ⵢⵓⵣⴻⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ, ⵢⵉⵡⴻⵜ ⵏ ⵜⴻⴱⵔⴰⵜⵜ ⵙ ⵜⴰⴳⵏⵉⵜ ⵏ ⵓⵙⴼⴻⴳⴳⴻⵔ ⵏ ⵓⵎⴻⴽⵜⴰⵢ ⵡⵉⵙ 70 ⵏ ⵡⴰⵙⵙ ⵏ ⵓⵏⴻⵍⵎⴰⴷ (19 ⵎⴰⵢⵓ 1956). ⵀⴰⵜⴰⵏ ⵡⴰⴹⵔⵉⵙ-ⵉⵙ ⴰⵎⴰⵜⵓ:
"ⵙ ⵢⵉⵙⴻⵎ ⵏ ⵕⴻⴱⴱⵉ ⴰⵎⴰⵍⵍⴰⵍ ⴰⵎⴻⴳⴳⴰⵢ, ⵜⵥⴰⵍⵍⵉⵜ ⴷ ⵙⵙⵍⴰⵎ ⵖⴻⴼ ⵓⵎⴰⵣⴰⵏ ⵓⴼⵔⵉⵏ.
ⵉⵙⴼⴻⵔⵔⴻⵃ-ⵉⵢⵉ ⵙ ⵜⴰⴳⵏⵉⵜ ⵏ ⵡⴰⵙⵙ ⵏ ⵓⵏⴻⵍⵎⴰⴷ (19 ⵎⴰⵢⵓ), ⴰⴷ ⴷ-ⴰⵍⴻⵙ ⴰⵙⵏⴻⴽⵏⴻⴷ ⵏ ⵏⵏⴻⴼⵅⴰ-ⵏⵏⴻⵖ ⵙ ⵢⵉⵍⴻⵎⵣⵢⴻⵏ ⵢⵉⵏⴻⵍⵎⴰⴷⴻⵏ ⴷⴻⴳ ⵜⵣⴻⵖⵡⴰ ⵏ ⵜⴻⵙⴷⴰⵡⵉⵢⵉⵏ, ⴷⴻⴳ ⵢⵉⵎⴰⵄⵀⴷⴻⵏ ⴷ ⵢⵉⵖⴻⵔⴱⴰⵣⴻⵏ ⵓⵏⵉⴳⴻⵏ, ⴷ ⵢⴰⴽⴽ ⵢⵉⵎⴰⵙⵍⴰⴷⴻⵏ ⵏ ⵜⵡⴰⵛⵓⵍⵜ ⵏ ⵓⵙⴻⵍⵎⴻⴷ ⵓⵏⵉⴳ ⴷ ⵓⵏⴰⴷⵉ ⴰⵎⴰⵙⵙⴰⵏ ⵙⴻⴳ ⵢⵉⵎⵓⵣⵣⴰⴳⴻⵏ, ⵢⵉⵙⴻⵍⵎⴰⴷⴻⵏ ⴷ ⵢⵉⵙⵉⵍⴻⵖⴻⵏ, ⵉⵅⴻⴷⴷⵎⴻⵏ ⵉⵡⴰⴽⴽⴻⵏ ⴰⴷ ⵉⵙⴰⵍⵉ ⵓⵙⵡⵉⵔ ⵏ ⵓⵙⴻⵍⵎⴻⴷ ⴷ ⵓⵙⵉⵍⴻⵖ ⴷ ⵓⵙⵏⴻⴼⵍⵉ ⵏ ⵓⵏⴰⴷⵉ ⴰⵎⴰⵙⵙⴰⵏ, ⵓ ⴰⴷ ⵢⵉⵍⵉ ⵓⵇⵇⴰⵏ ⴳⴰⵔ ⵓⴼⴰⵔⵉⵙ ⴰⵎⴰⵙⵙⴰⵏ ⵏ ⵜⴻⵙⴷⴰⵡⵉⵜ ⴷ ⵓⵎⴰⵀⵉⵍ ⴰⴷⴰⵎⵙⴰⵏ ⴷ ⵜⵓⴷⴻⵔⵜ ⵜⴰⵎⴰⵜⵓⵜ.
