ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵢⵓⵣⴻⵏ-ⴷ ⵉⵣⴻⵏ ⵉ ⵢⵉⵎⴻⴷⵔⴰⵡⴻⵏ ⴷⴻⴳ ⵜⵇⴰⵛⵓⵛⵜ ⵖⴻⴼ ⵓⵏⴻⵣⵡⵓ « ⵛoⵒ 31 » ⴷⴻⴳ ⴰⵏⵟⴰⵍⵢⴰ

ⴰⵏⵟⴰⵍⵢⴰ (ⵟⵟⵓⵔⴽ) - ⵢⵓⵣⴻⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱoⵓⵏⴻ, ⴰⵙⵙ ⵏ ⵓⴽⵡⴰⵙ, ⵉⵣⴻⵏ ⵉ ⵢⵉⵎⴻⴷⵔⴰⵡⴻⵏ ⴷⴻⴳ ⵢⵉⵎⴰⵀⵉⵍⴻⵏ ⵏ ⵜⵖⴻⵎⵍⵉⵍⵜ ⵜⵉⵙ 31 ⵏ ⵓⵙⴰⵔⴰⴳ ⵏ ⵢⵉⴷⵉⵙⴰⵏ ⵉⵣⴻⵎⵍⴻⵏ ⵜⴰⵎⵢⴰⵇⵇⴰⵏⵜ-ⴰⴽⴰⵜⴰⵔ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵖⴻⴼ ⵢⵉⵏⴼⴰⵍⴻⵏ ⵉⵏⴻⵣⵡⴰⵏⴻⵏ « ⵛoⵒ 31 », ⴷ ⵜⵉⵏ ⴷ-ⵢⴻⵜⵜⵉⵍⵉⵏ ⴷⴻⴳ ⵜⴻⵎⴷⵉⵏⵜ ⵏ ⵟⵟⵓⵔⴽ ⵏ ⴰⵏⵟⴰⵍⵢⴰ, ⴷ ⵡⵉⵏ ⴷ-ⵢⴻⵖⵔⴰ ⵓⵏⴻⵖⵍⴰⴼ ⴰⵎⴻⵏⵣⵓ, ⵎⴰⵙⵙ ⵙⵉⴼⵉ ⴳⵀⵔⵉⴻⴱ.

« ⵙ ⵢⵉⵙⴻⵎ ⵏ ⵢⵓⵛ, ⴰⵎⴰⵍⵍⴰⵢ, ⴰⵎⵏⴰⵀⴰⵖ,
     ⵜⴰⵍⴻⵎⵎⵉⵃⵜ ⵏ ⵢⵓⵛ ⴼⴻⵍⵍ-ⴰⵙ ⵉ ⵓⵎⴰⵣⵓⵏ,
     ⵜⵉⴼⴰⵣⵉⵢⵉⵏ, ⵉⵏⴰⵢⴰⵏⴻⵏ, ⵉⵙⴻⵍⵡⴰⵢⴻⵏ ⵏ ⵜⴻⴳⴷⵓⴷⴰ ⴷ ⵓⵏⴰⴱⴰⴹ,
     ⵎⴰⵙⵙ ⴰⵡⵏⴻⵜⵍⴰⵢ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ,
