ⴱⴻⵔⵔⴰⵏ-ⴷ ⵢⵉⵎⴻⵥⵍⴰ ⵏ ⵢⵉⵙⴰⵍⵍⴻⵏ ⴱⴻⵍⵍⵉ ⵍⵃⵓⵍⵉⵙⵙ ⵏ ⵀⵓⵍⴰⵏⴷⴰ ⵟⵟⴼⴻⵏ ⵢⵉⵡⴻⵏ ⵏ ⵡⴻⵔⴳⴰⵣ ⵙⴻⴳ ⵢⵉⵣⵓⵕⴰⵏ ⵏ ⵍⵎⴰⵔⵓⴽ, ⴷⴻⴳ ⵓⵏⴰⴳⵔⴰⵡ ⵏ ⵓⵏⴰⴷⵉ ⵏ ⵜⵔⴻⴰⴷⵢⴰⵏⵉⵏ ⵏ ⵜⴼⴻⴳⴳⴰⴳⵉⵏ (ⴻⵅⵃⵍⵓⵙⵉⵓⵏⵙ) ⵉ ⵢⴻⵇⵇⵏⴻⵏ ⵖⴻⵔ ⵓⵚⴻⴳⴳⴻⵎ ⵏ ⵍⴻⵃⵙⴰⴱⴰⵜ ⴳⴰⵔ ⵢⵉⵣⴻⵟⵟⵡⴰⵏ ⵏ ⵜⵓⵛⵟⴰ, ⵙ ⵜⵎⴻⵔⵏⵉⵡⵜ ⵏ ⵜⵎⴻⵜⵎⵓⵏⵜ ⵏ ⵜⵏⴻⵣⵣⵓⵜ ⵜⴰⵖⴻⵍⵏⴰⵡⵜ ⵏ ⵍⵎⴰⵅⴻⴷⴷⵉⵔⴰⵜ.
ⵉⵙⴻⴳⵣⵉ-ⴷ ⵡⵓⵏⴰⴱⴰⵖ-ⴰⴳⵉ ⴱⴻⵍⵍⵉ ⴰⵔⴳⴰⵣ-ⴰⴳⵉ (43 ⵏ ⵢⵉⵙⴻⴳⴳⴰⵙⴻⵏ) ⵢⴻⵜⵜⵡⴰⵃⵙⴻⴱ ⵙ ⵡⴰⵟⴰⵙ ⵏ ⵜⴼⴻⴳⴳⴰⴳⵉⵏ ⵉ ⴷ-ⵢⴻⵍⵍⴰⵏ ⵎⴳⴰⵍ ⵢⵉⵎⵓⴽⴰⵏ ⵏ ⵜⵏⴻⵣⵣⵓⵜ ⴷⴻⴳ ⵜⵎⴷⵉⵏⵜ ⵏ ⴰⵎⵙⵜⴻⵔⴷⴰⵎ ⴷⴻⴳ ⵢⵉⵙⴻⴳⴳⴰⵙⴻⵏ-ⴰⴳⵉ ⵉⵏⴻⴳⴳⵓⵔⴰ. ⴰⵔⴳⴰⵣ-ⴰⴳⵉ ⵢⴻⵜⵜⵡⴰⵟⵟⴻⴼ ⵙⴷⴻⴼⴼⵉⵔ ⵏ ⵓⴹⴼⴰⵔ ⴷ ⵓⵏⴰⴷⵉ ⵏ ⵍⵃⵓⵍⵉⵙⵙ ⴷⴻⴳ ⵓⵏⴰⴳⵔⴰⵡ ⵏ ⵓⵎⴻⵀⵍⴰⵏ ⵏ ⵜⵓⵛⵟⴰ ⵢⴻⵙⵙⵓⴷⴷⵙⴻⵏ.
ⵓⴷⵢⴰⵏ-ⵏⵏⵉ ⵢⴻⵏⵏⴰ-ⴷ ⴱⴻⵍⵍⵉ ⴰⵏⴰⴷⵉ-ⴰⴳⵉ ⵢⴻⴳⵍⴰ-ⴷ ⵙ ⵓⴼⵔⴰⵏ ⵏ ⵓⵟⵟⵓⵏ ⴰⵎⴻⵇⵇⵔⴰⵏ ⵏ ⵍⵎⴰⵅⴻⴷⴷⵉⵔⴰⵜ, ⴰⵣⴰⵍ ⵏ 100 ⵏ ⵢⵉⴽⵉⵍⵓⴳⵔⴰⵎⴻⵏ ⵏ ⵓⴽⵓⴽⴰⵢⵉⵏ, ⵙ ⵜⵎⴻⵔⵏⵉⵡⵜ ⵏ ⵢⴻⴷⵔⵉⵎⴻⵏ ⵉⵡⵡⴹⴻⵏ ⴰⵣⴰⵍ ⵏ 800 ⵏ ⵡⴰⴳⵉⵎⴰⵏ ⵏ ⴻⵓⵔⵓ.
