ⴰⵏⴻⵖⵍⴰⴼ ⵏ ⵜⴻⵖⴷⴻⵎⵢⵜ ⵃⴰⴼⵉⴷ ⵏ ⵜⵜⴰⴱⴻⵄ, ⵍⵓⵟⴼⵉ ⴱⵓⵊⴻⵎⵄⴰ, ⵢⴻⵙⵙⴻⵖⵔⴻⵜ ⵡⴰⵙⵙ-ⴰ ⵏ ⵓⵢⵏⴰⵙ, ⴷⴻⴳ ⵓⵖⴻⵔⴱⴰⵣ ⴰⵏⴰⵎⵓⵔ ⵏ ⵢⵉⵒⴻⴷⴷⴰⵎⴻⵏ ⵏ ⵜⴷⴻⴱⵔⵉⵜ ⵏ ⵍⵃⴻⴱⵙ ⴷⴻⴳ ⵍⴻⵇⵍⵉⵄⴰ, ⴰⵙⴻⴼⴼⵓ ⵏ ⵜⵙⴻⴷⵎⵉⵡⵉⵏ ⵏ ⵢⵉⴹⵓⴱⴱⴰⵟ ⵉⵎⴻⵇⵇⵔⴰⵏⴻⵏ, ⵢⵉⴹⵓⴱⴱⴰⵟ ⴷ ⵢⵉⵎⵄⴰⵡⵏⴻⵏ ⵏ ⵓⵙⵙⴻⵖⵜⵉ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵏⴼⵓⵢ ⵏ ⵜⵏⴻⵖⵍⴰⴼⵜ.
ⵢⴻⵔⵏⴰ-ⴷ ⵍⵎⴻⵔⵊⴻⵄ-ⵏⵏⵉ ⴱⴻⵍⵍⵉ ⵜⵉⵙⴻⴷⵎⵉⵡⵉⵏ-ⴰⴳⵉ ⵙⵄⴰⵏⵜ 1672 ⵏ ⵢⵉⵏⴻⵍⵎⴰⴷⴻⵏ, ⴳⴰⵔ-ⴰⵙⴻⵏ 55 ⵏ ⵢⵉⴹⵓⴱⴱⴰⵟ ⵉⵎⴻⵇⵇⵔⴰⵏⴻⵏ ⵏ ⵓⵙⵙⴻⵖⵜⵉ, 88 ⵏ ⵢⵉⴹⵓⴱⴱⴰⵟ ⵏ ⵓⵙⵙⴻⵖⵜⵉ ⴷ 1529 ⵏ ⵢⵉⵎⵄⴰⵡⵏⴻⵏ ⵏ ⵓⵙⵙⴻⵖⵜⵉ ⵉ ⵉⴹⴻⴼⵔⴻⵏ ⴰⵙⵉⵍⴻⵖ ⵏ 12 ⵏ ⵡⴰⵢⵢⵓⵔⴻⵏ ⴳⴰⵔ ⵜⵖⵓⵔⵉ ⵏ ⵜⴻⵔⵢⵓⵏⵉⵜ ⴷ ⵍⴻⵇⴷⵉⵛ ⵏ ⵏⵏⵉⵢⴰ.
ⵢⵉⵏⴻⵍⵎⴰⴷⴻⵏ-ⴰⴳⵉ ⵙⵄⴻⴷⴷⴰⵏ ⴰⵀⵉⵍ ⵏ ⵓⵙⵉⵍⴻⵖ ⵉ ⴷ-ⵢⴻⴷⴷⵓⵏ ⴷ ⵡⴰⵢⴻⵏ ⵉ ⴷ-ⵜⴻⵔⵔⵉ ⵜⴻⵎⵙⴰⵍⵜ ⵏ ⵓⵙⵙⴻⵖⵜⵉ ⵏ ⵍⵃⴻⴱⵙ ⴷⴻⴳ ⵓⴱⵔⵉⴷ ⵏ ⵓⵙⵙⴻⵜⵔⴰⵔ ⵏ ⵜⴷⴻⴱⵔⵉⵜ ⴷ ⵜⵎⴰⵍⵉⵢⵜ ⵏ ⵜⵎⴻⵜⵜⵉⵢⵉⵏ ⵏ ⵍⵃⴻⴱⵙ ⴷ ⵓⵙⵏⴻⵔⵏⵉ ⵏ ⵍⴻⵇⴷⵉⵛ ⵏ ⵓⵙⵙⴻⴳⵎⵉ, ⵏ ⵜⴷⴰⵡⵙⴰ ⴷ ⵜⵏⴻⴼⵙⵉⵜ ⵉ ⵢⵉⵎⴻⵃⴱⵓⵙⴻⵏ ⵉⵡⴰⴽⴽⴻⵏ ⴰⴷ ⵀⴻⴳⴳⵉⵏ ⵜⵓⵖⴰⵍⵉⵏ-ⵏⵙⴻⵏ ⵖⴻⵔ ⵜⵎⴻⵜⵜⵉ ⴷ ⵍⵇⴻⴷⴷ ⵏ ⵜⴻⵔⵢⵓⵏⵉⵜ ⵜⴰⴳⵔⴰⵖⵍⴰⵏⵜ ⵏ ⵓⵒⴰⴷⴻⵔ ⴷ ⵓⵇⴰⴷⴻⵔ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵏⴼⵓⵢ.
ⴰⵔⵏⵓ ⵖⴻⵔ
