ⵢⴻⵙⵙⴻⵍⵡⴰⵢ ⵓⵙⴻⵍⵡⴰⵢ ⵏ ⵓⵙⵇⴰⵎⵓ ⵏ ⵓⵏⵉⴳ, ⵎⴰⵙⵙ ⵄⵣⵓⵣ ⵏⴰⵚⵔⵉ, ⴰⵙⵙ-ⴰ ⵏ ⵍⵀⴻⴷ ⴷⴻⴳ ⵓⴱⵉⵕⵓ ⵏ ⵓⵙⵇⴰⵎⵓ, ⵉⵎⴰⵀⵉⵍⴻⵏ ⵏ ⵓⵙⴱⴻⴷⴷⵉ ⵏ ⵜⴻⴳⵔⵓⵎⵎⵉⵡⵉⵏ ⵏ ⵜⴻⴳⵎⴰⵜ ⴷ ⵜⴷⵓⴽⵍⵉ ⵜⴰⴱⴰⵔⵍⴰⵎⴰⵏⵉⵜ ⴳⴰⵔ ⵓⵙⵇⴰⵎⵓ ⵏ ⵓⵏⵉⴳ ⴷ ⵢⵉⵙⵇⴰⵎⵓⵡⵉⵏ ⵉⵏⵉⵍⵖⴰⴼⴻⵏ ⵏ ⵡⴰⵟⴰⵙ ⵏ ⵢⵉⴱⴻⵔⵍⴰⵎⴰⵏⴻⵏ ⵏ ⵜⵎⵓⵔⴰ ⵏ ⵡⴰⵄⵔⴰⴱⴻⵏ ⴷ ⵜⴻⴼⵔⵉⵇⵜ, ⵙ ⵜⵉⵍⵉⵜ ⵏ ⵜⵏⴻⵖⵍⴰⴼⵜ ⵏ ⵡⴰⵙⵙⴰⵖⴻⵏ ⴷ ⵓⴱⴻⵔⵍⴰⵎⴰⵏ, ⵎⴰⵙⵙⴰ ⵏⴰⴷⵊⵉⴱⴰ ⴷⵊⵉⵍⴰⵍⵉ.
ⵜⵉⵎⵙⴰⵍ-ⴰⴳⵉ ⵏⵜⴰⵏⵜ ⵉⵙⵇⴰⵎⵓⵡⵉⵏ ⵉⵏⵉⵍⵖⴰⴼⴻⵏ ⵏ ⵓⵙⵇⴰⵎⵓ ⵏ ⵓⵏⵉⴳ ⴷⴻⴳ ⵜⵎⵓⵔⴰ-ⴰⴳⵉ: ⵜⵙⴻⵍⵟⴰⵏⵜ ⵏ ⵄⵓⵎⴰⵏ, ⵜⴻⴳⴷⵓⴷⴰ ⵏ ⴽⵓⵏⴳⵓ, ⵉⵜⵢⵓⴱⵢⴰ, ⵙⴻⵔⴰⵍⵢⵓⵏ, ⵜⴰⴳⴻⵍⴷⴰ ⵏ ⵍⵓⵔⴷⵓⵏ, ⵍⴱⴰⵃⵔⴰⵢⵏ, ⴽⵓⵜ ⴷⵉⵠⵡⴰⵔ ⴷ ⵜⴻⴳⴷⵓⴷⴰ ⵏ ⵎⴰⵚⴻⵔ.
ⴷⴻⴳ ⵜⵎⴻⵙⵍⴰⵢⵜ ⵉ ⴷ-ⵢⴻⵡⵡⵉ, ⴰⵙⴻⵍⵡⴰⵢ ⵏ ⵓⵙⵇⴰⵎⵓ ⵏ ⵓⵏⵉⴳ ⵉⵙⵙⴻⴽⵏⴻⴷ ⴱⴻⵍⵍⵉ ⵍⴻⵣⵣⴰⵢⴻⵔ, ⵙ ⴷⴷⴰⵡ ⵏ ⵓⵇⴻⵔⵔⵓ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⵜⴻⵜⵜⴱⴻⴷⴷⵉⴷ ⵉⵡⴰⴽⴽⴻⵏ ⴰⴷ ⵜⵉⵍⵉ ⴷ "ⵍⵡⴻⴼⴰ ⵉ ⵜⴻⴱⵔⴰⵜⵜ-ⵉⵙ ⵜⴰⵎⵣⵔⴰⵢⵜ ⴷⴻⴳ ⵓⵙⴻⴶⵀⴻⴷ ⵏ ⵡⴰⵙⵙⴰⵖⴻⵏ ⵡⴰⵄⵔⴰⴱⴻⵏ ⴷ ⵢⵉⴼⵔⵉⴽⴰⵏⴻⵏ ⴷ ⵓⵃⵓⴷⴷⵓ ⵖⴻⴼ ⵜⴻⵎⵙⴰⵍ ⵏ ⵓⵙⵍⴻⵍⵍⵉ, ⵜⴰⴳⴷⴰ ⴷ ⵓⵙⵏⴻⴼⵍⵉ ⴰⵎⴻⵣⴷⴰⵢ".
ⵉⵡⴰⴽⴽⴻⵏ ⴰⴷ ⴷ-ⵜⴻⵕⵚⵓ ⵜⵎⴰⴳⵉⵜ-ⴰⴳⵉ, "ⵍⴻⵣⵣⴰⵢⴻⵔ ⵜⴻⵜⵜⴽⴻⵎⵎⵉⵍ ⵙ ⵜⴻⴼⵍⴻⵙⵜ ⴷ ⵍⴻⴱⵖⵉ ⴰⵙⴱⴻⴷⴷⵉ ⵏ ⵜⵉⵍⵉⵢⵉⵏ ⵏ ⵓⵎⵜⴰⵡⴰ ⴷ ⵓⴷⵓⴽⴽⴻⵍ ⴰⴼⵔⵉⴽⴰⵏ ⴷⴻⴳ ⵜⵓⵔⴰ ⴷ ⵢⵉⵎⴰⵍ", ⴰⴽⴽⴻⵏ ⵉ ⴷ-ⵢⴻⵔⵏⴰ ⵎⴰⵙⵙ ⵏⴰⵚ , ⵉⵙⵔⴻⵚ ⴷⴰⵖⴻⵏ ⵖⴻⴼ ⵡⴰⵣⴰⵍ ⵏ "ⵜⵎⵓⵖⵍⵉ ⵍⵇⴰⵢⴻⵏ ⵉ ⵓⵇⴻⵔⵔⴻⴱ ⴰⵄⵔⴰⴱ ⴷ ⵓⴼⵔⵉⴽⴰⵏ ⵙ ⵜⵎⵓⵖⵍⵉ ⵏ ⵢⵉⴱⴻⴷⴷⵉⵍⴻⵏ ⵉⴳⵔⴰⵖⵍⴰⵏⴻⵏ ⴷ ⵓⵎⴰⵣⴰⵔ ⴰⵎⴻⵣⴷⴰⵢ ⵉ ⵜⴻⵏⵜ-ⵢⴻⵙⴷⵓⴽⴽⵍⴻⵏ".
ⵏⴰⵚⵔⵉ ⵉⵙⵙⴻⴽⵏⴻⴷ ⴱⴻⵍⵍⵉ ⴰⵙⴻⴶⵀⴻⴷ ⵏ ⵓⵎⵢⴻⵛⵛⴻⵔ ⴰⵄⵔⴰⴱ-ⴰⴼⵔⵉⴽⴰⵏ "ⴰⴷ ⴷ-ⵢⴻⵍⴷⵉ ⵜⴻⵡⵡⵓⵔⴰ ⵡⴻⵙⵙⵉⵄⴻⵏ ⵉ ⵓⵙⵏⴻⴼⵍⵉ ⵉⵕⴻⵙⵙⴰⵏ, ⴰⴷ ⵢⴻⵙⵙⴻⴶⵀⴻⴷ ⵜⴰⵎⴰⵏⴻⴳⵜ ⴷ ⵡⵓⵔⴰⴽⵓ, ⵓ ⴰⴷ ⵢⴻⴼⴽ ⵉ ⵢⵉⴳⵓⵔⴻⴼ-ⵏⵏⴻⵖ ⵜⴰⵣⵎⴻⵔⵜ ⵜⴰⵎⴻⵇⵇⵔⴰⵏⵜ ⵉ ⵓⵎⵎⴰⴳⴰⵔ ⵏ ⵢⵉⴽⴰⵢⴰⴷⴻⵏ ⵏ ⵓⵎⴰⴹⴰⵍ".
