ⵉⵎⵎⵓⵜ ⵢⵉⵡⴻⵏ ⵏ ⵓⵎⴷⴰⵏ ⵢⴻⵔⵏⴰ ⴶⴻⵔⵃⴻⵏ ⵎⵔⴰⵡ ⴷ ⵙⵉⵏ (12) ⵏⵏⵉⴹⴻⵏ ⵙ ⵍⴶⵔⵃ ⵢⴻⵎⴳⴰⵔⴰⴷⴻⵏ ⴷⴻⴳ ⵢⵉⵡⴻⵏ ⵏ ⵓⵙⵓⵢⵎⵉⵙ ⵏ ⵡⴻⴱⵔⵉⴷ ⵉ ⴷ-ⵢⴻⵍⵍⴰⵏ ⵜⴰⵙⴻⴱⴱⵃⵉⵜ ⵏ ⵡⴰⵙⵙ-ⴰ ⵏ ⵍⴰⵔⴻⴱⴻⵄ, ⴷⴻⴳ ⵡⴻⴱⵔⵉⴷ ⴰⵖⴻⵍⵏⴰⵡ ⵡⵓⵟⵟⵓⵏ 46A ⴷⴻⴳ ⵜⴻⵎⵏⴰⵟ ⵏ ⵔⴰⵙ ⴻⵍ ⴷⵊⴻⴷⴻⵔ, ⵜⴰⵖⵉⵡⴰⵏⵜ ⵏ ⵡⵍⴰⴷ ⵊⴻⵍⵍⴰⵍ.
ⵜⴻⵄⵍⴻⵏ-ⴷ ⵜⵃⵓⴷⴷⵓⵡⵜ ⵏ ⵓⵖⵔⵉⵎ (Protection Civile) ⴷⴻⴳ ⵢⵉⵡⴻⵜ ⵏ ⵓⵙⵉⵡⴹ ⴱⴻⵍⵍⵉ ⵜⵉⵙⴻⴷⴷⴰⵔⵉⵏ-ⵉⵙ ⴷⴷⴰⵏ-ⴷ ⴷⴻⴳ ⵜⵙⴻⵜⵜⴰ ⵏ ⵢⵉⴹ ⴷ 12 ⵏ ⵜⵉⵣⴻⴽⵏⵉⵏ (01:12), ⵉⵡⴰⴽⴽⴻⵏ ⴰⴷ ⵎⵎⴰⴳⵔⴻⵏ ⴰⵙⵓⵢⵎⵉⵙ ⵏ ⵜⵎⴻⴳⵔⴰ (collision) ⴳⴰⵔ ⵢⵉⵡⴻⵏ ⵏ ⵓⵙⴰⴽⵡⴰⵢ ⵏ ⵓⵄⴻⴱⴱⵉ ⵏ ⵢⵉⵎⵙⴰⴼⵔⴻⵏ ⵉ ⵉⵜⴻⴷⴷⵓⵏ ⴳⴰⵔ ⵜⵉⵣⵉ ⵡⴻⵣⵣⵓ ⴷ ⵃⴰⵙⵉ ⵎⴻⵙⵄⵓⵓⴷ, ⴷ ⵢⵉⵡⴻⵜ ⵏ ⵜⴽⴰⵎⵢⵓⵏⵜ ⴷⴻⴳ ⵡⴻⴱⵔⵉⴷ ⴰⵖⴻⵍⵏⴰⵡ ⵡⵓⵟⵟⵓⵏ 46A.
ⵓⵖⴱⴰⵍⵓ-ⵏⵏⵉ ⵢⴻⵔⵏⴰ-ⴷ ⴱⴻⵍⵍⵉ ⴰⵙⵓⵢⵎⵉⵙ-ⴰⴳⵉ ⵢⴻⵙⵙⴰⴷⴻⵔ-ⴷ ⵍⵎⵓⵜ ⵏ ⵢⵉⵡⴻⵏ ⵏ ⵓⵎⴷⴰⵏ ⵢⴻⵙⵄⴰⵏ 53 ⵏ ⵢⵉⵙⴻⴳⴳⴰⵙⴻⵏ ⵉ ⵜⵜⵓⵡⵡⵉⵏ ⵖⴻⵔ ⵜⴰⵣⴰⵖⵜ ⵏ ⵓⵃⵔⴰⵣ ⵏ ⵍⵎⴻⴳⵜⵉⵏ ⴷⴻⴳ ⵙⴱⵉⵜⴰⵔ ⵏ ⴷⵉⵏⵏⴰ, ⴷ ⵓⴶⴻⵔⴽⴻⵃ ⵏ 12 ⵏⵏⵉⴹⴻⵏ (ⴳⴰⵔ 21 ⴷ 57 ⵏ ⵢⵉⵙⴻⴳⴳⴰⵙⴻⵏ) ⵉ ⵜⵜⵓⵄⴰⵡⵏⴻⵏ ⵓ ⵜⵜⵓⵡⵡⵉⵏ ⵖⴻⵔ ⵙⴱⵉⵜⴰⵔ.
ⴰⵔⵏⵓ ⵖⴻⵔ
