ⴰⵖⵍⵉⴼ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ, ⵜⴰⵡⴰⵛⵓⵍⵜ ⴷ ⵜⴻⵎⵙⴰⵍ ⵏ ⵜⵎⴻⵟⵟⵓⵜ, ⴷⴻⴳ ⵢⵉⵡⴻⵏ ⵏ ⵡⴻⵍⵖⵓ, ⴰⵙⵙ ⵏ ⵍⴰⵕⴻⴱⵄⴰ, ⵉⵄⴻⵢⵢⴻⵏⴷ ⵓⵍⴷⴰⵢ ⵏ ⵜⴻⵡⵡⵓⵔⵜ ⵏ ⵓⵙⵙⴻⵎⵔⴻⵙ ⵏ ⴱⴻⵕⵕⴰ ⵉ ⵍⴼⴰⵢⴷⴰ ⵏ 684 ⵏ AONA ⴰⵢ ⵢⴻⵜⵜⵡⴰⵇⴻⴱⵍⴻⵏ, ⵙ ⵢⵉⵙⵡⵉ ⵏ ⵓⵙⵙⴻⵍⵀⵓ ⵏ ⵓⵎⴻⵥⵍⵓ ⴰⵢ ⴷⵢⴻⵜⵜⵓⵏⴻⴼⴽⴻⵏ ⵉ ⵜⵖⴰⵡⵙⵉⵡⵉⵏ ⵢⴻⵎⴳⴻⵔⵔⴰⴷⴻⵏ ⴰⵢ ⴷⵢⴻⵙⴼⴰⵢⴷⵉ ⵓⴳⵣⵓⵎⴰ.
ⴰⵖⴱⴰⵍⵓⴰ ⵢⴻⵙⵙⴻⴼⵀⴻⵎⴷ, ⴰⴽⴰⵍⴰ ⵏ ⵓⵙⵙⴻⵎⵔⴻⵙ « ⴰⴷ ⵢⵉⵍⵉ ⵙ ⵍⴻⵄⵇⴻⴷ ⵓⵔ ⵢⴻⵜⵜⵡⴰⵄⴻⵟⵟⵍⴻⵏ ⴰⵔⴰ ⵙ ⵡⴰⴽⵓⴷ ⴰⴽⴽ ⴷⴻⴳ ⵓⵙⵡⵉⵔ ⵏ ⵜⴻⴷⴱⴻⵍⵜ ⵜⴰⵍⴻⵎⵎⴰⵙⵜ, ⵜⵉⵎⴻⵀⵍⵉⵡⵉⵏ ⵏ ⵓⵡⴰⵏⴰⴽ ⵏ ⵍⴻⵇⴷⵉⵛ ⴰⵏⵎⴻⵜⵜⵉ ⴷ ⵜⴷⵓⴽⵍⵉ, ⵜⵉⴷⴷⵓⴽⵍⵉⵡⵉⵏ ⵜⵉⵎⴻⵣⵡⵓⵔⴰ, ⵉⵍⴻⵎⵎⵓⵙⴰ ⵏ ⵓⵙⵙⴻⴱⴷⴻⴷ ⴰⵖⴻⵍⵏⴰⵡ ⴷ ⵜⴻⵙⴷⴰⵡⵉⵢⵉⵏ ⵏ ⵓⵙⵙⵡⴰⵢ ».
ⵜⴰⵎⵀⴻⵍⵜⴰ ⵜⴻⵔⵣⴰ ⴷⴰⵖ « ⵉⵍⴻⵎⵎⵓⵙⴰ ⵉⵖⴻⵍⵏⴰⵡⴻⵏ ⵏ ⵓⵎⵎⴰⴳⴻⵔ ⵏ ⵜⵍⴰⵡⵉⵏ ⵢⴻⵜⵜⵡⴰⴹⴹⴼⴻⵏ ⵙ ⵜⴻⴽⵔⵉⴹⵜ ⴷ ⵜⵍⴰⵡⵉⵏ ⵜⵉⵎⴻⴹⴹⵓⵔⴼⴰ, ⴰⵎⵎⴰⵙ ⴰⵖⴻⵍⵏⴰⵡ ⵏ ⵜⴻⵣⵔⴰⵡⵉⵏ, ⴰⵙⴻⵍⵖⵓ ⴷ ⵓⵙⵙⴻⴽⵍⴻⵙ ⵖⴻⴼ ⵜⵡⴰⵛⵓⵍⵜ, ⵜⵉⵍⴰⵡⵉⵏ ⴷ ⵜⴻⵎⵥⵉ, ⵏⵏⴼⴻⵄ ⵏ ⵜⴻⵖⵍⴰⵎⵉⵏ ⵏ ⵓⵄⴰⵡⴻⴷ ⵏ ⵜⵖⴰⵡⵙⵉⵡⵉⵏ ⵢⴻⵜⵜⵡⴰⵙⵇⴻⴷⵛⴻⵏ ».
ⵢⴻⵏⵏⴰⴷ ⵓⵖⵍⵉⴼ ⴷⴰⴽⴽⴻⵏ « ⴰⵙⴻⴽⵛⴻⵎ ⴰⴷ ⴷⵢⵉⵍⵉ ⵙ ⵜⴻⵎⵙⵉⵣⵣⴻⵍⵜ ⵖⴻⴼ ⵍⵍⵙⴰⵙ ⵏ ⵓⴽⴰⵢⴰⴷ ⴰⵅⴻⴷⴷⴰⵎⴰⵏ ⵢⴻⵜⵜⵡⴰⴼⴻⵔⵇⴻⵏ ⵖⴻⴼ ⵢⵉⴹⴰⵔⵔⴻⵏ ⴰⵢ ⴷⵢⴻⵜⵜⵡⴰⵙⵎⴻⴽⵜⵉⵏ ⵙ ⵓⵙⵎⴻⵍ :
ⵜⴻⵏⵏⴰⴷ ⴷⴰⴽⴽⴻⵏ ⴰⵇⴻⴷⴷⵉⵛ ⵏ ⵢⵉⴼⴰⵢⵍⵓⵜⴻⵏ ⵢⴻⵍⵍⴰⴷ ⴷⴻⴳ ⵓⵙⵡⵉⵔ ⵏ ⵜⴻⵙⴷⴰⵡⵉⵢⵉⵏ ⴷ ⵢⵉⵖⵍⵉⴼⴻⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⵏ ⵓⵙⵙⴻⴽⵛⴻⵎ ⵏ ⵢⵉⵅⴻⴷⴷⴰⵎⴻⵏ ⵙⴻⴳ ⵡⴰⵙⵙ ⵏ ⵍⵃⴻⴷⴷ 27 ⵟⵓⴱⴻⵔ, ⵢⴻⵔⵏⵓ ⴷⴻⴳ ⵜⴳⴰⵔⴰ ⵏ 20 ⵏ ⵡⵓⵙⵙⴰⵏ.
ⴰⵔⵏⵓ ⵖⴻⵔ
