ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⴳⴳⴰ ⵎⵎⵓⵊⵎⵎⵓⵄ ⴰⴳⴷⵓⴷⴰⵏ ⵏ ⵡⴰⵢⴻⴼⴽⵉ ⴷ ⵡⴰⵢⴻⵏ ⵉ ⴷ-ⵢⴻⵜⵜⴻⴼⴼⵓⵖⵓⵏ ⵙⴻⴳ-ⵙ "ⴳⵉⴱⵍⵉ" ⵢⵉⵡⴻⵏ ⵡⴰⵀⵉⵍ ⵓⵥⵍⴰⵢ ⵉ ⵡⴰⴳⴳⵓⵔ ⵏ ⵔⴻⵎⴹⴰⵏ. ⵉⵙⵡⵉ-ⵙ ⴷ ⴰⵙⴰⵍⴰⵢ ⵏ ⵓⴼⴰⵔⵉⵙ ⵏ ⵡⴰⵢⴻⴼⴽⵉ ⵢⴻⵜⵜⵡⴰⵄⴰⵡⵏⴻⵏ (ⵙ ⵡⴰⵜⵉⴳ ⵏ ⵓⵡⴰⵏⴰⴽ) ⴷ ⵓⵙⵊⴻⵀⴻⴷ ⵏ ⵓⴼⵔⴰⵇ, ⵉ ⵡⴰⴽⴽⴻⵏ ⴰⴷ ⴹⵎⴻⵏⵏ ⴰⵙⵙⴻⴽⵛⴻⵎ ⵏ ⵙⵙⴻⵍⵄⴰ ⵙ ⵓⵎⵙⴻⴳⴳⴻⵎ ⵖⴻⵔ ⵢⵉⵙⵡⴰⵇⴻⵏ ⵏ ⵜⵎⵓⵔⵜ. ⴰⵢⴰ ⵉ ⵜⴻⵏⵏⴰ ⵜⵎⵙⴻⵍⵡⴰⵢⵜ ⵜⴰⵎⴰⵜⵓⵜ ⵏ ⵎⵎⵓⵊⵎⵎⵓⵄ, ⵎⴰⵙⵙⴰ ⵙⴰⵎⴰⵃ ⵍⴰⵃⵍⵓⵃ.
ⵎⴰⵙⵙⴰ ⵍⴰⵃⵍⵓⵃ ⵜⴻⵙⴼⴻⵔⵔⴻⵯ-ⴷ ⴱⴻⵍⵍⵉ ⵙ ⵙⴻⴱⴱⴰ ⵏ ⵍⴻⴱⵖⵉ ⵉⵊⴻⵀⴷⴻⵏ ⵏ ⵢⵉⵎⴻⵣⴷⴰⵖ ⴷⴻⴳ ⵔⴻⵎⴹⴰⵏ ⵖⴻⴼ ⵡⴰⵢⴻⴼⴽⵉ ⵏ ⵢⵉⵛⴰⵏⵜⵉⵢⴻⵏ, ⵎⵎⵓⵊⵎⵎⵓⵄ ⵢⴻⵙⵙⴻⵍⵉ ⴰⴼⴰⵔⵉⵙ-ⵉⵙ ⵏ ⴽⵓⵍ ⴰⵙⵙ ⵙ 21 ⵏ ⵜⵎⵉⴹⵉ (21%). ⵢⴻⴼⴼⴻⵖ-ⴷ ⵙⴻⴳ 3.3 ⵏ ⵢⵉⵎⵍⵢⵓⵏⴻⵏ ⵏ ⵍⵉⵜⵔⴰⵜ ⵖⴻⵔ 4 ⵏ ⵢⵉⵎⵍⵢⵓⵏⴻⵏ ⵏ ⵍⵉⵜⵔⴰⵜ ⴽⵓⵍ ⴰⵙⵙ. ⴷⴻⴳ ⵡⴰⴳⴳⵓⵔ-ⴰⴳⵉ, ⴰⴷ ⴷ-ⵙⴼⵓⴼⵓⵖⴻⵏ 120 ⵏ ⵢⵉⵎⵍⵢⵓⵏⴻⵏ ⵏ ⵍⵉⵜⵔⴰⵜ, ⵎⴰ ⴷ ⴷⴻⴳ ⵡⵓⵙⵙⴰⵏ ⵏ ⵣⵉⴽ ⴰⴼⴰⵔⵉⵙ ⵢⴻⵜⵜⵉⵍⵉ ⴷ 99 ⵏ ⵢⵉⵎⵍⵢⵓⵏⴻⵏ ⵏ ⵍⵉⵜⵔⴰⵜ.
