ⵍⴷⵣⴰⵢⴻⵔ ⴰⴷ ⵜⴻⵙⵎⴻⴽⵜⵉ ⴰⵙⵙ ⴰⵎⴰⴹⵍⴰⵏ ⵏ ⵡⴰⴹⴹⴰⵏ ⵏ ⵙⵙⴽⴻⵕ ⴰⵙⵙ ⵏ ⵍⵊⴻⵎⵄⴰ ⴷⴷⴰⵡ ⵓⵙⴻⵏⵜⴻⵍ ⵏ « ⵜⵉⴳⴰⵡⵜ ⵜⴰⵣⵡⵓⵔⵜ ⵎⴳⴰⵍ ⵙⵙⴽⴻⵕ », ⵢⴻⵔⵏⵓ ⴰⴷ ⴷ-ⵉⵍⵉⵏⵜ ⵜⴻⴷⵢⴰⵏⵉⵏ ⵢⴻⵔⵣⴰⵏ ⴰⵃⴻⵣⵣⴻⴱ ⴰⵎⴻⵏⵣⵓ, ⴰⴽⵛⴰⴼ ⴷ ⵓⵄⴻⵢⵢⴻⵏ ⵏ ⵣⵉⴽ, ⴷ ⵓⵙⵙⴻⴼⵔⴻⴽ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵡⴻⵍⵖⵓ ⵏ ⵡⴻⵖⵍⵉⴼ ⵏ ⵜⴷⴰⵡⵙⴰ ⴰⵙⵙ ⵏ ⵍⴻⵜⵏⵉⵢⴻⵏ. ⴰⵖⵍⵉⴼ ⵢⴻⵜⵜⵡⴰⵍⵉ ⴰⵙⵙ-ⴰ ⴷ ⴰⵣⴻⵎⵣ ⵢⴻⵙⵄⴰⵏ ⴰⵣⴰⵍ ⵉ ⵓⴱⴷⴰⴷ ⵏ ⵜⵉⴷⴻⵜ ⵏ ⵡⴰⴹⴹⴰⵏ ⵏ ⵙⵙⴽⴻⵔ ⴷⴻⴳ ⵍⴷⵣⴰⵢⴻⵔ ⴷ ⵓⵙⵙⴽⴰⵏ ⵏ ⵡⵓⵙⵙⵉⵙⴻⵏ ⴰⵢ ⵍⴰ ⵢⴻⵜⵜⴽⴻⵎⵎⵉⵍⴻⵏ ⴷⴻⴳ ⵓⴳⵣⵓⵎ ⵏ ⵜⴷⴰⵡⵙⴰ. ⵉ ⵍⵎⴻⵏⴷ ⵏ ⵡⴰⵢⴰ, ⵜⴻⴱⴷⴻⵔ-ⴷ ⵖⴻⴼ ⵢⵉⵃⴻⵣⵣⵉⴱⴻⵏ ⴷ ⵜⵜⴰⵡⵉⵍⴰⵜ ⴰⵢ ⵍⴰ ⵢⴻⵜⵜⵡⴰⵙⵙⴻⴼⵔⴰⵢⴻⵏ ⵉ ⵓⵙⵙⴻⵊⵀⴻⴷ ⵏ ⵓⵃⴻⵣⵣⴻⴱ, ⴰⵙⵎⴰⵍ ⵏ ⵢⵉⴷⵍⴻⵙ ⵏ ⵓⴽⵛⴰⴼ ⴷ ⵓⵄⴻⵢⵢⴻⵏ ⵙⴻⴳ ⵣⵉⴽ, ⴰⵙⵙⴻⵍⵀⵓ ⵏ ⵜⵖⴰⵔⴰ ⵏ ⵓⴷⴰⵡⵉ ⵏ ⵢⵉⵎⵓⴹⵉⵏⴻⵏ, ⴷ ⵓⵙⵙⴻⵏⵇⴻⵙ ⵏ ⵡⵓⴳⵓⵔⴻⵏ ⴰⵢ ⴷⵢⴻⵜⵜⵉⵍⵉⵏ ⵙ ⵡⴰⴹⴹⴰⵏⴰ. ⵢⴻⵔⵏⴰⴷ ⵓⵖⵍⵉⴼ ⴷⴰⴽⴽⴻⵏ ⴰⵙⵙⴰ ⴷ ⵜⴰⴳⵏⵉⵜ ⵉ ⵓⵡⴻⴽⴽⴻⴷ ⵖⴻⴼ ⵡⴰⵣⴰⵍ ⵏ ⵓⵙⵇⴻⵔⴷⴻⵛ ⵏ ⵜⵎⵓⵖⵍⵉⵡⵉⵏ ⵏ ⵜⵓⴷⴻⵔⵜ ⵜⴰⴷⴰⵡⵙⴰⵏⵜ ⴷ ⵓⵙⵏⴻⵔⵏⵉ ⵏ ⵓⵙⵃⵓⵍⴼⵓ ⵏ ⵓⵖⵔⴻⴼ ⵖⴻⴼ ⵡⴰⵢⴻⵏ ⵢⴻⵙⵙⴻⴼⴽⴻⵏ ⴰⴷ ⵙⵏⴻⵇⵙⴻⵏ ⵉⵃⴻⵣⵣⵉⴱⴻⵏ ⵏ ⵓⵎⵉⵀⵉ, ⴷ ⵡⵉⴷ ⴰⵢ ⴷ ⵉⵥⵓⵔⴰⵏ ⵉⴳⴻⵊⴷⴰⵏⴻⵏ ⵉ ⵓⵃⴻⵣⵣⴻⴱ ⴷ ⵢⵉⵎⴻⵏⵖⵉ ⵎⴳⴰⵍ ⵡⴰⴹⴹⴰⵏ ⵏ ⵙⵙⴽⴻⵔ, ⵍⴰⴷⵖⴰ ⵉⵎⵉ ⴰⵢ ⵍⴰ ⵢⴻⵜⵜⵏⴻⵔⵏⵉ ⵓⵙⵙⴻⵜⵜⵉⵏⵏⴻⵙ ⵢⴻⵔⵏⵓ ⴷ ⴰⵢⴰ ⴰⵢ ⴷⵢⴻⵜⵜⴰⵡⵉⵏ ⵍⴼⴰⵢⴷⴰⵜⵏⵏⴻⵙ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⴷⴰⵡⵙⴰ, ⵜⴰⵏⵎⴻⵜⵜⵉⵜ ⴷ ⵜⴷⴰⵎⵙⴰ.

