ⴱⴷⴰⵏ, ⵡⴰⵙⵙ-ⴰ ⵏ ⵜⵜⵍⴰⵜⴰ, ⵢⵉⵎⴻⵀⵍⴰⵏ ⵏ ⵡⴰⵍⵍⴰⵙ ⵏ ⵓⵙⵉⵙⵎⴻⵍ ⵏ ⵜⴰⵔⴱⴰⵄⵜ ⵏ ⵓⵏⴰⴷⵉ ⴷ ⵓⵙⴻⵍⵍⴻⴽ ⴷⴻⴳ ⵜⴰⵎⵉⵡⵉⵏ ⵏ ⵜⴻⵎⴷⵉⵏⵜ ⴰⵍⴳ ⵀⵓⵙⴰⵔ 01, ⵙ ⴷⴷⴰⵡ ⵏ ⵜⵙⴻⴷⵎⵉⵔⵜ ⵏ ⵓⵎⴰⵔⴰⵢ ⴰⵎⴰⵜⵓ ⵏ ⵜⴻⵃⵔⴰⵣⵜ ⵜⴰⵖⴰⵔⵉⵎⵜ, ⵍⴽⵓⵍⵓⵏⴻⵍ ⴱⵓⵓⴰⵍⴻⵎ ⴱⵓⵓⵖⵍⴰⴼ, ⵙ ⵜⵜⴻⴽⴽⵉ ⵏ ⵢⵉⵎⴰⵙⵍⴰⵢⴻⵏ ⴷ ⵢⵉⵎⵙⴰⵢⴻⵏ ⵉⴳⵔⴰⵖⵍⴰⵏⴻⵏ ⵏ ⵜⵙⴻⴽⵔⵉⵜⴰⵔⵜ ⵜⴰⵎⴰⵜⵓ ⵏ ⵜⵙⵓⴷⴰ ⵏ ⵓⵏⴰⴷⵉ ⴷ ⵓⵙⴻⵍⵍⴻⴽ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ (ⵉⵏⵙⴰⵔⴰⴳ).
ⵉⵍⵎⴻⵏⴷ ⵏ ⵓⴷⵢⴰⵏ ⵏ ⵜⴻⵃⵔⴰⵣⵜ ⵜⴰⵖⴰⵔⵉⵎⵜ, ⵉⵎⴻⵀⵍⴰⵏ-ⴰⴳⵉ "ⴱⴷⴰⵏ ⵙ ⵓⵙⴼⵓⴽⴽⴻⵍ ⵏ ⵜⴰⵙⵓⴷⴷⴻⵙⵜ ⵜⴰⴷⴻⴱⵍⴰⵏⵜ ⴷ ⵜⵉⵏ ⵏ ⵓⵅⴻⴷⴷⵉⵎ ⵏ ⵜⴷⵉⵔⴻⴽⵙⵉⵢⵓⵏ ⵜⴰⵎⴰⵜⵓⵜ ⵏ ⵜⴻⵃⵔⴰⵣⵜ ⵜⴰⵖⴰⵔⵉⵎⵜ, ⵉ ⴷⴻⴳ ⴷ-ⵢⴻⵍⵍⴰ ⵓⵙⴽⴰⵏ ⵏ ⵜⴰⵔⴱⴰⵄⵉⵏ ⵏ ⵓⵅⴻⴷⴷⵉⵎ, ⴷ ⵓⵏⴰⴳⵔⴰⵡ ⵏ ⵓⵅⴻⴷⴷⵉⵎ ⵉ ⵓⵇⴰⴱⴻⵍ ⵏ ⵢⵉⵎⵉⵉⵣⵉⵢⴻⵏ ⵏ ⵢⴰⵍ ⴰⵙⵙ ⴷ ⵡⵉⴷ ⵉⵎⴻⵇⵇⵔⴰⵏⴻⵏ".
