ⵉⵙⵙⴻⵍⵡⴰⵢ ⵓⵏⴻⵖⵍⴰⴼ ⵏ ⵍⴻⵇⴷⵉⵛⴰⵜ ⵏ ⵓⴱⵔⵉⴷ ⴷ ⵢⵉⴼⴻⵔⴷⵉⵙⴻⵏ ⵏ ⵓⴷⴷⵓⵙ, ⵎⴰⵙⵙ ⵄⴻⴱⴷⴻⵍⵇⴰⴷⴻⵔ ⵊⴻⵍⵍⴰⵡⵉ, ⴰⵙⵙ-ⴰ ⵏ ⵜⵜⵍⴰⵜⴰ ⴷⵉ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⵢⴰⵜ ⵜⵖⵉⵎⵜ ⵏ ⵓⵎⴰⵀⵉⵍ ⵉ ⵓⵙⴻⴼⵔⴻⵔ ⵏ ⵜⵎⴻⵔⵏⵉⵡⵜ ⵏ ⵍⴻⵇⴷⵉⵛⴰⵜ ⵏ ⵓⵙⴻⵍⵍⵉ ⵏ ⵓⴱⵔⵉⴷ ⵏ ⵙⵙⴻⴽ ⴰⵎⴰⵏⴰⵊⵉⵎ ⵏ ⵓⴳⵎⵓⴹ (ⵄⴻⵏⵏⴰⴱⴰ-ⵜⴱⴻⵙⵙⴰ), ⴰⴽⴽⴻⵏ ⵉ ⴷ-ⵢⵓⵙⴰ ⴷⴻⴳ ⵓⵍⵖⵓ ⵏ ⵜⵏⴻⵖⵍⴰⴼⵜ.
ⵜⵉⵎⵍⵉⵍⵉⵜ-ⴰⴳⵉ, ⵉ ⵢⴻⵜⵜⴻⴽⴽⴰⵏ ⴷⴻⴳ ⵓⵙⴰⵜⴰⵍ ⵏ ⵓⵃⴻⵢⵢⵉ ⵏ ⵢⵉⵡⴻⵏ ⵓⵔⵣⴰⴼ ⵏ ⵓⵏⵏⴰⵔ ⵉ ⴷ-ⵉⵜⵜⴻⴷⴷⵓⵏ ⴷⴻⴳ ⵜⵉⵣⵡⵉⵔⵉ ⵏ ⵢⵉⵎⴰⵍⴰⵙⵙ ⵉ ⴷ-ⵢⵓⵙⴰⵏ, ⵜⴻⵍⵍⴰ-ⴷ ⴷⵉ ⵜⵏⴻⵖⵍⴰⴼⵜ ⵙ ⵜⵉⵍⵉⵜ ⵏ ⵢⵉⵎⴰⵙⴰⵢⴻⵏ-ⵉⵙ, ⴰⴽⴽⴻⴷ ⵓⵏⴻⵎⵀⴰⵍ ⴰⵎⴰⵜⵓ ⵏ ⵜⵇⴻⵔⵔⴰⵛⵜ ⵜⴰⵖⴻⵍⵏⴰⵡⵜ ⵏ ⵜⵣⵔⴰⵡⵉⵏ ⴷ ⵓⵙⴻⴼⵔⴻⴷ ⵏ ⵡⴰⵙⵙⴻⵎⵔⴻⴹ ⵏ ⵙⵙⴻⴽ (ANESRIF), ⴰⴽⴽⴻⴷ ⵢⵉⵏⴻⵎⵀⴰⵍⴻⵏ ⵏ ⵢⵉⵙⴻⵏⴼⴰⵔⴻⵏ ⴷ ⵢⵉⵎⴻⵙⵍⴰⵢⴻⵏ ⵏ ⵜⴽⴻⴱⴱⴰⵏⵉⵢⵉⵏ ⵜⵉⵖⴻⵍⵏⴰⵡⵉⵏ.
