ⴱⴻⵛⵛⴰⵕ - ⵉⵡⴻⴽⴽⴻⴷ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱoⵓⵏⴻ, ⴰⵙⵙ ⵏ ⵓⵙⴰⵎⴰⵙ ⵙⴻⴳ ⴱⴻⵛⵛⴰⵕ, ⴷⴰⴽⴽⴻⵏ ⵉⵣⴻⵏ ⵏ ⵢⵉⵎⴻⵖⵔⵓⵙⴻⵏ ⵉⴱⵖⴰⵙⴻⵏ ⴷ ⵜⵓⴽⴽⴻⵙⵜ ⴰⵔⴰ ⴰⵖⴻⵏ-ⵢⴻǧǧⴻⵏ ⴰⴷ ⵏⴻⵣⵍⴻⵖ ⵜⴰⵎⵉⵡⵜⴰ ⵏ ⵓⵏⴻⴳⵎⵓ, ⵢⴻⵔⵏⵓ ⵢⴻⵣⵣⵉⵔⴻⴳ-ⴷ ⴷⴰⴽⴽⴻⵏ ⴰⵙⴻⴽⵎⴻⵎ ⵏ ⵢⵉⵣⵉⵔⵉⴳ ⴰⴱⵔⵓⵣⵣⵍⴰⵏ ⴰⵏⴰⵖⵣⴰⵏ ⵏ ⴳⴰⵕⴰ ⵊⴱⵉⵍⴰⵜ-ⵜⵉⵏⴷⵓⴼ-ⴱⴻⵛⵛⴰⵕ ⵢⴻⵜⵜⴳⴻⵏⵙⵉⵙ-ⴷ ⵜⴰⴽⴽⴰⵢⵜ ⵙⴻⴳ ⵢⵉⵡⴻⵏ ⵏ ⵓⵙⴻⴹⵔⵓ ⴰⵖⴻⵍⵏⴰⵡ ⴷ ⴰⵙⵏⵓⴷⴷⵙⴰⵏ ⵢⴻⵔⵏⵓ ⴷ ⴰⵎⴻⵣⵔⵓⵢⴰⵏ.
ⴷⴻⴳ ⵢⵉⵡⴻⵜ ⵏ ⵜⵉⵏⴰⵡⵜ ⴷ-ⵉⴳⴰ ⵉⵍⵎⴻⵏⴷ ⵏ ⵓⵥⵓⵏⵥⵓ ⵏ ⵓⵙⴻⵏⴼⴰⵔ-ⴰ ⴰɛⴻⵊⴳⵓⵍ ⴰⵙⵏⵓⴷⴷⵙⴰⵏ, ⵢⴻⵏⵏⴰ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ: “ⴰⵇⵍ-ⴰⵏⴻⵖ ⵏⵀⴰ, ⴰⵙⵙ-ⴰ, ⴷⴻⴳ ⵜⴰⴽⴽⴰⵢⵜ ⵏ ⵓⵙⴻⴽⵎⴻⵎ ⵏ ⵢⵉⵡⴻⵏ ⵏ ⵓⵙⴻⴹⵔⵓ ⴰⵖⴻⵍⵏⴰⵡ ⴷ ⴰⵙⵏⵓⴷⴷⵙⴰⵏ ⵢⴻⵔⵏⵓ ⴷ ⴰⵎⴻⵣⵔⵓⵢⴰⵏ, ⴷ ⵡⵉⵏ ⵢⴻⵇⵇⵉⵎⴻⵏ ⴰⵏⴻⵛⵜ ⵏ ⵢⵉⵙⴻⴳⴳⴰⵙⴻⵏ ⴷ ⵜⴰⵔⴳⵉⵜ ⵜⵓⴳⴳⵉⴳⵜ”, ⵎⴰⵛⴰ ⵏⴻⵙⵙⴰⵡⴹ ⴰⴷ ⵜ-ⵉⴷ-ⵏⴻⵙⵙⴻⴽⵎⴻⵎ “ⵙ ⵡⴰⴳⴰⵎ ⵙⴻⴳ ⵜⴻⵥⵔⴻⵖⵍⴰⵏⵜ ⵜⴰⵙⴻⴱⴳⴰⵙⵜ ⵉ ⵢⴻⵙⴳⵓⴼⴼⴷⴻⵏ ⵜⵉⴼⵔⵉⵢⵉⵏ ⵏ ⵢⵉⵎⵉⵔⵡⴻⵏ-ⵏⵏⴻⵖ ⵢⴻⵔⵏⵓ ⵢⴻⴼⴽⴰ-ⴷ ⵜⴰⴷⵓⵙⵉ ⵉ ⵓⵇⴰⴱⴻⵍ ⵏ ⵓⵙⴻⵀⵔⴻⵙ ⵓⵛⵎⵉⵜ”.
“ⵢⴻⵔⵏⵓ ⵡⴰ ⴷ ⴰⵛⵇⵉⵔⵔⴻⵡ ⴰⵏⴰⵍⵍⴰⵎ. ⵉⵎⴻⵖⵔⵓⵙⴻⵏ-ⵏⵏⴻⵖ ⵉⴱⵖⴰⵙⴻⵏ ⵙⵙⴻⴽⵏⴻⵏ-ⴷ ⴷⴰⴽⴽⴻⵏ ⵜⵉⴳⴰⵡⵉⵏ ⵜⵉⵎⴻⵇⵇⵔⴰⵏⵉⵏ ⵜⵜⴻⴽⴽⴻⵏⵜ-ⴷ ⵙⴻⴳ ⵜⵏⴻⴼⴼⴰ ⵜⵉⵎⴻⵇⵇⵔⴰⵏⵉⵏ”, ⵖⴻⴼ ⵡⴰⴽⴽⴻⵏ ⴷ-ⵢⴻⵔⵏⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵢⴻⵔⵏⵓ ⵉⵡⴻⴽⴽⴻⴷ-ⴷ ⴷⴰⴽⴽⴻⵏ ⵉⵣⴻⵏ ⴰⵎⴻⵖⵍⴰⵍ ⵏ ⵢⵉⵎⴻⵖⵔⴰⵙⴻⵏ ⵢⴻⵜⵜⴳⴻⵏⵙⵉⵙ-ⴷ “ⵜⵓⴽⴽⴻⵙⵜ ⴰⵔⴰ ⴰⵖⴻⵏ-ⵢⴻⵙⵙⵉⵡⴹⴻⵏ ⴰⴷ ⵏⴻⵣⵍⴻⵖ ⵜⴰⵎⵉⵡⵜⴰ ⵏ ⵓⵏⴻⴳⵎⵓ”.
“ⴰⵙⵙ-ⴰ, ⵏⴻⵙⴼⵓⴳⵓⵍ ⵜⴰⵔⴻⵏⵏⴰⵡⵜ ⴷ ⵜⴰⵣⴰⵎⵓⵍⴰⵏⵜ, ⴷ ⵜⵉⵏ ⵏ ⵓⵙⴻⴹⵔⵓ ⵏ ⵢⵉⵣⵉⵔⵉⴳ-ⴰ ⴰⴱⵔⵓⵣⵣⵍⴰⵏ ⴰⵎⴻⵇⵇⵔⴰⵏ ⴷⴻⴳ ⵓⵎⴻⵏⴹⴰⵔ ⴰⴽⵍⵉⵙⴰⵏ ⵏ ⵙⵉⵎⵔⴰⵡ (20) ⵏ ⵡⴰⵢⵢⵓⵔⴻⵏ,” ⵖⴻⴼ ⵡⴰⴽⴽⴻⵏ ⴷ-ⵉⴽⴻⵎⵎⴻⵍ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⵎ ⵡⴰⴽⴽⴻⵏ ⴷ-ⵢⴻⵔⵏⴰ ⴷⴰⴽⴽⴻⵏ ⵜⴰⵏⵣⴰⴳⵜ-ⴰ “ⴹⵔⵓⵖ ⵓⵔ ⴷ-ⵜⴻⵜⵜⴽⴰⴼⵉ ⴰⵔⴰ ⵓⵍⴰ ⵉ ⵜⵎⴻⵚⴽⵉⵡⵜ ⵏ ⵜⴻⵙⵏⴰⵡⵉⵜ ⵉ ⵢⴻⵙⵔⵉⵏ, ⵜⵉⴽⴽⴰⵍ, ⴽⵔⴰⴹ ⵏ ⵢⵉⵙⴻⴳⴳⴰⵙⴻⵏ”.