ⴰⵙⵓⵔ-ⴰⴳⵉ ⵢⴻⵙⴽⴰⵏⴰⵢ-ⴷ ⵍⴻⴱⵖⵉ ⵏ "ⴳⵉⴱⵍⵉ" ⵉ ⵡⴰⴽⴽⴻⵏ ⴰⴷ ⵜⴻⵍⵍⵉ ⵙⵙⴻⵍⵄⴰ-ⴰⴳⵉ ⴷⴻⴳ ⵢⵉⵙⵡⴰⵇⴻⵏ, ⵍⴰⴷⵯⴰ ⴷⴻⴳ ⵍⵡⴻⵇⵜ ⵉⵎⵉ ⵢⴻⵜⵜⵉⵊⵀⵉⴷ ⵍⴻⴱⵖⵉ-ⵏⵙⴻⵏ. ⵜⴰⵎⵙⴻⵍⵡⴰⵢⵜ ⵜⴻⵏⵏⴰ-ⴷ ⴱⴻⵍⵍⵉ ⴰⵍⴰⵢ-ⴰⴳⵉ ⵏ ⵓⴼⴰⵔⵉⵙ, ⵖⴻⵔ ⵜⴰⵎⴰ ⵏ ⵡⴰⵢⴻⵏ ⵜⵜⴰⴽⴽⴻⵏⵜ ⵜⵎⴻⵍⴱⴰⵏⵉⵏ ⵏ ⵍⴽⵡⴰⵙ, ⴰⴷ ⵢⴻⴹⵎⴻⵏ ⴰⴼⵔⴰⵢ ⵏ ⵡⴰⵢⴻⴼⴽⵉ ⴷⴻⴳ ⵎⴰⵕⵕⴰ ⴰⴳⴳⵓⵔ ⴰⵎⴻⴳⴳⴰⵣ.
ⵎⵎⵓⵊⵎⵎⵓⵄ-ⴰⴳⵉ, ⵢⴻⵙⵄⴰⵏ 16 ⵏ ⵜⵎⴻⵍⴱⴰⵏⵉⵏ ⴷⴻⴳ ⵜⵎⵓⵔⵜ, ⵢⴻⵍⴷⴰ 27 ⵏ ⵢⵉⵎⴽⴰⵏⴻⵏ ⵉⵎⴰⵢⵏⵓⵜⴻⵏ ⵏ ⵓⵣⵏⵓⵣي ⵓⵙⵔⵉⴷ. ⵙ ⵡⴰⵢⴰ, ⴰⵥⴻⵟⵟⴰ-ⵏⵙⴻⵏ ⴰⴷⴰⵎⵙⴰⵏ ⵢⴻⵡⵡⴻⴹ 220 ⵏ ⵢⵉⵎⴽⴰⵏⴻⵏ ⵏ ⵓⵣⵏⵓⵣⵉ ⴷⴻⴳ ⵜⵡⵉⵍⴰⵢⵉⵏ ⴰⵎ: ⵄⴻⵏⵏⴰⴱⴰ, ⵇⵙⴻⵏⵟⵉⵏⴰ, ⴱⴰⵜⵏⴰ, ⵙⵟⵉⴼ, ⵍⵣⵣⴰⵢⴻⵔ, ⵄⵉⵏ ⴷⴷⴻⴼⵍⴰ, ⴱⴳⴰⵢⴻⵜ, ⵎⵓⵙⵜⴰⵖⴰⵏⴻⵎ, ⵎⵄⴻⵙⴽⴻⵔ ⴷ ⵜⵢⴰⵔⵜ.
ⵙⴻⴳ ⵍⵊⵉⵀⴰ ⵏⵏⵉⴹⴻⵏ, ⵎⴰⵙⵙⴰ ⵍⴰⵃⵍⵓⵃ ⵜⴻⵏⵏⴰ-ⴷ ⴱⴻⵍⵍⵉ ⴷⴻⴳ ⵓⵙⴻⴳⴳⴰⵙ 2025 ⵊⴻⵎⵄⴻⵏ-ⴷ 192 ⵏ ⵢⵉⵎⵍⵢⵓⵏⴻⵏ ⵏ ⵍⵉⵜⵔⴰⵜ ⵏ ⵡⴰⵢⴻⴼⴽⵉ ⴰⵣⴻⴳⵔⴰⵔ, ⴰⵢⴻⵏ ⵢⴻⴳⴳⴰⵏ 30 ⵏ ⵜⵎⵉⴹⵉ (30%) ⵓⴳⴰⵔ ⵏ ⵓⵙⴻⴳⴳⴰⵙ 2024. ⴰⵏⴻⴼⵍⵓ-ⴰⴳⵉ ⵢⴻⵊⵊⴰ ⵍⵣⵣⴰⵢⴻⵔ ⴰⴷ ⵜⴻⵙⵏⴻⵇⴻⵙ ⵡⴰⵢⴻⵏ ⵉ ⴷ-ⵜⴻⵜⵜⴰⵡⵉ ⵙⴻⴳ ⴱⴻⵔⵔⴰ ⵏ ⵡⴰⵢⴻⴼⴽⵉ ⵏ ⵓⴱⴰⵇⵇⵉⵔ.