ⴰⵖⵔⴻⴼ ⴰⵣⵣⴰⵢⵔⵉ, ⵉ ⵉⵄⴻⵥⵥⴻⵏ ⵢⵉⵙ-ⵡⴻⵏ ⴽⵓⵏⵡⵉ ⴷ ⵢⵉⵍⴻⵎⵣⵢⴻⵏ ⵏ ⵓⵖⵔⴻⴼ, ⵢⴻⵔⵏⴰ ⵉⵕⴻⵚⵚⴰⵏ ⴷⴻⴳ ⵍⵡⴻⴼⴰ-ⵉⵏⴻⵙ ⵉ ⵡⵉⴷ ⵉ ⴷ-ⵢⴻⴼⴽⴰⵏ ⵜⵓⴷⴻⵔⵜ-ⵏⵙⴻⵏ ⵉ ⵓⵎⴻⵣⵔⵓⵢ ⵉ ⵜⵙⵓⵜⵉⵡⵉⵏ, ⵉⴱⴻⴷⴷ ⴷⴻⴳ ⵢⴰⴽⴽ ⵜⴰⵍⵍⵉⵜ ⵏ ⵓⵎⴻⵣⵔⵓⵢ ⵣⴷⴰⵜ ⵏ ⵡⵓⴷⵎⴰⵡⴻⵏ ⵏ ⵍⵀⵉⴱⴰ ⴷ ⵓⵇⴰⴷⴻⵔ. ⴷⴻⴳ ⵜⴰⴳⵏⵉⵜ-ⴰⴳⵉ, ⵏⴻⵙⵎⴻⴽⵜⴰ-ⴷ ⵜⵙⵓⵜⴰ ⵉ ⴷ-ⵢⴻⴼⴽⴰⵏ ⴷⴻⴳ 19 ⵎⴰⵢⵓ 1956 ⵜⵉⵖⵍⴰⵎ ⵏ ⵢⵉⵏⴻⵍⵎⴰⴷⴻⵏ ⵍⴻⵣⵣⴰⵢⵔⵉⵢⴻⵏ, ⴰⵎⴰ ⴷⴻⴳ ⴷⴰⵅⴻⵍ ⵏⴻⵖ ⴷⴻⴳ ⴱⴻⵕⵕⴰ ⵏ ⵜⵎⵓⵔⵜ, ⵉⵡⴰⴽⴽⴻⵏ ⴰⴷ ⵔⵏⵓⵏ ⵖⴻⵔ ⵢⵉⵙⴻⵔⴷⴰⵙⴻⵏ ⵏ ⵓⵙⵍⴻⵍⵍⵉ (ALN) ⴷⴻⴳ ⵢⵉⵎⵓⴽⴰⵏ ⵏ ⵜⴰⵍⵍⴻⵍⵜ ⴷ ⵢⵉⵏⵏⴰⵔⴻⵏ ⵏ ⵢⵉⵎⴻⵏⵖⵉ.
ⵢⵉⵏⴻⵍⵎⴰⴷⴻⵏ-ⵏⵏⵉ ⵏ ⵜⴰⵍⵍⵉⵜ-ⵏⵏⵉ ⵏ ⵓⵏⵏⴰⵖ, ⵓⵍⴰ ⵎⴰ ⵍⵍⴰⵏ ⴷⴻⴳ ⵜⴻⴳⵏⵉⵜ ⵏ ⵍⵉⵙⴻⵔ, ⵍⴰⵎⴻⵄⵏⴰ ⵙ ⵍⴰⵙⴻⵍ ⵏ ⵡⵓⵍⴰⵡⴻⵏ-ⵏⵙⴻⵏ ⴼⴻⵔⵏⴻⵏ ⵜⵉⵍⴻⵍⵍⵉ ⴷ ⵍⵃⴻⵔⵎⴰ ⵓⵇⴱⴻⵍ ⵢⵉⵔⵎⵉⵜⴻⵏ ⵏ ⵡⴻⵎⴽⴰⵏ ⴷ ⵍⴼⴰⵢⴷⴰⵜ, ⴷⵖⴰ ⵓⵡⵢⴻⵏ ⵍⵀⵉⴱⴰ ⴷ ⵍⴻⴱⴷⴰ.