ⵏⵏⵉⴳ ⵡⴰⵢⴰ, ⴰⵙⴻⵏⴼⴰⵔ-ⴰ ⴰⵣⴰⵎⵓⵍⴰⵏ ⵏ “ⴷⵣⴰⵢⴻⵔ ⵢⴻⵜⵜⵇⴰⴱⴰⵍⴻⵏ ⵉⵛⵇⵉⵔⵔⵡⴻⵏ” ⵢⴻⵜⵜⵡⴰⵙⵙⴻⴹⵔⴰ-ⴷ ⵙ “ⵜⵍⵎⴻⵖⵙⵉⵡⵜ ⵜⴰⴷⵣⴰⵢⵔⵉⵜ, ⴰⵙⵉⴷⵔⴻⵎ ⴷ ⴰⴷⵣⴰⵢⵔⵉ, ⵉⴽⴰⵜⴰⵔⴻⵏ ⵉⴷⵣⴰⵢⵔⵉⵢⴻⵏ ⴷ ⵢⵉⵎⵉⴷⵉⵢⴻⵏ ⵉⵛⵉⵏⵡⴰⵜⴻⵏ”, ⵖⴻⴼ ⵡⴰⴽⴽⴻⵏ ⴷ-ⵢⴻⵔⵏⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴷ-ⵉⵡⴻⴽⴽⴷⴻⵏ ⴷⴰⴽⴽⴻⵏ ⴰⵙⴻⵏⴼⴰⵔ-ⴰ ⴰⵎⴻⵣⵔⵓⵢⴰⵏ ⵢⴻⵙⵙⴽⴰⵏⴰⵢ-ⴷ “ⵜⴰⵎⵓⵖⵍⵉ ⵜⴰⵙⵏⵓⴷⴷⵙⴰⵏⵜ ⴷ ⵜⴰⵏⵓⵎⵎⵉⴷⵜ ⵢⴻⴽⴽⴰⵜⴻⵏ ⴰⴽⴽⴻⵏ ⴰⴷ ⵜⴻⵙⵙⵓⵜⴻⴳ ⵢⴻⵔⵏⵓ ⴰⴷ ⵜⴰⵎⴻⴷ ⵜⵉⵖⴱⵓⵍⴰ-ⵏⵏⴻⵖ ⵜⵉⴳⴰⵎⴰⵏⵉⵏ ⴷ ⵜⴱⵓⵖⴰⵔ-ⵏⵏⴻⵖ ⵜⵉⵖⴻⵍⵏⴰⵡⵉⵏ”, ⴰⵎ ⵡⴰⴽⴽⴻⵏ ⴰⵔⴰ ⵢⴻⵙⵎⴻⵙⵖⵓⵏⵉ ⵓⵙⴻⵏⴼⴰⵔ-ⴰ “ⴰⵏⵥⵓⵍ ⴰⵎⴻⵇⵇⵔⴰⵏ ⵖⴻⵔ ⵜⴻⵎⵏⴰⴹⵉⵏ ⵏⵉⴹⴻⵏ ⵏ ⵜⵎⵓⵔⵜ”.
