ⵎⵎⵓⵜⴻⵏ 3 ⵏ ⵢⵉⵎⴷⴰⵏⴻⵏ, ⵜⵜⵡⴰⵊⴻⵔⵃⴻⵏ 215 ⵏⵏⵉⴹⴻⵏ, ⴷⴻⴼⴼⵉⵔ ⵏ ⵢⵉⵏⴻⵀⵡⴰⵙⴻⵏ ⵏ ⵓⴱⵔⵉⴷ ⵉ ⴷ-ⵢⴻⴹⵔⴰⵏ ⴷⴻⴳ ⵡⴰⵟⴰⵙ ⵏ ⵍⵡⵉⵍⴰⵢⴰⵜ ⴷⵉ 24 ⵏ ⵜⵙⴰⵡⵄⵉⵏ ⵜⵉⵏⴻⴳⴳⵓⵔⴰ, ⵖⴻⴼ ⵍⴻⵃⵙⴰⴱ ⵏ ⵡⴻⴳⵎⵓⴹ ⵉ ⴷ-ⵢⴻⴼⴽⴰ, ⴰⵙⵙ-ⴰ ⵏ ⵍⴻⵜⵏⴰⵢⴻⵏ, ⵓⵃⵓⴷⴷⵓ ⴰⵖⴰⵔⵉⵎⴰⵏ.
ⵢⴻⵙⵙⴻⴼⵀⴻⵎ-ⴷ ⵓⵖⴱⴰⵍⵓ-ⴰ ⵙ ⵜⵉⵎⵎⴰⴷ-ⵉⵙ ⴱⴻⵍⵍⵉ ⴰⴳⵎⵓⴹ ⵥⵥⴰⵢⴻⵏ ⵎⴰⴹⵉ ⵢⴻⵜⵜⵡⴰⵊⴻⵔⵔⴻⴷ ⴷⴻⴳ ⵍⵡⵉⵍⴰⵢⴰ ⵏ ⵢⵉⵏ ⵙⴰⵍⵉⵃ ⵙ ⵜⵎⴻⵜⵜⴰⵏⵜ ⵏ ⵢⵉⵡⴻⵏ ⵏ ⵡⴻⵎⴷⴰⵏ ⴷ ⵓⵊⴻⵔⵔⴻⵃ ⵏ 2 ⵏⵏⵉⴹⴻⵏ ⴷⴻⴼⴼⵉⵔ ⵏ ⵡⴻⵏⵇⴻⵍⴰⴱ ⵏ ⵜⴽⴻⵕⵕⵓⵙⵜ, ⵔⵏⵓ ⵖⴻⵔ-ⵙ ⴰⵙⴻⴽⵍⴻⵙ ⵏ ⵜⵎⴻⵜⵜⴰⵏⵜ ⵏ ⵢⵉⵡⴻⵏ ⴷ ⵓⵊⴻⵔⵔⴻⵃ ⵏ ⵡⴰⵢⴻⴹ ⴷⴻⴳ ⵍⵡⵉⵍⴰⵢⴰ ⵏ ⵄⴻⵏⵏⴰⴱⴰ, ⴷⴻⴼⴼⵉⵔ ⵏ ⵡⴻⵎⴷⴻⴳⴳⴻⵔ ⴳⴰⵔ ⵜⴽⴻⵕⵕⵓⵙⵜ ⴷ ⵍⴽⴰⵔ. ⵎⴰ ⴷⴻⴳ ⵍⵡⵉⵍⴰⵢⴰ ⵏ ⵍⵊⴻⵍⴼⴰ ⵜⵜⵡⴰⵊⴻⵔⵔⴷⴻⵏ ⵢⵉⵡⴻⵜ ⵏ ⵜⵎⴻⵜⵜⴰⵏⵜ ⴷⴻⴼⴼⵉⵔ ⵏ ⵡⴻⵎⴷⴻⴳⴳⴻⵔ ⴳⴰⵔ ⵜⴽⴻⵕⵕⵓⵙⵜ ⴷ ⵜⵎⵓⵜⵓⵜ.