ⵎⵎⵓⵊⵎⵎⵓⵄ ⵢⴻⴱⵯⴰ ⴷⴰⵖⴻⵏ ⴰⴷ ⵢⴻⵙⵏⴻⴼⵍⴰⵢ ⵢⵉⴼⴰⵔⵉⵙⴻⵏ-ⵉⵙ ⵙ ⵓⵙⴻⴽⵛⴻⵎ ⵏ ⵡⴰⵢⴻⴼⴽⵉ ⵏ ⵜⵖⴻⵟⵟⴻⵏ ⵢⴻⵜⵜⵡⴰⵙⵉⵣⵣⴳⴻⵏ, ⴰⵢⴰ ⴰⴷ ⵢⴻⴱⴷⵓ ⴷⴻⴳ ⵜⵎⴻⵍⴱⴰⵏⵜ ⵏ "ⴽⵓⵍⵉⵜⴰⵍ" ⴷⴻⴳ ⴱⵉⵔ ⵅⴰⴷⴻⵎ, ⵓⵇⴱⴻⵍ ⴰⴷ ⵜ-ⵙⵙⴻⵎⵖⴻⵔⵏ ⵖⴻⵔ ⵜⵡⵉⵍⴰⵢⵉⵏ ⵏⵏⵉⴹⴻⵏ ⴰⵎ ⵜⵉⵣⵉ ⵡⴻⵣⵣⵓ ⴷ ⵅⴻⵏⵛⵍⴰ. ⴰⴷ ⴷ-ⵢⵉⵍⵉ ⴷⴰⵖⴻⵏ ⵓⵍⴷⴰⵢ ⵏ ⵢⵉⵡⴻⵜ ⵏ ⵜⵎⴻⵔⵙⴻⵍⵜ ⵏ ⵓⴼⴰⵔⵉⵙ ⵏ ⵡⴰⵎⴰⵏ ⵉⵎⴰⴷⵏⵉⵢⴻⵏ ⴷⴻⴳ ⵜⵡⵉⵍⴰⵢⵜ ⵏ ⵟⵟⴰⵔⴼ.
ⵜⴰⴳⴳⴰⵔⴰ, ⵎⴰⵙⵙⴰ ⵍⴰⵃⵍⵓⵃ ⵜⴻⵏⵏⴰ-ⴷ ⴱⴻⵍⵍⵉ "ⴳⵉⴱⵍⵉ" ⵢⴻⴱⵯⴰ ⴰⴷ ⵢⴻⵣⵏⴻⵣ ⵢⵉⴼⴰⵔⵉⵙⴻⵏ-ⵉⵙ, ⵍⴰⴷⵯⴰ ⵢⵉⴽⵙⵓⵎⴻⵏ ⵉⵎⴻⵍⵍⴰⵍⴻⵏ , ⴷⵉ ⴱⴻⵔⵔⴰ ⵏ ⵜⵎⵓⵔⵜ. ⵊⴻⵔⴷⴻⵏ ⵢⴰⴽⴰ ⵜⵉⵎⴰⵖⵓⵏⵉⵏ ⴷ ⵜⵎⵓⵔⴰ ⵏ ⵜⴼⵔⵉⵇⵜ ⴷ ⵍⵅⴰⵍⵉⵊ ⴰⵎ ⵄⵓⵎⴰⵏ, ⵢⴻⵔⵏⴰ ⵍⵍⴰⵏⵜ ⵜⵎⴻⵙⵍⴰⵢⵉⵏ ⴷ ⵢⵉⵎⴻⵙⴽⴰⵔⴻⵏ ⵏ ⵔⵓⵙⵢⴰ ⵉ ⵢⴻⴱⵯⴰⵏ ⴰⴷ ⴰⵖⴻⵏ ⵢⵉⴼⴰⵔⵉⵙⴻⵏ-ⴰⴳⵉ ⵉⵣⵣⴰⵢⵔⵉⵢⴻⵏ.
ⴰⵔⵏⵓ ⵖⴻⵔ