ⵉⵡⴻⴽⴽⴻⴷ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴷⴰⴽⴽⴻⵏ ⴰⵥⵓⵏⵥⵓ ⵏ ⵢⵉⵣⵉⵔⵉⴳ-ⴰ ⴰⵏⴰⵖⵣⴰⵏ ⵢⴻⵜⵜⴳⴻⵏⵙⵉⵙ-ⴷ “ⵜⴰⴽⴽⴰⵢⵜ ⵜⴰⵎⴻⵣⵡⴰⵔⵓⵜ ⵙⴻⴳ ⵓⵙⴻⵏⴼⴰⵔ ⴰⵖⴻⵍⵏⴰⵡ ⴰⵙⴻⵎⵚⴰⴽ ⴰⵔⴰ ⵢⴻⵙⵍⴻⴽⵜⴻⵏ ⵙ ⵡⴰⴽⴰⵜ ⴰⵎⴰⴷⵓⵙ, ⵎⴰ ⵢⴻⵖⵙ ⵢⵓⵛ, ⵜⴰⵎⵏⴰⴹⵜ-ⴰ ⵏ ⵓⵏⵥⵓⵍ ⴰⵎⴻⵇⵇⵔⴰⵏ , ⵢⴻⵔⵏⵓ ⴰⴷ ⵢⴻⴷⵔⴻⵡ ⵡⴰⵢⴰ ⴷⴻⴳ ⵓⵙⴻⴽⵎⴻⵎ ⵏ ⵢⵉⵙⵓⵖⴰⴷ ⵏ ⵡⴰⵖⴰⴷⴻⵏ-ⵏⵏⴻⵖ ⵉⴷⴰⵎⵙⴰⵏⴻⵏ ⵉⵖⴻⵍⵏⴰⵡⴻⵏ ⵉⵍⵎⴻⵏⴷ ⵏ ⵡⴰⵎⵎⴰⴷ ⵏ ⵜⴱⵓⵖⴰⵔ ⵜⵓⴳⴳⵉⵜⵉⵏ ⵏ ⴳⴰⵕⴰ ⵊⴱⵉⵍⴰⵜ, ⴰⵛⵉⵔⵉ ⵏ ⵓⵏⴰⵖⴻⵣ ⵏ ⵓⵣⴰⵏⴳⵉⵡ ⴷ ⵡⴰⵍⴷⵓⵏ ⵏ ⵡⴰⴷ ⴰⵎⵉⵣⵓⵕ ⴷⴻⴳ ⴱⴳⴰⵢⴻⵜ ⴷ ⵓⵙⴻⴹⵔⵓ ⵏ ⵢⵉⵣⵉⵔⵉⴳ ⴰⴱⵔⵓⵣⵣⵍⴰⵏ ⵏ ⵓⵏⴰⵖⴻⵣ ⵏ ⴱⵍⴰⴷ ⵍⵃⴻⴷⴱⴰ ⴷ ⵓⴳⵏⴻⵏⵏⴰ ⴰⵏⴰⵖⵣⴰⵏ ⵏ ɛⴻⵏⵏⴰⴱⴰ.
ⵜⵜⵡⴰⵙⴱⴻⴳⵙⴻⵏ-ⴷ ⴰⴽⴽ ⵡⴰⵎⵎⴰⵎⴽⴻⵏ ⵉ ⵓⵙⵉⵡⴻⴹ ⵖⴻⵔ ⵢⵉⵙⵓⵖⴰⴷ-ⴰ ⴷⴻⴳ ⴷⵣⴰⵢⴻⵔ ⵜⴰⵏⴰⵢⴰⵏⵜ, ⵜⵓⴼⵔⵉⵛⵜ ⴷ ⵜⵏⴰⵍⴰⴽⵜ, ⵢⴻⵜⵜⴰⵥⴻⵏ ⵙ ⵓⴳⵓⵛⵛⴻⵍ ⴷⴻⴳ ⵓⴱⵔⵉⴷ ⵏ ⵓⵙⴻⴹⵔⵓ ⵏ ⵢⵉⵙⵓⵖⴰⴷ-ⵏⵏⴻⵙ, ⴰⴽⴽⴻⵏ ⴰⴷ ⴷ-ⵜⴻⵙⵍⴻⵍⵍⵉ ⵉⵎⴰⵏ-ⵏⵏⴻⵙ ⵙⴻⴳ ⵜⴰⴳⴻⵍⵜ ⵖⴻⵔ ⵜⵎⴻⵔⵖⴰ ⵢⴻⵔⵏⵓ ⴰⴷ ⵜⴻⵙⵙⴻⴷⵡⵓ ⵖⴻⴼ ⵢⵉⴽⴻⵜⵜⵓⵔⴻⵏ-ⵏⵏⴻⵙ “ⵙ ⵜⴱⵓⵖⴰⵔ ⴷ ⵜⴻⵖⴱⵓⵍⴰ ⵉ ⵢⴻⴼⴽⴰ ⵢⵓⵛ ⴰⴽⵎⴻⴹⵏⵉ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵓⵖⵍⴰⵏ-ⵏⵏⴻⵖ ⴰɛⵣⵉⵣ, ⴷ ⵜⵎⴻⵖⵙⵉⵡⵜ ⵜⴰⵖⴻⵍⵏⴰⵡⵜ ⵜⴰⴼⴰⵏⴰⵢⵜ, ⵜⵉⵙⵙⵓⴳⵔⵉⵡⵉⵏ ⴷ ⵜⵎⴻⵙⵏⴻⴳⵜ ⵉ ⵉⵣⴻⵎⵔⴻⵏ ⴰⴷ ⵜⴻⵔⴼⴻⴷ ⴷⵣⴰⵢⴻⵔ, ⴰⴽⴽⴻⵏ ⵖⵙⴻⵏ ⵉⵍⵉⵏ ⵡⵓⵙⵙⵉⵙⴻⵏ ⴷ ⵜⵖⴻⵔⵙⴰⵡⵉⵏ ⴰⵔⴰ ⵢⴻⵜⵜⵓⵏⴻⴼⴽⴻⵏ”, ⵖⴻⴼ ⵡⴰⴽⴽⴻⵏ ⴷ-ⵢⴻⵙⵙⴻⴷⴷⵉ.
“ⵉⵙⴻⴹⵔⴰ ⴷ-ⵢⴻⵍⵍⴰⵏ ⴷⴻⴳ ⵓⴽⴰⵜⴰⵔ ⵏ ⵓⵙⴻⵏⴼⴰⵔ-ⴰ ⴰⵎⴻⵇⵇⵔⴰⵏ, ⵍⴰⴷⵖⴰ ⵜⵉⵍⴻⴳⴳⵉⵢⵉⵏ ⵢⴻⵟⵟⴼⴻⵏ ⴰⵎⴻⵛⵛⴰⵇ ⵏ 20 ⵏ ⵢⵉⴽⵉⵍⵓⵎⵉⵜⵔⴻⵏ ⴷ ⵜⵎⴻⵚⴽⵉⵡⵜ ⵏ ⵓⴱⵔⵉⴷ ⵏ ⵡⵓⵣⵣⴰⵍ ⴷ ⵡⵉⴷ ⵉ ⵉⵣⴻⵎⵔⴻⵏ ⴰⴷ ⴷ-ⵔⵙⴻⵏ ⴷⴻⴳ ⵓⴷⵍⵉⵙ ⵏ ⴳⵓⵉⵏⴻⵙⵙ ⵏ ⵢⵉⴽⵍⵉⵙⴻⵏ”, ⴰⵛⴽⵓ ⵡⵉ ⴷ “ⴰⵏⴼⵓⵙ ⵏ ⵜⵉⴷⴻⵜ ⵉ ⴷ-ⴳⴰⵏ ⵢⵉⵔⴳⴰⵣⴻⵏ ⵉ ⵉⴼⴻⵍⵙⴻⵏ ⵙ ⵓⵖⵍⴰⵏ-ⵏⵙⴻⵏ ⵢⴻⵔⵏⵓ ⴼⴽⴰⵏ ⴼⴻⵍⵍ-ⴰⵙ ⵉⵙⴻⴼⵍⴰⵏ, ⵢⴻⵔⵏⵓ ⵏⴻⵜⵜⴰⵔⵔⴰ-ⴰⵙⴻⵏ ⵜⴰⵊⵎⵉⵍⵜ, ⴰⵎ ⵡⴰⴽⴽⴻⵏ ⵉ ⵜⵜ-ⵏⴻⵜⵜⴰⵔⵔⴰ ⵉ ⵡⴰⴽⴽ ⵜⵉⴷⵣⴰⵢⵔⵉⵢⵉⵏ ⴷ ⵢⵉⴷⵣⴰⵢⵔⵉⵢⴻⵏ ⵉⵢⴻⵙ ⵏⴻⴼⵔⴻⵛ”, ⵖⴻⴼ ⵡⴰⴽⴽⴻⵏ ⴷ-ⵢⴻⵔⵏⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ.
