ⵙⵜⴻⵏⵢⴰⵏ ⵜⵙⵏⵓⵔⴻⴼⵜ ⵏ "ⴶⴰⵣⵣⵢ" ⴷ ⵓⵙⴻⵏⴷⵓⵇ ⴰⵖⴻⵍⵏⴰⵡ ⵏ ⵜⵎⴻⵣⵢⴰⵏⵜ ⵢⵉⵡⴻⵏ ⵏ ⵓⵎⵜⴰⵡⴰ-ⴰⵣⴻⵏⵣⵉⵖ ( ⵏ ⵓⵎⵢⴻⵛⵛⴻⵔ. ⵉⵙⵡⵉ ⵏ ⵓⵎⵜⴰⵡⴰ-ⴰⴳⵉ ⴷ ⴰⵙⴻⴶⵀⴻⴷ ⵏ ⵓⵙⴻⵎⵔⴻⵙ ⵏ ⵜⵉⵜⵉⴽⵏⵓⵍⵓⵊⵉⵢⵉⵏ ⵜⵓⵔⴰⵇⵎⵉⵢⵉⵏ ⵉ ⵓⵙⵏⴻⵔⵏⵉ ⵏ ⵢⵉⵎⴻⵥⵍⴰ (services) ⵉ ⵉⵟⵟⴰⴽ ⵓⵙⴻⵏⴷⵓⵇ ⵉ ⵡⵉⴷ ⵢⴻⵔⵔⴰⵏ ⵖⵓⵔ-ⵙ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵙⵏⵓⵔⴻⴼⵜ ⴰⵙⵙ-ⴰ ⵏ ⵜⵜⵍⴰⵜⴰ.
ⵙ ⵓⴱⵔⵉⴷ ⵏ ⵓⵎⵜⴰⵡⴰ-ⴰⴳⵉ ⵉ ⵙⵜⴻⵏⵢⴰⵏ ⵙⵉⵏ ⵏ ⵢⵉⵎⴹⴻⴱⴱⵔⴻⵏ ⵉⵎⴰⵜⴰⵏⴻⵏ, ⵎⴰⵙⵙ ⵃⴰⴼⵉⴷ ⴰⴷⵔⴰⵔ (ⴰⵎⴹⴻⴱⴱⴻⵔ ⵏ ⵛⵏⵔ) ⴷ ⵎⴰⵙⵙ ⴱⵓⵓⵎⴻⴷⵉⴻⵏⵏⴻ ⵙⴻⵏⵓⵓⵙⵙⵉ (ⴰⵎⴹⴻⴱⴱⴻⵔ ⵏ ⴶⴰⵣⵣⵢ), ⵙⵏⴰⵜ ⵏ ⵜⴰⵎⵉⵡⵉⵏ-ⴰⴳⵉ ⴱⵖⴰⵏⵜ ⴰⴷ ⵙⵏⴻⴼⵍⵉⵏⵜ ⴰⵎⵢⴻⵛⵛⴻⵔ-ⵏⵙⴻⵏⵜ ⴷⴻⴳ ⵡⴰⵟⴰⵙ ⵏ ⵢⵉⵏⵏⴰⵔⴻⵏ ⵢⴻⵄⵏⴰⵏ ⴰⴱⴻⴷⴷⴻⵍ ⴰⵇⵎⵉⴷ ⵓⵙⵏⵓⵍⴼⵓ ⴰⵜⵉⴽⵏⵓⵍⵓⵊⵉ.
ⴰⵎⵜⴰⵡⴰ-ⴰⴳⵉ ⴰⴷ ⵉⵄⴰⵡⴻⵏ ⴰⵙⴻⵏⴷⵓⵇ ⴰⵖⴻⵍⵏⴰⵡ ⵏ ⵜⵎⴻⵣⵢⴰⵏⵜ ⵉⵡⴰⴽⴽⴻⵏ ⴰⴷ ⴷ-ⵢⴰⴳⵉⵎ ⵙⴻⴳ ⵡⴰⵍⵍⴰⵍⴻⵏ ⴷ ⵢⵉⵎⴻⵥⵍⴰ ⵏ ⵜⵙⵏⵓⵔⴻⴼⵜ ⵏ "ⴶⴰⵣⵣⵢ" ⵉ ⵓⵙⴻⴶⵀⴻⴷ ⵏ ⵜⵓⵇⵇⵏⴰ ⴳⴰⵔ ⵢⵉⵎⵓⴽⴰⵏ-ⵉⵙ ⵢⴻⵎⴳⴰⵔⴰⴷⴻⵏ ⴷ ⵓⵙⵎⴰⵢⵏⵓⵜ ⵏ ⵡⴰⵍⵍⴰⵍⴻⵏ ⵏ ⵜⴻⵢⵡⴰⵍⵜ, ⴷ ⵓⴷⴻⴳⴳⴻⵔ ⵏ ⵜⴰⵔⵇⵎⵉⵜ ⵏ ⵢⵉⵎⴻⵥⵍⴰ-ⵉⵙ.
ⴰⵎⵜⴰⵡⴰ-ⴰⴳⵉ — ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ — ⵢⴻⵎⵎⴰⵍ-ⴷ ⵜⵓⵛⵛⵉⵜ ⵜⴰⵎⴻⵣⴷⴰⵢⵜ ⵏ ⵙⵏⴰⵜ ⵏ ⵜⴰⵎⵉⵡⵉⵏ ⵉ ⵓⵙⴻⵎⵔⴻⵙ ⵏ ⵜⵉⵜⵉⴽⵏⵓⵍⵓⵊⵉⵢⵉⵏ ⵜⵓⵔⴰⵇⵎⵉⵢⵉⵏ ⵉ ⵓⵙⵏⴻⵔⵏⵉ ⵏ ⵢⵉⵎⴻⵥⵍⴰ ⵉⴳⴷⵓⴷⴰⵏⴻⵏ ⴷ ⵓⵙⴰⵍⵉ ⵏ ⵏⴼⴰⵄ ⵏ ⵜⵎⵓⵀⴰⵍ, ⵉⵡⴰⴽⴽⴻⵏ ⴰⴷ ⴷ-ⵢⴻⴳⵍⵓ ⵙ ⵔⵔⴻⴱⴻⵃ ⵉ ⵓⵖⵔⵉⵎ ⴰⵣⵣⴰⵢⵔⵉ.
