ⵜⴱⴻⵔⵔⴰ-ⴷ ⵜⵙⴻⵇⵇⵓⵎⵜ ⵏ ⵓⵙⴻⴷⴷⴻⵙ ⵏ ⵢⵉⵎⴻⵀⵍⴰⵏ ⵏ ⵍⴱⵓⵕⵚⴰ ⴷ ⵓⴹⴼⴰⵔ-ⵉⵙ (ⵛⵓⵙⵓⴱ), ⴷⴻⴳ ⵓⴷⵢⴰⵏ-ⵉⵙ ⵏ ⵡⴰⵙⵙ-ⴰ ⵏ ⵜⵜⵍⴰⵜⴰ, ⴱⴻⵍⵍⵉ ⵜⴻⵙⵙⵓⴼⴼⴻⵖ-ⴷ ⵎⴰⵙⵜⴻⵔ ⴰⵣⵣⵓⵍⴰⵏ ⴰⵎⴻⵏⵣⵓ ⵉⵎⵓⵣⵣⴻⴳ ⴷⴻⴳ ⵙⵙⵓⵇ ⵏ ⵢⴻⴷⵔⵉⵎⴻⵏ ⵏ ⵜⵏⴻⵙⵍⴻⵎⵜ, ⵙⴻⴳ ⵓⵏⴻⴽⵛⵓⵎ ⴰⵙⴷⴰⵡⴰⵏ 2026-2027, ⵙ ⵓⵏⵢⵓⴷⴷⵓ ⴰⴽⴽⴻⴷ ⵜⵏⴻⵖⵍⴰⴼⵜ ⵏ ⵓⵙⴻⵍⵎⴻⴷ ⵓⵏⵉⴳ ⴷ ⵓⵏⴰⴷⵉ ⴰⵎⴰⵙⵙⴰⵏ.
ⴰⵙⴻⵏⴽⴻⵔ ⵏ ⵓⵙⵉⵍⴻⵖ-ⴰⴳⵉ ⵢⵓⵙⴰ-ⴷ ⵙ ⴷⴷⴰⵡ ⵏ ⵔⵔⴰⵢ ⵓⵟⵟⵓⵏ 45 ⵏ ⵡⴰⵙⵙ ⵏ 3 ⵛⵜⴻⵎⴱⴻⵔ 2026 ⵉ ⴷ-ⵢⴻⴼⴼⵔⴻⵏ ⵙⴻⴳ ⵓⵏⴻⵖⵍⴰⴼ ⵏ ⵓⵙⴻⵍⵎⴻⴷ ⵓⵏⵉⴳ.
ⵜⴰⵙⴻⵇⵇⵓⵎⵜ ⵛⵓⵙⵓⴱ ⴰⴷ ⵜⴻⵙⵙⴻⵍⵡⵉ ⴰⵙⴻⵍⵍⴻⴽ ⴷ ⵓⴹⴼⴰⵔ ⵏ ⵓⵙⵉⵍⴻⵖ-ⴰⴳⵉ ⵙ ⵓⵏⵢⵓⴷⴷⵓ ⴰⴽⴽⴻⴷ ⵜⴰⵙⴷⴰⵡⵉⵜ ⵏ ⵍⴻⵣⵣⴰⵢⴻⵔ 3 ⴷ ⵡⴰⵎⵎⴰⵙ ⵏ ⵓⵙⵉⵍⴻⵖ ⵏ ⵍⴱⴻⵏⴽ, ⵉ ⵓⵟⵎⴰⵏ ⵏ ⵡⵉⴷⴻⵏⴻⴷ ⴳⴰⵔ ⵓⵙⴻⴷⴷⴻⵙ ⴰⵙⴷⴰⵡⵉⵢ ⴷ ⵜⵎⵓⵙⵏⵉ ⵜⴰⵣⵣⵓⵍⴰⵏⵜ ⴷⴻⴳ ⵡⴰⵏⵏⴰⵔ ⵏ ⵙⵙⵓⵇ ⵏ ⵢⴻⴷⵔⵉⵎⴻⵏ ⵏ ⵜⵏⴻⵙⵍⴻⵎⵜ.
ⵎⴰⵙⵜⴻⵔ-ⴰⴳⵉ, ⵉ ⴷ-ⵢⴻⵜⵜⴰⴽⴽⴻⵏ 60 ⵏ ⵢⵉⵎⵓⴽⴰⵏ ⵏ ⵜⵃⴻⴷⴰⴳⵓⵊⵉⵜ, ⵢⴻⵇⵇⴻⵏ ⵙ ⵍⵍⵙⴰⵙ ⵖⴻⵔ ⵢⵉⵣⵣⵓⵍⴰⵏⴻⵏ ⴷ ⵢⵉⵎⴰⵙⵡⴰⵢⴻⵏ ⵏ ⵓⵃⵔⵉⵛ ⵏ ⵢⴻⴷⵔⵉⵎⴻⵏ.
ⴰⵙⵉⵍⴻⵖ-ⴰⴳⵉ ⴰⴷ ⵉⴽⴻⵎⵎⴻⵍ ⵙⵉⵏ ⵏ ⵢⵉⵙⴻⴳⴳⴰⵙⴻⵏ, ⴷⴻⴳ-ⵙ ⵜⵉⴷⴷⵉⵢⵉⵏ ⵏ ⵜⵓⵙⵙⵏⴰ ⴷ ⵜⵉⴷ ⵏ ⵡⴰⵏⵏⴰⵔ, ⵙ ⵓⴼⵓⵙ ⵏ ⵢⵉⵙⴻⵍⵎⴰⴷⴻⵏ ⵏ ⵜⴻⵙⴷⴰⵡⵉⵜ ⴷ ⵢⵉⵎⵓⵣⵣⴰⴳ ⵉⵍⴰⵏ ⵜⵎⵓⵙⵏⵉ ⴷⴻⴳ ⵜⴷⴰⵎⵙⴰ ⵏ ⵜⵏⴻⵙⵍⴻⵎⵜ.
ⴰⵔⵏⵓ ⵖⴻⵔ