     ⵎⴰⵙⵙⴰⵡⴰⵜ ⴷ ⵎⴰⵙⵙⴰⵡ,
ⴷⴻⴳ ⵜⴰⵣⵡⴰⵔⴰ, ⵖⵙⴻⵖ ⴰⴷ ⵙⵙⵉⵡⴹⴻⵖ ⴰⵙⵏⴻⵎⵎⴻⵔ-ⵉⵏⵓ ⵏ ⵜⵉⴷⴻⵜ ⵉ ⵜⴻⴳⴷⵓⴷⴰ ⵏ ⵜⵜⵓⵔⴽ, ⴰⵙⴻⵍⵡⴰⵢ, ⴰⵏⴰⴱⴰⴹ ⴷ ⵡⴻⵖⵔⴻⴼ, ⵖⴻⴼ ⵡⴰⵔⵎⴰⵙ ⴰⵣⴻⵇⵇⴰⵍ ⴷ ⵜⵜⵉⵏⵏⵓⴽⴼⴻⵍⵜ ⵏ ⵓⵙⵏⵉⵊⴻⵡ, ⴰⴷ ⵙⵙⵉⵡⴹⴻⵖ ⴷⴰⵖⴻⵏ ⴰⵙⵏⴻⵎⵎⴻⵔ ⵉ ⵜⵙⴻⵍⵡⵉⵜ ⴷ ⵜⴻⵙⵏⴻⵜⵍⴰ ⵜⴰⵙⵍⴻⴽⵎⴰⵏⵜ ⵏ ⵜⴰⵎⵢⴰⵇⵇⴰⵏⵜ-ⴰⴽⴰⵜⴰⵔ ⵖⴻⴼ ⵓⵙⵙⵉⵙⴻⵏ-ⵏⵙⴻⵏ ⵉⵍⵎⴻⵏⴷ ⵏ ⵓⵙⵎⵓⵔⴻⵙ ⵏ ⵢⵉⵎⴰⵀⵉⵍⴻⵏ ⵏ ⵓⵙⴰⵔⴰⴳ-ⵏⵏⴻⵖ, ⵉ ⴷ-ⵢⴻⵜⵜⵉⵍⵉⵏ ⴷⴻⴳ ⵓⵙⴻⴳⴳⴰⵙ ⵡⵉⵙ ⵎⵔⴰⵡ ⵙⴻⴳⵎⵉ ⵉ ⴷ-ⵜⵜⵡⴰⵙⵙⵎⴻⵎⵎⵉ ⵜⴰⵎⵢⴰⵇⵇⴰⵏⵜ ⵏ ⵒⴰⵔⵉⵙ.
ⴰⴽⵜⴰⵣⴻⵍ ⴰⵎⴻⵣⵡⴰⵔⵓ ⴰⵏⵎⴰⴹⴰⵍ ⵢⴻⵙⴽⴻⵏ-ⴷ ⴷⴰⴽⴽⴻⵏ ⵓⵙⵙⵉⵙ ⴰⵎⴻⵣⴷⴰⵢ ⵉ ⵓⵇⴰⴱⴻⵍ ⵏ ⵢⵉⵏⴼⴰⵍⴻⵏ ⵉⵏⴻⵣⵡⴰⵏⴻⵏ ⵢⴻⵇⵇⵉⵎ ⴷⴷⴰⵡ ⵏ ⵓⵖⴰⵡⴰⵙ ⵉ ⵖⴻⴼ ⵏⴻⵎⵎⵉⵔⴻⵡ, ⵢⴻⵔⵏⵓ ⴷⴰⴽⴽⴻⵏ ⴰⵖⵉⵍⵉⴼ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵉⴷⵔⴻⵎ ⵓⵔ ⵢⴻⵇⵇⵉⵎ ⴰⵔⴰ ⴷ ⵢⴻⵎⵖⵉⵔ ⵖⴻⴼ ⵡⵉⵏ ⵏ ⵓⵙⴻⵏⵇⴻⵙ ⵏ ⵢⵉⵙⴳⴰⵍⴻⵏ. ⵙ ⵡⴰⵎⵎⴰ, ⵏⴻⴱⴹⴰ ⵙ ⵡⵓⵍ ⵢⴻⵚⴼⴰⵏ ⵓⴳⴳⵓⵎ ⵏ ⵜⵙⴻⵍⵡⵉⵜ ⴰⴷ ⵜⵉⵍⵉ ⵜⵏⴻⵖⵔⵉⵜ-ⴰ ⴷ ⵜⵉⵏ ⵏ « ⵓⵙⴻⵍⴽⴻⵎ ».
