ⵜⴱⴻⵙⵙⴰ – ⵢⴻⴳⴳⴰ ⵓⵏⵖⵍⴰⴼ ⵏ ⵍⴻⵇⴷⵉⵛ ⴰⴳⴷⵓⴷⴰⵏ ⴷ ⵜⴰⵔⵉⵛⵉⵏ ⵏ ⵓⵙⴻⴷⵎⴻⵔ, ⵎⴰⵙⵙ ⵄⴻⴱⴷⵓⵍⵇⴰⴷⴻⵔ ⵊⴻⵍⵍⴰⵡⵉ, ⴰⵙⵙ-ⴰ ⵏ ⵍⵃⴻⴷ, ⵜⵉⴽⵍⵉ ⵏ ⵓⵎⴰⵀⵉⵍ ⵖⴻⵔ ⵜⵡⵉⵍⴰⵢⵜ ⵏ ⵜⴱⴻⵙⵙⴰ. ⴷⴻⴳ ⵜⵓⵣⵣⵢⴰ-ⴰⴳⵉ, ⵢⴻⵔⵣⴰ ⵖⴻⴼ ⵡⴰⵟⴰⵙ ⵏ ⵢⵉⵙⴻⵏⴼⴰⵔⴻⵏ ⵉⵜⴻⴷⴷⵓⵏ, ⵍⴰⴷⵯⴰ ⵡⵉⴷ ⵢⴻⵔⵣⴰⵏ ⴰⵙⴻⴳⴳⴻⵎ ⵏ ⵢⵉⴱⵔⵉⴷⴻⵏ ⴷ ⵓⵙⴻⵏⴼⴰⵔ ⴰⵎⴻⵇⵇⵔⴰⵏ ⵏ ⵓⴱⵔⵉⴷ ⵏ ⵡⵓⵣⵣⴰⵍ ⵏ ⵡⵓⵥⴰⵔⵓ ⵏ ⵓⴳⵎⵓⴹ .
ⴷⴻⴳ ⵜⵖⵉⵡⴰⵏⵜ ⵏ ⴱⴻⴽⴽⴰⵔⵢⴰ, ⴰⵏⵖⵍⴰⴼ ⵢⴻⵙⵍⴰ ⵖⴻⴼ ⵡⴰⵎⴻⴽ ⵉⵜⴻⴷⴷⵓ ⵓⴱⴻⵏⵏⵉ ⵏ ⵓⴱⵔⵉⴷ ⵏ ⵡⵓⵣⵣⴰⵍ ⵢⴻⴷⴷⵓⴽⴽⵍⴻⵏ ⴳⴰⵔ ⵜⵏⵓⴽⵍⴰ ⴷ ⵜⴱⴻⵙⵙⴰ ⵖⴻⴼ 43 ⵢⵉⴽⵉⵍⵓⵎⵉⵜⵔⴻⵏ. ⵢⴻⵙⵙⴻⵊⴷⴻⴷ ⴱⴻⵍⵍⵉ ⵢⴻⵍⵀⴰ ⴰⴷ ⵊⵊⴻⵀⴷⴻⵏ ⵍⴻⵇⴷⵉⵛ ⵙ ⵢⵉⵅⴻⴷⴷⴰⴻⵏ ⴷ ⵡⴰⵍⴰⵜⴻⵏ ⵉ ⵃⵡⴰⵊⴻⵏ ⵉ ⵡⴰⴽⴽⴻⵏ ⴰⴷ ⴼⴰⴽⴻⵏ ⴰⵎⴰⵀⵉⵍ ⴷⴻⴳ ⵍⵡⴻⵇⵜ ⵉⵚⴻⵃⵃⴰⵏ ⵏ ⵜⵎⴰⵖⵓⵏⵜ.
ⴰⵎ ⵢⴻⴽⴽⴰ ⵍⵇⴰⴷ, ⵎⴰⵙⵙ ⵊⴻⵍⵍⴰⵡⵉ ⵢⴻⵡⵡⴻⵜ ⵜⵉⵟ ⵖⴻⴼ ⵓⵙⴻⵏⴼⴰⵔ ⵏ ⵓⴱⵓⵊⵓ ⵢⴻⵍⴷⴰⵏ ⴷⴻⴳ ⵓⵎⴽⴰⵏ ⵓⵟⵟⵓⵏ 24, ⵢⴻⵔⵏⴰ ⵢⴻⴼⴽⴰ ⵜⵉⵏⴻⴹⴰⴼ ⵉ ⵡⴰⴽⴽⴻⵏ ⴰⴷ ⵢⵉⵍⵉ ⵢⵉⵡⴻⵏ ⵡⴰⵀⵉⵍ ⵏ ⵓⵎⴰⵀⵉⵍ ⵢⴻⵚⴼⴰⵏ, ⵙ ⵢⵉⵙⴻⴼⵔⴻⵯⵏ (Reports) ⵏ ⴽⵓⵍ ⴰⵙⵙ ⵖⴻⴼ ⵡⴰⵎⴻⴽ ⵉⵜⴻⴷⴷⵓ ⵍⴻⵇⴷⵉⵛ.
ⴷⴻⴳ ⵜⵎⴻⵏⵏⴰⴹⵜ ⵏ ⵜⵏⵓⴽⵍⴰ (ⵓⵟⵟⵓⵏ 42), ⴰⵏⵖⵍⴰⴼ ⵢⴻⴼⵔⴻⵃ ⵙ ⵡⴰⵎⴻⴽ ⴱⴷⴰⵏ ⵙⵙⴻⵔⵙⴰⵢⴻⵏ ⵓⵣⵣⴰⵍ ⵏ ⵓⴱⵔⵉⴷ ⵖⴻⴼ 26 ⵢⵉⴽⵉⵍⵓⵎⵉⵜⵔⴻⵏ. ⵢⴻⵙⵙⵓⵜⵓⵔ ⴰⴷ ⵣⵣⴻⵔⴱⴻⵏ ⵓⴳⴰⵔ ⴷⴻⴳ ⵓⵃⵔⵉⵛ-ⴰⴳⵉ ⵉ ⵢⴻⵍⵍⴰⵏ ⴷ ⵜⴰⵔⵉⵛⵜ ⵉⵊⴻⵀⴷⴻⵏ ⵏ ⵓⴱⵔⵉⴷ ⵏ ⵡⵓⵥⴰⵔⵓ.
ⴷⴻⴳ ⵜⵖⵉⵡⴰⵏⵜ ⵏ ⵚⴻⴼⵚⴰⴼ ⵍⵡⴻⵙⵔⴰ, ⴰⵏⵖⵍⴰⴼ ⵢⴻⵍⴷⴰ ⵢⵉⵡⴻⵏ ⵓⴱⵔⵉⴷ ⵏ 10.3 ⵢⵉⴽⵉⵍⵓⵎⵉⵜⵔⴻⵏ ⵉ ⵢⴻⵇⵇⵏⴻⵏ ⴳⴰⵔ ⵡⴰⵎⵎⴰⵙ ⵏ "ⴷⴷⴽⴽⴰⵔⴰ" ⴷ ⵓⵙⴻⴳⴳⵉⴷ ⵏ ⵚⴻⴼⵚⴰⴼ. ⴰⵢⴰ ⵢⴻⵍⵍⴰ-ⴷ ⵉ ⵡⴰⴽⴽⴻⵏ ⴰⴷ ⵙⵙⵉⵙⵀⴻⵍⴻⵏ ⵜⵓⴷⴻⵔⵜ ⵉ ⵢⵉⵎⴻⵣⴷⴰⵖ ⵏ ⵢⵉⵔⵉ ⵏ ⵜⵎⵓⵔⵜ (ⵇⴻⵔⵔⴱⴻⵏ ⵖⴻⵔ ⵜⵉⵍⵉⵙⵜ).
ⵜⴰⴳⴳⴰⵔⴰ, ⵎⴰⵙⵙ ⵊⴻⵍⵍⴰⵡⵉ ⵢⴻⵔⵣⴰ ⵖⴻⵔ ⵙⵏⴰⵜ ⵏ ⵜⵍⵓⴳⵉⵡⵉⵏ ⵜⵓⵏⵏⵉⴳⵉⵏ ⴷⴻⴳ ⴱⵓⵍⵃⴰⴼ ⴷⴷⵉⵔ ⵉ ⵜⴻⴳⴳⴰ ⵜⵎⴻⵔⵙⴻⵍⵜ ⵜⴰⵖⴻⵍⵏⴰⵡⵜ "ⵙⴰⴱⵟⴰ". ⵜⴰⵎⴻⵣⵡⴰⵔⵓⵜ ⵜⴻⴼⴼⵓⵖ-ⴷ ⵢⴰⴽⴰ, ⵎⴰ ⴷ ⵜⵉⵙ ⵙⵏⴰⵜ ⴰⴷ ⵜⴻⴼⴼⵓⵖ ⴷⴻⴳ ⵍⵡⴻⵇⵜ-ⵉⵙ ⵉ ⵡⴰⴽⴽⴻⵏ ⴰⴷ ⵜⴻⵍⵍⵉ ⵜⵉⴽⵍⵉ ⵏ ⵜⴽⴻⵔⵔⵓⵙⵉⵏ ⴷ ⵜⵍⴻⵡⵡⵉⵜ ⴷⴻⴳ ⵜⵎⴻⵏⵏⴰⴹⵜ-ⴰⴳⵉ.
ⴰⵔⵏⵓ ⵖⴻⵔ