ⵙⴻⴳ ⵜⴰⵎⴰ ⵏⵏⵉⴹⴻⵏ, ⴽⴻⵛⵎⴻⵏⵜ-ⴷ ⵜⵎⴻⵍⵍⴰⵍⵉⵏ ⵏ ⵓⵃⵓⴷⴷⵓ ⴰⵖⴰⵔⵉⵎⴰⵏ ⵉ ⵡⴻⴼⴽⴰⴽ ⵏ ⵓⵙⴻⵍⵍⴻⴽ ⴰⵎⴻⵣⵡⴰⵔⵓ ⵉ 7 ⵏ ⵢⵉⵎⴷⴰⵏⴻⵏ, ⵉ ⵢⴻⵏⵟⴻⵔⵔⴻⵏ ⵙⴻⴳ ⵓⵏⵖⴰⵣ ⵙ ⵍⴳⴰⵣ ⵏ ⵓⴽⵙⵉⴷ ⵏ ⴽⴰⵕⴱⵓⵏ ⴰⵎⵢⵉⵡⴻⵏ ⵉ ⴷ-ⵉⵜⴻⴼⴼⵖⴻⵏ ⵙⴻⴳ ⵜⵜⴰⵡⵉⵍⴰⵜ ⵏ ⵡⴻⵙⵖⴻⴹ ⴷ ⵢⵉⵙⵙⴻⵔⵢⴰⵏⴻⵏ ⵏ ⵡⴰⵎⴰⵏ ⴷⴰⵅⴻⵍ ⵏ ⵢⵉⵅⵅⴰⵎⴻⵏ-ⵏⵙⴻⵏ, ⴷⴻⴳ ⵍⵡⵉⵍⴰⵢⴰⵜ ⵏ ⵖⵉⵍⵉⵣⴰⵏ, ⴱⵓⵔⵊ ⴱⵓⵄⵔⵉⵔⵉⵊ, ⵇⵙⴻⵏⵟⵉⵏⴰ ⴷ ⵛⵍⴻⴼ.
ⵎⴰ ⵖⴻⴼ ⵡⴰⵢⴻⵏ ⵢⴻⵄⵏⴰⵏ ⴰⴱⴻⴷⴷⴻⵍ ⵏ ⵍⵃⴰⵍ ⵉⵛⵓⴷⴷⴻⵏ ⵖⴻⵔ ⵓⵖⴻⵍⵍⵓⵢ ⵏ ⵓⴳⴻⴼⴼⵓⵔ ⴷ ⵡⴻⴷⴼⴻⵍ ⴷⴻⴳ 24 ⵏ ⵜⵙⴰⵡⵄⵉⵏ ⵜⵉⵏⴻⴳⴳⵓⵔⴰ, ⵉ ⵢⴻⵄⵏⴰⵏ ⵍⵡⵉⵍⴰⵢⴰⵜ ⵢⴻⵎⵅⴰⵍⵍⴰⴼⴻⵏ ⵏ ⵜⵎⵓⵔⵜ ⴰⵎ ⵜⵓⴱⵉⵔⴻⵜ, ⵜⵉⵣⵉ ⵡⴻⵣⵣⵓ, ⵙⵟⵉⴼ, ⵎⵉⵍⴰ, ⵜⴱⴻⵙⵙⴰ, ⴱⵓⵔⵊ ⴱⵓⵄⵔⵉⵔⵉⵊ ⴰⴽⴽⴻⴷ ⴱⴳⴰⵢⴻⵜ, ⴽⴻⵛⵎⴻⵏ-ⴷ ⵢⵉⵎⴻⵥⵍⴰ ⵏ ⵓⵃⵓⴷⴷⵓ ⴰⵖⴰⵔⵉⵎⴰⵏ ⵉ ⵡⴰⴽⴽⴻⵏ ⴰⴷ ⵅⴻⴷⵎⴻⵏ ⴰⵟⴰⵙ ⵏ ⵜⵉⴳⴰⵡⵉⵏ ⵏ ⵡⵓⵣⵣⵓ ⵏ ⵡⴰⵎⴰⵏ ⵏ ⵓⴳⴻⴼⴼⵓⵔ ⵉ ⴷ-ⵉⵏⵏⴻⵊⵎⴰⵄⴻⵏ ⵢⴻⵔⵏⴰ ⴽⴻⵛⵎⴻⵏ ⵖⴻⵔ ⵢⵉⵅⵅⴰⵎⴻⵏ ⴷ ⵜⵓⴷⵔⵉⵏ, ⴰⴽⴽⴻⴷ ⵜⵉⴳⴰⵡⵉⵏ ⵏ ⵓⵙⵓⴼⴼⴻⵖ ⵏ ⵡⴰⵟⴰⵙ ⵏ ⵜⴽⴻⵔⵢⴰⵙ ⵢⴻⵇⵇⵉⵎⴻⵏ ⵃⴻⴱⵙⴻⵏⵜ ⵖⴻⴼ ⴷⴷⴻⵎⵎⴰ ⵏ ⵓⵊⴻⵎⵎⵓⵄ ⵏ ⵡⴻⴷⴼⴻⵍ, ⵙ ⵡⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵖⴱⴰⵍⵓ-ⵏⵏⵉ.
ⴰⵔⵏⵓ ⵖⴻⵔ
