ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴷⵉⵏ ⴰⴽⴽⴻⴷ ⵍⴻⵡⵇⴰⴼ, ⵢⵧⵓⵛⴻⴼ ⴱⴻⵍⵎⴻⵀⴷⵉ, ⵢⴻⴱⴷⴰ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⵙ ⵡⵓⴷⴻⵎ ⵓⵏⵚⵉⴱ, ⵜⵓⵣⵣⵢⵉⵡⵉⵏ ⵜⵉⵖⴻⵍⵏⴰⵡⵉⵏ ⵏ ⵓⵙⴻⵜⵜⴻⴼ ⵉ ⵜⴻⵥⵔⵉⴳⵜ ⵜⵉⵙ 22 ⵏ "ⵡⴰⵔⵔⴰⵣ ⵏ ⵍⴷⵣⴰⵢⴻⵔ ⵉ ⵓⵃⴼⴻⴼ ⴷ ⵓⵊⴻⵡⴷ ⵏ ⵍⴻⵇⵔⴰⵏ ⵉⵎⵇⴻⴷⴷⴻⵙ". ⵜⵉⵎⵙⵉⵣⵡⴻⵔⵜ-ⴰ ⵜⴻⵜⵜⵉⵍⵉ-ⴷ ⴷⴷⴰⵡ ⵍⴻⵄⵏⴰⵢⴰ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵏ. ⵢⴻⵙⵙⴻⴳⵣⴰ-ⴷ ⵓⵖⵍⵉⴼ ⴷⴰⴽⴽⴻⵏ ⵜⵓⵣⵣⵢⵉⵡⵉⵏ-ⴰ ⵏ ⵓⵄⴻⴷⴷⵉ ⴰⴷ ⴷ-ⵉⵍⵉⵏⵜ ⵖⴻⴼ ⴽⵔⴰⴹ ⵏ ⵡⵓⵙⵙⴰⵏ ⵙ ⵓⵜⵜⴻⴽⴽⵉ ⵏ ⵢⵉⵎⴰⵣⵡⴰⵔⴻⵏ ⵙⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵜⵎⵓⵔⵜ, ⴷⴷⴰⵡ ⵕⵕⴰⵢ ⵏ ⵢⵉⵡⴻⵜ ⵏ ⵜⴻⵙⵎⵉⵍⵜ ⵏ ⵓⵏⴻⵣⵔⴰⴼ ⵢⴻⵎⵎⵓⵣⵣⴳⴻⵏ ⴷⴻⴳ ⵢⵉⵍⵓⴳⴰⵏ ⵏ ⵓⵊⴻⵡⴷ ⴷ ⵜⵖⵓⵔⵉ ⵏ ⵍⴻⵇⵔⴰⵏ. ⵜⵉⵎⵙⵉⵣⵣⴻⵍⵜⴰ ⵜⴻⵍⵍⴰⴷ ⴷⴻⴳⵙ ⴽⵔⴰⴹⵜ ⵏ ⵜⵖⴰⵡⵙⵉⵡⵉⵏ: "ⵜⴰⵎⵙⵉⵣⵣⴻⵍⵜ ⵜⴰⵖⴻⵍⵏⴰⵡⵜ ⵏ ⵓⵃⴻⴼⴼⴰⴹ, ⴰⵖⴻⵔⵔⵓ ⴷ ⵓⵙⵙⴻⴼⵀⴻⵎ ⵏ ⵍⴻⵇⵔⴰⵏ ⴰⵇⴱⵓⵔ", "ⵜⴰⵎⵙⵉⵣⵣⴻⵍⵜ ⵏ ⵓⵙⵙⴻⴱⵖⴻⵙ ⵏ ⵢⵉⵍⴻⵎⵥⵉⵢⴻⵏ ⵉⵃⴻⴼⴼⴹⴻⵏ", ⴷ "ⵜⴰⵎⵙⵉⵣⵣⴻⵍⵜ ⵜⴰⴳⵔⴰⵖⵍⴰⵏⵜ ⵏ ⵓⵃⴻⴼⴼⴰⴹ ⴷ ⵓⵖⴻⵔⵔⴰⴱⵓ ⵏ ⵍⴻⵇⵔⴰⵏ ⴰⵇⴱⵓⵔ". ⵜⵉⵎⵙⵉⵣⵣⴻⵍⵜⴰ ⵜⴰⴳⵔⴰⵖⵍⴰⵏⵜ ⵙⵙⴻⴼⵔⴰⵏ ⴰⴷ ⴷⵜⵉⵍⵉ ⴷⴻⴳ ⵡⴰⵢⵢⵓⵔ ⵏ ⵔⴰⵊⴰⴱ ⵏ 1448 ⵀⵉⵊⵉⵕⴰ, ⵢⴻⵔⵏⵓ ⴰⴷ ⴷⵜⵉⵍⵉ ⴷⴻⴳ ⵡⴰⴽⵓⴷ ⴰⵢⴷⴻⴳ ⴰⵔⴰ ⴷⵢⵉⵍⵉ ⵓⵙⵎⴻⴽⵜⵉ ⵏ ⵉⵙⵔⴰ ⴷ ⵎⵉⵄⵕⴰⵊ (ⴰⵙⵉⴽⴻⵍ ⵏ ⵢⵉⴹ ⵏ ⵏⵏⴱⵉ ⴷ ⵓⵙⵙⴻⴽⵛⴻⵎⵏⵏⴻⵙ ⵖⴻⵔ ⵢⵉⴳⴻⵏⵏⵉ), ⵎⴰ ⴷ ⵜⵉⵎⵙⵉⵣⵣⴻⵍⵜ ⵜⴰⵖⴻⵍⵏⴰⵡⵜ ⴷ ⵜⴻⵎⵙⵉⵣⵣⴻⵍⵜ ⵏ ⵓⵙⵙⴻⴱⵖⴻⵙ ⵏ ⵢⵉⵍⴻⵎⵥⵉⵢⴻⵏ ⴰⵢ ⵢⴻⵜⵜⵃⴻⴼⴹⴻⵏ ⴰⴷ ⴷⵉⵍⵉⵏⵜ ⴷⴻⴳ ⵡⴰⵢⵢⵓⵔ ⵏ ⵔⴰⴷⴰⵏ ⴰⵢ ⴷⵢⴻⵍⵍⴰⵏ ⴷ ⴰⵖⴻⵔⴼⴰⵏ. ⵜⴰⴷⵢⴰⵏⵜⴰ ⵜⴰⵇⵔⴰⵏⵉⵜ ⵜⴻⵍⵍⴰⴷ ⴷⴻⴳ ⵓⴽⴰⵜⴰⵔ ⵏ ⵡⵓⵙⵙⵉⵙⴻⵏ ⵏ ⵡⴻⵖⵍⵉⴼ ⵏ ⵢⵉⵡⴻⵥⵍⴰ ⵏ ⴷⴷⵉⵏ ⴷ ⵍⴻⵡⵚⴰⵢⴰⵜ ⵉ ⵍⵎⴻⵏⴷ ⵏ « ⵓⵙⵙⴻⵊⵀⴻⴷ ⵏ ⵓⵃⴻⵣⵣⴻⴱ ⵖⴻⴼ ⵍⴻⵇⵔⴰⵏ ⴰⵇⴱⵓⵔ ⴷ ⵓⵙⵙⴻⴱⵖⴻⵙ ⵏ ⵡⵉⴷ ⴰⵢ ⵜⵢⴻⵃⴼⴹⴻⵏ ».

