ⴱⴻⴳⴳⵏⴻⵏ-ⴷ ⵓⵎⵍⴰⵏ ⵉⵎⴰⵢⵏⵓⵜⴻⵏ ⴱⴻⵍⵍⵉ ⵍⵣⵣⴰⵢⴻⵔ ⵜⴻⵍⵍⴰ ⴷⴻⴳ ⵜⵉⵣⵡⵉⵔⵉ ⵏ ⵓⵎⴰⴹⴰⵍ ⴳ ⵡⵓⴷⵔⵓⵙ ⵏ ⵙⵙⵓⵎ ⵏ ⵢⵉⵎⵙⵉⵙⴻⵏ (ⵍⵉⵙⵙⵓⵏⵙ, ⵍⵎⴰⵣⵓⵟ...), ⵓⵍⴰ ⵎⵇⴰⴱⴻⵍ ⵜⵉⵎⵓⵔⴰ ⵢⴻⵙⵙⵓⴼⵓⵖⴻⵏ ⵍⴱⵉⵟⵔⵓⵍ. ⴰⵢⴰ ⵢⴻⵍⵍⴰ-ⴷ ⵙ ⵜⴰⵍⵍⴰⵍⵜ ) ⵜⴰⵎⴻⵇⵇⵔⴰⵏⵜ ⵏ ⴷⴷⴻⵡⵍⴰ ⵉ ⵢⴻⵜⵜⴰⴽⴻⵏ ⴰⵟⵟⴰⵙ ⵏ ⵢⵉⴷⵔⵉⵎⴻⵏ ⵉ ⵓⵙⴻⵏⵜⴰⵍ-ⴰ.
ⴰⴽⴽⴻⵏ ⵢⴻⵍⵍⴰ ⴷⴻⴳ ⵓⵎⵍⴰⵏ ⵏ ⵙⵙⵓⵎ ⴳ ⵓⵎⴰⴹⴰⵍ, ⵍⵣⵣⴰⵢⴻⵔ ⵜⴻⵣⵡⵉⵔ ⵙ ⵙⵙⵓⵎ-ⴰ:
- ⵍⵉⵙⵙⵓⵏⵙ (Benzine): 47 ⴷⵊ (0.36 ⴷⵓⵍⴰⵔ) ⵉ ⵍⵉⵜⵔⴰ.
- ⵍⵎⴰⵣⵓⵟ (Diesel): 31 ⴷⵊ (0.25 ⴷⵓⵍⴰⵔ) ⵉ ⵍⵉⵜⵔⴰ.
- ⵍⴳⴰⵣ ⵏ ⵜⵜⵓⵎⵓⴱⵉⵍⴰⵜ (GPL): 12 ⴷⵊ (0.09 ⴷⵓⵍⴰⵔ) ⵉ ⵍⵉⵜⵔⴰ.
ⵙⵙⵓⵎ ⵏ ⵍⵉⵙⵙⵓⵏⵙ ⴳ ⵍⵣⵣⴰⵢⴻⵔ ⵢⴻⵍⵍⴰ ⴷ ⴰⵣⴳⴻⵏ ⵏ ⵙⵙⵓⵎ ⵏ ⵜⵎⵓⵔⴰ ⵏⵏⵉⴹⴻⵏ ⵢⴻⵙⵄⴰⵏ ⵍⴱⵉⵟⵔⵓⵍ, ⴰⵎ ⵙⵙⴰⵄⵓⴷⵉⵢⴰ (0.621 ⴷⵓⵍⴰⵔ), ⵔⵔⵓⵙ (0.834 ⴷⵓⵍⴰⵔ), ⴷ ⵎⵉⵔⵉⴽⴰⵏ (0.835 ⴷⵓⵍⴰⵔ). ⴳ ⵍⵄⵉⵔⴰⵇ ⵢⴻⵍⵍⴰ ⵙ 0.649 ⴷⵓⵍⴰⵔ.