ⵏⵓⵜⵏⵉ ⴷ ⵡⵉⴷ ⴰⵔⴰ ⵢⴻⴷⴷⵔⴻⵏ ⵉ ⴷⵉⵎⴰ ⴷⴻⴳ ⵜⵎⴻⴽⵜⵉ-ⵏⵏⴻⵖ, ⵢⴻⵔⵏⴰ ⴽⵓⵏⵡⵉ ⴷ ⵍⵅⴻⵉⵔ ⵏ ⵓⵅⴻⵍⵍⴰⴼ-ⵏⵙⴻⵏ, ⵉⵎⵉ ⵜⴻⵜⵜⴻⴷⴷⵓⵎ ⴷⴻⴳ ⵓⴱⵔⵉⴷ ⵏ ⵔⵔⴻⴱⴻⵃ ⴷⴻⴳ ⵜⴻⵙⴷⴰⵡⵉⵜ ⵉ ⵢⴻⵍⵍⴰⵏ ⴷ ⵜⴰⵎⵛⴻⴷⴷⵉⵜ ⴷⴻⴳ ⵢⵉⴱⴻⴷⴷⵉⵍⴻⵏ ⵓ ⵜⴻⵜⵜⴻⴷⴷⵓ ⴷ ⵜⵉⵜⵉⴽⵏⵓⵍⵓⴶⵉⵢⵉⵏ ⴷ ⵜⵎⵓⵙⵏⵉ. ⴰⵡⴰⵏⴰⴽ ⵉⵟⵟⴰⴽ-ⴰⵙ ⵢⴰⵍ ⴰⵙⴻⴳⴳⴰⵙ ⵜⴻⴷⵔⵉⵎⵜ ⵜⴰⵎⴻⵇⵇⵔⴰⵏⵜ, ⵢⴻⵔⵏⴰ ⵜⴻⵙⴻⴶⵀⴻⴷ ⵜⵓⴷⴷⵙⵉⵡⵉⵏ-ⵉⵙ ⴷⴻⴳ ⵢⵉⵙⴻⴳⴳⴰⵙⴻⵏ ⵉⵏⴻⴳⴳⵓⵔⴰ ⵙ ⵡⴰⵟⴰⵙ ⵏ ⵢⵉⴳⴻⵎⵎⴰⴹ: ⵢⵉⵖⴻⵔⴱⴰⵣⴻⵏ ⵓⵏⵉⴳⴻⵏ ⵓⴼⵔⵉⵏⴻⵏ, ⵉⴶⵓⴶⴰ ⵏ ⵜⴻⵙⴷⴰⵡⵉⵢⵉⵏ ⵢⴻⴷⴷⵓⴽⴽⵍⴻⵏ, ⴷ ⵜⴰⵍⵍⴰⵍⵜ ⵉ ⵉⵜⴻⴷⴷⵓⵏ ⵉ ⵓⵙⵔⵉⵎ ⵏ ⵓⵏⴰⴷⵉ ⴰⵎⴰⵙⵙⴰⵏ ⴷ ⵓⵙⵏⵓⵍⴼⵓ. ⴰⵢⴰⴳⵉ ⴷ ⴰⵙⵏⴻⴽⵏⴻⴷ ⵏ ⵍⴻⴱⵖⵉ-ⵏⵏⴻⵖ ⵉ ⵓⵙⵙⴻⵜⵎⴻⵔ ⴷⴻⴳ ⵓⵏⵏⴰⵔ-ⴰⴳⵉ ⵓ ⵓⵟⵎⴰⵏ ⵏ ⵓⴽⴻⵎⵎⴻⵍ-ⵉⵙ, ⵉⵡⴰⴽⴽⴻⵏ ⴰⴷ ⴷ-ⵜⴻⴽⴽⵉ ⵜⴻⵙⴷⴰⵡⵉⵜ ⴷⴻⴳ ⵜⴷⴰⵎⵙⴰ ⵏ ⵓⴼⴰⵔⵉⵙ ⴰⵎⴰⵢⵏⵓⵜ.
