ⵜⴻⵙⵙⴻⵍⵡⴰⵢ ⵜⵏⴻⵖⵍⴰⴼⵜ ⵏ ⵓⵙⴻⴳⵎⵉ ⴰⵖⴻⵍⵏⴰⵡ ⵉⵎⴰⵍⴰⵙ ⴰⵖⴻⵍⵏⴰⵡ ⵏ ⵓⵙⴰⵍⴰⵏ ⴷ ⵜⴻⵡⵡⵓⵔⴰ ⵍⴷⵉⵏⵜ ⵖⴻⴼ ⵓⵙⴻⵏⵎⴰⵔ ⵏ ⵓⵖⴻⵔⴱⴰⵣ ⴷ ⵡⵉⵏ ⴰⵎⴻⵣⵣⵓⵍⴰⵏ ⵉ ⵓⵙⴻⴳⴳⴰⵙ ⵏ ⵓⵍⵎⵓⴹ 2025/2026. ⴰⵢⴰⴳⵉ ⴷ ⴰⵃⵔⵉⵛ ⴷⴻⴳ ⵓⴱⵔⵉⴷ ⵏ ⵓⵙⴻⴶⵀⴻⴷ ⵏ ⵓⵙⴼⵓⵍⴻⵍ ⵏ ⵢⵉⵏⴻⵍⵎⴰⴷⴻⵏ ⴷⴻⴳ ⵓⴱⵔⵉⴷ-ⵏⵙⴻⵏ ⵏ ⵓⵍⵎⵓⴹ ⴷ ⵓⵎⴰⵀⵉⵍ ⵉⵡⴰⴽⴽⴻⵏ ⴰⴷ ⴱⵏⵓⵏ ⴰⵙⴻⵏⴼⴰⵔ-ⵏⵙⴻⵏ ⵏ ⵢⵉⵎⴰⵍ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ ⴰⵙⵙ-ⴰ ⵏ ⵍⴻⵜⵏⵉⵢⴻⵏ.
ⵉⵎⴰⵍⴰⵙ-ⴰⴳⵉ, ⴰⵔⴰ ⵢⵉⴷⵓⵎⴻⵏ ⴰⵔⵎⵉ ⴷ ⴰⵙⵙ ⵏ ⵍⴻⵅⵎⵉⵙ ⵉ ⴷ-ⵉⵜⵜⴻⴷⴷⵓⵏ, ⴷ ⴰⵎⵔⴰⵃ ⵏ ⵓⵙⴻⴳⵎⵉ ⴷ ⵜⴻⵢⵡⴰⵍⵜ ⵉ ⵢⴻⴱⵖⴰⵏ ⴰⴷ ⵢⴻⴶⴶ ⵉⵏⴻⵍⵎⴰⴷⴻⵏ ⴰⴷ ⵡⴰⵍⵉⵏ ⵙ ⵜⴰⵔⵔⴰⵢⵜ ⵜⵓⵙⵙⵏⴰⵏⵜ ⵢⴰⴽⴽ ⵢⵉⴱⵔⵉⴷⴻⵏ ⵏ ⵓⵍⵎⵓⴹ ⴷ ⵓⵙⵉⵍⴻⵖ. ⴷⴰⵖⴻⵏ, ⵉⵙⵡⵉ-ⵉⵙ ⴷ ⵜⵓⵇⵇⵏⴰ ⵏ ⵓⴼⵔⴰⵏ-ⵏⵙⴻⵏ ⵏ ⵢⵉⵎⴰⵍ ⴷ ⵢⵉⴱⴻⴷⴷⵉⵍⴻⵏ ⵉⵇⵎⵉⵢⴻⵏ ⴷ ⵜⵓⴽⴽⵉⵙⵉⵡⵉⵏ ⵏ ⵓⵙⵏⴻⴼⵍⵉ ⴰⵖⴻⵍⵏⴰⵡ, ⵍⴰⴷⵖⴰ ⵙ ⵜⵉⴷⴷⵉ ⵏ ⵜⵎⵓⵀⴰⵍ ⵉⵕⴻⵙⵙⴰⵏ ⵙ ⵜⵉⵜⵉⴽⵏⵓⵍⵓⵊⵉⵢⵉⵏ ⵜⵉⵎⴰⵢⵏⵓⵜⴻⵏ ⵉ ⵙⵙⴰⵔⴰⵎⴻⵏ ⵢⵉⵏⴻⵍⵎⴰⴷⴻⵏ ⴰⴷ ⴽⵛⵛⵎⴻⵏ ⵖⵓⵔ-ⵙⴻⵏⵜ.
