ⵜⴻⵡⵡⵉ ⵜⵙⵏⵓⵔⴻⴼⵜ ⵏ ⵉⵜⴻⵚⵚⴰⵍⴰⵜ ⵏ ⵍⴻⵣⵣⴰⵢⴻⵔ ⴰⵔⵔⴰⵣ ⵓⴼⵔⵉⵏ ⵏ "ⵉⴳⴻⵎⵎⴰⴹ ⵏ ⵜⵖⴰⵔⴰ ⵏ ⵓⵙⴻⴳⴳⴰⵙ 2026" ⵉ ⴷ-ⵜⴻⵜⵜⴰⴽ ⵜⴷⵓⴽⵍⴰ ⵏ ⵜⵓⵔⵓⴼⵜ ⵉ ⵓⵏⴰⴷⵉ ⵏ ⵜⵖⴰⵔⴰ (ESQR), ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵙⵏⵓⵔⴻⴼⵜ ⴰⵙⵙ-ⴰ ⵏ ⵍⴻⵜⵏⵉⵢⴻⵏ.
ⵙ ⵓⵏⴰⵎⴻⴽ ⵏ ⵓⵖⴱⴰⵍⵓ-ⵏⵏⵉ, ⴰⵙⴻⵍⵡⴰⵢ ⴰⵎⴹⴻⴱⴱⴻⵔ ⴰⵎⴰⵜⵓ ⵏ ⵉⵜⴻⵚⵚⴰⵍⴰⵜ ⵏ ⵍⴻⵣⵣⴰⵢⴻⵔ, ⵎⴰⵙⵙ ⴰⴱⴷⴻⵍⴳⵀⴰⵏⵉ ⴰïⵜ ⵙⴰⵉⴷ, ⵉ ⴷ-ⵢⵓⴷⴷⵎⴻⵏ ⴰⵔⵔⴰⵣ-ⴰⴳⵉ ⴷⴻⴳ ⵢⵉⵡⴻⵜ ⵏ ⵜⵎⴻⵖⵔⴰ ⵏ ⵓⵙⵜⴻⵏⵢⴻⵏ ⴷⴻⴳ ⵓⵣⴻⵏⵣⵉⵖ ⵏ ⵡⴰⵎⵓⵔⴰⵢ ⴰⴳⵔⴻⵖⵍⴰⵏ ⵏ ⵜⴷⵓⴽⵍⴰ ⵉ ⴷ-ⵢⵉⵍⵍⴰⵏ ⴰⵙⵙ ⵏ ⵍⵀⴻⴷ 31 ⵎⴰⵢⵓ ⴷⴻⴳ ⴱⵔⵓⴽⵙⴻⵍ (ⴱⴻⵍⴶⵉⴽ), ⵙ ⵜⵉⵍⵉⵜ ⵏ ⵏⴼⵉⵜ ⵏ ⵢⵉⵎⴹⴻⴱⴱⵔⴻⵏ ⵏ ⵢⵉⵎⴰⵀⵉⵍⴻⵏ ⴷ ⵢⵉⵎⵓⵣⵣⴰⴳⴻⵏ ⵏ ⵜⵓⴷⴷⵙⵉⵡⵉⵏ ⴷ ⵢⵉⵎⴻⵙⵎⵓⵏⴻⵏ ⵙⴻⴳ ⵢⴰⴽⴽ ⵜⵉⵎⵏⴰⴹⵉⵏ ⵏ ⵓⵎⴰⴹⴰⵍ.
ⴰⵔⵔⴰⵣ-ⴰⴳⵉ ⴰⴳⵔⴻⵖⵍⴰⵏ ⵢⴻⵄⵏⴰ ⵓⵙⵜⴻⵏⵢⴻⵏ ⵏ ⵜⵎⵓⵙⵏⵉⵡⵉⵏ ⴷ ⵜⵙⵏⵓⵔⴻⴼⵉⵏ ⵉ ⴷ-ⵉⵙⴽⴻⵏⴻⵏ ⵜⵓⵛⵛⵉⵜ ⵓⴼⵔⵉⵏⴻⵏ ⴷ ⵍⵎⴻⴶⵀⵓⴷⴰⵜ ⵉ ⵉⵜⴻⴷⴷⵓⵏ ⵉ ⵓⵙⵏⴻⴼⵍⵉ ⵏ ⵢⵉⴳⴻⵎⵎⴰⴹ-ⵏⵙⴻⵏⵜ ⴷⴻⴳ ⵓⵏⵏⴰⵔ ⵏ ⵓⵙⴻⴼⵔⴻⴽ ⵏ ⵜⵖⴰⵔⴰ (management de la qualité).