ⴷⴻⴳ ⵓⵣⴻⵏⵣⵉⵖ-ⴰⴳⵉ, ⵉⵙⵙⵉⵡⴻⵍ ⵓⵙⴻⵍⵡⴰⵢ ⵏ ⵓⵙⵇⴰⵎⵓ ⵉ ⵢⵉⴱⴻⵔⵍⴰⵎⴰⵏⴻⵏ ⵏ ⵡⴰⵄⵔⴰⴱⴻⵏ ⴷ ⵢⵉⴼⵔⵉⴽⴰⵏⴻⵏ ⵉⵡⴰⴽⴽⴻⵏ ⴰⴷ ⵏⵄⴻⴷⴷⵉⵏ ⵙⴻⴳ ⵜⵎⵓⵖⵍⵉ-ⴰⴳⵉ ⵖⴻⵔ ⵢⵉⵙⴻⵏⴼⴰⵔⴻⵏ ⵏ ⵡⴰⵏⵏⴰⵔ ⴰⵔⴰ "ⵉⵄⵉⵡⵏⴻⵏ ⴷⴻⴳ ⵓⵙⴱⴻⴷⴷⵉ ⵏ ⵢⵉⵡⴻⵏ ⵏ ⵓⵎⵔⴰⵃ ⴰⴱⴰⵔⵍⴰⵎⴰⵏ ⴰⵢⵄⵔⴰⴱ-ⴰⴼⵔⵉⴽⴰⵏ ⵉⴶⴻⵀⴷⴻⵏ, ⵉ ⵉⵣⴻⵎⵔⴻⵏ ⴰⴷ ⵢⴻⵟⵟⴻⴼ ⵜⴰⵎⴰⵙⵉⵜ ⵏ ⵢⵉⵎⴰⵍ-ⵉⵙ".
ⵙⴻⴳ ⵜⴰⵎⴰ ⵏⵏⵉⴹⴻⵏ, ⴰⵙⴱⴻⴷⴷⵉ ⵏ ⵜⴻⴳⵔⵓⵎⵎⵉⵡⵉⵏ ⵏ ⵜⴻⴳⵎⴰⵜ ⴷ ⵜⴷⵓⴽⵍⵉ ⵜⴰⴱⴰⵔⵍⴰⵎⴰⵏⵉⵜ ⴷ "ⵢⵉⵡⴻⵏ ⵏ ⵡⴰⵍⵍⴰⵍ ⵏⴼⴰⵄⴻⵏ ⵉ ⵓⵙⴻⴶⵀⴻⴷ ⵏ ⵡⴰⵙⵙⴰⵖⴻⵏ ⵏ ⵜⴻⴳⵎⴰⵜ ⴷ ⵓⵎⴻⵣⵔⵓⵢ ⴷ ⵓⴷⴻⴳⴳⴻⵔ ⵏ ⵓⵎⴹⴰⵎⴰⵏ ⴷ ⵓⵙⵉⴷⵔⴻⵡ", ⵉⵡⴰⴽⴽⴻⵏ ⴰⴷ ⵓⵖⴰⵍⴻⵏ ⵢⵉⴱⴻⵔⵍⴰⵎⴰⵏⴻⵏ ⴰⵄⵔⴰⴱⴻⵏ ⴷ ⵢⵉⴼⵔⵉⴽⴰⵏⴻⵏ ⴷ "ⵜⵉⵍⵉⵢⵉⵏ ⵏ ⵓⵇⴻⵔⵔⴻⴱ ⵏ ⵜⴰⵍⵙⴰ ⴷ ⵜⵖⴻⵔⵎⴰ".
ⴷⴻⴳ ⵜⴰⴳⴳⴰⵔⴰ, ⵎⴰⵙⵙ ⵏⴰⵚⵔⵉ ⵉⵄⴰⵡⴻⴷ ⵉⵙⵔⴻⵚ-ⴷ "ⵓⴷⴻⴳⴳⴻⵔ ⵏ ⵍⴻⵣⵣⴰⵢⴻⵔ ⵉ ⵓⵖⵔⴻⴼ ⵏ ⴼⴰⵍⴻⵙⵟⵉⵏ ⴷⴻⴳ ⵓⵎⴻⵏⵏⵓⵖ-ⵉⵙ ⵎⴳⴰⵍ ⵓⵏⴻⴽⵛⵓⵎ ⵓⴷⴰⵢ ⴷ ⵓⵣⵔⴻⴼ-ⵉⵙ ⵏ ⵓⵕⴰⴷ ⵏ ⵢⴰⴽⴽ ⵢⵉⵣⴻⵔⴼⴰⵏ-ⵉⵙ ⵉⵕⴻⵙⵙⴰⵏⴻⵏ ⵉ ⵓⵙⴱⴻⴷⴷⵉ ⵏ ⴷⴷⵡⵍⴰ-ⵙ, ⵙ ⵍⵇⵓⴷⵙ ⵜⴰⴱⴰⵕⴰⴽⵜ ⴷ ⵜⴰⵎⴰⵏⴰⵖⵜ-ⵉⵙ".
ⴰⵔⵏⵓ ⵖⴻⵔ