ⴷⴰⵖⴻⵏ ⵢⴻⵍⵍⴰ-ⴷ ⵓⵙⴼⵓⴽⴽⴻⵍ ⵏ ⵜⴰⵔⵔⴰⵢⵜ ⵏ ⵜⴰⵔⴱⴰⵄⵜ ⵏ ⵓⵏⴰⴷⵉ ⴷ ⵓⵙⴻⵍⵍⴻⴽ ⴷⴻⴳ ⵜⴰⵎⵉⵡⵉⵏ ⵏ ⵜⴻⵎⴷⵉⵏⵜ, ⵉ ⵢⴻⵡⵡⵉⵏ ⴰⵙⵉⵙⵎⴻⵍ ⴰⴳⵔⴰⵖⵍⴰⵏ ⴷⴻⴳ ⵓⵙⴻⴳⴳⴰⵙ ⵏ 2017. ⴷⴻⴳ ⵡⴰⵏⵏⴰⵔ-ⴰⴳⵉ, ⴰⵎⴷⴻⴱⴱⴻⵔ ⵏ ⵜⴰⵔⴱⴰⵄⵜ ⵉⵙⴻⴳⵣⵉ-ⴷ ⵉⵎⴻⵀⵍⴰⵏ-ⵉⵙ ⴷ ⵜⵣⴻⵎⵎⴰⵔ-ⵉⵙ ⵏ ⵓⵅⴻⴷⴷⵉⵎ.
ⴷⴻⴳ ⵡⴰⵏⵏⴰⵔ-ⴰⴳⵉ ⴷⴰⵖⴻⵏ, ⵢⴻⵍⵍⴰ-ⴷ ⵓⵙⴽⴰⵏ ⵏ ⵡⴰⵀⵉⵍ ⵏ ⵓⵜⴰⵔⵎⵓ ⵏ ⵡⴰⵏⵏⴰⵔ ⴰⵔⴰ ⴷ-ⵢⵉⵍⵉⵏ ⵜⴰⵎⴻⴷⴷⵉⵜ ⵏ ⵡⴰⵙⵙ-ⴰ, ⴰⵔⴰ ⵉⴷⵓⵎⵎⴻⵏ 36 ⵏ ⵙⵙⴰⵄⴰⵜ, ⵉ ⴷⴻⴳ ⴰⴷ ⴷ-ⵢⵉⵍⵉ ⵓⴽⴰⵢⴰⴷ ⴰⵎⴻⵇⵇⵔⴰⵏ ⵙ ⵓⴼⵓⵙ ⵏ ⵢⵉⵎⴰⵙⵍⴰⵢⴻⵏ ⵉⴳⵔⴰⵖⵍⴰⵏⴻⵏ.
ⵉⵎⴰⵙⵍⴰⵢⴻⵏ-ⴰⴳⵉ ⴰⴷ ⵔⵣⵓⵏ ⵉⵡⴰⴽⴽⴻⵏ ⴰⴷ ⵡⴰⵍⵉⵏ ⵎⴻⵕⵕⴰ ⵜⴰⵎⵉⵡⵉⵏ ⵜⴰⴷⴻⴱⵍⴰⵏⵉⵏ ⴷ ⵜⴻⴼⴻⴽⵡⵉⵏ (ⵍⵓⴳⵉⵙⵜⵉⵇⵓⴻ), ⴰⴽⴽⴻⴷ ⵓⴼⵔⴰⴳ ⵏ ⵡⴰⵍⵍⴰⵍⴻⵏ ⴷ ⵢⵉⴼⴻⵅⴽⴰⵏ ⴷ ⵢⵉⵎⴷⴰⵏⴻⵏ, ⵉⵡⴰⴽⴽⴻⵏ ⴰⴷ ⵡⴰⵍⵉⵏ ⴰⵙⵡⵉⵔ ⵏ ⵜⵓⴷⴷⵙⴰ ⵏ ⵜⴰⵔⴱⴰⵄⵜ ⵏ ⵓⵏⴰⴷⵉ ⴷ ⵓⵙⴻⵍⵍⴻⴽ, ⴷ ⵡⴰⵣⴰⵍ ⵏ ⵜⵣⴻⵎⵎⴰⵔ-ⵉⵙ ⴷⴻⴳ ⵢⵉⵎⴻⵀⵍⴰⵏ ⵏ ⵓⵃⵔⴰⵣ ⴷ ⵓⵙⴻⵍⵍⴻⴽ.
ⴰⵔⵏⵓ ⵖⴻⵔ
