ⵢⴻⵙⵙⴻⵏⵜⴻⵎ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵓⵏⴻ, ⴷⴻⴳ ⵓⴳⴻⵞⴷⵉ ⵏ ⵓⵏⵢⵓⴷⴷⵓ ⵏ ⵓⵙⵇⴰⵎⵓ ⵏ ⵢⵉⵏⴻⵖⵍⴰⴼⵉⵏ ⵉ ⵢⴻⵙⵙⴻⵍⵡⵉ ⵡⴰⵙⵙ-ⴰ ⵏ ⵍⵀⴻⴷ, ⴱⴻⵍⵍⵉ ⴰⵊⴻⵔⵔⵉⴷ ⵏ ⵜⵎⴰⵛⵉⵏⵜ (ⵛⵀⴻⵎⵉⵏ ⴷⴻ ⴼⴻⵔ) ⵏ ⵓⵙⵜⵔⴰⵜⵉⴳⵉ ⵉ ⵢⴻⵙⵙⵉⵡⴰⵢⴻⵏ ⴳⴰⵔ ⵜⴰⵎⴻⵏⵖⴰⵙⵜ ⴷ ⵓⴳⴰⴼⴰ ⵏ ⵜⵎⵓⵔⵜ ⴷ ⵢⵉⵡⴻⵏ ⵏ ⵓⴼⴰⵔⵉⵙ ⴰⵎⴻⵇⵇⵔⴰⵏ ⴷⴻⴳ ⵓⵎⴻⵣⵔⵓⵢ ⵉ ⵍⴻⵣⵣⴰⵢⴻⵔ ⵜⴰⵎⴻⵔⴱⴻⵃⵜ.
ⵉⵙⴻⴳⵣⵉ-ⴷ ⵓⴷⵢⴰⵏ ⵏ ⵓⵙⵇⴰⵎⵓ ⵏ ⵢⵉⵏⴻⵖⵍⴰⴼⵉⵏ ⴱⴻⵍⵍⵉ ⴰⵊⴻⵔⵔⵉⴷ-ⴰⴳⵉ ⵉⵣⴻⵔⵔⵉⵏ ⵖⴻⴼ ⵍⴻⵖⵡⴰⵟ, ⵖⴻⵔⴷⴰⵢⴰ, ⵍⴻⵎⵏⵉⵄⴰ ⴷ ⵉⵏ ⵙⴰⵍⴰⵃ, ⴷ "ⴰⵊⴻⵔⵔⵉⴷ ⵏ ⵓⵙⵜⵔⴰⵜⵉⴳⵉ ⵢⴻⵔⵏⴰ ⴷ ⵜⴰⵎⴻⵣⵡⵓⵔⵉⵜ ⵏ ⵜⵎⴻⵣⵡⵓⵔⴰ". ⵉⵍⴰⵇ ⴰⴽⴽ ⵍⵯⴻⵀⴷ ⵉ ⵓⴽⵎⴻⵍ ⵏ ⵓⵙⴻⵏⴼⴰⵔ-ⴰⴳⵉ ⵉⵡⴰⴽⴽⴻⵏ ⴰⴷ ⴷ-ⵢⴻⴽⵛⴻⵎ ⴰⵎⴻⵀⵍⴰⵏ ⴷⴻⴳ ⵜⴰⴳⴳⴰⵔⴰ ⵏ ⵓⵙⴻⴳⴳⴰⵙ ⵏ 2028.
ⵙⴻⴳ ⵜⴰⵎⴰ ⵏⵏⵉⴹⴻⵏ, ⵖⴻⴼ ⵓⵊⴻⵔⵔⵉⴷ ⵏ ⵜⵎⴰⵛⵉⵏⵜ ⵏ ⵓⴱⵉⵕⵓⵏ (ⵎⵉⵏⵉⴻⵔ) ⴱⴻⵍⴰⴷ ⵍⵃⴻⴷⴱⴰ - ⵡⵓⴻⴷ ⴻⵍ ⴽⴻⴱⵔⵉⵜ - ⴰⵙⴰⴳⵡⴻⵏ ⵏ ⵄⴻⵏⵏⴰⴱⴰ, ⴰⵙⴻⵍⵡⴰⵢ ⵢⴻⵙⵏⴻⵎⵎⴻⵔ "ⵓⵔⵓⵔⴻⴷ ⵏ ⵢⵉⵎⴻⵀⵍⴰⵏ ⵉⵡⴰⴽⴽⴻⵏ ⴰⴷ ⵢⴻⵜⵜⵡⴰⵙⴻⵍⵍⴻⵎ ⴷⴻⴳ ⵍⵡⴻⵇⵜ-ⵉⵙ, ⵢⴻⵔⵏⴰ ⵓⴼⴰⵔⵉⵙ ⴰⴷ ⵢⴻⴱⴷⵓ ⴷⴻⴳ ⵡⴰⴳⴳⵓⵔ ⵏ ⵎⴻⵖⵔⴻⵙ 2027".
ⵙ ⵜⵎⴻⵔⵏⵉⵡⵜ ⵏ ⵙⵉⵏ ⵏ ⵢⵉⵙⴻⵏⴼⴰⵔⴻⵏ-ⴰⴳⵉ ⵏ ⵓⵙⵜⵔⴰⵜⵉⴳⵉ, ⴰⵙⵇⴰⵎⵓ ⵏ ⵢⵉⵏⴻⵖⵍⴰⴼⵉⵏ ⵉⵡⴰⵍⴰ ⴰⵙⵡⵉⵔ ⵏ ⵓⵙⴱⴻⴷⴷⵉ ⵏ ⵓⵔⵚⵉⴼ ⵏ ⵍⵎⴻⵏⵊⴰⵎ ⴷⴻⴳ ⵓⵏⴰⴳⵔⴰⵡ ⵏ ⵓⵙⵏⴻⵔⵏⵉ ⵏ ⵓⵙⴰⴳⵡⴻⵏ ⵏ ⵄⴻⵏⵏⴰⴱⴰ.
