵓⵍⴰ, ⵜⵉⴳⵏⴰⵜⵉⵏ ⵜⵉⵏⵎⴻⵜⵜⵉⵢⵉⵏ, ⵜⴰⵖⴻⵙⵙⴰ ⴷ ⵓⵅⴻⴷⴷⵉⵎ ⵏ ⵢⵉⴳⴻⵏⵙⴰⵙⴻⵏ ⵏ ⵜⴻⴷⴱⴻⵍⵜ, ⴰⵎ ⵡⴰⴽⴽⴻⵏ ⴰⵢ ⵍⵍⴰⵏ ⵢⵉⵎⴻⵥⵍⴰ ⵏ ⵓⵃⴻⵣⵣⴻⴱ ⴷ ⵢⵉⵎⴻⵏⵖⵉ ⵎⴳⴰⵍ ⵓⵙⵙⴻⵀⵔⴻⵙ. ⴰⴹⵔⵉⵙⴰ ⵓⵔ ⵢⴻⵙⵙⴻⴼⴽ ⴰⵔⴰ ⴽⴰⵏ ⴰⴷ ⴷⵢⴻⵙⵙⴽⴻⵏ ⵉⵎⴻⴷⵢⴰⵜⴻⵏ ⴷ ⵢⵉⵙⴻⴼⴽⴰ ⵢⴻⵔⵣⴰⵏ ⵉⵃⵔⵉⵛⴻⵏⴰ, ⵡⴰⵏⴰⴳ ⵢⴻⵙⵙⴻⴼⴽ ⴷⴰⵖⴻⵏ ⴰⴷ ⴷⵢⴻⵙⵎⴻⴽⵜⵉ ⴰⴱⵔⵉⴷ ⵏ ⵜⵓⴷⴷⵙⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵎⴰⵙⵉⵜ ⵜⴰⵏⵎⴻⵜⵜⵉⵜ ⵏ ⵜⴽⴻⴱⴱⴰⵏⵉⵢⵉⵏ (CSR), ⴰⴷ ⴷⵢⴻⵙⴱⴰⵏ ⵡⵉⴷ ⴰⵢ ⵜⴻⵔⵣⴰ ⵜⴻⵎⵙⴰⵍⵜ, ⴰⴷ ⴷⵢⴻⴼⴽ ⵜⵉⵎⵙⴰⵍ ⵏ ⵜⵡⴻⵏⵏⴰⴹⵜ, ⵏ ⵜⵎⴻⵜⵜⵉ, ⴷ ⵜⵎⴻⵏⴹⴰⵡⵜ (ESG) ⵙ ⵜⵖⴰⵡⵍⴰ, ⴰⴷ ⴷⵢⴻⵙⵙⴻⴼⵇⴻⴷ ⴰⵣⴰⵍⵏⵙⴻⵏⵜ ⵏ ⵜⵖⴰⵡⵙⵉⵡⵉⵏ, ⵢⴻⵔⵏⴰ ⴰⴷ ⴷⵢⴻⵙⵎⴻⴽⵜⵉ ⵙ ⵜⵖⴰⵡⵍⴰ ⵜⵉⴳⴰⵡⵉⵏ ⴰⵢ ⴷⵢⴻⵜⵜⵡⴰⴷⴷⵎⴻⵏ ⴷ ⵢⵉⴳⵎⴰⴹ ⴰⵢ ⴷⵢⴻⵜⵜⵡⴰⵙⵙⴰⵡⴹⴻⵏ. ⴰⴽⴰⵜⴰⵔⴰ ⴰⵢ ⵢⴻⵜⵜⵡⴰⵇⴻⴱⵍⴻⵏ ⵢⴻⵜⵜⵡⴰⴱⵏⴰ ⵙ ⵓⵎⴰⵜⴰ ⵖⴻⴼ ⵢⵉⵍⵓⴳⴰⵏ ⵏ ⵜⴻⵙⵏⵓⴷⴷⴻⵙⵜ ⵜⴰⵎⴰⴹⵍⴰⵏⵜ ⵏ ⵓⵄⴻⵢⵢⴻⵏ (GRI) ⴷ ⵢⵉⵙⵡⴰⵏ ⵏ ⵓⵙⵏⴻⴼⵍⵉ ⴰⵖⴻⵍⵏⴰⵡ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ (ⵙⴷⴳⵙ), ⴰⵎ ⵡⴰⴽⴽⴻⵏ ⴰⵢ ⵢⴻⵜⵜⴰⴵⴵⴰ ⴷⴰⵖ ⴰⴷ ⵜⵜⵡⴰⵇⴻⴱⵍⴻⵏ ⵢⵉⵍⵓⴳⴰⵏ ⵏⵉⴹⴻⵏ ⵏⴻⵖ ⵉⵃⴻⵣⵣⵉⴱⴻⵏ ⵏ ⵓⵄⴻⵢⵢⴻⵏ ⵓⵔ ⵏⴻⵍⵍⵉ ⴷ ⵉⴷⵔⵉⵎⴻⵏ ⴰⵢ ⵢⴻⵜⵜⵡⴰⵙⵏⴻⵏ ⴷⴻⴳ ⵓⵎⴰⴹⴰⵍ. ⴰⵏⴰⴳⵔⴰⵡⴰ ⵢⴻⴱⵏⴰ ⵖⴻⴼ ⵓⵎⴻⵏⵣⴰⵢ ⵏ "ⴹⴻⴼⴼⴻⵔ ⵏⴻⵖ ⵙⵙⴻⴼⵀⴻⵎ", ⴷⵖⴰ ⴷ ⴰⵢⴰ ⴰⵢ ⵢⴻⵙⵙⴰⵡⴹⴻⵏ ⵜⵉⴽⴻⴱⴱⴰⵏⵉⵢⵉⵏ ⴰⴷ ⵙⵇⴻⴷⵛⴻⵏⵜ ⴽⵔⴰ ⴽⵔⴰ ⵉⵃⴻⵣⵣⵉⴱⴻⵏⴰ ⵉⵎⴰⵢⵏⵓⵜⴻⵏ. ⴰⵣⴰⵍ ⵏ ⵜⵎⴻⵥⵍⴰⴰ ⵢⴻⵜⵜⴽⴻⵎⵎⵉⵍ ⵏⵏⵉⴳ ⵏ ⵓⵙⴱⴻⴷⴷ ⴽⴰⵏ ⵏ ⵜⵎⴻⵥⵍⴰ ⵜⴰⵎⴰⵢⵏⵓⵜ ⵏ ⵓⵙⵙⵉⵥⵔⴻⴳ ⴷ ⵓⵙⴽⴰⵙⵉ ; ⵜⴻⵙⵏⴻⵔⵏⴰⵢ ⴷⴰⵖ ⵜⴰⵙⴻⴼⵔⴰⵏⵜ ⵏ ⵜⴽⴻⴱⴱⴰⵏⵉⵢⵉⵏ, ⵜⴻⵙⵙⴻⵍⵀⵓⵢ ⵜⴰⵖⴰⵔⴰ ⵏ ⵢⵉⵙⴰⵍⴰⵏ ⴰⵢ ⵢⴻⵍⵍⴰⵏ ⵉ ⵢⵉⵎⵙⴻⴼⵜⵉⵢⴻⵏ, ⵢⴻⵔⵏⵓ ⵜⴻⵙⵙⴻⴼⵔⴰⵢⵉⵜⴻⵏ ⴰⴷ ⵙⵇⴻⴷⵛⴻⵏ ⵅⵉⵔ ⵉⵅⴻⵚⵚⴰⵔⴻⵏ ⴷ ⵜⴻⴳⵏⵉⵜ ⴰⵢ ⴷⵢⴻⵇⵇⵏⴻⵏ ⵖⴻⵔ ⵜⴻⵎⵙⴰⵍ ⵏ ⵓⵙⵏⴻⴼⵍⵉ. ⵜⴻⵍⵍⴰ ⴷⴰⵖ ⴷ ⵜⴰⵄⴻⵙⵙⴰⵙⵜ ⵏ ⵓⵄⵉⵡⴻⵏ ⵏ ⵓⵙⵏⴻⴼⵍⵉ ⵏ ⵜⴻⴷⵔⵉⵎⵜ ⵜⴰⵖⴻⵍⵏⴰⵡⵜ, ⵙ ⵓⵙⵏⴻⵔⵏⵉ ⵏ ⵍⴵⴻⵀⴷ ⵏ ⵙⵙⵓⵇ ⴰⴷⵔⵉⵎⴰⵏ ⴰⵣⵣⴰⵢⵔⵉ, ⴷ ⵓⴹⴼⴰⵔ ⵏ ⵢⵉⴱⴻⴷⴷⵉⵍⴻⵏ ⴰⵢ ⵍⴰ ⴷⵢⴻⵜⵜⵉⵍⵉⵏ ⴷⴻⴳ ⵙⵙⵓⵇ ⵏ ⵜⴻⴷⵔⵉⵎⵜ ⴷⴻⴳ ⵜⵎⵓⵔⴰ ⵜⵉⴳⵔⴰⵖⵍⴰⵏⵉⵏ. ⵉⵃⴻⵣⵣⵉⴱⴻⵏⴰ ⴰⴷ ⴱⴷⵓⵏ ⴰⴷ ⵜⵜⵡⴰⴹⴻⵎⵏⴻⵏ ⵙⴻⴳ ⵓⵙⴻⴳⴳⴰⵙ ⴰⴷⵔⵉⵎⴰⵏ ⵏ 2026, ⴷⴻⴳ ⵓⴽⴰⵜⴰⵔ ⵏ ⵜⴷⵉⵏⴰⵎⵉⵜ ⵏ ⵓⵙⵙⴻⵍⵀⵓ ⴰⵢ ⴷⵜⴻⵙⵙⴻⵍⵡⵉ Tesmilt ⵉ ⵍⵎⴻⵏⴷ ⵏ ⵓⵙⴱⴻⴷⴷ ⵏ ⵙⵙⵓⵇ ⴰⴷⵔⵉⵎⴰⵏ ⴰⵢ ⴷⵢⴻⵜⵜⵡⴰⵙⴱⴻⴷⴷⴻⵏ ⵙ ⵜⵖⴰⵡⵍⴰ ⵢⴻⵔⵏⴰ ⴷ ⵡⵉⵏ ⴰⵢ ⴷⵉⵊⴻⴱⴷⴻⵏ ⵓⴳⴰⵔ, ⵢⴻⵔⵏⵓ ⵢⴻⵜⵜⵡⴰⵙⵙⴻⵇⴷⴻⵛ ⵓⴳⴰⵔ ⴰⴽⴽⴻⵏ ⴰⴷ ⴷⵢⴻⴼⴽ ⵍⵃⴻⵕⵙ ⵏ ⵜⴻⴷⵔⵉⵎⵜ ⵜⴰⵖⴻⵍⵏⴰⵡⵜ ⵏ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ.

ENTV Banner