ⵜⵉⵎⵍⵉⵍⵉⵜ-ⴰⴳⵉ ⵜⴻⴼⴽⴰ ⵜⴻⴳⵏⵉⵜ ⵉ ⵓⵙⴻⴼⵔⴻⵔ ⵏ ⵜⵎⴻⵔⵏⵉⵡⵜ ⵏ ⵡⴰⵟⴰⵙ ⵏ ⵜⴻⵎⵏⴰⴹⵉⵏ ⵏ ⵓⵙⴻⵏⴼⴰⵔ ⵉ ⵢⴻⵣⵍⴻⵏ ⵖⴻⴼ 422 ⴽⵎ, ⴰⵎ: ⵜⴱⴻⵙⵙⴰ-ⵜⵉⵏⵓⴽⵍⴰ (43 ⴽⵎ), ⵄⴻⵏⵏⴰⴱⴰ-ⴱⵓⵛⵇⵓⴼ (54 ⴽⵎ), ⴷ ⴷⵔⵉⵄⴰ-ⵡⴰⴷ ⵍⴽⴻⴱⵔⵉⵜ (30 ⴽⵎ).
ⴷⴻⴳ ⵜⴻⴳⵏⵉⵜ-ⴰⴳⵉ, ⵙⵙⴻⴷⴷⴻⴷⴻⵏ ⵖⴻⴼ ⵢⵉⵡⴻⵏ ⵓⵎⴰⵣⵔⴰⵔ ⵏ ⵡⴻⵚⵚⵉⵢⴻⵏ ⵉ ⵓⵙⴻⵖⵚⴻⴱ ⵏ ⵍⴻⵇⴷⵉⵛⴰⵜ ⴷ ⵡⴰⴷⴰⵔ ⵏ ⵡⴰⴽⵓⴷ ⵏ ⵓⴽⴼⵓ. ⴰⵢⴰ ⵙ ⵓⵙⴻⵊⵀⴻⴷ ⵏ ⵢⵉⵎⵓⴽⴰⵏ ⵏ ⵓⵎⴰⵀⵉⵍ ⵙ ⵡⴰⴽⴽ ⵢⵉⵙⵓⴳⴰⵎ ⵏ ⵓⵎⴷⴰⵏ ⴷ ⵍⵎⴰⴷⴷⴰ, ⴷ ⵓⴹⴼⴻⵔ ⵏ ⵓⵏⴰⴳⵔⴰⵡ ⵏ ⵓⵎⴰⵀⵉⵍ ⵙ ⵓⴱⴻⴷⴷⴻⵍ (8×3), ⴷ ⵓⵙⴻⴽⴼⴻⵍ ⵏ ⵜⴻⴳⵔⵓⵎⵎⵉⵡⵉⵏ ⵏⵏⵉⴹⴻⵏ ⵉ ⵓⵙⴻⵏⴻⴼⵍⵉ ⵏ ⵓⴼⴰⵔⴻⵙ.
ⴰⴽⴽⴻⵏ ⴷⴰⵖⴻⵏ ⵙⵙⴻⴷⴷⴻⴷⴻⵏ ⵖⴻⴼ ⵓⵣⴰⵍ ⵏ ⵓⵙⴻⵊⵀⴻⴷ ⵏ ⵓⵎⵢⴰⴳ ⴳⴰⵔ ⵜⴽⴻⴱⴱⴰⵏⵉⵢⵉⵏ ⵏ ⵓⵙⴻⵍⵍⵉ, ⴷ ⵓⵙⴻⴽⴼⴻⵍ ⵏ ⵡⴰⴽⴽ ⵜⴻⵣⵎⴻⵔⵜ ⵜⴰⵖⴻⵍⵏⴰⵡⵜ, ⵍⴰⴷⵖⴰ ⴷⵉ ⵓⵙⴻⵍⵍⵉ ⵏ ⵜⵖⴰⵏⵉⵎⵉⵏ, ⵉⵡⴰⴽⴽⴻⵏ ⴰⴷ ⵢⵉⵍⵉ ⵓⵎⵢⴰⴳⴳⴻⵢ ⴷ ⵓⵇⴻⴷⴷⵉⵛ ⵢⴻⵍⵀⴰⵏ.
ⴰⵔⵏⵓ ⵖⴻⵔ
