ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⴳⴳⴰ ⵓⵏⵖⵍⴰⴼ ⵏ ⵢⵉⵍⵎⴻⵣⵢⴻⵏ ⵉ ⵢⴻⵟⵟⴼⴻⵏ ⴰⵙⵇⴰⵎⵓ ⵓⵏⵏⵉⴳ ⵏ ⵢⵉⵍⵎⴻⵣⵢⴻⵏ, ⵎⴰⵙⵙ ⵎⵓⵚⵟⴰⴼⴰ ⵃⵉⴷⴰⵡⵉ, ⵜⴰⵎⴻⴷⴷⵉⵜ ⵏ ⵡⴰⵙⵙ-ⴰ ⵏ ⵍⴻⵜⵏⵉⵢⴻⵏ, ⵢⴻⴷⴷⵓⴽⴽⴻⵍ ⴷ ⵓⵎⵙⴻⵍⵡⴰⵢ ⴰⵎⴰⵜⵓ ⵏ ⵢⵉⵎⵙⴻⴳⴳⵉⴷⴻⵏ ⵉⵏⵙⵍⴻⵎⴻⵏ ⵣⵣⴰⵢⵔⵉⵢⴻⵏ, ⵎⴰⵙⵙ ⵄⴻⴱⴷⵓⵍⵔⵔⴰⵃⵎⴰⵏ ⵃⴰⵎⵣⴰⵡⵉ, ⵜⵉⴽⵍⵉ ⵏ ⵡⴰⵏⵏⴰⵔ ⵖⴻⵔ ⴽⵔⴰ ⵏ ⵡⴰⵎⵎⴰⵙⴻⵏ ⵏ ⵍⴻⵇⴷⵉⵛ ⵏ ⵜⵎⴻⵏⵏⵓⵜ ⵏ ⵢⵉⵎⵙⴻⴳⴳⵉⴷⴻⵏ ⴷⴻⴳ ⵍⵣⵣⴰⵢⴻⵔ ⵜⴰⵎⴰⵏⴻⵖⵜ.
ⵜⵓⵣⵣⵢⴰ-ⴰⴳⵉ ⵜⴻⵔⵣⴰ ⵜⵉⵣⴻⵇⵇⴰ ⵏ ⵓⵜⵛⵉⵜ ⵏ ⵜⵔⴰⴱⵄⵉⵏ "ⵉⵍⵢⴰⵙ ⴷⵔⵉⵛ" ⴷⴻⴳ ⵍⵎⴰⴷⴰⵏⵢⴰ, "ⵍⵉⵡⴰ ⵄⴻⵎⵉⵔⵓⵛ" ⴷⴻⴳ ⴱⵉⵔ ⵎⵓⵔⴰⴷ ⵔⴰⵢⴻⵙ ⴷ "ⵍⴼⵉⴷⴰ" ⴷⴻⴳ ⴱⵉⵔ ⵅⴰⴷⴻⵎ, ⵉ ⵡⴰⴽⴽⴻⵏ ⴰⴷ ⵡⴰⵍⵉⵏ ⵍⴻⵇⴷⵉⵛ ⵉ ⴷ-ⵜⵜⴰⴽⴽⴻⵏ ⴷⴻⴳ ⵡⴰⴳⴳⵓⵔ ⴰⵎⴻⴳⴳⴰⵣ ⵢⴻⵔⵏⴰ ⴰⴷ ⵊⵊⴻⵀⴷⴻⵏ ⵉⵍⵎⴻⵣⵢⴻⵏ ⵉⵎⴻⵟⵟⵓⵄⴻⵏ ⵉ ⵢⴻⵇⴷⴻⵛⴻⵏ ⵉ ⵡⴰⴽⴽⴻⵏ ⴰⴷ ⵔⵔⴻⵏ ⵜⴰⵢⵏⵉⵜ ⵉ ⵢⵉⵖⵉⵍⵉⴼⴻⵏ ⵏ ⵢⵉⵎⴻⵣⴷⴰⵖ.