ⵏⴻⴽⵏⵉ ⵏⴻⵙⵄⴰ ⵜⴰⴼⵍⴻⵙⵜ ⵜⴰⵎⴻⵇⵇⵔⴰⵏⵜ ⴱⴻⵍⵍⵉ ⵢⵉⵏⴻⵍⵎⴰⴷⴻⵏ ⴷ ⵢⵉⵍⴻⵎⵣⵢⴻⵏ ⵃⵓⵍⴼⴰⵏ ⵙ ⵍⵇⴻⴷⴷ ⵏ ⵢⵉⵙⵏⵉⵢⴰⵍⴻⵏ (réformes) ⵉ ⵢⴻⵣⵔⴰ ⵓⵃⵔⵉⵛ ⵏ ⵓⵙⴻⵍⵎⴻⴷ ⵓⵏⵉⴳ ⴷ ⵓⵏⴰⴷⵉ ⴰⵎⴰⵙⵙⴰⵏ, ⴷ ⵢⵉⵙⵓⵔⵉⴼⴻⵏ ⵉ ⵜⴻⵅⴷⴻⵎ ⵜⵎⵓⵔⵜ-ⵏⵙⴻⵏ ⴷⴻⴳ ⵢⵉⵏⵏⴰⵔⴻⵏ ⵏⵏⵉⴹⴻⵏ, ⵙ ⵓⵇⴰⴷⴻⵔ ⵏ ⵍⵄⴰⵀⴷ ⵉ ⵓⵖⵔⴻⴼ ⴰⵣⵣⴰⵢⵔⵉ ⴰⵃⴻⵔⵔⵉ ⴷ ⵢⵉⵎⴻⵖⵔⴰⵙⴻⵏ ⵓⴼⵔⵉⵏⴻⵏ. ⵉ ⴷⴻⴳ ⵡⴰⵙⵙ-ⴰⴳⵉ ⵏ ⵓⵎⴻⴽⵜⴰⵢ ⵡⵉⵙ ⵎⵔⴰⵡ ⵏ ⵙⴰ (70) ⵏ ⵡⴰⵙⵙ ⵏ ⵓⵏⴻⵍⵎⴰⴷ, ⵏⴻⵙⵙⵓⵜⵜⵓⵔ ⴷⴻⴳ ⵕⴻⴱⴱⵉ ⵉⵡⴰⴽⴽⴻⵏ ⴰⴷ ⴷ-ⵢⴻⵙⵙⴻⵔⵔⴻⵙ ⴼⴻⵍⵍ-ⴰⵙⴻⵏ ⵜⴰⵙⵔⴰⵙⵜ-ⵉⵙ ⵡⴻⵙⵙⵉⵄⴻⵏ.
ⵜⵉⴷⴷⴻⵔ ⵜⵎⵓⵕⵜ ⵏ ⵍⴻⵣⵣⴰⵢⴻⵔ.
ⵍⵀⵉⴱⴰ ⴷ ⵍⴻⴱⴷⴰ ⵉ ⵢⵉⵎⴻⵖⵔⴰⵙⴻⵏ-ⵏⵏⴻⵖ.
ⵙⵙⵍⴰⵎ ⴼⴻⵍⵍ-ⴰⵡⴻⵏ ⵓ ⵔⴰⵃⵎⴻⵜ ⵕⴻⴱⴱⵉ".
ⴰⵔⵏⵓ ⵖⴻⵔ
