ⵢⴻⵎⵎⴻⵙⵍⴰⵢ ⵓⵏⴻⵖⵍⴰⴼ ⵏ ⵜⵏⴻⵣⵣⵓⵜ ⵏ ⴱⴻⵔⵔⴰ ⴷ ⵓⵙⵏⴻⵔⵏⵉ ⵏ ⵢⵉⴼⴰⵔⴽⵉⵙ (ⴻⵅⵃⵓⵔⵜⵙ), ⵎⴰⵙⵙ ⴽⴰⵎⴻⵍ ⵔⴻⵣⵉⴳ, ⴰⵙⵙ-ⴰ ⵏ ⵍⴻⵜⵏⵉ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴷ ⵓⵏⴻⵖⵍⴰⴼ ⵏ ⵜⵏⴻⵣⵣⵓⵜ ⴷ ⵙⵚⴻⵏⴰⵄⴰ ⵏ ⵜⴳⴷⵓⴷⴰ ⵏ ⵜⵛⴰⴷ, ⵎⴰⵙⵙ ⵎⴰⵜⵀⵉⴻⵓ ⴳⵓⵉⴱⵓⵍⵓ ⴼⴰⵏⴳⴰ. ⵜⴰⵎⵍⵉⵍⵉⵜ-ⴰⴳⵉ ⵜⴻⵍⵍⴰ-ⴷ ⵉ ⵓⴷⵉⵡⴻⵏ ⵖⴻⴼ ⵢⵉⴱⴻⵔⴷⴰⵏ ⵏ ⵓⵙⵏⴻⵔⵏⵉ ⵏ ⵜⴰⵍⵍⴻⵍⵜ ⴷ ⵜⴷⵓⴽⵍⵉ ⵏ ⵜⴷⴰⵎⵙⴰ ⴷ ⵜⵏⴻⵣⵣⵓⵜ ⴳⴰⵔ ⵜⵎⵓⵔⴰ ⵏ ⵙⵏⴰⵜ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⴷⵢⴰⵏ ⵏ ⵜⵏⴻⵖⵍⴰⴼⵜ.
ⵜⴰⵎⵍⵉⵍⵉⵜ-ⴰⴳⵉ ⵉ ⴷ-ⵢⴻⵍⵍⴰⵏ ⴷⴻⴳ ⵓⵎⴻⵣⴷⵓⵖ ⵏ ⵜⵏⴻⵖⵍⴰⴼⵜ, ⵜⵓⵙⴰ-ⴷ ⴷⴻⴳ ⵔⵔⵉⴼ ⵏ ⵓⵏⵓⵔⵎⵓⵎ ⵏ ⵢⵉⵎⴻⵀⵍⴻⵔ ⵏ ⵜⵙⴻⴷⴷⴰⵔⵜ ⵜⴰⵎⴻⵏⵣⵓⵜ ⵏ ⵓⵙⵇⴰⵎⵓ ⵏ ⵢⵉⵔⴳⴰⵣⴻⵏ ⵏ ⵢⵉⵎⴻⵀⵍⴻⵔ ⴰⵣⵣⴰⵢⵔⵉ-ⴰⵜⵛⴰⴷⵉ. ⵜⴻⵍⵍⴰ ⴷ ⵜⴰⴳⵏⵉⵜ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵎⵢⴻⴱⴷⴻⵍ ⵏ ⵔⵔⴰⵢ ⵖⴻⴼ ⵓⵙⵏⴻⵔⵏⵉ ⵏ ⵡⴰⵙⵙⴰⵢⴻⵏ ⵏ ⵜⴷⴰⵎⵙⴰ ⴷ ⵜⵏⴻⵣⵣⵓⵜ ⵉⵡⴰⴽⴽⴻⵏ ⴰⴷ ⴷ-ⵜⴻⵜⵜⵡⴰⵙⴻⴼⵔⴻⵣ ⵍⴻⴱⵖⵉ ⵏ ⵍⴻⵣⵣⴰⵢⴻⵔ ⴷ ⵜⵛⴰⴷ ⴷⴻⴳ ⵓⵙⵏⴻⵔⵏⵉ ⵏ ⵜⴷⵓⴽⵍⵉ ⴷ ⵓⵙⴻⵎⵔⴻⵙ ⵏ ⵓⵏⵢⵓⴷⴷⵓ ⵏ ⵜⵏⴻⵣⵣⵓⵜ.