ⴷⵉⵎⴰ ⴷⴻⴳ ⵜⴻⵎⵙⴰⵍⵜ-ⴰ, ⵢⴻⵙⵙⴻⵏⴼⴰⵍⵉ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ “ⴰⵙⵏⴻⵎⵎⴻⵔ-ⵏⵏⴻⵙ ⴰⵍⵇⴰⵢⴰⵏ ⴷ ⵓⴳⵓⴹⴰ-ⵏⵏⴻⵙ ⵉ ⵡⴰⴽⴽ ⵡⵉⴷ ⵉ ⵉⵙⴰⴳⴳⴻⵏ ⵢⴻⵔⵏⵓ ⴹⴻⴼⵔⴻⵏ ⴰⵙⴻⵏⴼⴰⵔ, ⵡⵉⴷ ⵉ ⵉⵎⵓⵀⵍⴻⵏ ⴷⴻⴳ ⵜⴻⴳⵏⴰⵜⵉⵏ ⵜⵉⵏⴻⵣⵡⴰⵏⵉⵏ ⴷ ⵜⵉⵎⴻⵍⵖⴰⵜⵉⵏ ⴰⴽⴽⴻⵏ ⴰⴷ ⴷ-ⵙⴽⴻⵎⴻⵎⴻⵏ ⴰⵎⵓⵔⴻⵙ-ⴰ ⴰⵎⴻⵇⵇⵔⴰⵏ”.
“ⵉ ⵡⴰⴽⴽ ⵜⵉⵙⵙⵓⴳⵔⵉⵡⵉⵏ ⴷ-ⵢⴻⵍⵀⴰⵏ ⵙ ⵓⵙⴻⴼⵔⴻⴽ ⵏ ⵓⵙⴻⵏⴼⴰⵔ, ⵉⵎⴻⵙⵡⵓⵔⴰ ⴷ ⵢⵉⵎⵙⴰⴷⵓⵔⴻⵏ, ⴷ ⵢⵉⵎⵉⴷⵉⵢⴻⵏ ⵉⵛⵉⵏⵡⴰⵜⴻⵏ, ⴰⴷ ⴷ-ⵙⵙⴻⵏⴼⴰⵍⵉⵖ ⴰⵙⵏⴻⵎⵎⴻⵔ-ⵉⵏⵓ, ⴷⴻⴳ ⵡⴰⴽⵓⴷ ⵎⴰⵏⵉ ⵏⴻⴷⴷⴻⵔ ⴰⴽⵓⴷⴻⵏ ⴷ ⵉⵎⴻⵣⵔⵓⵢⴰⵏⴻⵏ ⴷⴻⴳ ⵓⵎⴻⵛⵡⴰⵕ ⵏ ⵓⵛⵇⵉⵔⵔⴻⵡ ⵉ ⵏⴻⵜⵜⵇⴰⴱⴰⵍ ⴷ ⵜⵉⵙⵙⵓⴳⵔⵉⵡⵉⵏ ⵜⵉⴷⵣⴰⵢⵔⵉⵢⵉⵏ”, ⵖⴻⴼ ⵡⴰⴽⴽⴻⵏ ⴷ-ⵢⴻⵏⵏⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴷⴻⴳ ⵜⴳⴰⵔⴰ ⵏ ⵜⵉⵏⴰⵡⵜ-ⵏⵏⴻⵙ.
ⴰⵔⵏⵓ ⵖⴻⵔ