ⵉⵍⴰⵇ ⴰⴷ ⴷ-ⵏⴻⵎⵎⴻⴽⵜⵉ ⴱⴻⵍⵍⵉ ⵓⵔ ⴷ ⵜⵉⴽⴽⴻⵍⵜ ⵜⴰⵎⴻⵏⵣⵓⵜ ⵉ ⴷⴻⴳ ⴷ-ⵢⴻⵜⵜⵡⴰⵃⴱⴻⵙ ⵓⵣⴻⵟⵟⴰ ⴰⴳⵔⴰⵖⵍⴰⵏ ⵏ ⵍⵎⴰⵅⴻⴷⴷⵉⵔⴰⵜ ⵉ ⵢⴻⵙⵙⴻⵍⵡⴰⵢⴻⵏ ⵢⵉⵎⵔⵓⴽⵉⵢⴻⵏ. ⵉⵎⴻⵥⵍⴰ ⵏ ⵓⴼⵔⴰⴳ ⴷⴻⴳ ⵙⵃⴰⵏⵢⴰ, ⵜⵓⵔⴽⵢⵉⴰ ⴷ ⴽⵓⵍⵓⵎⴱⴰⵜ ⵟⵟⴼⴻⵏ ⵡⴰⵟⴰⵙ ⵏ ⵢⵉⵎⵔⵓⴽⵉⵢⴻⵏ ⵉ ⵢⴻⵙⵙⴻⵍⵡⴰⵢⴻⵏ ⵢⵉⵣⴻⵟⵟⵡⴰⵏ ⵏ ⵜⵓⵛⵟⴰ ⵉ ⵢⴻⵙⵙⵓⵔⵓⴳⴻⵏ ⵓⵎⴰⴹⴰⵍ ⵙ ⵙⵙⵓⵎⵓⵎ-ⴰⴳⵉ.
ⴷⴻⴳ ⵡⴰⴳⴳⵓⵔ ⵏ ⵎⴰⵢⵢⵓ ⵉⵄⴻⴷⴷⴰ, ⵜⵙⵓⴷⴰ ⵏ ⵜⵓⵔⴽⵢⵉⴰ ⵟⵟⴼⴻⵏ ⵢⵉⵡⴻⵏ ⵏ "ⵓⴱⴰⵔⵓ" ⵏ ⵍⵎⴰⵅⴻⴷⴷⵉⵔⴰⵜ ⴰⵎⵔⵓⴽⵉ, ⵉⵙⴻⵎ-ⵉⵙ ⵎⵓⵀⴰⵎⴻⴷ ⴱⵓⵓⵍⴽⵀⵔⵉⴼ, ⴷⴻⴳ ⵉⵙⵜⴰⵎⴱⵓⵓⵍ. ⵓⵇⴱⴻⵍ-ⵉⵙ, ⵜⵙⵓⴷⴰ ⵏ ⴽⵓⵍⵓⵎⴱⴰⵜ ⵟⵟⴼⴻⵏ ⵢⵉⵡⴻⵏ ⵏ ⵓⵎⴻⵔⵣⵉ ⵙⴻⴳ ⴱⵉⵍⵊⵉⴽ ⵏ ⵢⵉⵣⵓⵕⴰⵏ ⵏ ⵍⵎⴰⵔⵓⴽ, ⵢⴻⵍⵍⴰⵏ ⴷ ⵉⵙⴻⵎ ⴰⵎⴻⵇⵇⵔⴰⵏ ⴷⴻⴳ ⵜⵏⴻⵣⵣⵓⵜ ⵏ ⵍⵎⴰⵅⴻⴷⴷⵉⵔⴰⵜ ⵢⴻⵣⵔⵉⵏ ⵜⵉⵍⴰⵙ.
ⴰⵙⵇⴰⵎⵓ ⴰⴳⵔⴰⵖⵍⴰⵏ ⵏ ⵓⴹⴼⴰⵔ ⵏ ⵍⵎⴰⵅⴻⴷⴷⵉⵔⴰⵜ (ⵓⵉⵛⵙ) ⵢⴻⵏⵏⴰ-ⴷ ⴱⴻⵍⵍⵉ ⵍⵎⴰⵔⵓⴽ ⴷ ⵜⴰⵎⵓⵔⵜ ⵜⴰⵎⴻⵏⵣⵓⵜ ⴷⴻⴳ ⵓⴼⴰⵔⵉⵙ ⵏ ⵍⵃⵛⵉⵛ ⴷⴻⴳ ⵓⵎⴰⴹⴰⵍ, ⵢⴻⵔⵏⴰ ⴷ ⵏⴻⵜⵜⴰ ⵉ ⴷ ⴰⵎⵓⴼⴼⴻⵖ ⴰⵎⴻⵇⵇⵔⴰⵏ ⵏ ⵔⵔⴰⵜⵉⵏⵊ ⵏ ⵓⴽⵉⵏⴰⴱ (ⵛⴰⵏⵏⴰⴱⵉⵙ) ⵖⴻⵔ ⵜⴰⴷⵓⴽⵍⵉ ⵏ ⵜⵓⵔⵓⴼⵜ.
ⴰⵔⵏⵓ ⵖⴻⵔ