     ⵉⵏⴰⵢⴰⵏⴻⵏ, ⵜⵉⴼⴰⵣⵉⵢⵉⵏ,
ⴷⵣⴰⵢⴻⵔ, ⵉ ⴷⴻⴳ ⵓⴳⴰⵔ ⵏ ⵡⴻⵣⴳⴻⵏ ⵏ ⵓⴳⴻⵍⵍⵓⵢ-ⵏⵏⴻⵙ ⵢⴻⵣⴳⴰ ⴷⴻⴳ ⵓⵙⵓⵏ ⴰⴽⵉⵡⴰⵏ ⵏⴻⵖ ⵏ ⵓⵙⵓⵏ ⵏ ⵡⴰⴽⵉⵡⴰⵏ, ⵓⵔ ⵜⴻⵜⵜⴻⴷⴷⵉⵔ ⴰⵔⴰ ⴰⵏⴼⴰⵍ ⴰⵏⴻⵣⵡⴰⵏ ⴰⵎ ⵜⴰⵙⵏⴰⵣⴻⵔⵜ ⵜⵓⴳⴳⵉⴳⵜ, ⵡⴰⵏⴰⴳ ⴰⵎ ⵜⵉⵍⴰⵡⵜ ⵜⴰⴽⵎⴰⵎⵜ ⵉ ⴷ-ⵢⴻⵡⵡⵜⴻⵏ ⴷⴻⴳ ⵡⵓⵍ ⵏ ⵜⴰⵖⴻⵍⵍⵉⵙⵜ-ⵏⵏⴻⵙ ⵜⴰⵎⴰⵏⴰⵏⵜ ⴷ ⵜⴰⵏⵓⵞⵞⵉⵜ, ⵖⴻⴼ ⵡⴰⵎⵎⴰ ⵜⴻⵜⵜⵇⴰⴱⴰⵍ ⴰⵙⴻⴽⴽⵉ ⵏ ⵜⵏⴻⵥⵔⵓⴼⵜ, ⵜⴰⵣⵣⵍⴰ ⵏ ⵢⵉⴷⴻⴳⴳⴻⵏ ⵏ ⵓⵖⵓⵔⴰⵔ ⴷ ⵓⵙⵏⴻⵔⵏⵉ ⵏ ⵡⴰⴷⴻⴳ ⵜⵎⴻⵙⵙⵉⵡⵉⵏ ⵏ ⵜⵣⴻⴳⵡⴰ, ⵙⴻⴳ ⵡⴰⵎⵎⴰ, ⵢⴻⵍⵍⴰ ⴷ ⴰⵏⴰⴹ ⴰⴷ ⵏⴻⵔⵔ ⵜⴻⵎⵙⴰⵍⵜ-ⴰ ⴷⴻⴳ ⵜⵍⴻⵎⵎⴰⵙⵜ ⵏ ⵜⵙⴻⵔⵜⵉⵢⵉⵏ-ⵏⵏⴻⵖ ⵜⵉⵏⴰⴳⴷⵓⴷⵉⵏ ⴷⴻⴳ ⵓⴽⴰⵜⴰⵔ ⴰⵙⵓⴷⴰⵏ ⴷ ⵓⵙⵖⵉⵡⴻⵙ ⵉ ⵢⴻⵜⵜⵏⴻⵔⵏⵉⵏ ⵙ ⵜⴰⵣⵣⵍⴰ.
ⵖⴻⴼ ⵡⴰⵎⵎⴰ ⵓⴷⴻⴳ ⵢⵉⵡⴻⵏ ⵏ ⵡⴰⴽⵓⴷ, ⵏⴻⵞⵞⵏⵉ ⵣⴰⴷⵜ ⵏ ⵜⴰⴳⴷⴰ ⵜⴰⵙⴻⴷⴷⵉⵜⵏ ⵏⴻⵜⵜⴰⵜ ⴷ ⵜⴰⴹⵓⵍⵍⵉⵜ ⵏ ⵜⵔⵉⵔⵉⵜ ⵖⴻⴼ ⵢⵉⵣⵉⵜⴰⵍⴻⵏ ⵏ ⵡⴻⵖⵔⴻⴼ-ⵏⵏⴻⵖ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵏⴻⴳⵎⵓ ⴷ ⵓⵙⴻⵎⵔⴻⵙ, ⴷ ⵜⵉⵅⵅⵓⵜⴻⵔⵜ ⵏ ⵓⵡⴻⵙ ⴷⴻⴳ ⵓⵙⵙⵉⵙ ⴰⵏⵎⴰⴹⴰⵍ ⵏ ⵓⵙⴻⵏⵇⴻⵙ ⵏ ⵢⵉⵙⴳⴰⵍⴻⵏ, ⵖⴰⵙ ⴰⴽⴽⴻⵏ ⴰⵡⵡⴰⵙ-ⵏⵏⴻⵖ ⴷⴻⴳ ⵡⴰⵢⴰ ⵢⴻⴷⵔⴻⵙ. ⵜⴰⵔⵔⴰⵢⵜ-ⵏⵏⴻⵖ ⵉ ⵜⵔⵉⵔⵉⵜ ⵏ ⵜⴰⴳⴷⴰ-ⴰ ⵜⴻⵍⵍⴰ ⴷⵉⵎⴰ ⴷ ⵜⵉⵏ ⵉⴱⴰⵏⴻⵏ ⵢⴻⵔⵏⵓ ⵓⵔ ⵜⴻⵙɛⵉ ⵓⵍⴰ ⴷ ⵢⵉⵡⴻⵏ ⵏ ⵓⵙⵉⴼⵔⴻⵔ, ⵓⵔ ⵢⴻⵍⵍⵉ ⵓⵖⵉⵍⵉⴼ ⴳⴰⵔ ⵓⵏⴻⴳⵎⵓ ⴷ ⵜⵉⴳⴰⵡⵜ ⵜⴰⵏⴻⵣⵡⴰⵏⵜ, ⵙⴻⴳ ⵎⵉ ⵜⵓⴽⴽⵉⵜ ⵜⴻⵜⵜⵉⵍⵉ ⵙ ⵜⴰⵔⵔⴰⵢⵜ ⵜⴰⵎⴻⵏⵏⵓⵏⵜ ⵢⴻⵔⵏⵓ ⵜⴻⵜⵜⵡⴰⴹⴼⴻⵔ ⵙ ⵓⴷⵀⴰⵍ ⴰⴹⵓⵍⵍⵉ ⵉ ⴷ-ⵜⴻⵡⵡⵉ ⵜⴰⵎⵢⴰⵇⵇⴰⵏⵜ ⵏ ⵒⴰⵔⵉⵙ.
     ⵜⵉⴼⴰⵣⵉⵢⵉⵏ, ⵉⵏⴰⵢⴰⵏⴻⵏ,
ⴷⴻⴳ ⵓⴱⵔⵉⴷ-ⴰ, ⴷⵣⴰⵢⴻⵔ ⵜⴻⵙⵙⵉⴷⴻⴼ ⴰⵡⵡⴰⵙ-ⵏⵏⴻⵙ ⵢⴻⵜⵜⵡⴰⴼⴻⵔⵏⴻⵏ ⵖⴻⵔ ⵓⵙⵡⵉⵔ ⴰⵖⴻⵍⵏⴰⵡ, ⵉ ⴷⴻⴳ ⵢⴻⵍⵍⴰ ⵉⵙⵡⵉ ⴰⵔⵓⵡⵜⵉⵍ ⵏ ⵓⵙⴻⵏⵇⴻⵙ ⵏ ⵢⵉⵙⴳⴰⵍⴻⵏ ⵙ (14 %) ⴷⴻⴳ ⵢⵉⵙⴻⴳⴳⴰⵙⴻⵏ ⵏ 2035, ⵉ ⴷ-ⵢⴻⵜⵜⵡⴰⵙⵉⴷⵔⴻⵎⴻⵏ ⵙ ⵜⴻⵖⴱⵓⵍⴰ-ⵏⵏⴻⵖ ⵜⵉⵖⴻⵍⵏⴰⵡⵉⵏ, ⵢⴻⵔⵏⵓ ⵏⴻⵎⵎⵓⵜⴻⴳ ⴰⴷ ⵜ-ⵏⴻⵙⵙⵉⵍⵉ ⵖⴻⵔ (31 %) ⴷⴻⴳ ⵢⵉⵙⴻⴳⴳⴰⵙⴻⵏ ⵎⴰ ⵢⴻⵍⵍⴰ ⵓⴷⵀⴰⵍ ⴰⴳⵔⴰⵖⵍⴰⵏ ⵢⴻⵍⵍⴰ ⵜⵉⴷⴻⵜ.
ⴷ ⴰⵡⵡⴰⵙ ⴰⵣⵉⵜⴰⵍ ⵎⴰ ⵏⴻⵇⵇⴻⵍ ⵖⴻⵔ ⵢⵉⴽⴻⵜⵜⵓⵔⴻⵏ ⴷ ⵜⵣⴻⵎⵎⴰⵔ ⵉ ⵜⴻⵙɛⴰ ⵜⵎⵓⵔⵜ-ⵉⵏⵓ, ⵢⴻⵔⵏⵓ ⴷ ⵡⵉⵏ ⵢⴻⵜⵜⵉⵍⵉⵏ ⵖⴻⴼ ⵜⵉⵍⴰⵡⵜ ⵎⴰ ⵏⴻⵇⵇⴻⵍ ⵖⴻⵔ ⵜⴻⵡⵜⵉⵍⵉⵏ-ⵏⵏⴻⵙ ⵜⵉⵖⴻⵍⵏⴰⵡⵉⵏ.