ⴳ ⵡⴰⵢⵢⴻⵏ ⵢⴻⵔⵣⴰⵏ ⵍⵎⴰⵣⵓⵟ, ⵙⵙⵓⵎ-ⵉⵙ ⴳ ⵍⵣⵣⴰⵢⴻⵔ ⵢⴻⴷⵔⴻⵙ ⴽⴽⵓⵥ (4) ⵜⵉⴽⴽⴰⵍ ⵖⴻⴼ ⵡⵉⵏ ⵏ ⵎⵉⵔⵉⴽⴰⵏ (0.925 ⴷⵓⵍⴰⵔ) ⵏⴻⵖ ⵔⵔⵓⵙ (0.951 ⴷⵓⵍⴰⵔ). ⵓⵍⴰ ⵎⵇⴰⴱⴻⵍ ⵜⵉⵎⵓⵔⴰ ⵜⵉⵄⵔⴰⴱⵉⵏ ⴰⵎ ⵍⴽⵓⵡⴰⵢⵜ (0.374 ⴷⵓⵍⴰⵔ), ⵍⵣⵣⴰⵢⴻⵔ ⵜⴻⵣⵡⵉⵔ.
ⴳ ⵓⵙⴻⴳⴳⴰⵙ-ⴰ 2026, ⵙⵙⵓⵎ ⵏ ⵢⵉⵎⵙⵉⵙⴻⵏ ⵢⴻⵜⵜⵡⴰⵙⴻⴳⴳⴻⵎ ⵛⵡⵉⵟ:
- ⵍⵉⵙⵙⵓⵏⵙ ⵢⵓⵍⵉ ⵙⴻⴳ 45.62 ⴷⵊ ⵖⴻⵔ 47 ⴷⵊ.
- ⵍⵎⴰⵣⵓⵟ ⵢⵓⵍⵉ ⵙⴻⴳ 29.01 ⴷⵊ ⵖⴻⵔ 31 ⴷⵊ.
- ⵍⴳⴰⵣ (GPL) ⵢⵓⵍⵉ ⵙⴻⴳ 9 ⴷⵊ ⵖⴻⵔ 12 ⴷⵊ.
ⵜⴰⵎⴰⵡⴰⵙⵜ ⵏ ⵜⵣⴻⵎⵎⴰⵔ ⴷ ⵜⵎⴻⵖⵣⵉⵡⵉⵏ (Mines) ⵜⴻⵏⵏⴰ-ⴷ ⴱⴻⵍⵍⵉ ⴰⵙⴻⴳⴳⴻⵎ-ⴰ ⵢⴻⵍⵍⴰ-ⴷ ⵡⴰⴽⴽⴻⵏ ⴰⴷ ⵜⴻⴹⵎⴻⵏ ⴷⴷⴻⵡⵍⴰ ⴰⵙⴻⴼⵔⵓ ⵏ ⵢⵉⴳⴰⴷⴻⵣⵏ ⴷ ⵓⵖⵓⵎⵎⵓ ⵏ ⵜⴼⴰⴷⵉⵡⵉⵏ ⵏ ⵓⴼⴰⵔⴻⵙ. ⵜⴻⵏⵏⴰ-ⴷ ⵓⵍⴰ ⴱⴻⵍⵍⵉ ⵙⵙⵓⵎ-ⴰ ⵎⴰⵛⵉ ⴷ ⵡⵉⵏ ⵏ ⵓⴼⴰⵔⴻⵙ ⵏ ⵚⴰⵃ, ⴷ ⴷⴷⴻⵡⵍⴰ ⵉ ⵢⴻⵜⵜⴰⴽⴻⵏ ⴰⵟⵟⴰⵙ ⵏ ⵜⴰⵍⵍⴰⵍⵜ ⵡⴰⴽⴽⴻⵏ ⴰⴷ ⵜⴻⵃⵔⴻⵣ ⵜⴰⵣⵎⴻⵔⵜ ⵏ ⵓⵙⴻⵖⵍⴻⴼ ⵏ ⵓⵎⴷⴰⵏ.
ⴷⴻⴳ ⵍⵇⴰⵏⵓⵏ ⵏ ⵍⵎⴰⵍ ⵏ 2026, ⴷⴷⴻⵡⵍⴰ ⵜⴻⵀⴻⵢⵢⴰ 657 ⵎⵍⵢⴰⵔ ⵏ ⴷⵉⵏⴰⵔ ⵉ ⵜⴰⵍⵍⴰⵍⵜ ⵏ ⵙⵙⵓⵎ ⵏ ⵜⵏⴻⴼⵍⵉⵜ ⵜⴰⴷⴰⵎⵙⴰⵏⵜ ⴷ ⵢⵉⵎⵙⵉⵙⴻⵏ.
ⴰⵔⵏⵓ ⵖⴻⵔ
