ⴱⴻⵛⵛⴰⵔ – ⵉⵡⴻⴽⴽⴻⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵏⴻ, ⴷⴻⴳ ⵡⴰⵙⵙ ⵏ ⵓⵙⴰⵎⴰⵙ, ⵙⴻⴳ ⵜⵡⵉⵍⴰⵢⵜ ⵏ ⴱⴻⵛⵛⴰⵔ, ⴱⴻⵍⵍⵉ ⴰⵥⵓⵏⵥⵓ ⵏ ⵓⴱⵔⵉⴷ ⴰⴱⵔⵓⵣⵣⵍⴰⵏ ⴰⵏⴰⵖⵣⴰⵏ ⵓⵜⵔⵉⵎ ⴳⴰⵔⴰ ⴷⵊⴱⵉⵍⴻⵜ-ⵜⵉⵏⴷⵓⴼ-ⴱⴻⵛⵛⴰⵔ ⴷ ⵜⴰⴽⴽⴰⵢⵜ ⵜⴰⵎⴻⵣⵡⴰⵔⵓⵜ ⵙⴻⴳ ⵜⴰⴽⴽⴰⵢⵉⵏ ⵏ ⵓⵙⴻⵏⴼⴰⵔ ⴰⵖⴻⵍⵏⴰⵡ ⴰⵎⴻⵚⴽⵉⵡⴰⵏ ⴰⴷ ⵉⴱⴻⴷⴷⴻⵍ ⴰⵡⵔ-ⴰ ⵓⴷⴻⵎ ⵏ ⵜⴻⵎⵏⴰⴹⵜ, ⵢⴻⵔⵏⵉ ⴰⴷ ⵢⴻⵡⵡⴻⵙ ⴷⴻⴳ ⵓⵙⴻⵎⵔⴻⵙ ⵏ ⵢⵉⵙⵡⴰⵏ ⵏ ⵜⵎⵓⵖⵍⵉⵡⵉⵏ ⵜⵉⴷⴰⵎⵙⴰⵏⵉⵏ ⵜⵉⵖⴻⵍⵏⴰⵡⵉⵏ.
ⵢⴻⵏⵏⴰ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴷⴻⴳ ⵡⴰⵡⴰⵍ-ⵏⵏⴻⵙ ⴷⴻⴳ ⵉ ⴷ-ⵢⴻⵙⵙⵉⴳ ⵖⴻⴼ ⵓⵥⵓⵏⵥⵓ ⵏ ⵓⵙⴻⵏⴼⴰⵔ-ⴰⵢⴰ ⴰⵙⵏⵓⴷⴷⵙⴰⵏ ⴰⵎⴻⵇⵇⵕⴰⵏ ⴱⴻⵍⵍⵉ ⴰⵥⵓⵏⵥⵓ ⵏ ⵓⴱⵔⵓⵣⵣⵍⴰⵏ-ⴰⵢⴰ ⴰⵏⴰⵖⵣⴰⵏ ⵓⵜⵔⵉⵎ ⴷ ⵜⴰⴽⴽⴰⵢⵜ ⵜⴰⵎⴻⵣⵡⴰⵔⵓⵜ ⵙⴻⴳ ⵜⴰⴽⴽⴰⵢⵉⵏ ⵏ ⵓⵙⴻⵏⴼⴰⵔ ⴰⵖⴻⵍⵏⴰⵡ ⵢⵓⴷⴷⵙⴻⵏ, ⴰⴷ ⵉⴱⴻⴷⴷⴻⵍ ⴰⵡⵔ-ⴰ ⵓⴷⴻⵎ ⵏ ⵜⴻⵎⵏⴰⴹⵜ ⵢⴻⵍⵍⴰⵏ ⴳⴳⵓⵔⴻⵏ ⴷⴻⴳ ⵓⵏⵥⵓⵍ-ⵏⵏⴻⵖ ⴰⵎⴻⵇⵇⵕⴰⵏ, ⵢⴻⵔⵏⵉ ⵢⴻⵡⵡⴻⵙ ⴷⴻⴳ ⵓⵙⴻⵎⵔⴻⵙ ⵏ ⵢⵉⵙⵡⴰⵏ ⵏ ⵜⵎⵓⵖⵍⵉⵡⵉⵏ-ⵏⵏⴻⵖ ⵜⵉⴷⴰⵎⵙⴰⵏⵉⵏ ⵜⵉⵖⴻⵍⵏⴰⵡⵉⵏ ⵖⴻⵔ ⵡⴰⵎⵎⴰⴷ ⵏ ⵜⵉⵖⴱⵓⵍⴰ ⵉⵄⴻⵔⵔⵎⴻⵏ ⴷⴻⴳ ⴳⴰⵔⴰ ⴷⵊⴱⵉⵍⴻⵜ, ⴰⴽⴽⴻⴷ ⴰⵛⵉⵔⵉ ⵏ ⵓⵏⴰⵖⴻⵣ ⵏ ⵓⵣⴰⵏⴳⵉⵡ ⴷ ⵓⵍⴷⵓⵏ ⴷⴻⴳ ⵓⵙⵓⴼ ⵏ ⴰⵎⵉⵓⵔ ⴷⴻⴳ ⴱⴳⴰⵢⴻⵜ ⴷ ⵓⵙⴻⵏⴼⴰⵔ ⵏ ⵓⵙⴻⴹⵔⴻⵡ ⵏ ⵓⴱⵔⵉⴷ ⴰⴱⵔⵓⵣⵣⵍⴰⵏ ⵏ ⵓⵏⴰⵖⴻⵣ ⵏ ⴱⵍⴰⴷ ⴰⵍ ⵀⴰⴷⴱⴰ ⴷ ⵓⵙⵏⵓⵢ ⴰⵏⴰⵖⵣⴰⵏ ⵏ ⴰⵏⵏⴰⴱⴰ.
ⴷⴻⴳ ⵡⴰⵜⵜⴰⵍ-ⴰⵢⴰ ⵢⴻⵙⵙⵏⴻⵎⵎⴻⵔ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵓⴽⴽ ⵉⵎⴰⵀⴰⵍⴻⵏ ⴷ ⵜⵣⴻⵎⵎⴰⵔ ⴷ ⵢⵉⴽⴰⵜⴰⵔⴻⵏ ⵉⵎⵙⴻⴼⵔⴰⴽⴻⵏ ⴰⴽⴽⴻⴷ ⵉⵎⴻⴷⴷⵓⴽⴻⵍ ⵉⵛⵉⵏⵡⴰⵜⴻⵏ ⵖⴻⴼ ⵓⵙⴻⴹⵔⴻⵡ-ⴰⵢⴰ ⴰⵎⴻⵣⵔⵓⵢⴰⵏ ⴷⴻⴳ ⵡⴰⴽⵓⴷ ⴰⵎⴻⵣⵣⵢⴰⵏ ⵢⴻⵅⵍⴻⴹ ⵖⴻⵔ 20 ⵏ ⵡⴰⵢⵢⵓⵔⴻⵏ.
ⴰⵔⵏⵓ ⵖⴻⵔ