ⵏⴻⵎⵎⵉⵔⴻⵡ ⴰⴷ ⵏⴻⵔⵔ ⴰⵡⵡⴰⵙ-ⴰ ⴷ ⵜⵉⵙⴻⵔⵜⵉⵢⵉⵏ ⴷ ⵢⵉⵙⴻⵏⴼⴰⵔⴻⵏ ⵉⵖⴻⵍⵏⴰⵡⴻⵏ ⵉⴽⵎⴰⵎⴻⵏ: ⵏⴻⴱⴷⵓ, ⵙ ⵓⵙⵉⴷⵔⴻⵎ ⴰⵖⴻⵍⵏⴰⵡ, ⴰⵙⴻⴹⵔⵓ ⵏ ⵜⴰⴽⴽⴰⵢⵜ ⵜⴰⵎⴻⵣⵡⴰⵔⵓⵜ ⵏ ⵡⴰⵀⵉⵍ ⵉ ⵢⴻⵍⵍⴰⵏ ⵉⵙⵡⵉ ⵏ ⵡⴰⵡⵡⴰⴹ ⵖⴻⵔ 15 ⵏ ⵢⵉⴳⵉⵎⴻⵏ ⵏ ⵢⵉⵎⵉⴳⴰⵡⴰⵟⴻⵏ ⵙⴻⴳ ⵜⴻⵒⵣⵡⴰⵔ ⴷ-ⵢⴻⵜⵜⵓⵖⴰⵍⴻⵏⵉ ⴷⴻⴳ ⵢⵉⴳⵍⴰⵏ ⵏ 2035, ⵢⴻⵔⵏⵓ ⵏⴻⵙⵙⵎⴻⵎⵎⵉ ⵜⴰⵙⵏⵓⴷⴷⴻⵙⵜ ⵜⴰⵖⴻⵍⵏⴰⵡⵜ ⵏ ⴰⵀⵉⴷⵕⵓⵊⵉⵏ. ⵏⵓⵛⴰ ⴷⴰⵖⴻⵏ ⴰⴹⴽⴰⵍ ⵓⵣⵣⵉⴳ ⵉ ⵜⴰⵎⴻⵍⵍⵉⵍⵜ ⵏ ⵜⴻⵥⵡⴻⵔⵜ ⴷ ⵓⵙⵏⴻⴳⵎⵓ ⵏ ⵓⵎⴻⵙⵏⵉ ⴰⵎⴻⵣⴷⴰⵢ, ⴰⴽⴽⴻⵏ ⴷⴰⵖⴻⵏ ⵉ ⵏⴻⵙⵙⴻⵏⵇⴻⵙ ⴷⴻⴳ ⵓⵙⴻⵔⵖⵉ ⵏ ⵡⵓⵔⵔⵉⴳ ⴷ ⵢⵉⵙⴳⴰⵍⴻⵏ ⵏ ⵓⵎⵉⵜⴰⵏ.