ⴷⴻⴳ ⵓⵏⵏⴰⵔ-ⴰⴳⵉ, ⵜⴰⵏⴻⵖⵍⴰⴼⵜ ⵜⴻⵡⵡⵉ-ⴷ ⵜⴰⵔⵔⴰⵢⵉⵏ ⵉⵕⴻⵙⵙⴰⵏⴻⵏ ⵉ ⵓⵙⵓⴷⴷⴻⵙ ⵏ ⵜⴻⴳⴳⴰⵡⵜ-ⴰⴳⵉ ⴷⴻⴳ ⵢⴰⴽⴽ ⵜⵉⵎⵓⵙⵏⵉⵡⵉⵏ ⵏ ⵓⵙⴻⴳⵎⵉ ⴷ ⵡⴰⵎⵎⴰⵙⴻⵏ ⵏ ⵓⵙⴻⵏⵎⴰⵔ, ⵙ ⵓⵎⵙⴰⵙⴻⵢ ⴷ ⵢⵉⵏⵏⴰⵔⴻⵏ ⵏⵏⵉⴹⴻⵏ ⵉ ⵢⴻⵙⵄⴰⵏ ⵏⴼⴰⵄ ⵉⵎⴻⵣⴷⴰⵢⴻⵏ. ⴰⴷ ⴷ-ⵉⵍⵍⵉⵏⵜ ⵜⴻⵡⵡⵓⵔⴰ ⵍⴷⵉⵏⵜ, ⵜⵉⵎⴻⵙⵍⴰⵢⵉⵏ ⴷ ⵍⵡⴻⵕⵛⴰⵜ ⵏ ⵓⵙⵏⴻⵙ ⵙ ⵜⵎⵓⵖⵍⵉ ⵏ ⵢⵉⵎⵓⵣⵣⴰⴳⴻⵏ, ⵙ ⵓⵙⴻⵏⴽⴻⴷ ⵏ ⵡⴰⵍⵍⴰⵍⴻⵏ ⵉⵇⵎⵉⵢⴻⵏ ⵉ ⵓⵙⵙⴻⵜⴼⴻⵀⵎ ⵖⴻⴼ ⵜⵎⵓⵀⴰⵍ ⴷ ⵢⵉⴱⵔⵉⴷⴻⵏ ⵏ ⵓⵍⵎⵓⴹ.
ⵡⵉⴷ ⵉ ⴷ-ⵢⴻⵙⵙⵓⴷⴷⵙⴻⵏ ⴰⵀⵉⵍ-ⴰⴳⵉ ⵙⴻⵏⵏⴻⴷⴻⵏ ⵖⴻⴼ ⵓⵙⴻⴶⵀⴻⴷ ⵏ ⵓⵎⴰⵀⵉⵍ ⵏ ⵓⵙⴰⵍⴰⵏ ⴷ ⵓⵙⴻⵏⵎⴰⵔ ⵏ ⵓⵖⴻⵔⴱⴰⵣ ⵉ ⵓⵙⴼⵓⵍⴻⵍ ⵏ ⵓⵏⴻⵍⵎⴰⴷ ⴷⴻⴳ ⵢⵉⵙⵡⵉⵔⴻⵏ ⵏ ⵓⵙⴻⵍⵎⴻⴷ ⴰⵏⴰⵎⵎⴰⵙ ⴷ ⵡⵉⵏ ⵏ ⵜⵉⵙⵉⵏⴰⵡⵉⵜ, ⵙ ⵓⵣⴻⴶⴶⴻⴷ ⵖⴻⴼ ⵢⵉⵊⵎⵉⵍⴻⵏ ⵏ ⵢⵉⴽⴽⴰⵢⴰⴷⴻⵏ.
ⴷⴰⵖⴻⵏ, ⵜⵉⴳⴳⴰⵡⵜ-ⴰⴳⵉ ⵜⴻⵜⵜⴻⴽⴽⵉ ⴷⴻⴳ ⵓⵙⴻⵏⴽⴻⴷ ⵏ ⵢⵉⵙⴰⵍⴰⵏ ⵉ ⵉⵄⴰⵡⵡⴻⵏ ⴰⵏⴻⵍⵎⴰⴷ ⴷⴻⴳ ⵓⴼⵔⴰⵏ-ⵉⵙ ⵉⵡⴰⴽⴽⴻⵏ ⴰⴷ ⵢⴻⵙⴱⴻⴷⴷ ⴰⵙⴻⵏⴼⴰⵔ-ⵉⵙ ⵏ ⵢⵉⵎⴰⵏ, ⵓ ⴰⴷ ⴷ-ⵢⴻⵔⵔ ⵜⴰⵎⴰⵡⵜ ⵖⴻⴼ ⵡⴰⵣⴰⵍ ⵏ ⵜⵎⵓⵀⴰⵍ ⵜⵉⵜⵉⴽⵏⵉⴽⵉⵏ, ⵜⵉⵜⵉⴽⵏⵓⵍⵓⵊⵉⵢⵉⵏ ⴷ ⵜⵓⵙⵏⴰⴽⵜ.
ⴰⵔⵏⵓ ⵖⴻⵔ