ⵜⵉⴳⴳⴰⵡⴻⵜ-ⴰⴳⵉ ⵜⵓⵙⴰ-ⴷ ⵙⴻⵍⴷ ⵢⵉⵡⴻⵏ ⵏ ⵓⴱⵔⵉⴷ ⵏ ⵢⵉⴳⴻⵎⵎⴰⴹ ⵉⵕⴻⵙⵙⴰⵏⴻⵏ ⵉ ⴷ-ⵜⴻⵡⵡⵉ ⵜⵙⵏⵓⵔⴻⴼⵜ, ⴷ ⵜⵎⵓⵖⵍⵉ ⵜⴰⵙⵔⴰⵜⵉⴷⵊⵉⵜ ⵖⴻⵔ ⵢⵉⵎⴰⵍ, ⵙ ⵓⴱⵔⵉⴷ ⵏ ⵓⵃⵔⵉⵛ ⵏ ⵍⴱⵉⵔⵉⴹ ⴷ ⵜⴻⵢⵡⴰⵍⵜ ⵉ ⵢⴻⴱⵖⴰⵏ ⴰⴷ ⴷ-ⵢⴻⵔⵔ ⵓⵎⴰⵀⵉⵍ ⵏ ⵜⵙⵏⵓⵔⴻⴼⵜ ⴷⴻⴳ ⵓⵙⵡⵉⵔ ⵏ ⵢⵉⵍⵓⴳⴰⵏ ⵉⴳⵔⴰⵖⵍⴰⵏⴻⵏ. ⴰⵢⴰⴳⵉ ⵢⴻⵍⵍⴰ-ⴷ ⵙ ⵓⵙⵏⵓⵍⴼⵓ ⴰⵜⵉⴽⵏⵓⵍⵓⵊⵉ ⴰⵎⴰⵢⵏⵓⵜ, ⵉ ⴷ-ⵢⴻⴱⴰⵏⴻⵏ ⵙ ⵓⵙⵓⴼⴼⴻⵖ ⵏ ⵜⵉⴽⵏⵓⵍⵓⵊⵉⵜ "WiFi-7" ⴷ ⵢⵉⵙⵓⴼⴰⵖ ⵏ ⵢⵉⵙⴻⵍⴽⵉⵢⴻⵏ ⵏ ⵓⴱⴻⴶⵔⴰⵡ ⴰⵔⵎⵉ ⴷ ⴰⵅⵅⴰⵎ (FTTH) ⵢⴻⵙⵄⴰⵏ ⵜⵖⴰⵔⴰ ⵉⵄⵍⴰⵢⴻⵏ ⴷⴻⴳ ⵜⴻⴼⵔⵉⵇⵜ, ⵎⴻⴱⵍⴰ ⵎⴰ ⵏⴻⵜⵜⵓ ⴰⵣⴰⵍ ⵏ ⵓⵕⴹⵓ ⵏ ⵢⵉⵎⵙⴰⴼⴰⵢⴻⵏ (ⵛⵍⵉⴻⵏⵜⵙ) ⴷ ⵓⵙⵎⴰⵢⵏⵓⵜ ⵏ ⵜⴻⴳⴻⵔⴷⴰⵙⵜ ⵏ ⵓⵎⵎⵉⵣⵉ ISO 9001:2015 ⴷⴻⴳ ⵜⴰⵣⵡⴰⵔⴰ ⵏ 2026.
ⵔⵏⵉ-ⴷ ⵖⴻⵔ ⵡⴰⵏⵏⴻⵛⵜ-ⴰ ⵓⵜⴻⴽⴽⵉ ⵏ ⵜⵙⵏⵓⵔⴻⴼⵜ ⴷⴻⴳ ⵓⵙⵓⴷⴷⴻⵙ ⵏ ⵡⴻⴳⵔⴰⵡ ⵓⵏⵉⴳⴻⵏ "GLOBAL AFRICA TECH" ⴷ ⵜⵏⴻⵖⵍⴰⴼⵜ ⵏ ⵍⴱⵉⵔⵉⴹ ⴷ ⵜⴻⵢⵡⴰⵍⵜ ⵉ ⴷ-ⵜⴻⵍⵍⴰⵏ ⴷⴻⴳ ⵍⴻⵣⵣⴰⵢⴻⵔ ⴷⴻⴳ ⵜⴰⵣⵡⴰⵔⴰ ⵏ 2026 ⵙ ⴷⴷⴰⵡ ⵏ ⵜⵎⵓⵖⵍⵉ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ.
ⵉⵍⴰⵇ ⴰⴷ ⵏⵣⴻⵔ ⴱⴻⵍⵍⵉ ⴰⴳⴻⵎⵓ-ⴰⴳⵉ ⴷ ⵍⴼⴰⴽⵢⴰ ⵏ ⵓⵎⴰⵀⵉⵍ ⵉⵕⴻⵙⵙⴰⵏ ⵏ ⵜⵙⴻⴷⴷⴰⵔⵉⵏ-ⵏⵏⴻⵖ ⵉ ⵢⴻⴱⵖⴰⵏ, ⵙ ⵓⵙⵏⵓⵍⴼⵓ, ⴰⴷ ⴷ-ⴼⴽⴻⵏ ⵜⵓⵇⵇⵏⴰ ⵜⵓⵔⴰⵇⵎⵉⵜ ⵉ ⵢⴰⴽⴽ ⵢⵉⵖⵔⵉⵎⴻⵏ, ⵓ ⴰⴷ ⵙⵙⴻⵔⵚⴻⵏ ⴰⵎⴽⴰⵏ ⵏ ⵍⴻⵣⵣⴰⵢⴻⵔ ⴰⵎ ⵡⴰⵎⵎⴰⵙ ⴰⵜⵉⴽⵏⵓⵍⵓⵊⵉ ⵉⵕⴻⵙⵙⴰⵏ ⴷⴻⴳ ⵜⴻⴼⵔⵉⵇⵜ.
ⴰⵔⵏⵓ ⵖⴻⵔ