ⵙⵎⴻⵙⵍⴰⵢⴻⵏ ⴷⴰⵖⴻⵏ ⵖⴻⴼ ⵓⵙⴰⵍⵉ ⵏ ⵢⵉⵡⴻⵜ ⵏ ⵜⵉⵎⵣⵉⴽⴻⵏⵜ (ⴼⴰⵉⵔ) ⵏ ⵢⵉⴼⴰⵔⴽⵉⵙ ⴰⵣⵣⴰⵢⵔⵉⵢⴻⵏ ⴷⴻⴳ ⵜⵎⵓⵔⵜ ⵏ ⵜⵛⴰⴷ, ⵉⵡⴰⴽⴽⴻⵏ ⴰⴷ ⴷ-ⵜⵜⵡⴰⵙⴻⴼⵔⴰⵣⴻⵏⵜ ⵜⵉⵣⴻⵎⵎⴰⵔ ⵏ ⵓⴼⴰⵔⵉⵙ ⴰⵖⴻⵍⵏⴰⵡ ⴷ ⵙⵚⵉⴼⴰ ⵏ ⵙⵙⴻⵍⵄⴰ ⵏ ⵍⴻⵣⵣⴰⵢⴻⵔ, ⵔⵏⵓ ⵖⴻⵔ ⵡⴰⵏⵏⴻⵛⵜ-ⴰ ⴰⴷ ⴷ-ⵢⵉⵍⵉ ⵓⵏⵏⵓⵔⵣⴻⵎ ⵏ ⵙⵙⵓⵇ ⵏ ⵜⵛⴰⴷ ⵉ ⵢⵉⵎⵙⴻⴱⴹⴰⵢⴻⵏ ⴰⵣⵣⴰⵢⵔⵉⵢⴻⵏ ⵉⵡⴰⴽⴽⴻⵏ ⴰⴷ ⴷ-ⵏⴰⴷⵉⵏ ⵉⵙⵓⴼⴰ ⵏ ⵜⴷⵓⴽⵍⵉ.
ⴷⴻⴳ ⵡⴰⵏⵏⴰⵔ-ⴰⴳⵉ, ⵙⵏⴰⵜ ⵏ ⵜⵎⵓⵔⴰ ⴱⴻⵔⵔⵃⴻⵏ ⵖⴻⴼ ⵓⴱⴻⵇⵇⴻⵙ ⵏ ⵓⵎⵢⴻⵣⵣⵡⴻⵔ ⵉⵎⴻⵔⴳⵉ (ⵛⵓⵏⵜⴰⵛⵜ ⴷⵉⵔⴻⵛⵜ) ⴳⴰⵔ ⵢⵉⵔⴳⴰⵣⴻⵏ ⵏ ⵢⵉⵎⴻⵀⵍⴻⵔ ⵏ ⵜⵎⵓⵔⴰ ⵏ ⵙⵏⴰⵜ ⵙ ⵓⴱⵔⵉⴷ ⵏ ⵓⵙⵇⴰⵎⵓ-ⴰⴳⵉ ⵏ ⵢⵉⵎⴻⵀⵍⴻⵔ ⴰⵣⵣⴰⵢⵔⵉ-ⴰⵜⵛⴰⴷⵉ, ⴷ ⵓⵙⵏⴻⵔⵏⵉ ⵏ ⵢⵉⵎⴻⵀⵍⴻⵔ ⵏ ⵜⴷⴰⵎⵙⴰ ⵢⴻⴷⴷⵓⴽⴽⵍⴻⵏ ⵉ ⵓⵙⵏⴻⵔⵏⵉ ⵏ ⵓⵏⵢⵓⴷⴷⵓ ⵏ ⵜⵏⴻⵣⵣⵓⵜ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⵓⵏⴰⴱⴰⵖ-ⵏⵏⵉ.
ⴰⵔⵏⵓ ⵖⴻⵔ
