ⵎⴰⵙⵙ ⵎⵓⵀⴰⵎⴻⴷ ⵙⴻⵖⵉⵔ ⵙⴰⵄⴷⴰⵡⵉ, ⴰⵏⴻⵖⵍاف ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ, ⵢⴻⵏⵏⴰ-ⴷ ⵡⴰⵙⵙ-ⴰ ⵏ ⵍⵟⴻⴷ ⴷⴻⴳ ⵜⵡⵉⵍⴰⵢⵜ ⵏ ⵜⵉⵣⵉ ⵡⴻⵣⵣⵓ, ⴱⴻⵍⵍⵉ ⴰⴽⴰⵢⴰⴷ ⵏ ⵍⴱⴰⵇⴰⵍⵓⵕⵢⴰ (ⴷⴷⵓⵔⵜ ⵏ ⵢⵓⵏⵢⵓ 2026) ⵢⴻⴱⴷⴰ ⴷⴻⴳ ⵜⴻⴳⵏⴰⵜⵉⵏ ⵏ ⵏⴼⴰⵄ, ⵙ ⵓⵀⴻⴳⴳⵉ ⵏ ⵡⴰⵍⵍⴰⵍⴻⵏ ⴰⴽⴽ ⵉ ⵔⵔⴱⵉⵟ ⵏ ⵡⴰⵣⴻⵎⵣ-ⴰⴳⵉ ⵓⵙⵙⴻⴳⵎⴰⵏ ⴰⵖⴻⵍⵏⴰⵡ.
ⴷⴻⴳ ⵜⴻⵞⵎⵓⵢⴰ ⵏ ⵢⵉⵙⴰⵍⵍⴻⵏ ⵉ ⴷ-ⵢⴻⵍⵍⴰⵏ ⵙⴷⴻⴼⴼⵉⵔ ⵏ ⵓⴷⴰⵎⵓⵍ ⵏ ⵓⵙⴻⵏⴽⴻⵔ ⵏ ⵓⴽⴰⵢⴰⴷ ⴷⴻⴳ ⵜⵙⴰⵏⵡⴰⵢⵜ "ⵍⵄⴻⵇⵇⵉⴷ ⵄⵎⵉⵔⵓⵛ" ⴷⴻⴳ ⵜⵖⵉⵡⴰⵏⵜ ⵏ ⵜⵉⵣⵉ ⵡⴻⵣⵣⵓ, ⵎⴰⵙⵙ ⵙⴰⵄⴷⴰⵡⵉ ⵉⵙⴻⴳⵣⵉ-ⴷ ⴱⴻⵍⵍⵉ ⴰⵃⵔⵉⵛ ⵏ ⵓⵙⵙⴻⴳⵎⵉ "ⵢⴻⵚⵔⴻⴹ ⵉⵡⴰⴽⴽⴻⵏ ⴰⴷ ⴷ-ⵢⴻⵔⵔ ⵜⴰⵔⵔⴰⵢⵜ ⴰⴽⴽ ⵉ ⵢⵉⵎⴻⴽⵍⵉⵢⴻⵏ ⵉⵡⴰⴽⴽⴻⵏ ⴰⴷ ⴷ-ⴰⵡⵉⵏ ⴰⴽⴰⵢⴰⴷ ⴷⴻⴳ ⵓⴹⵓ ⵢⴻⵍⵀⴰⵏ", ⵢⴻⵔⵏⴰ ⵉⵙⴻⵏⵜⴻⵎ-ⴷ ⴱⴻⵍⵍⵉ ⴰⵣⴻⵎⵣ-ⴰⴳⵉ ⵓⵙⵙⴻⴳⵎⴰⵏ "ⵢⴻⴱⴷⴰ ⴷⴻⴳ ⵜⴻⴳⵏⴰⵜⵉⵏ ⵢⴻⵍⵀⴰⵏ ⵙ ⵍⵯⴻⵀⴷ", ⵢⴻⵙⵙⴰⵔⴻⵎ ⵔⵔⴱⵉⵟ ⵉ ⵢⵉⵎⴻⴽⵍⵉⵢⴻⵏ ⴰⴽⴽ.
ⴷⴻⴳ ⵡⴰⵏⵏⴰⵔ-ⴰⴳⵉ, ⴰⵏⴻⵖⵍⴰⴼ ⵢⴻⵙⵙⴰⵡⴻⵍ ⵉ ⵜⴷⵉⵔⴻⴽⵙⵉⵢⵓⵏ ⵏ ⵓⵙⵙⴻⴳⵎⵉ ⴷⴻⴳ ⵜⵡⵉⵍⴰⵢⵉⵏ ⴰⴽⴽ ⵏ ⵜⵎⵓⵔⵜ ⵉ ⵡⴰⴽⴽⴻⵏ ⴰⴷ ⴷ-ⴼⴽⴻⵏ ⵜⵉⵡⴻⵏⵣⵉⵡⵉⵏ ⵢⴻⵍⵀⴰⵏ ⵉ ⵓⴽⴰⵢⴰⴷ-ⴰⴳⵉ.
ⵉⵡⴰⴽⴽⴻⵏ ⴰⴷ ⴷ-ⵏⴻⵎⵎⴻⴽⵜⵉ, ⵓⴳⴰⵔ ⵏ 876 ⵏ ⵡⴰⴳⵉⵎⴰⵏ (876.000) ⵏ ⵢⵉⵎⴻⴽⵍⵉⵢⴻⵏ ⴰⴷ ⴷ-ⴰⵡⵉⵏ ⴰⴽⴰⵢⴰⴷ ⵏ ⵍⴱⴰⵇⴰⵍⵓⵕⵢⴰ ⵙⴻⴳ ⵡⴰⵙⵙ-ⴰ ⵏ ⵍⵟⴻⴷ ⴰⵔ ⵍⵟⴻⵎⵉⵙ ⵉ ⴷ-ⵉⵜⴻⴷⴷⵓⵏ, ⴷⴻⴳ 2973 ⵏ ⵡⴰⵎⵎⴰⵙⴻⵏ ⵏ ⵓⴽⴰⵢⴰⴷ ⵙ ⵓⵖⴻⵍⵍⵓⵢ ⵏ ⵜⵎⵓⵔⵜ ⴽⴰⵎⴻⵍ.
ⴰⵔⵏⵓ ⵖⴻⵔ