ⵎⴰ ⴷ ⴰⵙⴻⵣⴳⵉ, ⵢⴻⵍⵍⴰ ⵉ ⴷⵣⴰⵢⴻⵔ ⴷ ⵜⵓⵣⵡⵉⵔⵜ ⵜⵓⵙⴱⵉⴹⵜ, ⵜⵎⵓⵔⵜ-ⵉⵏⵓ ⵜⴻⵜⵜⴽⴻⵎⵎⵉⵍ ⴰⵃⵔⴰⵣ ⵏ ⵜⴰⵖⴻⵍⵍⵉⵙⵜ-ⵏⵏⴻⵙ ⵜⴰⵎⴰⵏⴰⵏⵜ ⵙ ⵓⵙⵉⵥⴻⴷ ⵏ ⵡⴰⵎⴰⵏ ⵏ ⵢⵉⵍⴻⵍ ⴷ ⵡⴰⵍⵍⵓⵙ ⵏ ⵓⵙⴻⵇⴷⴻⵛ ⵏ ⵡⴰⵎⴰⵏ ⵢⴻⵜⵜⵡⴰⵙⵙⵎⵓⴽⵏⴻⵏ, ⵔⵏⵓ-ⴰⵙ ⴰⵙⵍⴻⴷⴷⴻⵔ ⵏ ⵓⵙⴻⵏⴼⴰⵔ ⵏ ⵓⴳⴳⵓⴳ ⴰⵣⴻⴳⵣⴰⵡ ⵙ ⵜⴰⵔⵔⴰⵢⵜ ⵉ ⴷ-ⵢⴻⵜⵜⵉⵍⵉⵏ ⴳⴰⵔ ⵓⵎⴻⵏⵏⵓⵖ ⵎⴳⴰⵍ ⴰⵙⴻⴽⴽⵉ ⵏ ⵜⵏⴻⵥⵔⵓⴼⵜ ⴷ ⵓⵏⴻⴳⵎⵓ ⵏ ⵢⵉⵙⵓⵏⴻⵏ ⵉⵡⵎⴰⵣⵉⵔⴻⵏ. ⵢⴻⵔⵏⵉ ⵏⴻⵞⵞⵏⵉ ⵉⴷ ⵏ ⵓⵙⴻⴽⵎⴻⵍ ⵏ ⵓⵖⴰⵡⴰⵙ ⴰⵖⴻⵍⵏⴰⵡ ⵏ ⵓⵙⴻⵣⴳⵉ ⵢⴻⵜⵜⵡⴰⵖⴷⴻⵏ ⵉ ⵓⵙⴱⴰⴷⵓ ⵏ ⵜⵓⵣⵡⵉⵔⵉⵏ ⴷ ⵢⵉⵙⵔⴰⵜⴻⵏ.
ⵡⴰⵏⴰⴳ, ⵜⵉⵅⵅⵓⵜⴻⵔⵜ ⵏ ⵢⵉⵙⵔⴰⵜⴻⵏ-ⴰ ⵜⵓⵊⴻⵔ ⵙ ⵡⴰⵏⴻⵇⵇⴰⴹ ⵉⴽⴻⵜⵜⵓⵔⴻⵏ-ⵏⵏⴻⵖ ⵉⵖⴻⵍⵏⴰⵡⴻⵏ. ⵖⴻⴼ ⵡⴰⵎⵎⴰ ⵉ ⵏⴻⵇⵇⴰⵔ ⴱⴻⵍⵍⵉ ⵜⵓⴽⴽⵉⵜ ⵜⴰⵥⴻⵡⵔⴰⵏⵜ ⵓⵔ ⵜⴻⵣⵎⵉⵔ ⴰⵔⴰ ⴰⴷ ⵜⵉⵍⵉ ⴷ ⵜⵉⵏ ⵢⴻⵜⵜⵉⴷⵉⵔⴻⵏ ⵎⴰ ⵓⵔ ⵜⴻⵍⵍⵉ ⴰⵔⴰ ⴷ ⵜⵉⵏ ⵏ ⵜⵉⴷⴻⵜ, ⵢⴻⵔⵙⴻⵏ ⵖⴻⴼ ⵍⵍⵙⴰⵙ ⵏ ⵜⵎⴰⵙⵉⵜ ⵜⵓⴱⵍⵉⴳⵜ, ⵢⴻⵔⵏⵓ ⵜⴻⵣⵔⴻⴽ ⵉⴽⴰⵍⴰⵜⴻⵏ ⵏ ⵓⵏⴻⴳⵎⵓ ⵏ ⵜⵎⵓⵔⴰ ⵙ ⵓⵣⵔⴰⴽ ⵏ ⵜⵏⴰⵢⴰ-ⵏⵙⴻⵏⵜ, ⴰⵇⴰⴷⴻⵔ ⵏ ⵢⵉⵎⵉⵔⴻⵡⴻⵏ ⵏ ⵓⵙⵉⴷⵔⴻⵎ, ⵍⴰⴷⵖⴰ ⴷⴻⴳ ⵢⵉⵙⵡⵉⵔⴻⵏ ⵏ ⵓⵙⴻⵣⴳⵉ, ⴰⵙⴻⴽⴽⵉ ⵏ ⵜⴻⵙⵏⴰⵜⵡⵉⵍⵜ ⴷ ⵓⵙⴷⵓⵙⵓ ⵏ ⵢⵉⴽⴻⵜⵜⵓⵔⴻⵏ, ⴷ ⵜⴰⵡⵜⵉⵍⵜ ⵓⵔ ⵏⴻⵍⵍⵉ ⴰⵔⴰ ⵙ ⵎⴰⵜⵜⴰ ⴰⵔⴰ ⵏⴻⵙⵙⵏⴻⵔⵏⵉ ⴰⵙⵡⵉⵔ ⵏ ⵓⴳⴳⵓⵎ, ⵡⴰⵔ ⵢⴰⵍ ⴰⴽⴰⵜⴻⵏ ⵉⵏⴻⵣⵣⴰⵏⴻⵏ ⵉⵢⵉⵡⴰⵏⴻⵏ ⵙ ⵜⵓⴼⴼⵔⴰ ⵖⴻⴼ ⵓⵖⵉⵍⵉⴼ ⵏ ⵓⵏⴻⵣⵡⵉ ⵢⴻⵔⵏⵓ ⵜⴻⵜⵜⵇⴰⴷⴷⵉ-ⵜ ⴷ ⵜⴻⵡⵇⵉⵍⵜ.