ⴷⴻⴳ ⵢⵉⵡⴻⵏ ⵡⴰⵡⴰⵍ ⵉ ⵢⵉⵙⴰⵍⵍⴻⵏ, ⵎⴰⵙⵙ ⵃⵉⴷⴰⵡⵉ ⵢⴻⵙⴼⴻⵔⵔⴻⵯ-ⴷ ⴱⴻⵍⵍⵉ ⵜⵓⴼⴼⵖⴰ-ⴰⴳⵉ ⵏ ⵡⴰⵏⵏⴰⵔ ⵜⴻⴽⴽⴰ-ⴷ ⴷⴻⴳ ⵡⴰⵏⵏⴰⵔ ⵏ ⵓⵍⴻⵇⴷⵉⵛ "ⴱⵔⴰⴼⵓ ⵉⵍⵎⴻⵣⵢⴻⵏ" ⵉ ⵢⴻⵜⵜⴻⴳⴳ ⵡⴰⵙⵇⴰⵎⵓ ⵓⵏⵏⵉⴳ ⵏ ⵢⵉⵍⵎⴻⵣⵢⴻⵏ ⵉ ⵡⴰⴽⴽⴻⵏ ⴰⴷ ⵛⵛⴻⵊⵊⵄⴻⵏ ⵉⵙⵓⵔⴰ ⵏ ⵢⵉⵍⵎⴻⵣⵢⴻⵏ ⴷⴻⴳ ⵓⵃⵔⵉⵛ ⵏ ⵓⵎⵢⴰⵡⴰⵙ ⴷ ⵜⵎⴻⵏⵏⵓⵜ ⴷⴻⴳ ⵓⵎⴻⵜⵜⵉ ⴰⵣⵣⴰⵢⵔⵉ. ⵢⴻⵙⵙⴻⴽⵏ-ⴷ ⴰⵣⴰⵍ ⵏ ⵓⵥⵥⵓ ⵏ ⵡⴰⵣⴰⵍⴻⵏ-ⴰⴳⵉ ⴷⴻⴳ ⵡⵓⵍⴰⵡⴻⵏ ⵏ ⵜⵙⵓⵜⴰ ⵜⵉⵎⴰⵢⵏⵓⵜⵉⵏ.
ⵢⴻⵛⴽⴻⵔ ⴷⴰⵖⴻⵏ ⵜⵉⵣⵎⴰⵔ ⵏ ⵢⵉⵍⵎⴻⵣⵢⴻⵏ ⵏ ⵢⵉⵎⵙⴻⴳⴳⵉⴷⴻⵏ ⴷⴻⴳ ⵓⵎⵢⴰⵡⴰⵙ ⴷⴻⴳ ⵎⴰⵕⵕⴰ ⴰⵙⴻⴳⴳⴰⵙ ⴷ ⵡⴰⴳⴳⵓⵔ ⵏ ⵔⴻⵎⴹⴰⵏ. ⵢⴻⵏⵏⴰ-ⴷ ⴱⴻⵍⵍⵉ ⵜⴰⵙⵓⵜⴰ-ⴰⴳⵉ ⵜⴻⵟⵟⴻⴼ ⴰⴱⵔⵉⴷ ⵏ ⵓⵎⴻⵙⴱⴻⴷⴷ ⵏ ⵜⵎⴻⵔⵙⴻⵍⵜ-ⴰⴳⵉ, ⵎⴰⵙⵙ ⵎⵓⵃⴰⵎⴻⴷ ⴱⵓⵔⴰⵙ, ⵉ ⵡⴰⴽⴽⴻⵏ ⴰⴷ ⴽⴻⵎⵎⵍⴻⵏ ⴰⴱⵔⵉⴷ ⵏ ⵜⴷⴻⵎⵎⵉ ⵜⴰⵖⴻⵍⵏⴰⵡⵜ.
ⵙⴻⴳ ⵍⵊⵉⵀⴰ-ⵙ, ⵎⴰⵙⵙ ⵃⴰⵎⵣⴰⵡⵉ ⵢⴻⴼⴽⴰ ⴰⵣⴰⵍ ⵉ ⵓⵍⴻⵇⴷⵉⵛ-ⴰⴳⵉ ⵏ ⵜⵎⴻⵏⵏⵓⵜ ⵉ ⵜⴻⵜⵜⴻⴳⴳ ⵜⵎⴻⵔⵙⴻⵍⵜ ⵏ ⵢⵉⵎⵙⴻⴳⴳⵉⴷⴻⵏ ⵙ ⵜⴰⵍⵍⴻⵍⵜ ⵏ ⵢⵉⵍⵎⴻⵣⵢⴻⵏ ⵉⵎⴻⵟⵟⵓⵄⴻⵏ ⴷ ⵢⵉⵎⴻⵙⴽⴰⵔⴻⵏ ⵏ ⵓⵎⴻⵜⵜⵉ. ⵢⴻⵏⵏⴰ-ⴷ ⴱⴻⵍⵍⵉ ⴰⵢⴰ ⴰⴷ ⵢⴻⵙⵊⴻⵀⴻⴷ ⵡⴰⵣⴰⵍⴻⵏ ⵏ ⵓⵎⵢⴰⵡⴰⵙ ⴷⴻⴳ ⵓⵎⴻⵜⵜⵉ ⴰⵣⵣⴰⵢⵔⵉ ⵉ ⵢⴻⵙⵙⴻⵏ ⵎⴰⵕⵕⴰ ⵓⵎⴰⴹⴰⵍ ⵙ ⵍⴻⵇⴷⵉⵛⴻⵏ-ⴰⴳⵉ, ⵍⴰⴷⵯⴰ ⴷⴻⴳ ⵡⴰⴳⴳⵓⵔ ⴰⵎⴻⴳⴳⴰⵣ ⵏ ⵔⴻⵎⴹⴰⵏ ⵉ ⵢⴻⵍⵍⴰⵏ ⴷ ⵜⴰⴳⵏⵉⵜ ⵉⵊⴻⵀⴷⴻⵏ ⵉ ⵓⵎⵢⴻⵍⵍⴻⵍ.
ⴰⵔⵏⵓ ⵖⴻⵔ