  ⵜⵉⴼⴰⵣⵉⵢⵉⵏ, ⵉⵏⴰⵢⴰⵏⴻⵏ,
ⵓⵍⴰⵛ ⵜⴰⵎⵓⵔⵜ ⵉ ⵣⴻⵎⵔⴻⵏ ⴰⴷ ⵜⵇⴰⴱⴻⵍ ⴰⵛⵇⵉⵔⵔⴻⵡ ⴰⵏⴻⵣⵡⴰⵏ ⵙ ⵢⵉⵎⴰⵏ-ⵏⵏⴻⵙ, ⵖⴻⴼ ⵡⴰⵎⵎⴰ ⵢⴻⵙⵙⴻⴼⴽ ⴰⴷ ⵏⵓⴳⵉⵔ ⵖⴻⵔ ⵣⴷⴰⵜ ⵙ ⵜⴷⵓⴽⵍⵉ, ⴷⴻⴳ ⵓⴱⵔⵉⴷ ⵏ ⵓⵏⵎⵉⵔⴻⴳ ⴰⴷⴻⵜⵜⴰⵏ ⴷ ⵜⴻⵖⴷⴻⵎⵜ ⴷ ⵜⴰⴳⴰⴷⴷⴰ, ⵖⴻⵔ ⵜⵉⴳⴰⵡⵜ ⵜⴰⵏⴻⵣⵡⴰⵏⵜ ⵉ ⴷ-ⵢⴻⵜⵜⴻⵔⵔⴰⵏ ⵉⵎⵉⵔⴻⵡⴻⵏ ⵢⴻⵔⵏⵓ ⵓⵔ ⵜⵜⴻǧǧⴰ ⵓⵍⴰ ⴷ ⵢⴻǧ ⴷⴻⴼⴼⵉⵔ-ⵏⵏⴻⵙ, ⴷⵣⴰⵢⴻⵔ ⴰⴷ ⵜⴻⵇⵇⵉⵎ ⴷ ⵜⴰⵏⴻⴱⵍⴰⴳⵜ ⵢⴻⵎⵎⵉⵔⵡⴻⵏ ⴷⴻⴳ ⵜⵏⵉⵍⴰ-ⴰ, ⴷ ⵜⴰⴽⴷⵉⵜ ⵏ ⵍⵎⴰⵏⴻⵜ ⵉ ⵜⵉⵙⵓⵜⵡⵉⵏ ⵉ ⴷ-ⵢⴻⴳⴳⵓⵔⴻⵏ.
ⴰⴷ ⵡⴻⵏ-ⵉⵏⵉⵖ ⵜⴰⵏⴻⵎⵎⵉⵔⵜ ⵖⴻⴼ ⵓⵙⴻⴼⵍⴻⴷ-ⵏⵡⴻⵏ. ⵜⴰⵍⵡⵉⵜ ⴷ ⵜⵍⴻⵎⵎⵉⵃⵉⵏ ⵏ ⵢⵓⵛ ⴼⴻⵍⵍ-ⴰⵡⴻⵏ.